نآس بكري قآلوا لكلآم الزين الحكمة ولمعآني

[نعمات]

ناس بكرى قالوا
كن سبع وكلنى

 

[أحمد علاوة]

مااجملها كلمات حفظكم الله

 

[Oum Loukmane]

ناس بكري قالو
ضربت الساجي تعجبني
(الساجي يعني الراجل الفحل )

 

[Oum Loukmane]

ناس بكري قالو
بكينا وبكاو الناس معنا وجرح الكبده ما يضر غير مولاه

 

[عماد خطاب]

كيما قالو ناس بكري
2 ما يقراوش فهاذ الدنيا لي
راصه حابس ولي فيه لادياري ........عفنا الله خخههههههه​

 

[عماد خطاب]

ناس بكري قالو: خوذ بنت الأصول عللّ الزمان يطول .. ​

 

[عماد خطاب]

ناس بكري قالو: طول العشرة تعرفك الذهب مالقشرة..​

 

[عماد خطاب]

ناس بكري قالو اللي تحطو في عينيك يعميك واللي تحطو تحت ساقيك يعليك

​

 

[عماد خطاب]

رسالة إلى كل من يعرفني
ناس بكري قالو و مخلاو والو
إذا من عندي و منعندك تنطبع
وإذا من عندي برك تنقطع​

 

[عماد خطاب]

ناس بكري قالو بكاها و جا سيدو نسها
وناس اليوم تقول بكاها وجا سيدو وكمل على جد باباها

 

[عماد خطاب]

ناس بكري قالو
الزمان طويل و اللي يضلمك ليوم غدوا يدوق الويل .​

 

[عماد خطاب]

ناس بكري قالو
مرضي ونفاسي نعتلي عدوي من ناسي
والحديث قياس​

 

[عماد خطاب]

"نــاس بــــكرِي قــــالو :

نــــاس مـــــن لحمـــــك ودمـــــك باعـــــوك ...متلومـــش الــناس لـــــي البـــارح عرفُـــوك .

​

 

[عماد خطاب]

​

 

[عماد خطاب]

ناس بكري قالو القهوة

يشربوها في الفنجان والمرأة

يخطبوها الرجال

.... ضرك القهوة

تتشرب في الجوطابل

والمرأة

يخطبوها من البورطابل

​

 

[عماد خطاب]

نااااس بكري قالو
ظنيتك حجرة المرجان يصنعو منك الخواتم طلعتي حجرة الويدان يعفسو عليك البهايم

​

 

[عماد خطاب]

ناس بكري قالو : ما يحس بالوالدين غير من جاب الذرية
و الحمد لله
​

 

[عماد خطاب]

ناس البارح قالو
ادي العاقلة ولي قلبها حنين واذا بيك العينين وحمر الخدين روح ربي *******مقنين********
​

 

[عماد خطاب]

اللي ما تعرفش تغسل الدوارة زواجها من ولد الناس خسارة
واللي مايعرفش لا سليخة ولا ذبيحة زواجه من بنت الناس فضيحة

​

 

[عماد خطاب]

قالو ناس زمان

راح زمان بناسو وجا هاد زمان بفاسو وكب من تكلم بالحق كسرولو راسو​