الحلقة التاسعة لكوزينة اللمة في كاميرا كاشي مع "ام منصف "

[أمــ وليــد الجزائرية]

احبائي

صح فطوركم كاملين
ربي يتقبل صيامنا يارب

اعذروني غبت عليكم

و غابو معايا خرايبي

الله غالب ضروفي الصحية مسمحتليش

هاني رجعت

مع حلقة جديدة

الي كان عنوانها :
الاضراب :d
" بعد ماهدرت مع السيدة ام منصف عرفت هذا الشيء"
كاين اضراب في اللمة :-o؟

نتمنى تعجبكم

السيدة اللمة


ام منصف

قبل مانبدى حبيت نحيها

و نقوللها قلاله الي هوما من امثالك

ربي يحفظك

:regards01::regards01:

في الاول بعثتلها مساج كما الاولين

"صح فطورك واش احوالك ؟ولا معليش نسقسيك؟ "يعني كما العادة و ردتلي "بالقبول" بيانسور:$
هذوك الرسائل حذفتهم بالغلط:-r مزية الصح بقا
هذي بعد مكانت سيدتي تستنا في واش راح نهدر شوفو معايا واش قلتلها
:down::down:

​

كنت في تاع الطبخ و شفت الصور الي درتيهم الله ابارك
حبيت برك نقولك و كما قلت للخرين الي راكو تديرو راه حرام عليكم
كاين ناس ملقاتش واش تاكل و تقتلوهم مع رمضان
كاينة وحدة كي شافت ذاك الركن مرضت و درك مزالها في سبيطار
سمحيلي غاضتني انا و قلت لازم نقوللكم
​

​

كنت نستنى في رد الا اني تفاجئت
رمتلي كلام خلاني عاجزة كليا
و رحت نحبسها هنا
قتلتني بلقدر الله ابارك

بارك الله فيك اختي العزيزة تعرفي من اول رمضان وانا نخمم في هذا الشيء ناس ماهيش لاقية واش تاكل واحنا كل يوم نحطو في اطباقنا وموائدنا واذا لاحظت اني قليلة الدخول للموضوع وساعات برك وين نحط اطباقي وهذا بعدما كثروا عليا لبنات بالدخول والمشاركة باطباقي في الموضوع مع انو الله عالم بالنيات يعني رانا من باب تشجيع المنتدى واضافة المشاركات فيه وليس من وراء ذلك اي شيء
يعطيك الصحة اختي في ميزان حسناتك

من بعدت تاصلت باختي مساعدتي لولا قلتلها هاوليك كيفاه ردتلي نحبسها وخلاص
الا انها كانت شريرة كثر مني و مدتلي نقطة الانطلاقة من جديد
​

​

نتوما قصدكم شوي تزوخوآ
علا بعضاكم وراهم فاقولكم تبانو حباب والصح
بيناتكم الغيرة و كل واحد يحوس غير واش يحط مايخمم في حتى حاجة
​

​

​

بدلنا كامل العقلية
هنا سيدتي ام منصف
ضربتي لقلبي
خاب ضنها فيا

​

اه يا ميلينا ما حبيتهاش منك اختي
وعلاه نزوخوا يعني ماراناش نحطو حاجة خارقة للعادة دايما نفس الشيء جاري ومعاه طبق جانبي وسلاطة
واعتقد انه من عادات كل اسرة جزائرية من شرقها لغربها ومن شمالها لجنوبها
ماكانش حاجة تستاهل كلو من فضل ربي


​

​

هنا نورمالمو تقولي راكي خرجتي من الموضوع
الى اني نومتها مغنطيسيا :d كما قالتيهالي سرين:-h
و نسيتها في الاول

​

​

راكو تزوخو بالماعن

و الماكلة اناس كامل تاكل

في هذا الشهر

هاذي ماشي هدرتي

راني نبهكم برك

و منين داك تجاملو بعضاكم مام مكلتها مش زينة المهم تعرفيها صحبتك

و لخرين متشركوهمش مساكن
​

​

​

و اكيد كان لازم تدافع
و متسكتش
و لي عجبني مدفعتش على روحها برك

​

[FONT=&quot]بالاك راكي غالطة ارجعي للموضوع واقراي مليح [/FONT]
[FONT=&quot]ماكانش منها كامل الحكايات هذو ماعنا نفسهم اللي كنا نستعملوهم في باقي الايام نهدر على روحي وعلى البنات اللي متعودين يحطو اطباقهم[/FONT]
[FONT=&quot]والبنات كامل [/FONT]نشكروهم [FONT=&quot]اما بتقرير مفصل والا مختصر[/FONT]
​

​

​

درك راهي تقول هذي المخلوقة تحكي بنيتها
كاين ناس يخمو هكا
مزال مزال
​

هادي ماشي هدرتي



راني نقول برك

وانا شفتك ناس ملاح حبيت نبهك

كاين الي توجعو هذو لحوايج و يخليها غير في قلبو لانو عضو معندوش معرفة كما انتوما فيما بعضاكم



راني نشوف منين داك تحقروا

​

بعد لفطور اكيد كملنا النقاش
صح فطورك سيدتي ام منصف
منيتها تشرحلي الموقف
​

​

صحى فطورك اختي
حبيت نوضح حاجة برك
اكيد اي شخص لما تكون معرفتك بيه قديمة راح تختلف طريقة تعاملك معاه عن الشخص اللي تعرفتي عليه غير كيما
ماشي كيف كيف
ومع ذلك بزاف بنات او سيدات مسجلين جدد في اللمة استطاعو وفي وقت قياسي حجز مكانة لهم بيننا وهذا ان دل على شيء فانما يدل على ان هدرتك غالطة
​

​

حطمو الرقم القياسي:up:
و تالمو الاه تاع سيدتي وجعتني
كان لاوم نرجعهالها:down:

​

اه يا ام منصف معنتها راكي تكذبيني

وانا الي درتك واقفة معايا

في هذا الوقت اناس متحبش الي تنتقدها تحبو غير الي يجاملكم

معرفتش واش نقولك غاب ضني فيك
​

​

​

مزالها تحوس تقنعني اني غالطة
ياو قنعي روحك راكي بين عيون
كاميرتي:d
​

​

[FONT=&quot]حاشا لله ما قلتش راكي تكذبي بصح بالاك فهمتي بالغلط هذا ما كان[/FONT]
[FONT=&quot] وبخصوص كلامك عن النقد انت قلت وجهة نظرك وانا جاوبتك [/FONT]
[FONT=&quot] رايي صواب يحتمل الخطا وراي غيري خطا يحتمل الصواب[/FONT]
​

​

​

هذا عتبريه تهديد مباشر
​

​

و انا قلت متزيدوش تحطو اكلات

حراااام عليكم

​

طبخات اللمة كامل فاتو عليا
و درتلهم الشوك في هذاك الوقت
حتلا هذاك القسم كان ميت

​

[FONT=&quot]راني نشوف الجماعة كامل اضراب بالاك اللي حطو هوما اللي ما راسلتيهمش[/FONT]

​

​

هنا قتلني بالضحك
ملينا قضت على معضم طبخين اللمة
وحدة وحدة
متزعفش عمي المعتز راك بيناهم
​

​

درك نزيد انراسلهم اكل

كامل سمعولي

مزال غير انت واش قلتي
​

​

​

و هكا كانت ام منصف
سيدتي الغالية مهذبة جدا
و التي اقتنعت اخيرا

[/QUOTE]​

[FONT=&quot]ان شاء الله اختي العزيزة[/FONT]​

​

ايه مدام كامل حبسو
ودارو الاضراب
انت ثانيك لازم تكوني معاهم:d
كان لازم درك نختمها :-h
​

​

ربي يخليك يالغالية

حبيت نزيد نقولك حاجة برك

.
.
.
.
.
.
.
.
.
.
.

مكانت غير كميرا كاشي شاركتينا بيها خاصة بكوزينة اللمة

نقولك يعطيك الصحة مهما كان كنتي رزينة

كنت قادرة نكمل معاك الا انك قتلتيني بلقدر

بارك الله فيك

و فاخورين انك معانا

ودرك نقولك ولا سمحتي راح نشارك بالحلقة ديالك انت ثان مع البقية

و الموعد راح يكون بداية من 15 رمضان

سهرة ممتعة نتمناها ليك
​

​

شحال تعجبوني كي تصدقوني
خاصة كي تشكو في الاول
منه نستنتج اني نعرف نمثل :p

​

[FONT=&quot]هذي كامل وكاميرا كاشي هههههههههه[/FONT]
[FONT=&quot]يعطيك الصحة ميلينا شكيت مع الاول بصح كي لعبتيها صح صدقتك [/FONT]
[FONT=&quot]قلت الطفلة عندها نظرة سيئة علينا وهي من المنتدى امالا كيفاه جماعة الزوار [/FONT]
[FONT=&quot]ربي يخليك ويحفظك واتمنى اني نكون خفيفة ظل وما زعفتكش ياك ؟؟[/FONT]
​

​

رزانة سيدتي ام منصف خلاها تخمم بعيد

حتى في زوار اللمة:up:

نقولك مغلطوش فيك راكي نص تاع اللمة الله ابارك

نحييــك كي شاركتي معايا و نقولك سمحيلي ولا كثرت عليك:-r

:regards01::regards01:


هكا ياحبابنا كانت حلقة اليوم

اعتذر مرة اخرى على الروطار

نتمنا حلقة اليوم تعجبكم


نتلاقاو باذن الله
غدوا مع حلقة جديدة
سهرة ممتعة

سلاااامي

 

[خوليتا]

السلام عليكم
صح فطوركم


لي الشرف نكون من بين الأوائل للي ردو على الحلقة هادي اللي كيما تعودنا كانت فور خاصة مع الأخت أم منصف =)
نستناو الحلقات الجايين بفارغ الصبر ( ربي يجعلك الشفا ميلينا )

دمتم بود
​

خولة مرت من هنا​

 

[nina usma]

انشاء الله تكوني بخير ميلينا ختيتي
و الله توحشنا خرايبك تاع الصح
ميرسي يا الشريرة
صحى سحووووووركم:d​

 

[أمــ وليــد الجزائرية]

السلام عليكم
صح فطوركم


لي الشرف نكون من بين الأوائل للي ردو على الحلقة هادي اللي كيما تعودنا كانت فور خاصة مع الأخت أم منصف =)
نستناو الحلقات الجايين بفارغ الصبر ( ربي يجعلك الشفا ميلينا )

دمتم بود
​

خولة مرت من هنا​

واحدة من الاوفياء

الشرف ليا نلقاك ديما في مواضيعي

ربي يخليك

"وشكرا ليك ربي يحفظك"
​

 

[منايا الجنة]

مرحبا بعودتك اختي بلا متطلبي السماح
الحلقة هايلة السيدة ام منصف ماشاء الله عليها.يا اختي لحبيبة واقيلا دعاوي تع لوخرين بداو يخرجو فيك المدام راهي غلباتك هنا هههه..بارك الله فيكم

 

[hadda0425]

يا طفلة كنت حتخربي مطبخ اللمة وتهربي طباخاتو
مكركش
بصح طحتي مع النية الصافية والعقل الرزين ام منصف الله يبارك عليها
تبعاتك في كل شي وقاتلك خلاص نسكرو المطبخ ونقعدو حذا باب جامع هههههه
برافو فلة
ويعطيك الصحة شريفة كنت في القمة
​

 

[اوتار الرووح]

كالعادة
حلقة ههااايلة
تقدري تستفزي العبد كما تبغي
مهما يكونو عاقلين ورزان
مي معاك تنطقيهم
ههههههههه
يعطيك الصحة
تحياتي

 

[مطبخ الأحلام]

السلام عليكم

صح فطور الجميع

سلامتك ختيتي فية

اه ياختي فلة اه خربي فيا انا وماتخربيش فختيتي شوشو

راكي مع دكتورة نفسانية كيفاش حبيتي زعما تقابلك ؟ بشراسة يعني هههه راكي غالطة

لكان ظلي معاها من للصبح نقلك تنساي لكاميرا كاشي وترجعي تحكيلها بلى ماتحسي :d

ام منصف احسها سيدة المنتدى واحسها ام الكل بسيطة لاقصى الحدود حنونة عطوفة تحب الخير لكل الناس

اه يا ام منصف ملكتي قلبي مادا عساي اقول بحقكي؟ فالكلمات لا تكفي للتعبير عن احترام وتقديري لكي

فبارك الله لكي وادامكي لنا ^^ << اعدروني مشاعري تدفقت

بالنسبة للكميرا كاشي يعطيك الصحة ولكن ماوقعتيهاش هههههه علاخاطر ماتعصبتش:d:d
​

 

[أم معاد]

aaaaaaaaaaah ya bentii milina wlh raki deymen toOooop
rabi yahafhdak
ama oum mounssef kenet rziinaaaa heylla w hnina bzzf malgréé mana3rafhech mais habitha bzzf
w nouchkourha 3la atba9ha w wasafatha li deymen 4444

 

[سمسومة خالد]

سلام صديقتي ان شاء الله تكوني بخير
ربي يشفيك من اي داء
راكي عودتينا بالكاميرا كاشي فور وبضيوفك 4444444
وأيم الله أم منصف سيدة نساء المنتدى ربي يطول في عمرها ويعطيلها الصحة ويتقبل منها الصيام والقيام.
عندها حسن الادراك الرزانة البساطة حب الناس ....الخ تلمس كل هذا في كلامها .
تشرفت جدا بالتعرف اليك واستمتعت جدا جدا بمعرفتي لك
بارك الله فيك

 

[la_safa]

السلآم عليكم و صحآ فطوركم ،،

ههههههههههه
والله يآ ميلينآ وش درتي بجمآعة الكوزينة
والله غير جبتيهآ فووووووووووووور يعطيك الصحة ..
امآ ام منصف الله يبآرك عليهآ
والله ردودهآ كلهآ قمة بآينة متخلقة ربي يبآرك ..
يعطيكم الصحة جآت حلقة فور
ننتظرو الحلقآت الأخرى بفآآآآآآآآآآآآآرغ الصبر
صحيتي يآ شريرة يآ حنونة ههههه :p ~
​

 

[{مُدَلَّلَتُهُ}]

الله يبارك عليها طاطا أم منصف رزينة و تحكي بالقدر شحآل عجبتني

حلقة اليوم شابة بزااف فلة يعطيك الصحة حنونتي الحمد الله على سلامتك ربي يشافيك
​

 

[~lola.dz~]

حلقة اليوم وفلة وآش صرآ فيهآ هههه
قتلتهآ ام منصف بالرزآنة ربي يحفظهآ انشآء الله
مرسي عليكـ فلففولة

واسمحيلي يآ ام منصف في وحد الجزء تمآ هههه:$:d
​

 

[علي الفاضلي]

يعطيك الصحه ........

 

[السلطانة]

وعليكم السلام
ههههه وام منصف صارت ضحية
حلقة روعة
نحييك على رزانتك اختي
وميلينا ربي يجيبلك الشفاء حبوبة
في انتظار بقية الحلقات

​

 

[ام منصف]

هذي انا اللي حكمتني الكاميرا نتاع فلة :$
درتيها بيا ماعليش
يعطيك الصحة حنونة
وشكرا لكلامك الطيب وصاحبتك ظهرت شريرة اكثر منك هههههههه
ربي يحفظكم
​

 

[ابوندى]

حتى ام منصف وماخليتوهاش ههههههههه
ربي يكون في العون

 

[ملكًة الاحسآس]

السلآم عليكم فلفل
البآرح ضربت طلة ونقول وآش بيهآ الطفلة بلكـ قطعو عليهآ النت
طلعتي مريضة ربي يجيبلكـ الشفآ ان شاء الله
اييه يابنتي طحتي مع سيدة اللمة ، الرزآنة والهدرة الزينة
وكلآمهآ يزيد يبن هذآ
مآاستنيتكش تفشلي مع الأول ى ملينآ وآلفتكـ شريرة
طلعت لولآ أشر منكـ نستعرف بيهآ :p
يعطيكـ الصحة ستوتة لعقوبة للحلقآت الجآية

​

 

[*Sarah Dz*]

بصراحة ’’ شعال تعجبني ام منصف و شعال يعجبني اسلوبها في الكلام
رازنة بكل معنة الكلمة ’’
يعطيك الصحة فلة حلقة رائعة بزااااف
تحية ليك و تحية لامنا الغالية : ام منصف
و بلا ما ننسى المحبوب منصف
​

 

[أمــ وليــد الجزائرية]

شكرا ليكم كاملين

ايه انسانة رائعة

و هذي الكميرا خلاتني نعرف بزاااف ناس عن قرب اكثر

الله ابارك اللمة عندها ناس نفتاخرو بيهم

يعططيكم الصحة لكل من فات على الموضوع

​