تجربتي في نظافة طفلي

[أمــ وليــد الجزائرية]

رد: تجربتي في نظافة طفلي

موضوع مليح وكاين بالزاف يخاف من تدواش الصغير خاصة في الايام الاولى انا ما كانش عندي صعوبة خاطر كانت عندي تجربة مع ولاد خواتاتي بالصح المشكل الي اواجهني هو البرد فنقلل من التدواش ونكتفي بمسح لبعض الاماكن بالصح الكوش كي نبدلها لازم نغسل ما نحبش عفسة المسيح باللنجات نحس الصغير ما ينضفش غير بالماء اللنجات نفضلها غير البرا كي يكون ماكنش امكانية استعمال الماء اما الدار الافضل بعد الكوش الماء ديما وحتى الصغير يتعود وكي ما يتنفش مليح ما يكونش مرتاح
ما شاء الله على كل الصور الي مرت تاع البنبونين ربي يحفظهم كامل
انا الايام الاولى مع اخر بيبي كان الصيف كنت نعمر البنوارة ونحطها تكون فرحانة وندوشها براحتي وممكن حتى تجلسي معاها وتكوني ممرتاحة في تدواشها

طاطا ام امين فرحت كي شفتك هنا توحشتك مدة متلاقيناش

الله ابارك على وليداتك

برك حبيت نضيفلك حاجة بالنسبة للانجات رهي مش صحية لبشرة الطفل الصغير

و كاين الي يتحسسو منها يعني الاحسن تتجنبيها كليا
​

 

[أمــ وليــد الجزائرية]

رد: تجربتي في نظافة طفلي

الله يبارك على وليداتكم ربي يخليهم لكم

انا مازال ماعنديش ولاد ان شاء الله كي ربي يكتب

راني نتعلم منكم كل ما يخص تربية الاطفال

اهلا اختي و مرحبا بيك

كما قلتي رح نتعلمو كامل من تجربة غيرنا هنا

لانو كاين بزاف حوايج تغيبنا و حتى منديروهاش في البال

جاتنا فرصة و لازم نستغلوها كما يلزم

​

 

[ام منصف]

رد: تجربتي في نظافة طفلي

ام ندوش ونور الحبوية
صور رائد ومعتز زادو بهاو الموضوع
ربي يحفظهم ويخليهم
ويخلي كامل اولادنا يارب
​

 

[ام منصف]

رد: تجربتي في نظافة طفلي

بالنسبة لاولادي زادو في الصيف والدوش كان امر ضروري واساسي ليهم
مالقيتش معاهم صعوبة خاصة واني كنت ساكنة في دار العايلة
يعني كاين اللي يعاوني
وفي اغلب الاحيان ندوشهم انا وباباهم كي كانوا صغار طول
كي كبروا شوية وبداو يقعدوا كانوا خلاص يعرفوا الدوش ويحبوه
منصف كان يبكي كي نوصل للشعر رغم اني نجيبهالو بلعبة ونبلهولو بلعقل بصح كانت تصرا حرب باش نغسلو شعرو
وضرك خلاص ماعادش يبكي يغمض عينيه وتنتهي القصة بسلام ههه

​

 

[ام منصف]

رد: تجربتي في نظافة طفلي

بنت السلطان

ان شاء الله ربي يرزقك بالذرية الصالحة
بصح ممكن تشاركينا بتجاربك مع خاوتك والا اولاد العائلة
​

 

[حاملـة المسك]

رد: تجربتي في نظافة طفلي

السلام عليكم

الاستحمام للرضيع ضروري يوميا
يريحو و يتعبو في آن واحد
مكاش عندي مشكل في التحمام و سهل جدا عندي
كنت نفرش في البانيو الخاص بالرضع بساط رقيق باش نحطهم عليه
النيلون قاسي عليهم
نذكر الله
نبدا قبل نرشرش الما باش يعتادو عليه نغسل الشعر
منبعد الجسم و كلي ابتسامة
الابتسامة تساعد في تهدئة الرضيع
نكمل المراحل المعروفة
نقمطهم
اذا كان الوقت صيف نعري الارجل
اذا كان شتاء نغطيهم
نقطرلهم عسل حر ممزوج بماء الورد
بيبغون تيزانة فرفان
يروحو في سبات عميق واوووب للاعمال المنزلية

مشكووورة ملينا على اتاحة لنا الفرصة لتبادل الخبرات
سلامي​

 

[أم رزق الله]

رد: تجربتي في نظافة طفلي

السلام عليكم و يعطيكم الصحة على هاد الموضوع القيم و الله يباااااااااارك على ولادكم كامل يهبلو ماشاء الله غزلوني
انا وليدي يعيطولو فالدار براكة تاع لماء يموت على الدوش بصح كيما قالت ام منصف المشكل الوحيد هو الشعر كي نوصل لشعرو ما يبكيش بصح يلصق فيا يشمخني كامل و لازم هادوك الببونات تاع تيليتابيز يدخلو يدوشو معاه و كي نديرلو الرغوة في لحمو يدغدغ ما يخلينيش يبدا يسوطي مالضحك . فالصيف ندوشلو كل يوم يدخل معايا اما فالشتاء مرة فالاسبوع و رجليه حاشاكم يغسلهم يوميا مليح بالصابون حجرة قبل النوم و هادا ماكان شكراااا مرة اخرى على هاد المواضيع القيمة

هنا كي كان صغير يرتاح كي يدوش يرقد

 

[ام منصف]

رد: تجربتي في نظافة طفلي

أم رزق الله
شكرا لمشاركتنا تجربتك مع رزق ربي يحفظهولك يا عمري ماشاء الله عليه
​

 

[ام منصف]

رد: تجربتي في نظافة طفلي

حاملـة المسك
عجبتني نتاع الدوش يريحهم ويتعبهم في نفس الوقت يعني 2 في 1
هكذا يغوصوا في سبات عميق
يعطيك الصحة على المرور الطيب
​

 

[hadda0425]

رد: تجربتي في نظافة طفلي

بالنسبة لولادي ماندوشهمش حتى تتنحي سرتهم هههه كنت نخاف
طبعا لوازم الدوش من غسول للشعر وجال دوش وتالك وليفة وكياسة مخصصة للاطفال
في فصل الصيف ندوشهم تقريب كل يوم في فصل الشتاء ندوشهم مرة في الاسبوع لانو ولادي يمرضو بزاف ولازم ندوش معاهم لانهم يشمخوني كي ندوشهم نبدالهم من الجسم نكيسهم بكياسة رطبة ونديرلهم جال دوش هاك كي نغسلهم راسهم مايتعبوش نبربرهم في منشفة كي كانو تع التقماط نقمطهم نرضعهم يرقدو ونمسح اذنيهم باعواد من القطن
بالنسبة للاظافركي يكملو 40 يوم نبدا نقصلهم اظافرهم بمقص اظافرمخصص ليهم
ويقول ناس بكري الاظافرالاوليين تع الصغير كي تقصيهملو حطيهم بين صفحات المصحف باه يخرج من قراء القرآن الكريم والله اعلم
حاليا ادم ديما ندوشو في الليل نسخن الدوش نحطو في بانيو يلعب شوية حتى ينسى المعاناة ونبدا كيما ذكرت في السابق
​

 

[ام منصف]

رد: تجربتي في نظافة طفلي

hadda0425
حنا عندنا يا حدة السرة اللي يقولك حطوها في المصحف والا كتاب الرياضيات هههههههه باش يخرج عالم الناس كامل معقدة من الرياضيات
شكرا لمرورك ومشاركتنا تجربتك الجميلة مع اولادك
​

 

[أم أمين23]

رد: تجربتي في نظافة طفلي

بالنسبة لاولادي زادو في الصيف والدوش كان امر ضروري واساسي ليهم
مالقيتش معاهم صعوبة خاصة واني كنت ساكنة في دار العايلة
يعني كاين اللي يعاوني
وفي اغلب الاحيان ندوشهم انا وباباهم كي كانوا صغار طول
كي كبروا شوية وبداو يقعدوا كانوا خلاص يعرفوا الدوش ويحبوه
منصف كان يبكي كي نوصل للشعر رغم اني نجيبهالو بلعبة ونبلهولو بلعقل بصح كانت تصرا حرب باش نغسلو شعرو
وضرك خلاص ماعادش يبكي يغمض عينيه وتنتهي القصة بسلام ههه


​

راهم كامل تاع الشعر مشكل انت توصلي للشعر وهوما اطيرو تقولي ما نعرف واش مستيلهم خاصة قبل كي مان شعرهم طويل اما ضرك الحمد الله ما عدناش هههه
ميلينا الله اخليك حبوبة راني هنا نتبع ان شاء الله وندخل كل ما نقدر
حديدة انا ثاني نعرف السرة يقولو طيشيها في بلاصة يتعلق قلبة فيها المسجد او الجامعة والا اي بلاصة حابة وليدك يتعلق بيها وكيما يقولو تقولي طاحتلو السرة لتم
وناس بكري ديما عندهم حكاياتهم

 

[hadda0425]

رد: تجربتي في نظافة طفلي

hadda0425
حنا عندنا يا حدة السرة اللي يقولك حطوها في المصحف والا كتاب الرياضيات هههههههه باش يخرج عالم الناس كامل معقدة من الرياضيات
شكرا لمرورك ومشاركتنا تجربتك الجميلة مع اولادك
​

شريفة وعايشة ايه كاينة حكاية السرة تاني نسيت نقولها هههه
يقلو طيشوها حذا المدرسة باه يتعلق قلبة بيها
قتلهم المشكل خفت نرميها في مدرسة تع الابتدائي يبقالي تم طول عمرو هههههه
تامنو بربي بلاك السرة تع ادم مزالها في الدار لحد الان نمدها لجارتنا ترميها في الجامعة على الاقل يفوت تم هههه
​

 

[magique]

رد: تجربتي في نظافة طفلي

الله يبارك على وليداتكم يهبلوا ربي يبعد العين

كي كان خويا بيبي صغير كانت ماما كي تحب ادوشو تعيطلي تقولي انا نحكمهولك ونتي دوشيه ثم ثم نكملو
باغسكو ماعنديش خواتاتي صافي انا لي لازم نعاونها
وساعات لعكس تقولي هاكي احكميه بصح نخاف يزلقلي
وتحطو على حجرها وتغسلو راسو من بعد تهبطو في البانيو وندوشهولها

ودك راهي جاية بيبي وحدة اخرى ان شاء الله يسلكو بخير
انا لي راح نتعلم فيها باه ياربي نكتسب خبرة قبل مانتزوج هههههه
الطفل كان عمري 10 سنين كنت صغيرة مي دك الله يبارك راني كبرت هههه
​

 

[salisirage]

رد: تجربتي في نظافة طفلي

السلام عليكم سيدتي الكريمة
نشكرك بزاف على النصائح القيمة التي اتمنى كل الامهات يستفادوا منها ان نظافة الطفل جزء من حمايته