ماذا ستطبخين اليوم سيدتي انستي الجزء37

[ام ايناس]

رد: ماذا ستطبخين اليوم سيدتي انستي الجزء37

هاهي الرشتة تفظلو لبنات

​

 

[ام فيروزا]

رد: ماذا ستطبخين اليوم سيدتي انستي الجزء37

صح غداكم
بصحتك العيش اسماء حرام عليك ناكلو اكل و منخليلكش
انا درت شخشوخة بالكابوية

 

[انريس]

رد: ماذا ستطبخين اليوم سيدتي انستي الجزء37

ام ايناس صحى غداك واش عقبتلك عفاف العدوى راهي باينة بنيينة اممممممممممممممممم زاش الموسيو ولا مازالت لكريشة تصفر هههههه
ام فيروزة قوليلي برك واش ديري بالعيش نتاعي وانت عندك هذيك المفرمسة هيا نتبادلو و خلاص

 

[bellafoufa]

رد: ماذا ستطبخين اليوم سيدتي انستي الجزء37

السلام عليكم صباح الأنوار جمعة مباركة إن شاء الله ، أم فيروز بصحتك الشخشوخة ، قوليلي أختي المرقة تاع الكابوية صح ما تصلحش بلا فرماس أنا نسكن في العاصمة حوست عليه ما لقيتوش زوجي يموت عليها حبيت نديرهالو مع الطعام ودوك استفدت منك أنها تكون مع الرشتة ربي يعيشك فيديني أني عروسة جديدة والطياب الله يستر

 

[ام فيروزا]

رد: ماذا ستطبخين اليوم سيدتي انستي الجزء37

ام ريهام الجمعة و مبكرين
حرام عليك ام ايناس زدت كملتى عليا بصحتكم انا هذو الاكلات محرومة منهم المسيو اعوج ماياكلهمش
واش انقووووووووووولكم امممممممممممممممممممممممممم على الخليع و هداك الخردل

 

[bellafoufa]

رد: ماذا ستطبخين اليوم سيدتي انستي الجزء37

اسمحيلي مع الشخشوخة في بالي الرشتة انتاع أم إيناس جوعتوني يا الخاوة

 

[انريس]

رد: ماذا ستطبخين اليوم سيدتي انستي الجزء37

لبنات هاكم تحلويو

 

[انريس]

رد: ماذا ستطبخين اليوم سيدتي انستي الجزء37

علابالك حتان ولهتني الاخت و باه فقت راكي مدايرة مفرمسة بالكابوية؟؟؟؟
جامي سمعت بيها علابالك:-o

 

[ام ايناس]

رد: ماذا ستطبخين اليوم سيدتي انستي الجزء37

الله يسلمكم لبنات وصح فطوركم
امممم ام فيروزا الشخشوخة راهي تشهي هيا نتبادلو بصحتكم
انريس صايي جا الموسيو راني فطرت ونعست ههههههه
بلة فوفة انا الرشتة درتها باللفت هاداك راكي عليا ولا على الشخشوخة اي استفسار راني هنا مكانش مشكل
​

 

[ام فيروزا]

رد: ماذا ستطبخين اليوم سيدتي انستي الجزء37

تصلح الشخشوخة بلا فرماس انا منديروش فيها و تجي بنينة
قابلة نتبادلو

 

[ام ايناس]

رد: ماذا ستطبخين اليوم سيدتي انستي الجزء37

اممم اسومة الحلو راهي يشهي بصح ماعرفتش واش هو هههههههه انا شهتني الشوكولا

​

 

[انريس]

رد: ماذا ستطبخين اليوم سيدتي انستي الجزء37

انا تغديت بلا بيه خرج وانا جعت حطيت كليت انا و ليسو (انريس)
مليحة غزوت التبادل مع انا ضركهاني فريتها و تغديت نبعثلك و ابعثيلي و نتهناو من لعشا ولا واش قال زينب

 

[bellafoufa]

رد: ماذا ستطبخين اليوم سيدتي انستي الجزء37

أم إيناس و الله شهيتوني كامل البركوكس و الرشتة و الشخشوخة زيدو البرد عولت على الشخشوخة لا صلحت لي يعطيكم الصحة

 

[ام فيروزا]

رد: ماذا ستطبخين اليوم سيدتي انستي الجزء37

انا الفرماس نديرو في العيش و تشيشة فريك

 

[انريس]

رد: ماذا ستطبخين اليوم سيدتي انستي الجزء37

اممم اسومة الحلو راهي يشهي بصح ماعرفتش واش هو هههههههه انا شهتني الشوكولا​

كيكة بالجوز و الشيكولة وهذاك اللي من فوق ماشي جوز حبات قاطو تاع برا و زينتهم بالشيكولة

 

[ام فيروزا]

رد: ماذا ستطبخين اليوم سيدتي انستي الجزء37

بصحتك الحلو يا لحلو

 

[bellafoufa]

رد: ماذا ستطبخين اليوم سيدتي انستي الجزء37

أم فيروز ربي يخليك كيفاش ديريه في الفريك ممكن الوصفة كاملة، بصحتك الكيكة أنريس

 

[انريس]

رد: ماذا ستطبخين اليوم سيدتي انستي الجزء37

الله يسمك فوفة و زينب

 

[somo_81]

رد: ماذا ستطبخين اليوم سيدتي انستي الجزء37

مساء الخير عليكم كي العادة و العوايد روطار فطوري مازال ماطابش ناس داري عندهم عادة يفطرو مور صلاة الجمعة على هاديك منطيبش بكري
الله الله يا الفحلات تشهيو فيا حرام عليكم راني بابور يعني دوك لازم ندير عيش اسما ي راه ينطق وحدو يعطيك الصحة يا الفحلة و رشتة دليلة ممممممم سيحتلي ريوقي بصحتك يا القافزة و نولو لنبيلة جابلي ربي ام فيروز اسمها نبيلة انتي معولة عليا حرام عليك مانيش قادرة ندير الشخشوخة بصح لازم نديرها مانيش حابة يصرالي كي هاداك لي على اخر سبولة قطع صبعو نخاف تخرج فيها خريطة طريق لبسكرة على جال الشخشوخة ههههههههههه و انا تاني ندير فيها الفرماس هي و العيش لوكان متجينيش حامضة متحلاليش ماكلتها بصحتك ام فيروز
نقول للاخت bellafoufa تصيبي الفرماس عند لي يبيعو التوابل ولا تاع الاعشاب كاين هنا في العاصمة
اسما انا فطوري مازال ماطابش و انت الفحلة درتي باش تستقهواي بصح ونو هادك الحية الحمرة على قولة عثمان عريوات قصدي المطلية بالشيكولا :p

 

[نور الحبوبة]

رد: ماذا ستطبخين اليوم سيدتي انستي الجزء37

مساء الخير عليكم صحا غداكم اروح نحط لغدا البنات هدا وين جاو من ليكور وامبعد نرجع نراجع