رد: ماذا ستطبخين اليوم سيدتي انستي الجزء **36 **
صباح النور لبنات واش راكم مع هاذ البردوحماس الماتش اليوم انا اولادي راهم هبلو عندي اكثر من 20 درابو في الدار كل يوم يشريو ويجيبو حتى لالة اشواق لحقها لخبر وقاتلي مانديرش البوني تاعي والكاشني اعطيني تاع الماتش كي تروح من المدرسة نقول لباباها يصورها ونحطلكم تصويرتها
انا البارح تعشينا شوفلور ابيض صوص بيضا بلحم لخروف جا يهبل وديسار مندرين وياغورت حضرتو انا في الدار
نقولكم يعطيكم الصحة اكل طيابكم روعة
فيفي شهتيني في البربوشة بالخضرة وخاصة اللفت او الخردل والاحسن منهم السعيدي البربوشة بيه حاجة اخرى
انا اليوم حبيت نسبق الخير قلتلهم نديرو شخشوخة للعشاء ونديرو طارت العلم الوطني باه هكا يكمللنا ربي ونربحو الماتش
ام بسومة راكي وحدك والا غير اسمك مزروع من تحت
عظم الله اجركم ميمي في جداتك وربي يرحمها ويبدلها حياتها في الدنيا بالفردوس الاعلى يا رب
