ماذاآ ستطبخين اليوم " آنستي _سيدتي" الجزء °°30°°

[ام شيماء]

مصحتكم يا لبنات وربي يقوي الخير فطوري اليوم كان فول مقلي _الحوت _الفريت _سلاطة الخس _وتمر والحمد الله على النعمة لكان يا اختي فريدة رسلتيلي خبزة من هداك الخبز الدار تكمل بالكامل امممممم الله يعطيك الصحة يا الفحلة ربي يفرحك بالاولاد يااااااااااااااااااارب

 

[nada242008]

فوفة وصفتي فيها ثوم مفروم مع ملح وفلفل احمر حار وراس الحانوت وكمون تقليهم في شوية زيت ومن بعد حبة طماطم مرابية وتكون طايبة وشوي طماطم مصبرة وتلوحي الفول المقشر ومع تبداي تحركي يتهرا ويذوب في لاصوص ديريه على نار هادية وتغطي عليه ومن بعد كي تخثار طفي عليه مع عصرة قارص ودبشة مقطعة
سارة بربوشة تشهي امممممممممم تبان تاع مغاربة من الديكور :up: والمبسس هايل بصحتكم
ام شيما صحا غداك
انا كنت معولة على بيتزا خرجت نجيب الثوم لقيت البرررررررد مالا دورتها جاري فريك وخبز الدار

صحا غداكم
​

 

[عفاف الجزائرية]

انا وراسكم عيطو عني نحط شويا طباسا راهم يتسناو غير العرض
عجزت قعدت غير نشوف فيكم ونجاميكم برك
​

 

[*Sarah Dz*]

حالياً الأعضاء النشيطين الذين يشاهدون هذا الموضوع : 35 (15 عضو و 20 ضيف) ‏*sarah dz*, ‏nada242008, ‏om mima, ‏samah06, ‏rafiness, ‏عفاف الجزائرية+, ‏nono_02, ‏beso&7ano, ‏ام شيماء, ‏روعة2005, ‏fatima der, ‏كوثر الوهرانية, ‏عقد اللؤلؤ, ‏wassila21, ‏sarah11
صح فطوووركم حبيباتي
***
الله يسلمك ندووووووش
خبز الدار راه يشهي يا قلبي
يعطيك الصحة
​

 

[samah06]

السلام عليكم ورحمة ابلله
راني جيت نطل على حباباتي وكاشما نسرق من عندهم ندير لعشا للاولاد
ندوش بصحتكم التحويسة
وانا اليوم راني غير وحدي في البيت تغديت سلاطة تاع بطاطا وخيار والاولاد راهم في الماناج تاع باتنة
وانارا ني ننعس مع تفتات الشخشوخة راني ندير في العولة
قلقت منها جيت نحوس
بصحتكم طيابكم يشهي وهاداك الخبز تاع فريدة يهبل والا البربوشة ثاني تسخف
ابتسام طابلتك اليوم غايبا

 

[imane27]

صح فطوركم لبنات يعطيك الصحة
ندى بصحتكم تحويسة وفطورك يشهى امممممممممممم مع صباح
سارة طاعم وعليه لكلام ومتقبة هايلة بصحتكم

 

[ام قصي]

اغدايا اغرايف
بغرير
ميل ترو :up:
​

 

[ibtesem]

مساء الخيرات عليكم يافحلات بلادي الله الله كون الواحد جا شاطر رانا في اطبعة الخامسة
من كتاب المطبخ اللماوي
اولا نبداو بصحاب التحواس بصحتكم التحويسة اممم مع الجمعة لعشية
سارة دي زي كسكسي اشهي مع المبسس نقصاتو كمية تاي
بصحتك ام رؤود الجاري والخبز
ام شيمومة بصحتكم
فوفو اليوم فول مدمس انا عولت على كشري ههههه
سموحة البارح مكانش طابلة كل واحد هز في يدو وكلاو البرى
فوفوتي امسحي الغبرة من كاميرتك رانا نستناو
من نفس المصدر تاع فرودة
طبقت المسمن مخمر انا عمرتو جا يم يمي
تاني جربت لابات فيتي
نشكر الاخت جزاها الله كل خير

بصحت الجميع
زيزو اي ميس يو
​

 

[ibtesem]

هدي شوية تاع كراميش للاولادكم ههههههههههههه

فوفتي ايا حطي تصاور​

 

[روعة2005]

سارة الله يبارك ديكور بربوشتك هااايل ميهونش يفسد والمبسس رووعة خص غير كاس تاي منعنع ممممممممم
فوفة شفتي ذاك البرد مام انا درت عيش نهاره مع الحمان لي جاي
وغداك يشهي غداء عراسي خخخخخخ بصحتكم لحبيبة ومرسي على الوصفة غدوة ندير راجلي جاب حوايج البيتزا وقالي نتعشاو بيتزا
بسومة الله يبارك كي المسمن كي البات فايتي يسخفو هاتي لاغوسات طبعاااااااااااااا
وصح توحشنا زيزو شفتي خلات فراغ بردودها الحلوة
سماح ربي يعاونك وبصحتهم لولاد
سرور غرايف تشهي بصحتكم
جاء عيش بنيييين ويشهي تاع الصح كلاو بلا حساب بصحتهم وليداتي هههههههه كتبت اسمي في خاطر النساء لي تشتي تنسب لي خاطيها ليها:down:

 

[samah06]

امممممممممم بصحتكم بسومة
كل شيء من يديك يهبل
الكراميش للاولاد راهم قالولي ديرهم لينا
وانا درتلهم طارت عادي ورلاني صورتها اول ماطابت حتى قبل ما نزوقها اذا تزوقت تتكل وما تشوفو والو
ام قصي بصحتكم الميل ترو ويعطيك الصحة هاذا ما يليق نهار اليوم البرد يقتل تخلف من الشتاء وعدا اليوم علينا
والا النو ماصحاتش علينا خلاص
ندوش الشربة تاعك حارة والالالا ادا حارة باه نجيب مغرفة ونبدا يعطيك الصحة حبيبتي

 

[كوثر الوهرانية]

مشاء الله عليكم يا خياتي راكم فووووور و بالزوووووور اله يبارك
من الطعام و المبسس تاع سارة للفريك نتاع ندوشة و نقولك بصحتك التحويسة في اكوا بارك من صابني معاكم نلعب غير خطرة
بيسوا المسمنة المخمرة و الفيتي جاوك تووووووووووب بصحتكم
عفوفتي يا اختي وعلاش راكي دايرتلنا هاك هاتيلنا اطباقك الرائعة نشللوا عويناتنا بيها
ام شيماء بصحتك الحوت وين لقيتيه اليوم يا راه موفي طوا
روعتي بصحتكم البركوكس حامي يرقس
سرور بغرير يسخف هاتلي قرصة نتقهوا بيها
اليوم راهي الشتاء تطيح دايرة حالة و بااااااااردة الحالة برا درتلهم مرميطة بواكاسي مع الخبز لحسوا كل شيء

 

[ibtesem]

الله الله على هداك العيش امممممممممم يافوفو مصابني راني مطابصة راسي فيه بلا نفس هههه
سرور اممم على لغرايف بنان بصحتكم

 

[nada242008]

سماح مالا ولادك راهم هنا في لبارك ههههه الجو يخلع ضرك راهم يتقرمدو بالبرد هههه لبارك دايرين بيه الجبال كنت ناشرة بساطات النو راهي تصب وتعاود عليهم خلي يتمصمصو مليح من ليزيس :d
ام قصي غرايف هوما :up:امممممممممم يعطيك الصحة
ابتسام بصحتك العجاجن والله يشهو يعطيك الصحة وحلي لباب راني جاية نكرمش :p
فوفة عيش يهبللللللللللل بصحتهم لولاد والله لونو يشهي وحتى بوشغلومة قالي جاري تقول تاع عراس والخبز يشكر ويعاود :$
فريدة بصحتكم البواكاسي والخبز كاش تحلية نجيو نتلمو عندك:d

​

 

[ندى الورود]

مساء الخير عليكم
صحا غداواتكم كامل يا حراير اللمة
sarah dz كسكسي يشهي والمبسس اممممممممم بصحتكم
ام شيماء بصحتكم الفول والحوت والفريت
ام ندى اممممم على الخبز يشهي مع الجاري فريك عذاب بصحتكم
عفاف واش هذاك الباسبور الgرينا ياخي الباسبور تاعنا أخضر ناوية تحرقي للطليان ولا لي سبان
سماح بصحتك سلاطة البطاطا والخيار
أم قصي غرايف يشهو بصحتكم
ابتسام مسمن يسخف بصحتكم حطينا الوصفة
روعة على هذاك العيش يسخف عينيا خرجو بصحتكم
فريدة بصحتكم البوا كاسي

درت لوبيا للغدا اليوم الحال بارد بزاف وما ينفع غير حاجة سخونة تدفينا عظامنا

​

 

[ندى الورود]

ام ندى بلاك ابتسام ما قدرتش تصبر عضتها باش تذوقها لكان بنينة تحطها ولكان ماشي بنينة ما تحطهاش

 

[oumsif]

يا ساتر خلوها المصريين كلمة والجزائريين احم احم زعما يسعلوا اليوم دخلت اعليكم بالعجار خافت يدخلوا الشباب يلقاوني بلا عجار هههههه

السلا م عليكم وصح غداكم
فريدة يعطيك الصحة علي هداك الخبز درتوا السمانة لي فاتت جاء روعة خفيف خير من الخبز انتاع برئ
ام ندوش بصحتك التحويسة وتسلم ايدك علي هداك الجاري لمتول ولخبز الدار جاوك يشهوا
روعتي بصحتك العيش
سارة ديزاد كسكسي يسخف والا هداك لمبسس تأكلوهم بالصحة
ام شيماء بصحتك الفول ولفريتوالحوت
عفوفة حطينا شوية تصاور خلينا نتأملوا هدوك الاطباق لي قريب يصوفوا من التخبية

سموحة بصحتك السلاطة دبرتيها اليوم ما طيبتيش
ام قصي بغرير وعليه لكلام بصحتك
بسومتي اهدا كلوا اهدا كلوا تسلم ايدك يازينة
ندي الورود بصحتك اللوبيا هدا واش يليق مع البرد

 

[ibtesem]

ام ندى بلاك ابتسام ما قدرتش تصبر عضتها باش تذوقها لكان بنينة تحطها ولكان ماشي بنينة ما

تحطهاش

والله ياندى غير نستعرف بيك صح انا لي عضيتها ههههههههههههه :$

 

[روعة2005]

لبنات عودو رفيزيو مليح الصور راهي عدنا محقق كولومبو :sport01:والله ياعفاف غير متولهتش حتان درتي بابابا انت يتخاف منك كاش هك ولا هك تباصينا استري استري ماستر الله واش تشوفي فيا :up:هههه
عجبتني تاع يتشلو مليح هههه وصح البرد يقطع بصح النو صبت غير في ليل
وصح يشكر ويعاود هو يطووووووووول ماكلة الزينة تاعنا وحدها
فريدة البواكسي نهاره ممممممم بصحتهم
نودوش اللوبيا نموووت فيها كان غير تبادلنا :d
السينية هذيك راهي الحرب نايضة بين الامهات وولادهم يابسومة تشتي ديري النش حطي وحدة هك وحدة هك خخخخ:$

 

[ibtesem]

هدي وصفة المسمن مخمر
انا عكست عمرتها سلق وفرماج ودجاج زبادي

السلام عليكم
مسمنة خامرة


المقادير
1/2 كلج فورص
ملح
م ك سكر
م ك زبدة طرية
م ك خميرة
الماء دافئ
للدهن
بيضة وقطرات حليب
للزينة
رقائق لو +جنجلان+سانوج





للتوراق زبدة و قليل زيت مخلطين مزيان





الطريقة

تجمع العجين وتدلك جيدا تترك في القصعة حتى تخمر



هاهي منين خمرات


نعملوها شريط على طولها ونورقوها مزيان وندهنو بخليط الزبدة والزيت ونلويو




ونخليوها ترتاح باش تسهال في التكراص



ونكرصوها وندهنوها بالبيض محلول في قطرات حليب

ونخليوها تخمر 10د وتخبز في الفرن

جزاها الله كل خير

​