ماذاآ ستطبخين اليوم " آنستي _سيدتي" الجزء °°30°°

[كوثر الوهرانية]

سوموا حبيبتي الغالية بالشفى عليك اختي
لفاني غير شويا برك باش تكسر بنت البيض و الخبز فالاول شعلي من تحت و كي يحماروا الجوانب شعلي من فوق
بصح تدلكيه كي تضيفيله الفرينة حتى يولي يطرطق عاد تحطيه في ساشي يخمر
سارة كوين هداك الرب هااااايل تغمسيه بالمطلوع ولا تسقي بيه لمسمن راه مفيد جدا للصحة و مليح للي عندهم فقر الدم بصح الشيء الثاني مفهمتهش يا اختي

 

[ام قصي]

لبنات مساء الانوار
كلش ايشهي الله ايبارك من المحيط للخليج ومن الماريكان لدزاير
وشكرا على الوصفات
​

 

[somo_81]

فريدة تعيشي ردي عليا دوك السميد لي نديرو في مطلوع الكوشة متوسط ولا رقيق خلاص

 

[بنت الجسور المعلقة]

البنات تبارك الله عليكم بالوحدا
تعيشو مدولي لاغوسات نتاع les libanais وباش يتحشاو من داخل

 

[SAMIRA25]

مبروك الافتتاح الجديد بالصحة والهناء و لي عودة ان شاء الله

 

[عفاف الجزائرية]

بصحتكم البنات
الله الله على هاذيك الشريبة تاع الحراير ولا خبز الدار مممممممم هاذا وش نشتي انا بصحتكم ام ندووش
والعيش تاني يسخف بصحتكم روعة . بالعكس ما فيها حتى تعب حنونة رانا هنا باش نعاونو بعضانا
و صحاب البربوشة بصحتهم وصحاب المطلوع بصحتهم تاني و اللي نسيتهم يسامحوني راني مشغولة شوية ساعة ساعة برك نجي نطل
تعيشو البنات راني حابتكم تعاونوني او تفهموني واش نديرو بيه
جابهم صاحب بابا قالو هادا معجون التمر مي راهو ليكيد شوية

و هاذا

سلااامم

حبيبتي هاذاك معجون التمر يسموه الرُب بضم الراء
تزيديلو الزبدة الحرة يعين نتاع البقرات على حساب عينك برك تذوبيها وتخليها تبرد شوي وتزيديهالو وتخلطي
كيما قالت فريدة تغمسيه مع المطلوع سخون ولا تديريه للمسمن ولا تحطيه مع الشخشوخة عندو طعم هبااااال اني حاطاتو في مواضيعي اضربي طلة
اما التاني ما فهمتش واش هو بالاك تكون زبدة عربية ؟؟؟

 

[somo_81]

هاي جات الكرابع الزينة واش راه الحلو جابلي ربي عرفتي روحك خير من اسمك :p :d
سموحة زينة واش راكي حنونة
فريييييييييييييدة راني رايحة لكل شيئ ممكن نحوس عليك يا بنتي ردي باش ندير العشا بوشلغومة راه غير يشارشي (معندوش شلاغم ) هههههههههههه

 

[samah06]

الله الله عليكم يا لفحلات نغيب شويا ونرجع نلقاكم بالخير ولخمير تاعكم يعطيكم الصحة
ندوش زهر ولادي مساكن غاضتني غير اشواق سشورت شعرها ولي توك جدد والروبا والبالغين وليبا وجات نقوك كي الفراشة ومنت بعد ما وصلو باتنة وجاو رجعو مساكن مغبشين
وصلو برك وروحو حتى السونديتش اللي اداوهم ردوهم مساكن قتلهم الطموبيل كاينا خلي لاوت ونروحو مانلقاو والو

 

[*Sarah Dz*]

مرحبا مرة تانية حبوووباتي
راني جبتلكم مسكوتشة سييت نعملها ماغبغي

تفضلووو :$
​

 

[imane27]

امممممممممممم سارة شهتينا يعطيك الصحة

 

[nada242008]

مرحبا بشهرا الزينة وصومو الحبوبة نورتو الكوزينة
بنت الجسور مافهمتش الطلب ؟ قصدك الخبز اللبناني ولا ... نورينا الله ينور عليكي :d
ميمي خبز هايل يعطيك الصحة
سارة كوين هذاك الرب كيما قالولك لبنات غمسي وكولي هههه
سارة مسكوتة تطير العقل جاتك هاااااااااايلة هااااايلة تسلم الايادي الحلوة
​

 

[ميس مرام]

يعطيكم الصحة على الأطباق الشهية، وشكرا أختي سارة على وصفة بان دو مي،ربي يحفظكم

 

[ميس مرام]

سارة الصورة الثانية نظن هي جْبَنْ، تقدري تقولي فرماج عرب ههههه، للي يحب ياكلو هكذاك يكون حامض

 

[كوثر الوهرانية]

سامحيني اختي سوموا كنت لاهية مع العشاء و تاني راني نخدم في حلويات
السميد انا درت المتوسط بصح تقدري تخدمي بالرقيق خطركش راح ينطحن في الروبوا
سامحيني مرة ثانية
لبنت دعولي ربي يقدرني و نخدم الحلوى والله غير حشمت و انا دراعي راه قاتلني بالسطر

 

[ام شيماء]

الله يبارك كلش شباب

 

[prncess fifi]

ربي يقدرك ويعاونك فريدة ختي يارب
​

 

[somo_81]

بشرى سارة الى كل متتبعي المسلسل التركي المتكون من 10 اجزاء و لي عنوانو سومو و المطلوع و اخيرا الحلقة الاخيرة لكن بعد الفاصل هههههههههههههههههههه

 

[mimi53]

ربي معاك اختي كوثر انشاء الله تتوفقي راكي فحلة و1/2
كيما نقولو احنا اداها وادود

 

[mimi53]

هههههههههههههههه
الله يانت صومو انشاء الله برك تكون النهاية مليحة نتاعو
على خاطر مرات النهاية نتاع الافلام شوية
واش سبع ولا ضبع
هههههههههههههههه

 

[somo_81]

فريدة اختي متزيديش قع تعاوديها هادي تاع سامحيني نورمال علابالي بلي ماراكيش لاصقة في الميكرو 24/24 و مشكورة على الصفة يا بنتي ذوك اللمة قع تدعيلك لي جبتيلهم الحلقة الاخيرة هههههههههههههههه علابالي مهبولة بلا متقولهالي كاش وحدة فيكم :p:p:p:p