حتى إنتي لازم ترمضني ببرمة جديدة ؟

[سماح الجزائريه]

الموضوع عجبني
بصح كاينه منها لانى من الناس اللى نعشق الماعن
منبذرش ومنكسرش ونحب الجديد ونحب الباهي وحتى كي نطيب حاجه باهيه
تحلالى وتزيد الشهيه في صحن جديد او عصير في كاس رائع ومختلف
انا بكونى كنت نعمل في احد المتاجر للاوانى المنزليه كنت اول من يدي الجديد
والان رانى نخدم في مطعم كطباخه ومظيفه نحب نستعمل الاروع واجدد من الاوانى
صحون او كوؤس
اما في رمضان نحب نشري ديما حتى بلا رمضان هكا انا منحبش الماكياج لكن نحب لماعن الله غالب
هههههههههههههه
هذه بكل صراحه متقلقوش من صراحتى ونظن بلي البيوت الجزائريه الكل يشروا الجديد في الدار على الاقل صحن او برمه
صح رمضانكم مسبقا
وتحياتى للجميع
تقبلن صراحتى اخواتى زعما زعما واحده ما تشري فيكم مكانش منها راكم نساء تاع ديار وهذى الخصله في النساء متتنحاش
سلاماتى حبيباتي
​

 

[youcef.as.dz]

و الله موضوع رائع وصح كاين منو

 

[ام راقية]

و الله موضوع رائع وصح كاين منو

شكرا youcef.as.dz على ردك المختصر و المفيد bبيان sور كاين منو والا ما كنتش طرحتو ههههههههه شكرا:regards01:

 

[ام راقية]

الموضوع عجبني
بصح كاينه منها لانى من الناس اللى نعشق الماعن
منبذرش ومنكسرش ونحب الجديد ونحب الباهي وحتى كي نطيب حاجه باهيه
تحلالى وتزيد الشهيه في صحن جديد او عصير في كاس رائع ومختلف
انا بكونى كنت نعمل في احد المتاجر للاوانى المنزليه كنت اول من يدي الجديد
والان رانى نخدم في مطعم كطباخه ومظيفه نحب نستعمل الاروع واجدد من الاوانى
صحون او كوؤس
اما في رمضان نحب نشري ديما حتى بلا رمضان هكا انا منحبش الماكياج لكن نحب لماعن الله غالب
هههههههههههههه
هذه بكل صراحه متقلقوش من صراحتى ونظن بلي البيوت الجزائريه الكل يشروا الجديد في الدار على الاقل صحن او برمه
صح رمضانكم مسبقا
وتحياتى للجميع
تقبلن صراحتى اخواتى زعما زعما واحده ما تشري فيكم مكانش منها راكم نساء تاع ديار وهذى الخصله في النساء متتنحاش
سلاماتى حبيباتي
​

يا سماح الجزائرية ما أحلاها صراحتك بصحتك حنونة

بصح بيناتنا تعترفي بلي هاذي عادة ماهيش مليحة كي نعتمدوها نية لإستقبال شهر رمضان

وصح رمضانك وإنشاء الله نستقبلوه بالاعمال الصالحة والنوايا الحسنة دامت ردودكم أحبابي وحبيباتي:up::up:
​

 

[قلمي سلاحي]

أهلا بالأخت قلمي سلاحي رد يثلج الصدر سؤال عندو صداه لازم نسقسيوهم وين راحو المواعن نتاع العام الماضي .
ولا هذا تقليد والسلام ؟؟؟؟؟؟؟
​

ما تخافيش عليهم ام راقية كل واحدة راح تجيبلك السبة الي تفرضها عليك باش تقتنعي
انه تصرف عادي
انا نقلك حاجة شفتها بعيني ساعات تكوني حابة حاجة للكوزينة ديالك تروحي
تشري أصحاب المحلات هوما الي يقولولك مع وقت رمضان تكون ويكون معاها حاجات جديدة
وكأنهم متفقين يفلسوا الغاشي بحلول الشهر الكريم
قوليلي كاينة منها ولالا :d​

 

[مايا الجزائرية]

وي صح كاينة هادي العادة بزااااااف في المجتمعات الجزائرية
كل واحد وظروفو وبالاك ما يشروش كامل الماعن حتى تجي هادي المناسبة وكل واحد وحياتو وحر فيها وعلى الاساس رجعت عادة :s
ماعليه
شكرا على الموضووع

 

[ام اسحاق]

اهلاااا بالراقية ...
يعطيك الصحة ..مواضيعك هادفة ربي يبارك فيك ....
صح كاين عادات لازم الواحد يوقف مع نفسو وقفة جدية ....كيم حكاية الماعن قبل رمضان و خاصة كي تقولك فال
باه يجي رمضان مبروك :-o
يااااو روحي وجدي روحك مللعبادة كاش تعتقي رقبتك من النار

و روحي وجدي برنامج مليح يخرج عليك في العبادة بش كاش ما تعمري صحيفتك
الواحد المصحف نتاعو تلقاه يحلو من رمضان لرمضان و شوف و شوف ..؟؟....:s

ربي يهدينا و يثبتنا ..ياااا رب ..
اللهم بلغنا رمضان ...و اجعلنا من صيامو و قيامو ...امين انا و انتوم
​

 

[ام راقية]

وي صح كاينة هادي العادة بزااااااف في المجتمعات الجزائرية
كل واحد وظروفو وبالاك ما يشروش كامل الماعن حتى تجي هادي المناسبة وكل واحد وحياتو وحر فيها وعلى الاساس رجعت عادة :s
ماعليه
شكرا على الموضووع

فعلا مايا الجزائرية

كل واحد و ظروفو كل واحد حر في نفسو
صح ماكانش إشكال
بصح
خلي نصفو نيتنا في إستقبال رمضان
رمضان مش غير مواعن جدد وديكور يعني مضاهر فارغة لبأس نشريو مواعن جدد باش ندلو رواحنا
بصح تمنياتي ما يزيدش الحال على حدو كاين أشياء لازم نولهو ليها خير لينا
شكرا على مرورك عزيزتي :regards01:
​

 

[ام راقية]

اهلاااا بالراقية ...
يعطيك الصحة ..مواضيعك هادفة ربي يبارك فيك ....
صح كاين عادات لازم الواحد يوقف مع نفسو وقفة جدية ....كيم حكاية الماعن قبل رمضان و خاصة كي تقولك فال
باه يجي رمضان مبروك :-o
يااااو روحي وجدي روحك مللعبادة كاش تعتقي رقبتك من النار

و روحي وجدي برنامج مليح يخرج عليك في العبادة بش كاش ما تعمري صحيفتك
الواحد المصحف نتاعو تلقاه يحلو من رمضان لرمضان و شوف و شوف ..؟؟....:s

ربي يهدينا و يثبتنا ..ياااا رب ..
اللهم بلغنا رمضان ...و اجعلنا من صيامو و قيامو ...امين انا و انتوم
​

الله يبارك في عمرك أم إسحاق اسعدني مرورك
عجبتني كي قلتي يااااو روحي وجدي روحك مللعبادة كاش تعتقي رقبتك من النار
و المصحف يتحل غير في رمضان هذا كان تحل اصلا
هيا إدي في ايدك من هذا المنبر المتواضع
نبعثو رسالة والتفاتة طيبة للكل
لتحضير برنامج وطاقم جديد لكن مش من المواعن:p
برنامج من خطوات
تقربنا من مولانا و تزين لينا صحيفتنا في الآخرة
بورك فيك:up:
​

 

[فتاة حساسة]

ههههههههههههههههههههههههههههههههه طاطا ضحكتيني والله ههههههههههههههههههه...حنا لالا الحمد الله ماعندناش هاد الظاهرة ههههههههههههههه في دارنا ...لا للتبدير بصح اني نشوووف فيهم ...ارواحي عندنا كيما يرقب رمضان ...كون طلعي للفيلاج رجلكك ماتلقايش وين تحطيه ...تالمون نسوااااين عرارييم لتم ههههههههه ​

 

[مايا الجزائرية]

فعلا مايا الجزائرية

كل واحد و ظروفو كل واحد حر في نفسو
صح ماكانش إشكال
بصح
خلي نصفو نيتنا في إستقبال رمضان
رمضان مش غير مواعن جدد وديكور يعني مضاهر فارغة لبأس نشريو مواعن جدد باش ندلو رواحنا
بصح تمنياتي ما يزيدش الحال على حدو كاين أشياء لازم نولهو ليها خير لينا
شكرا على مرورك عزيزتي :regards01:
​

ايه الاحسن تكون النية صافية
المهم مرسي على موضوعك تقبلي مروري

 

[::أبرار::]

و عليكم السلام و رحمة الله تعالى و بركاته

مساء الخير اختي الغالية

و الله هي صح عادة عند كل الجزائريات، حتى في بيتنا نديروها مي مشي نشريو كللش كما تقولي هههه برك لحوايج للي تكون ناقصة و للا للي تكسرت من وقت فات، و أنا نظن عند بعض الناس هي مجرد شغل حلة يحبو يبدلو كللش و يستقبلو الشهر الفضيل بإحساس و مظهر جديد فقط و العلم لله كل واحد و نيتو في الحاجت هاذي

نحكيلك على خويا الصغير الجامعي، في شهر رمضان هو و صحابو يتلاقاو بعد الغفطار كل ليلة في بيت أحدهم و كل ليلة يحكيو في موضوع ديني يختلف عن الليلة للي سبقتها و في غالب الاحيان يجيبو اي إمام من المسجد يدرسهم شوية

مشكورة اختي على الموضوع
​

 

[Yayan]

ما ظنيتش اذا كاينه عندناا :s
باسكو مزالني صغيرة وما نهتمش بالامورهاذي > ما تشغلنيش
مرسي عالمووضوع

 

[ام راقية]

ما ظنيتش اذا كاينه عندناا :s
باسكو مزالني صغيرة وما نهتمش بالامورهاذي > ما تشغلنيش
مرسي عالمووضوع

شكرا لك انت R O N A صح كي الواحد :regards01:يكون صغير برشا شغالات تكون بعيدة على ذهنو الصغير
هاذي نعمة شكرا على مرورك صغيرتي
​

 

[Yayan]

شكرا لك انت R O N A صح كي الواحد :regards01:يكون صغير برشا شغالات تكون بعيدة على ذهنو الصغير
هاذي نعمة شكرا على مرورك صغيرتي
​

اييييي حسستيني اني صغيرة .. كلامك عسسسل والله
مرسي عجبتيني يااااسر ... اي صح كل سن له انشغالات ... وانا ضركا اكبر انشغالاتي هي الدراسه باش نكمل المتوسطة والثانوية ونفوت للجامعه
تحياتي:regards01:

 

[ام راقية]

و عليكم السلام و رحمة الله تعالى و بركاته

مساء الخير اختي الغالية

و الله هي صح عادة عند كل الجزائريات، حتى في بيتنا نديروها مي مشي نشريو كللش كما تقولي هههه برك لحوايج للي تكون ناقصة و للا للي تكسرت من وقت فات، و أنا نظن عند بعض الناس هي مجرد شغل حلة يحبو يبدلو كللش و يستقبلو الشهر الفضيل بإحساس و مظهر جديد فقط و العلم لله كل واحد و نيتو في الحاجت هاذي

نحكيلك على خويا الصغير الجامعي، في شهر رمضان هو و صحابو يتلاقاو بعد الغفطار كل ليلة في بيت أحدهم و كل ليلة يحكيو في موضوع ديني يختلف عن الليلة للي سبقتها و في غالب الاحيان يجيبو اي إمام من المسجد يدرسهم شوية

مشكورة اختي على الموضوع
​

مساء الخير يا ابرار المهم نصفيو النية وما نربطوش استقبال رمضان بشريان المواعن الجدد
و شيء جميل كي قلتي اخوك الله يحفظو بعد الفطور هو
و اصحابو يعملو حلقة ذكر و دروس دينية
هاذي عاة مليحة وسنة حميدة
نتمنى الناس تقتدي بيها :regards01:
​

 

[AnGeL*dZ]

مليحة هاذي تاع نرمضن ببرمة جديدة
حنا مآفينآش الطبيعة هذي تاع لماعيـن ،اللي عندنا يكفيونا وكان خصت حاجة ساع باه نشروها فيها اسراف
كل واحد كيفاه يوجد لرمضان كاينين لليعاود يبنترو ديارهم واللي يديروا نتواياج باش في رمضان ماينشغلوش
​

 

[nina usma]

حتى إنتوما لازم ترمضنو بمواعن جدد ؟

بعد أزكي تحية و أجمل سلام
هكذا باش بعدها يحلالي الكلام :
و حنا على أبواب الشهر الفضيل شهر الرحمة

والغفران شهر رمضان الكريم
تبدأ واحد الضاهرة تبان وتعم كان ما gلتش كافة البيوت الجزائرية
و لي هي عملية إقتناء المواعن الجدد
أي الأواني بمختلف أنواعها وأشكالها و ألوانها..
كاين بعض من النسا تقولك لازمني نرمضن بمواعن جدد
ونستقبل رمضان بأواني جديدة من البرمة للصحن للمغرف و.و..و..و هههههههه
ياخي حالة
وعلاه واش هذي العادة اللي أصبحت ميزة
للدرجة أنو عاد سيدي رمضان على رأي جدودنا مربوط مجيئو بمواعن
و أشياء جديدة ولو كان كلف الأمر للتسلاف و للتبذير
تلgا النساء طوابير طوابير قدام محلات بيع الأواني و ما نحكي لكمش على العناد واش لازم تهز أختها تهز حتى هي حتى لوكان هذاك الشيء لي راح تشريه عندها و متوفر
ياخي معندكمش مواعن في الدااااااااار ؟؟؟؟؟؟
ياخي ما مليتوش من شراء المواعن وتكداسها في كل مكان !!!!!!!
حبيت نسألكم حبيباتي وحبايبي ونعرف رأيكم
حتى أنتم عندكم هذي العادة ؟
واش رايكم يا أحبابي في هذي الضاهرة؟
كيفاش لازم نحيو هذي العوايد ونبدلوها بعوايد عندها فوائد ؟
في إنتضار ردودكم الحلوة :regards01::regards01:
لكم منا أحلى سلام ورمضانكم مبروك بالخير و الخمير
وغفران الذنوب مسبقا​

​

انا نرمضن بلي غوسات تاع الطياب ههههههه​

 

[ام راقية]

انا نرمضن بلي غوسات تاع الطياب ههههههه​

كل واحد كيفاش يحب يرمضن nina usma حتى غوسات تاع الطياب فكرة مليحة شكرا على مرورك

 

[ام راقية]

مليحة هاذي تاع نرمضن ببرمة جديدة
حنا مآفينآش الطبيعة هذي تاع لماعيـن ،اللي عندنا يكفيونا وكان خصت حاجة ساع باه نشروها فيها اسراف
كل واحد كيفاه يوجد لرمضان كاينين لليعاود يبنترو ديارهم واللي يديروا نتواياج باش في رمضان ماينشغلوش
​

AnGeL*dZ مليحة كي ما عنكمش هاذي العادة
عزيزتي على العموم هي ماهيش عادة ماهيش مليحة
كل ما في الأمر قلنا ما نجعلوهاش عادة
وننساو أشغالات أخرين يفيدونا خير
وعلى العموم كاين برشة عوايد أخرين إنتهجوها الجزائريات كيما تفضلتي وقلتي
عادة الصبيغة وعادة التنظيف ..
موفقة أختي شكرا على مرورك
​