كيفاش كان وكيفاش ولى

[أم أمين23]

رد: كيفاش كان وكيفاش ولى

السلام عليكم ورحمة الله تعالى وبركاته
وعليكم السلام ورحمة الله وبركاته اهلا اخيتي
مالا حبيت نعرف كل واحدة فيكم كيفاش لبست الحجاب ؟
انا صراحة الحجاب مدرتوش بكري ، يعني حتى لحقت التارمينال ، ودرتو وحدي يعني عن قناعة ، كنت سيفيليزي واهلي جامي يدخلوا في اللبس ديالنا ، وانا في يوم من رمضان كنت نسمع في خطبة الفتاة امل والم ، صدقوني احسست بخوف شديد وفي اليوم نفسو قلت لماما راح ندير اسدال ، في اليوم الموالي خرجت انا واختي اشتريت حجاب واسدال والحمد لله وضعت حجاب شرعي .
ماشاء الله وليس مهم انك تلبسيه بكري والا متأخر المهم انك لبستيه كما يجب حتى وان اعتبرتي نفسك تأخرتي
اوالمهم هو من بعد ما لبساتو اقتنعت انو الخيار الافضل والا لا؟؟
بالطبع بعد ما لبستو لقيت احترام كبير من جميع زملائي صوا لبنات ولا لولاد ولقيت احترام لذاتي
طبعا هدا اهم شيء احترام ذاتك وافتخارك بما تلبسين
وزاده هل قرات على الحجاب وشروطو والا لبساتو وخلاص ؟
دائما اقرا على شروط الحجاب لكن ان اقول انني وصلت للقمة فاكيد مازال شويا .
بكل تاكيد هدا من شيم المتواضعين والدين بحر ومهما نهلنا منه لن نكتفي
وحاجة اخرى هل غيرتي من حجابك يعني ممكن تكوني لبستي ما يعرف بالحجاب المودرن ومن بعد قريتي والا وحايد نصحوك وعرفتي بلي طريقتك في لبسو خطأ فبدلتها او العكس بديتي بالملتزم وبدلتي للمودرن لسبب او اخر
صراحة انا نحس حجابي في الاول كان احسن عما هو عليه اليوم ، لانو بصراحة كيما نقولو بكري ما كانش حجاب كليماتيزي ودوك ولينا نشريو حجاب بالقفافل شويا ميقنعش كيما الحجاب سامبل مالقري ما زلت محافظة على الشكل ، والهدف طبعا .
شكرا جزيلا موضوع في القمة

المهم انو حجاب شرعي لا ادري انا الشكل الحالي لدلك لا يمكنني التعليق وربي يثبثك ويهدينا احنا ثاني ونلبسوه على اصوله

 

[أم أمين23]

رد: كيفاش كان وكيفاش ولى

اولا السلام عليكم و رحمة الله وبركاته
ثانيا
عجبني الموضوع بالبزاف
شكرا ليك
وعليكم السلام ورحمة الله وبركاته الحمد الله انو عجبك نورتيني
حبيت نعرف كل واحدة فيكم كيفاش لبست الحجاب ؟
لبست الحجاب وانا في عمري 13 سنة هوما قالولي عليه وانا ماعترضتش
خاطر خواتاتي تاني كانو دايرينه
حيجاب نورمال ماهوش ملتازم مي على الاقل بديت بخطوة
كنت ومازال نلبس جيبات وليكات ومرة لباسات ومرة سراول
مي كي نلبس السراول نلبس ايكات تكون طويلة يعني تحت الركبة
هي سيفري ماشي هادا الحيجاب تاع الصح
مانكدبش على روحي ولا على ربي ولا عليكم
الحجاب ماشي هاكدة
مثلا غير كيما انا
هادوك اللي نلبسهم خص يكون على حساب لطاي تاعي
يعني سانتري
مع انا طويلة شوية زواخة
مانحبش نخلط في لي كولار
نلبس الاسود بزاف
الاعتراف دليل على انك حابة تبدلي منو ان شاء الله مع الوقت تبدليه وباقتناع
اوالمهم هو من بعد ما لبساتو اقتنعت انو الخيار الافضل والا لا؟؟
الحيجاب ؟؟؟
صحيح هو الخيار الافضل
في الاول قلت هاد الراي الصحيح
هي الخمار ونلبس حاجة طويلة
هاكدا كان مفهوم الحجاب في هاداك العمر
خيمار وحاجة طويلة كي تلبسي السراول برك
كيما قتلك على الاقل خطوة ندارت
مانكدبش عليك هادا اللي راني لبس فيه بيني وبين روحي مامقتانعاش بيه خاطرش راني نفتن برة بهاد الشي
الحجاب باصوله انو مفاتن المرة مايبانوش
مرة اخرى انت راكي تحاوري في نفسك واكيد ان شاءا لله تتغلبي عليها
وزاده هل قرات على الحجاب وشروطو والا لبساتو وخلاص ؟
هادك الوقت ماقريتش عليه
مي درك ايه
مي على الحجاب الشرعي ماشي الجلباب
حابة نديره ونا مقتانعة بللي خلاص بعت الدنيا وشريته هو
ونكون متشوقة وقتاه نخرج غير باه نلبسه
ماشي حاجة روتينية غير نلبسه وخلاص
ان شاء الله ربي يهديه للخيار الصحيح واكيد مادامك حابة من قلبك ربي راح يخليك تقتنعي عن قريب باذنه
هل غيرتي من حجابك
لالا مابدلتهش
هو هو
مي كان يصرولي مشاكل برة بطلت مازدتش خرجت ماعا خاوتي شاشرة غير باه مايقولوليش نبدله
بقيت نخرج معا ماما
انا قلت ماعليش نخرج هاكدة المهم مارانيش نخرج وحدي
(شوفي العقل المخلط)
المهم كي بدات ماما تلاحظ كل مرة تقولي على الجلباب
جاتني حقرة كيفاه بناتها لخرين ماداروهش مع العلم متزوجات
بقات كل مرة تصرخ عليا
ايا قلت ماعليش ندير الحجاب الشرعي ونهني راسي
مي غير على خاطر كي نخرج ماكانش اللي يهدر معايا وماتردش ماما الزعاف فيا
بقيت نشاور في راسي
قلت يانديره خاطرش سترة يا مانديرهش كامل
حاولي انك تعدلي فيه حتان تقتنعي بالشرعي وتلبسيه عن اقتناع ان شاء الله
نصحوك وعرفتي بلي طريقتك في لبسو خطأ
ايه نصحوني
كيما يقولو خبي زينك لا ينشاف وخبي عيبك لا ينعاف
نصحوني بللي زينة البنت في حجابها تاع الصح
راني متاكدة 1000بالمية بللي هادا اللي راني نلبس فيه ماهوش حيجاب نيشان
عندي وحدة الله يذكرها بالخير دايرة الدرع
حجبني فيها بزاف
كامظهر مي ماشي ملتازما فيه
تروح لعراس فيهم الغنا تحكي معا داك وداك
gالعتلها بوها في التليفون
تنمم بزاف
غاضني بزاف حسيته قناع برك
جلباب غير في الواجهة
مي خفت غير نكون نكدب على ربي وعباده
غير مانكونش قده هو مسؤولية ماشي غير رواح وديره
ايا قلت اللهم راني هاكدة عارفيني هاكدة ماكادباش على ربي
الواحد يحجب لسانه وقلبه وكلشي
ما عندي فيها انت ياك كل واحد يتحاسب في قبرو المهم انت كي اديريه كوني على قد المسؤولية وما تكونيش كيفها
مازالت ما لبستش وقتاش معولة تلبسو وواش مخمة في الحجاب ؟؟؟
مازال مادرته نيشان
مي مقتانعة من القلب والعقل بللي الحجاب الشرعي هو الافضل
ومتمنياته باه نديره
وكل مرة نروح نلبسه في دارنا ونسيي فيه ونشوف حلاتي فيه خاص غير نلبسه برة ونكون هاكدة درته تاع الصح
معولة باذن الله عن قريب نلبسة باسكو حلمي نديره
تخمامي غير في الحجاب الشرعي
والله يهدينا اجمعين
وشكرا على اعادة النظر في الحجاب
موضوعك جاء كتحفيز فلك جزيل الشكر
​

ان شاء الله حبوبة ومستنيا منك وكل اخواتك اكيد في المنتدى خبر لبسك للحجاب الشرعي والالتزام به

 

[أم أمين23]

رد: كيفاش كان وكيفاش ولى

مالا حبيت نعرف كل واحدة فيكم كيفاش لبست الحجاب ؟

انا لبستو كي ربحت الباك بسبب انو صحبتي الانتيم عملاتو وعندي وحدة بنت خالتي دايرتها اكثر من اختي هداك الوقت هي عملاتو كي شفتهم دخل فقلبي الحجاب قلت وانا علاش مانعملوش رحت شريت قش تاع حجاب مودارن طبعا ههههه ولبستو فشهر أوت انا فضلت نلبسو فالصيف باه نوالفو
مليح برافو وطبعا اول الغيث قطرة خلي نشوف واش حكيتي لاخر
اوالمهم هو من بعد ما لبساتو اقتنعت انو الخيار الافضل والا لا؟؟

اكيد اقتنعت وعرفت بلي مكانش افضل من الحجاب
بقيت نتمشى الاز برا نعرف روحي راني مستورة
الحمد الله انك مقتنعة بيه
وزاده هل قرات على الحجاب وشروطو والا لبساتو وخلاص ؟

مانكدبش عليك ماقريتش بزاف وتعمقت ، مرات فالنت نلقى مواضيع عن الحجاب نقراهم
خير من والو
وحاجة اخرى هل غيرتي من حجابك يعني ممكن تكوني لبستي ما يعرف بالحجاب المودرن ومن بعد قريتي والا وحايد نصحوك وعرفتي بلي طريقتك في لبسو خطأ فبدلتها او العكس بديتي بالملتزم وبدلتي للمودرن لسبب او اخر

قبل مانتزوج كنت نلبس حجاب مودرن ههه وملي تزوجت فالشهور الاولى قعدت نلبس نفس الحجاب بصح من بعد راجلي تحزملي هههه قالي هدا ماشي حجاب ستري روحك يابنت الناس وليت درك نغطي شعري كليا ماشي كيما بكري لاماش تبان خخخ ونلبس لي جوب ولا سراول عراض، راجلي راه حاب جلباب بصح راكي تعرفي حالة الغربة قتلو نلبس الطويل ومانعملش جلباب معليش راني مستورة
ما شاء الله مليح انو راجلك يشجع فيك وان شاءا لله مع الوقت تعمليه حتى ولو بدون تغطية الوجه راني كيف انا ثاني مي مازالني ماشي مقتنعة برك بالجلباب بصح باقيه يسمى راه شرعي الى حد ما
والي مازالت ما لبستش وقتاش معولة تلبسو وواش مخمة في الحجاب ؟؟؟

السؤال ماشي ليا هههه
يخلعوني بعض النسا هوما فاتو سن الاربعين ومين تحكي معاهم على الحجاب يقولك رانا عاد صغار والله عن جد ناقصات عقل ودين ربي يهدي ماخلق (راهم كاينين بزاف فعايلتي ندعيلهم بالهداية )

مرسي عيشوش على الموضوع


​

امين يا رب ربييهدي كل بناتنا ونسائنا والعفو حبوبة مرسي ليك الي مريتي بموضوعي وشاركتي فيه

 

[ام رحاب]

رد: كيفاش كان وكيفاش ولى

السلام عليكم انا راح نحكيلكم قصتي

انا درت الحجاب لماكان عمري 9 سنوات ليس الزاما بل حبا له واول ما لبسته حسيت اني ملكت الدنيا ورحت درت على الجوارين كامل نوريلهم درت جلابة وخمار يعني لا مزكرش لا والوا امالا بقيت عليه حتى لحقت 15 عملت الملائة يشبه للجلباب او اسمه الملائة السعودية راهي منتاشرا بزاف لتم ومن بعد قعت نقرا كي ربحت الباك تزوجت درت السدال او البرقع ودخلت الجامعة ودرته عن حب واقتناع والراجل والماته لانوا كان ضمن شروطه والحمد لله الي هدانا وما كنا لنهتدي لولا ان هدانا الله​

 

[أم أمين23]

رد: كيفاش كان وكيفاش ولى

السلام عليكم انا راح نحكيلكم قصتي
وعليكم السلام ورحمة الله وبركاته تفضلي كلنا اذان صاغية
انا درت الحجاب لماكان عمري 9 سنوات ليس الزاما بل حبا له واول ما لبسته حسيت اني ملكت الدنيا ورحت درت على الجوارين كامل نوريلهم درت جلابة وخمار يعني لا مزكرش لا والوا امالا بقيت عليه حتى لحقت 15 عملت الملائة يشبه للجلباب او اسمه الملائة السعودية راهي منتاشرا بزاف لتم ومن بعد قعت نقرا كي ربحت الباك تزوجت درت السدال او البرقع ودخلت الجامعة ودرته عن حب واقتناع والراجل والماته لانوا كان ضمن شروطه والحمد لله الي هدانا وما كنا لنهتدي لولا ان هدانا الله​

ما شاء الله ام رحاب وان شاءا لله كلنا نكون مثلك في حبك للحجاب واقتناعك التام به ربي يحفظك وكبرك في طاعتو