السلام عليكم و رحمة الله تعالى و بركاته
سأبدأ بمشكلتي و هي مشكلة عائلية بدأت في 2011 كنت في المنزل و كانت معي امي تصلي و أبي ذهب إلى الجزائر العاصمة لأجل العمل و امي كانت تصلي و تدعي ربي يوفق ابي في العمل و فجاة وصلتني رسالة في هاتفي فتحتها لقيت سالة طويلة نقى فيها و الدمعة في عيني الرسالة من ابي يقول فيها سلام عليك يا ولدي تعرف ان الشرع احل 4 نساء و انا راني تزوجت و راني في الجزائر العاصمة مع زوجتي و هي من وهران عمها 42 سنة قالي لازم تشوف كيفاش دير و تقول لماماك انا مالقيتش كيفاش ندير امي حساسة بزاف و حنينة فوق القيس مشيت عند اختي الكبيرة و بقينا نتناقشو في الأخير اتصلت بخالتي و جدتي و خالي بعد ساعة كانو في الدار يما تحيرت و بدات تشم في ريحة الحريق قاتلها جدتي تغاشات يما و من بعد ناضت و دارت حالة بالبكاء و تكهرب الجو في الدار فوتنا ليلة كحلة بعد غدوة روح بابا واحد ماحب يحكي معاه راح ديراكت ليما و بدا يحكيلها كيفاش خطب و كيفاش زوج و قالها لازم تكبري عقلك و هادي سنة الرسول عليه الصلاة و السلام قاتلو يما ماتحكيلي حتى حكاية ماكانش حتى إمرأة تقبل بزوجة تشاركها في راجلها بإختصار هو قالها انا دك زوجت و لازم تقنعي نتيا و الأولاد و هي قاتلو بوس عينك يا طلقني يا طلقها و احنا الأولاد ماقبلناش بهاد الزواج هو راح عندو مرتو الثانية و بقا يحكي معايا باش يقنعني انا قتلو راني قادر نقتل على جال يما و في شهر رمضان 2011 في اليوم 12 من رمضان بعد الصحور بي 5 دقائق حاولت يما ان تنتحر هزت الريزوار و راح تقطع عروق يدها ست ربي فاق خويا و عيطلي هزيتها في السيارة و ديتها للسبيطار ياك قالي الطبيب ماتخافش راهي ماقاستش العروق الحمد لله من هاديك لليلة و ليت نعس يما بزاف نخاق لا تقتل روحها بويسك تأثرت بزاف المهم بقا هاد المشكل 10 اشهر و في الأخير طلق الوهرانية وارجع للدار و بدات ترجع المياه لمجاريها و الحمد للهز
قبل شهرين لقيت بورطابل بابا دخلت لي ميساج تاعو لقيتو بعث ميساج لوحدة قالها شوفيلي على زوجة و كاتب الرقم تاع هاد المرأة باسم رجل بون انا ماحبيتش نقول ليما خبيتها في قلبي مب ربي كي يحب يكشف انسان يكشفو واحد النهار كان بابا قاعد في الميكرو و من بعد عيطلو صاحبو خرج جا خويا قعد في الميكرو لقا السكايب تاع بابا مفتوح و لقا لي ميساج لقا بلي كان يحكي مع إمراة و يحكيلها كلشي اي حاجة صرات في الدار قسما بالله كي قريت بكيت يحكيلها حتى وش يصرا بينو و بين يما ايا انا بعثتلو ميساج قتلو نحتاج نحكي معاك تلاقينا برا قتلو نتا وش تحب ماكفاكش لي صرا في 2011 من مشاكل يما قريب ماتت قالي انا كنت نستنى فيكم بعد عامين ربما تكبرو في عقليتكم قتلو بابا انا عمري 25 سنة و مانيش محروق على النساء كيفك و على جال ميمتي نبقى صغير في الحاجة هادي قتلو زعما نتا حاج مرتين لبيت ربي و راك تحكي مع نساء في الانترنت قتلو هادا حرام او حلال قتلو علاه راك تحكي في السكايب على يما لمراة ماتعرفهاش قالي وينو المشكل قتلو يما لو كانت قارية حتى هي تحكي مع راجل و تحكيلو عليك قتلو بابا نورمالمون نتا لي تنعتلي مش انا قتلو راهو عيب و حرام لي دير فيه خاف ربي نتا عمرك 58 سنة حاب تتمتع روح نتا و يما لتركيا او اي بلد سياحي قتلو يما مسكينة راهي جابتلك 5 اولاد و 3 بنات رضعتنا بكل و كبرتنا كامل قتلو عندك 2 بنات مزوجات و حدة عندها 2 اولاد اك جد ربي يهديك و مشيت خليتو لحكاية هادي عندها شهر هو درك مايحبش يحكي معايا صدقوني عطاوني مفتاح تاع السكنة تاعي ماقاليش مبروك عليك و مايسقسيش عليا خلاص اليوم قاعد في الكوزينة مع يما دخال شافني خرج و انا والله توحشت يقول زكي ولدي في اللحظة هاديك بكيت بويسك قلبي معمر راحت يما عندو و هي تبكي قاتلو روح عندو راهو يبكي عليك قالها ماروحش هاكدا باش يعرفو قيمة الأب هكدا باش يكبر في مخو و يقنعو بالزوجة الثانية انا مسحت دموعي و حلفت مانزيد نحكي معاه هادي هي مشكلتي والله مالقيت حل لوكان مانحكيش معاه يغضب عليا بي و كي نحب نحكي معاه هو مايحبش حتى نقبل بالزوجة الثانية سامحوني طولت عليكم لي عندو حل يعطيني و بارك الله فيكم و السلام عليكم
سأبدأ بمشكلتي و هي مشكلة عائلية بدأت في 2011 كنت في المنزل و كانت معي امي تصلي و أبي ذهب إلى الجزائر العاصمة لأجل العمل و امي كانت تصلي و تدعي ربي يوفق ابي في العمل و فجاة وصلتني رسالة في هاتفي فتحتها لقيت سالة طويلة نقى فيها و الدمعة في عيني الرسالة من ابي يقول فيها سلام عليك يا ولدي تعرف ان الشرع احل 4 نساء و انا راني تزوجت و راني في الجزائر العاصمة مع زوجتي و هي من وهران عمها 42 سنة قالي لازم تشوف كيفاش دير و تقول لماماك انا مالقيتش كيفاش ندير امي حساسة بزاف و حنينة فوق القيس مشيت عند اختي الكبيرة و بقينا نتناقشو في الأخير اتصلت بخالتي و جدتي و خالي بعد ساعة كانو في الدار يما تحيرت و بدات تشم في ريحة الحريق قاتلها جدتي تغاشات يما و من بعد ناضت و دارت حالة بالبكاء و تكهرب الجو في الدار فوتنا ليلة كحلة بعد غدوة روح بابا واحد ماحب يحكي معاه راح ديراكت ليما و بدا يحكيلها كيفاش خطب و كيفاش زوج و قالها لازم تكبري عقلك و هادي سنة الرسول عليه الصلاة و السلام قاتلو يما ماتحكيلي حتى حكاية ماكانش حتى إمرأة تقبل بزوجة تشاركها في راجلها بإختصار هو قالها انا دك زوجت و لازم تقنعي نتيا و الأولاد و هي قاتلو بوس عينك يا طلقني يا طلقها و احنا الأولاد ماقبلناش بهاد الزواج هو راح عندو مرتو الثانية و بقا يحكي معايا باش يقنعني انا قتلو راني قادر نقتل على جال يما و في شهر رمضان 2011 في اليوم 12 من رمضان بعد الصحور بي 5 دقائق حاولت يما ان تنتحر هزت الريزوار و راح تقطع عروق يدها ست ربي فاق خويا و عيطلي هزيتها في السيارة و ديتها للسبيطار ياك قالي الطبيب ماتخافش راهي ماقاستش العروق الحمد لله من هاديك لليلة و ليت نعس يما بزاف نخاق لا تقتل روحها بويسك تأثرت بزاف المهم بقا هاد المشكل 10 اشهر و في الأخير طلق الوهرانية وارجع للدار و بدات ترجع المياه لمجاريها و الحمد للهز
قبل شهرين لقيت بورطابل بابا دخلت لي ميساج تاعو لقيتو بعث ميساج لوحدة قالها شوفيلي على زوجة و كاتب الرقم تاع هاد المرأة باسم رجل بون انا ماحبيتش نقول ليما خبيتها في قلبي مب ربي كي يحب يكشف انسان يكشفو واحد النهار كان بابا قاعد في الميكرو و من بعد عيطلو صاحبو خرج جا خويا قعد في الميكرو لقا السكايب تاع بابا مفتوح و لقا لي ميساج لقا بلي كان يحكي مع إمراة و يحكيلها كلشي اي حاجة صرات في الدار قسما بالله كي قريت بكيت يحكيلها حتى وش يصرا بينو و بين يما ايا انا بعثتلو ميساج قتلو نحتاج نحكي معاك تلاقينا برا قتلو نتا وش تحب ماكفاكش لي صرا في 2011 من مشاكل يما قريب ماتت قالي انا كنت نستنى فيكم بعد عامين ربما تكبرو في عقليتكم قتلو بابا انا عمري 25 سنة و مانيش محروق على النساء كيفك و على جال ميمتي نبقى صغير في الحاجة هادي قتلو زعما نتا حاج مرتين لبيت ربي و راك تحكي مع نساء في الانترنت قتلو هادا حرام او حلال قتلو علاه راك تحكي في السكايب على يما لمراة ماتعرفهاش قالي وينو المشكل قتلو يما لو كانت قارية حتى هي تحكي مع راجل و تحكيلو عليك قتلو بابا نورمالمون نتا لي تنعتلي مش انا قتلو راهو عيب و حرام لي دير فيه خاف ربي نتا عمرك 58 سنة حاب تتمتع روح نتا و يما لتركيا او اي بلد سياحي قتلو يما مسكينة راهي جابتلك 5 اولاد و 3 بنات رضعتنا بكل و كبرتنا كامل قتلو عندك 2 بنات مزوجات و حدة عندها 2 اولاد اك جد ربي يهديك و مشيت خليتو لحكاية هادي عندها شهر هو درك مايحبش يحكي معايا صدقوني عطاوني مفتاح تاع السكنة تاعي ماقاليش مبروك عليك و مايسقسيش عليا خلاص اليوم قاعد في الكوزينة مع يما دخال شافني خرج و انا والله توحشت يقول زكي ولدي في اللحظة هاديك بكيت بويسك قلبي معمر راحت يما عندو و هي تبكي قاتلو روح عندو راهو يبكي عليك قالها ماروحش هاكدا باش يعرفو قيمة الأب هكدا باش يكبر في مخو و يقنعو بالزوجة الثانية انا مسحت دموعي و حلفت مانزيد نحكي معاه هادي هي مشكلتي والله مالقيت حل لوكان مانحكيش معاه يغضب عليا بي و كي نحب نحكي معاه هو مايحبش حتى نقبل بالزوجة الثانية سامحوني طولت عليكم لي عندو حل يعطيني و بارك الله فيكم و السلام عليكم
