تحب طفل و لا طفلة؟

[imy_amani]

بنت وولد
للزوج
ههههههههههه
ماعنديش فرق

ربي يرزق المسلمات والمسلمين بالذرية الصالحة​

 

[الباندي]

انا نبغيهم في زوج مرة طفل و مرة طفلة

و اللي يجيبه ربي مرحبا بيه

 

[ثَسْكُورْثْ نَثْدُوكْلِي]

السلام عليكم شكراا على الموضوع
احم احم لم اصوت عذراا....
في الحقيقة ييييي انا حابة يكون عندي في المستقبل توأأأأأأأأأأأأم يارب
وماعنديش فرق طفلة ولا طفل

~~~~~~~~~~~~~~
وبالنسبة للسؤال لطرحتيه
لمذا الرجل يحب يكون عندو ولد ؟؟؟؟؟
اوكي راح نجاوبك لاه
الحاجة الاولى يريدون على الاقل ولد يحمل اسمهم فهمتيني يعني لو عندو غير لبنات رايحين يتزوجو كامل وكي يموت الراجل مايبقاش لعايلتو اسم يعني تنقرض على حساب علمي هذا هو السبب القوي
وكايت تاني باش يكون يدو اليمنى .....
~~~~~~~~~
بالمقابل كاين بعض الرجال الجهالة لا يريدون البنات اطلاقا خوفا من العيب ويا اسفاه لتفكيرهم الجاهل
~~~~~
مممم اوكي اترك بقية الرجال للجواب عن السؤال
لانهم من يعلمو اكثر,,,,
تقبلي مروووري وسلااام
في امان الله
​

 

[مهدي الثعالبي]

لاهل العقول ليس هناك فرق فلماذا تلام المرأة ؟ و الرجل هو السبب بعد الله سبحانه وتعالى في تحديد نوع الجنس ذكرا كان او انثى . و التاريخ يؤكد ان البنت اقرب للوالدين من الذكر

 

[أبو خديجة]

رد: تحب طفل و لا طفلة؟

افضل الولد لأنو سيحمل أسمي ولكل رجل إختياره

 

[حياتي ابداع]

رد: تحب طفل و لا طفلة؟

أنا نحب البنات بزاف و منحبش الأولاد.
عطالي ربي المولود الأول بنت كانت الفرحة نتاعي لا توصف. و المولود الثاني حبيتو ثاني يكون طفلة بصح رب رزقني بولد زي القمر و أنا متقبلتوش ربي يغفرلي و كنت نحس بللي نقمة ماهوش نعمة يبكي الليل مع النهار. ومبعد اكتشفت بللي عندو التوحد وليت نحس بللي ربي عاقبني لاني محمدتوش .رب يغفرلي.
بصح مازلت حابة نجيب طفلة لأني طفلة واحدة و عانيت من الوحدة بزاف و مانيش حابة بنتي يفوت عليها وش فات علي.

 

[MiriRina]

رد: تحب طفل و لا طفلة؟

لي كتبو ربي هذاك هو سوا طفل ولا طفلة

 

[samisa]

رد: تحب طفل و لا طفلة؟

صراحة لايهمني
فكل ما يأتي من عند الله جميل
ولكن ان خيروني فاود ان يكون لدي اول مولود ابن ان شاء الله
​

 

[LINA LOLO]

رد: تحب طفل و لا طفلة؟

هوما الاثنين زينة الحياة ونفضل توام طفل وطفلة

 

[{مُدَلَّلَتُهُ}]

رد: تحب طفل و لا طفلة؟

السلآم عليكم و رحمة الله و بركآته

الي تجي من عند ربّي مليحة المهم يكونو من الذرية الصآلحة و خلاص

تم التصويت على بنت :regards02: لأني نشوف أنو الطفلة دايما تكون حنينة على والديها
​

 

[hadil21]

رد: تحب طفل و لا طفلة؟

لي كتبو ربي مرحبا بيه طفل ولا طفلة

 

[بنت الصحراء08]

رد: تحب طفل و لا طفلة؟

بالنسبة ليا للي جات من عند ربي سبحانه مرحبا بيها

 

[Perle Blanche]

رد: تحب طفل و لا طفلة؟

السلام عليكم
الصلاة و السلام عليك حبيبي يا رسول الله
المال و البنون زينة الحياة الدنياا
لا فرق بينها المهم التربية الصالحة
​

 

[أم أُنٌَيسة]

رد: تحب طفل و لا طفلة؟

السلام عليكم
اللي من عند ربي مليح المهم يكون بصحة جيدة ان شاء الله
تحياتي

 

[Nina's]

رد: تحب طفل و لا طفلة؟

*-* نحب الذكور, كي نلبسلو و نعطيه لباباه يخرجو معاه ولا يرقدو في حضنوا
و نحب الاناث كي نمشطلها شعرها و نلبسلها روبة شاابة مع ليــبة
تسما بين زوج ملاح و كل واحد و مميزاتو​

 

[بنقابي افتخر]

رد: تحب طفل و لا طفلة؟

لا لا بالعكس انا راجلي يحب بنتو يموت عليها مام عمامها
عندهم وليد مايدوهاش فيه كيما البنات
وانا بطبيعة الحال كي عندي طفله نحبها ونحب البنات كي الاولاد المهم الخلقه التامه

 

[همس الوُرود]

رد: تحب طفل و لا طفلة؟

السلآم عليكم ~

لآ يمكنني التصويت

لآ يهم فتآة أو دكر .. مآ كتبه الله هو الأفضل​

 

[Salam Fleur]

رد: تحب طفل و لا طفلة؟

لا يمكنني التصويت .... عندي كيف كيف المهم يكون بصحة جيدة ...... اما جوابا عن سؤالك فهو راجع للعقليات ... كيما احنا في الدار ماكانش هاذي بالعكس تلقاهم يحبوا البنات كثر على الذكورة ........... ​