من هنا لرمضان حكاية طويلة

الحالة
مغلق ولا يسمح بالمزيد من الردود.

nanoche

:: عضو مُتميز ::
إنضم
19 مارس 2013
المشاركات
1,093
النقاط
71

حبابي و حباب قلبي
راكو تعرفو كي نتعمر نجي نفاجي عندكم غير احملوني شوية

يا سيدي من ايامات خرجت أنا و زوجي باش نخيرو صبيغة كنت حابة نبدل اللون اللي في لاصال آمونجي لأني نستعملها في رمضان و لونها غامق بزاف و ماشي مريح في طريقي قلت ندخل لبعض الحوانيت نشري شوية مواعن لأني في رمضان اذا حيانا ربي ووصلنا ليه نحب كل يوم يكونو عندي ضيوف معروضين و خفت بالاك يخصوني

والله يا خاوتي غير استغربت في الكم الهائل من النسا اللي قاعدين يشريو في الأواني من أ......إلى .....ي
في الاول قلت بالاك كيفي ديار مفتوحين جدد و راهم يجهزو فيهم ومن باب الفضول سقسيت واحدة قلتلها واقيلا الدار جديدة راكي اتوليلها ضحكت و قاتلي لالا يا بنتي هادو المواعن لرمضان احنا من طبيعتنا الماعن اللي كلينا فيهم العام اللي جاز ما ناكلوش فيهم هاد العام يقولو البركة تترفع

(يا خاااه عليا البركة في المواعن الجدد برك ؟؟؟ انا حاطة في بالي رمضان شهر العبادة!!!)

أيا بقا الفضول يحك فيا زدت سقسيت واحدة أخرى و الاجابة غيييير هي تتعاود مع اللولة و التانية و التالتة.....الخ
استغربت !! في حياتي ما سمعت بليك رمضان لازم لازم تشري مواعن من دارة و جديد ولا البركة تروح
قولولي برك بعملية حسابية بسيطة باش تشريو مواعن جدد شحال رايحين يستقامو أنا شفيت بليك كي تزوجت العام اللي جاز استقامولي المواعن 3 ملايين و ماشريتش كونتيتي كبيرة و شريت غير اللي نسحقهم بزاف حتى من بعد كي استقريت باش عدت كي نخرج و نشوف حاجات خاصيني نشريهم بلا اسراف و لا تبذير و كاين أطقم جابهم زوجي من الخارج وكي نلقى روحي ماشي رايحة نستعملهم غير يحكمولي البلاصة في باطل نمدهم للي يسحقهم

زدت امشيت للملابس كيف كيف الناس بدات تشري في حوايج الاولاد للعيد من دوكا على بيها زادو الضعف على السومة اللي كانو عليها
حتى بقيت نتوحد في ربي و نقول يا درا هادوما راهم ضامنين يعيشو حتى لرمضان ياك من هنا لغدوا راها طويلة الحكاية
و ضمنو اولادهم يعيشو و يلبسو حوايج العيد؟؟ بلا ما ننساو البذخ الكبير اللي يكون في الطيابات و المواكل اللي آخرتها تترمى في المزابل (حاشاكم )... شهر رمضان هو شهر للعبادة و التعبد وماشي للماكلة و الرقاد و التبذير
خليتلكم الكلمة ليكم و يا درا حتى نتوما فيكم منهم و لا .....

 

Ma$Ter

:: مراقب عام ::
طاقم المراقبين
إنضم
25 سبتمبر 2007
المشاركات
15,666
النقاط
1,471
محل الإقامة
تبسة 12
الجنس
ذكر
رد: من هنا لرمضان حكاية طويلة

تمت الموافقة
لى عودة اختى

 

zagane

:: عضو بارز ::
إنضم
2 جويلية 2007
المشاركات
5,339
النقاط
1,401
محل الإقامة
معسكر
الجنس
ذكر
رد: من هنا لرمضان حكاية طويلة

السلام عليكم
التحضيرات تجري على قدم وساق لرمضان غير في الاواني الخاصة بالكرش والالبسة
علاه ما يحضروش انفسهم املا من اليوم ويعودوها على الصيام ويوجدو لرمضان
واحد يصلي على مشوارو والاخر يصلي على طاpبي وكي يقرب رمضان مول الطابي يبدلو ويشري واحد جديد للصلاة والثاني مازال يصلي على مشوارتو وحامد ربي
هكدا تجديد الاواني في رمضان كان من الاحسن هادك الاموال يصدقوها للفقراء في رمضان ويخلو اوانيهم تاع العام الماضي راح يكون اجر وفايدة


قد تنطبق عليهم ايات اواخر سورة الكهف والله اعلم
اعود بالله من الشيطان الرجيم


( قل هل ننبئكم بالأخسرين أعمالا ( 103 ) الذين ضل سعيهم في الحياة الدنيا وهم يحسبون أنهم يحسنون صنعا ( 104 ) أولئك الذين كفروا بآيات ربهم ولقائه فحبطت أعمالهم فلا نقيم لهم يوم القيامة وزنا ( 105 ) )

( قل هل ننبئكم بالأخسرين أعمالا )يعني : الذين أتعبوا أنفسهم في عمل يرجون به فضلا ونوالا ، فنالوا هلاكا وبوارا ، كمن يشتري سلعة يرجو عليها ربحا فخسر وخاب سعيه .

واختلفوا فيهم : قال ابن عباس وسعد بن أبي وقاص : هم اليهود والنصارى . وقيل : هم الرهبان ( الذين ) حبسوا أنفسهم في الصوامع . وقال علي بن أبي طالب : هم أهل حروراء ( ضل سعيهم ) بطل عملهم واجتهادهم ( في الحياة الدنيا وهم يحسبون أنهم يحسنون صنعا ) أي عملا . ( أولئك الذين كفروا بآيات ربهم ولقائه فحبطت ) بطلت ( أعمالهم فلا نقيم لهم يوم القيامة وزنا ) أي لا نجعل لهم خطرا وقدرا ، تقول العرب : " ما لفلان عندي وزن " أي : قدر لخسته .

أخبرنا عبد الواحد المليحي أخبرنا أحمد بن عبد الله النعيمي أخبرنا أحمد عن محمد بن يوسف عن محمد بن إسماعيل حدثنا محمد بن عبد الله حدثنا سعيد بن مريم أنبأنا المغيرة عن أبي الزناد [ ص: 211 ]
عن الأعرج عن أبي هريرة عن النبي صلى الله عليه وسلم أنه قال : " ليأتي الرجل العظيم السمين يوم القيامة لا يزن عند الله جناح بعوضة " ، وقال اقرءوا إن شئتم : ( فلا نقيم لهم يوم القيامة وزنا ) .

قال أبو سعيد الخدري : يأتي أناس بأعمال يوم القيامة هي عندهم في العظم كجبال تهامة ، فإذا وزنوها لم تزن شيئا ، فذلك قوله تعالى ( فلا نقيم لهم يوم القيامة وزنا )

وانا اقول
هكدا في يومنا هدا يحسبون الاجر في رمضان بالاواني الجديدة وليس بالعبادة الحقيقية
والله اعلم
 

KreiGer

:: عضو منتسِب ::
إنضم
17 ماي 2014
المشاركات
22
النقاط
3
رد: من هنا لرمضان حكاية طويلة

ههههههههههههه على حساب الشوفة هذو الناس لي راهي تشري من ظرك راح تدخل في تربص مغلق لرمضان
لوكان ما جيتش دزيري ولا خاطيني الفوتبال نقول عليهم راح يشاركو فكوب دو موند ههههههههههههههه
 

Ma$Ter

:: مراقب عام ::
طاقم المراقبين
إنضم
25 سبتمبر 2007
المشاركات
15,666
النقاط
1,471
محل الإقامة
تبسة 12
الجنس
ذكر
رد: من هنا لرمضان حكاية طويلة

السلام عليكم ورحمة الله وبركاته
فهاذ الزمن تشوفي الغرائب العجائب
ومنها هاذ الناس لى يقولو تترفع البركة على الماعن
الناس لى تعرف يقوقولو العكس مرات تجى ترمى حاجة قديمة يقلك فيها البركة خليهاه حتى
اذا ماراكاش تستعمها
ربي يجيب الخير
وربي يبلغنا رمضان
شكراا اختى ربي يفرحك



 

حاتم07

:: عضو مُتميز ::
إنضم
11 سبتمبر 2013
المشاركات
813
النقاط
351
العمر
36
محل الإقامة
بسكرة
الجنس
ذكر
رد: من هنا لرمضان حكاية طويلة

الحمد لله هذو الطبايع ماكانش في عايلتنا حنا نشرو غير التوابل والموا الغذائية لي تكون غالية في رمضان اما الاواني نستعملو غير نتاع العام لي فات
 

nanoche

:: عضو مُتميز ::
إنضم
19 مارس 2013
المشاركات
1,093
النقاط
71
رد: من هنا لرمضان حكاية طويلة

السلام عليكم
التحضيرات تجري على قدم وساق لرمضان غير في الاواني الخاصة بالكرش والالبسة
علاه ما يحضروش انفسهم املا من اليوم ويعودوها على الصيام ويوجدو لرمضان
واحد يصلي على مشوارو والاخر يصلي على طاpبي وكي يقرب رمضان مول الطابي يبدلو ويشري واحد جديد للصلاة والثاني مازال يصلي على مشوارتو وحامد ربي
هكدا تجديد الاواني في رمضان كان من الاحسن هادك الاموال يصدقوها للفقراء في رمضان ويخلو اوانيهم تاع العام الماضي راح يكون اجر وفايدة


قد تنطبق عليهم ايات اواخر سورة الكهف والله اعلم
اعود بالله من الشيطان الرجيم


وانا اقول
هكدا في يومنا هدا يحسبون الاجر في رمضان بالاواني الجديدة وليس بالعبادة الحقيقية
والله اعلم
مرحبا بيك خويا و شكرا على المرور
كاين واحد الطبايع غير ما دخلو للمجتمع ديالنا
أنا نشفى ملي كنت صغيرة يما ربي يطول في عمرها كي يلحق رمضان تجبد قدرة تاع شربة مخدومة من الفخار ورثتها على يماها حتى هي تقولي هادي البراكة فيها ريحة يما و حتى ليومنا هذا مازالت تخبيها طول العام و تجبدها في رمضان
ربي يهدي هاد اللي يخمو هاد التخمام
 

nanoche

:: عضو مُتميز ::
إنضم
19 مارس 2013
المشاركات
1,093
النقاط
71
رد: من هنا لرمضان حكاية طويلة

ههههههههههههه على حساب الشوفة هذو الناس لي راهي تشري من ظرك راح تدخل في تربص مغلق لرمضان
لوكان ما جيتش دزيري ولا خاطيني الفوتبال نقول عليهم راح يشاركو فكوب دو موند ههههههههههههههه
شيء مؤسف بزاف بزاف يا خويا و يا ليتنا نتسابقو للعبادة و فعل الخير في رمضان كيما نتسابقو في الطيابات و الشريات
شكرا على المرور
 

nanoche

:: عضو مُتميز ::
إنضم
19 مارس 2013
المشاركات
1,093
النقاط
71
رد: من هنا لرمضان حكاية طويلة

السلام عليكم ورحمة الله وبركاته
فهاذ الزمن تشوفي الغرائب العجائب
ومنها هاذ الناس لى يقولو تترفع البركة على الماعن
الناس لى تعرف يقوقولو العكس مرات تجى ترمى حاجة قديمة يقلك فيها البركة خليهاه حتى
اذا ماراكاش تستعمها
ربي يجيب الخير
وربي يبلغنا رمضان
شكراا اختى ربي يفرحك



ما على باليش منين راهم يجيبو هاد العقليات
والحمد لله ما عندناش هاد الطبايع في دارنا و نشريو الماعن كي يكونو خاصين في دارنا برك
و صدقني بالله يا خويا غير كي ربحت الباكالوريا في 1997 جابتلي واحدة جارتنا تربينا على يدها سيري فيها (غرفية شربة و طبسي للسلطة و لاخر للجواز و موس و فرشيطة و مغيرفة وكاس ) مازلت لليوم محافظة عليهم و ناكل فيهم في رمضان او في غيرو الا العام اللي جاز كي تزوجت اللي استعملت طاقم موحد ليا و لزوجي و لضيوفي مي مازلت مخبيتهم و في بالي ما كانش براكة خير من اللي في القديم
شكرا على المرور خويا و ربي يخليك
 

nanoche

:: عضو مُتميز ::
إنضم
19 مارس 2013
المشاركات
1,093
النقاط
71
رد: من هنا لرمضان حكاية طويلة

الحمد لله هذو الطبايع ماكانش في عايلتنا حنا نشرو غير التوابل والموا الغذائية لي تكون غالية في رمضان اما الاواني نستعملو غير نتاع العام لي فات
وي خويا الواحد يحمد ربي كي يبقى محافظ على القيم اللي تربى عليها و ما تدخلش هاد العادات الدخيلة على مجتمعنا لبيتو
وكيما قلت التحضيرات تكون ربما بشراء المواد الغذائية اللي نستعملوها في رمضان مي بدون اسراف والسوق ماشي رايح يتغلق على العام الخير موجود
شكرا خويا حاتم على المرور
 

ام عبد الرؤوف

:: عضو منتسِب ::
إنضم
9 جويلية 2013
المشاركات
87
النقاط
5
رد: من هنا لرمضان حكاية طويلة

السلام عليكم والله يا اختي صح هذه الظاهرة كثرت بزاف تاع المعان جدد في رمضان انا الي حيرني الماعن تاع العام الي فات وينها والله يا ناس رمضان الي بقى حي وحضرلو راهو عندو الزهر باش يكفر على ذنوبو بالتوبة وطلب الغفران في هذا الشهر الكريم راهو للعبادة اكثر من اي شئ في بالكم صح مقلناش ما نحضروش بصح في الحدود المعقولة يعني اللزم وانا نحب نحضرلو مسبقا باش يبقالي الوقت لمصحفي وصلاتي كان نلقى نفطر غير بالكسرة والدلاع باش نوفر الطاقة للعبادة لكن هكذا خلقنا لكن ليس علينا بالتمادي كيما يقولو الموت راهي بحذانا وقبرنا ممكن راهو يتبني التوبة يا ناس الخير ربي يجيب الخير والسلام عليكم
 

ويبـقى الأمــل

:: عضو مُتميز ::
إنضم
4 جوان 2013
المشاركات
782
النقاط
51
رد: من هنا لرمضان حكاية طويلة

ناس ماتعرفي واش تقوليلهم والله عالم يحير
علاش هالاصراف والماعن تاع عام لي فات وين راحو ؟؟؟؟
الله يهديهم برك
رمضان للعبادة مش بالماعن والطيابات

نهار كامل وهم يشرو ويقولو ماعدناش ماعندناش
يعيطو بالماء والملح
الله يهدي ماخلق

عالم يفكر غير في كرشو والفوخ والزوخ وهم ماكاين ولو اسمحولي على هالكلمة هذي
 

nanoche

:: عضو مُتميز ::
إنضم
19 مارس 2013
المشاركات
1,093
النقاط
71
رد: من هنا لرمضان حكاية طويلة

السلام عليكم والله يا اختي صح هذه الظاهرة كثرت بزاف تاع المعان جدد في رمضان انا الي حيرني الماعن تاع العام الي فات وينها والله يا ناس رمضان الي بقى حي وحضرلو راهو عندو الزهر باش يكفر على ذنوبو بالتوبة وطلب الغفران في هذا الشهر الكريم راهو للعبادة اكثر من اي شئ في بالكم صح مقلناش ما نحضروش بصح في الحدود المعقولة يعني اللزم وانا نحب نحضرلو مسبقا باش يبقالي الوقت لمصحفي وصلاتي كان نلقى نفطر غير بالكسرة والدلاع باش نوفر الطاقة للعبادة لكن هكذا خلقنا لكن ليس علينا بالتمادي كيما يقولو الموت راهي بحذانا وقبرنا ممكن راهو يتبني التوبة يا ناس الخير ربي يجيب الخير والسلام عليكم
مرحبا بيك اختي
شكرا على المرور القيم ويا ريت كلنا نخمو في القبر ديالنا باش نكثرو من الصلاة و قراءة القرآن بدلا ما نخمو في الماعن الجدد وواش نحطو على الطاولة

 

nanoche

:: عضو مُتميز ::
إنضم
19 مارس 2013
المشاركات
1,093
النقاط
71
رد: من هنا لرمضان حكاية طويلة

ناس ماتعرفي واش تقوليلهم والله عالم يحير
علاش هالاصراف والماعن تاع عام لي فات وين راحو ؟؟؟؟
الله يهديهم برك
رمضان للعبادة مش بالماعن والطيابات

نهار كامل وهم يشرو ويقولو ماعدناش ماعندناش
يعيطو بالماء والملح
الله يهدي ماخلق

عالم يفكر غير في كرشو والفوخ والزوخ وهم ماكاين ولو اسمحولي على هالكلمة هذي
ان شاء الله يرجعو لعقلهم و يخافو شوية من ربي و يخمو في الحفرة المظلمة اكتر مما يخمو في كروشهم
شكرا اختي على المرور
 

ياقوتة الصحراء

:: عضو مُتميز ::
إنضم
4 أوت 2010
المشاركات
663
النقاط
17
الجنس
أنثى
رد: من هنا لرمضان حكاية طويلة

هذ الحكاية تتعاود كل عام ماهيش جديدة على الشعب الجزائري و حتى على الشعب العربي
و رمضان راح يكون في السخانة على هاذيك الناس راهي تشري من درك للعيد
وكيما قلتي يفكرو في الماديات و ينساو العبادات الله يهدي

تقبلي مروري
 
الحالة
مغلق ولا يسمح بالمزيد من الردود.
Top