من التراث قصة الكيف وقصة الأميرة الخرساء

adel._dz

:: عضو مُتميز ::
إنضم
12 جوان 2013
المشاركات
1,336
الإعجابات
1,939
النقاط
71
#1
السلام عليكم
وش حوالكم ان شاء الله بخير
بون هذي قصص فيها عبر توارثناها وعرفناها واستفدنا منها وحبيت نشارككم فيها ممكن كاين لي يعرفها وممكن لا لا المهم راهي بين يديكم هي أصلا عبارة عن أربغ قصص طويلة ومترابطة أنا الساعة هذي متفكر زوج برك نبداو بقصة الكيف
حكى أنو كاين شاب معروف بحسن جمالو وحسن حضورو لدرجة أنه كل فتاة تراه تعشق فيه وكان للشاب خالة أكبر منه وعفانا وعفاكم الله عشقت فيه وفي احدى المرات غطت على وجهها وذهبت اليه .......وكان ما يكون فيما نهى الله عنه من زنى المحارم والشاب لا يعلم بأنها خالته المهم فات وقت وحبلت الخالة وصارحت ابن أختها بالأمر فكاد أن يجن من هول الفاجعة راح للحكيم والا الدبار حكالو قصتو وطلب مشورتو الحكيم قالو أرفد خالتك وابنك واذهب الى مكان منعزل وعيشو بعيد على الناس
المهم طبق الشاب نصيحة الحكيم وفعل ما دبر عليه لكن بعد سنوات طوال لاحظ الشاب أنو العائلة نتاعه تعاني من أمراض ومشاكل خلقة وأخلاقية كأنهم ليسو ببشر عاود راح مرة أخرى للحكيم وخبرو بواش شاف في عايلتو
الحكيم هنا قالو للأسف لا حل اجمع كل عائلتك وسلالتك وجيب زيت واحرق نفسكم
الرجل خمم من ومن قال ماكانش حل أخر وطبق وش طلب منو الحكيم فذهب الى منطقة منعزلة وحرق نفسو وعايلتو بأكملها
ونسيت قصتهم وبعدها بسنين طوال كان هناك راعي غنم تعود أنو يسافر ويبحث عن المراعي وكان عند هذا الراعي قائد قطيع كبش فحل من أفضل السلالات ولاحظ الراعي أنو هذا الاكبش ولى يتصرف بغرابة ولى كأنو نعجة هرمة ماعلابالوش بروحو منين جاء ومنين راح المهم بطل ماولاش فحل القطيع فركز الراعي أنو يتبع تصرفات في وقت الرعي وجد هذا الراعي أنو كل ما ياكل هذا الكبش من احدى النبتات فانو يكون في حالة أشبه بفقدان العقل ونشوة .......

يتبع في رد لاحق ان شاء الله لنصل الى العبرة
 

adel._dz

:: عضو مُتميز ::
إنضم
12 جوان 2013
المشاركات
1,336
الإعجابات
1,939
النقاط
71
#2
رد: من التراث قصة الكيف وقصة الأميرة الخرساء

الراعي انتبه للنبتة هذيك وبدأ يتعاطى منها يوم بعد يوم لاحظ أنها تاخذه لعالم أخر خلاص المهم يوم من الأيام أعلن أحد الملوك أن له ابنة هذه الابنة من ينجح في مداواته سيزوجه لها وبنت هذا الملك كانت من الجمال لدرجة أنها فقدت القدرة على النطق والكلام المكان لي كانت تجوز عليه الأعين كامل تصوب ليها حمل هذا الراعي نفسه وذهب للملك ..
الملك قاله كيفاه الأطباء والعلماء والمشعوذين مانجحوش تنجح أنت ؟
جاوبه الراعي قاله حطها في غرفة مظلمة ومافيهاش نافذه وحطلي شمعة في منتصف الغرفة وحط بينتك في جانب من جوانب الغرفة وثلاثة أيام تشفى ابنتك ...
الملك استعجب بصح حبو لبنتو خلاه يوافق على طلبو
بدات جلسات العلاج المزعومة حط الراعي الشمعة وبدأ يتكلم معاها والأميرة تتفرج فيها وعلامات الحيرة على وجهها وبدأت الغرفة تتغطى بدخان عجيب نتيجة البخور لي كان واضعو الراعي في الغرفة ولي كانت أصلا النبتة لي وجدها
قال للشمعة نحكيلك يالشمعة حكاية ثلاث أصدقاء واحد نحات والأخر خياط والأخر رسام
قال للشمعة خرجو هذم الثلاث في رحلة وتواعدو كل ليلة يحرس واحد منهم والليلة لولة كان دور النحات فبدأ الحراسة وصحابو نايمين طول الليل خلاه يمل وقف خير حذع شجرة من أفخر أنواع الخشب وبدأ ينحت فيه لما انتهى منه كان مرأة كاملة الأوصاف وطلع الصباح فوضعو في متاعهم واستمرو في الرحلة نتاعهم ......
هنا وقف الراعي طفأ الشمعة وخرج بلا ماينطق كلمة متجاهل الأميرة في الطريق لقى الملك قاله وش سر الدخان لي كان موجود في الغرفة أعطاه الراعي النبتة وورالو طريقة استخدامها وخرج .

غدوة عاود ولى الراعي ونفس الأمر ونفس السلوك بدأ يحكي للشمعة قاللها مشاو الصحاب الثلاث في رحلتهم الى أن جاء دور الرسام الليلة هذيك للحراسة بدأ يحرس لكن غلبو الملل فبحث في متاع صحابو وجد النحت نتاع المراة فبدا يرسم في التفاصيل بكل تفنن فكانت مرأة وكانت أفضل تحفة فنية ترسمها يديه طلع الفجر خباها في متاعو وراحو في رحلتهم ....

خرج الراعي وفي طريقو ناداه الملك راحلو
قالو أعطينا نبتة كيف نتاع البارح .... من هنا يقال سمي الكيف بالكيف الملك لما يتعاطى النبتة يصبح أدنى من العبيد ينسى العرش وينسى كل شيء

غدوة عاود الراعي في أخر جلسة علاج اذا مانجحش في مداوات ابنة الملك راح يقطع راسو
أيا جلس وشعل البخور والشمعة وبدأ والبنت تتفرج وحايرة بشوق قال يالشمعة استمرت الرحلة واذا بالليل يطيح وجاء دور الخياط للحراسة وكان مايكون وجد النحت نتاع المرأة وعرف أنها ينقصها غير تتستر فخاط ليها لباس من أجود أنواع اللباس طوال الليل

وطلع الفجر ووصل الصحاب الثلاث للمفترق كل واحد باش يروح في طريقو

وجاء النحات يجبد النحت لقاه مرسوم ومكسي قال النحات هذا من حقي وقال الرسام هذا من حقي وقال الخياط هذا من حقي وسخنت الأمور لدرجة وصلت للعداوة ....

هنا وقف الراعي وطفى الشمعة وجاء خارج من الغرفة نطقتلو الأميرة قاتلو شكون لي يديها النحت

قاللها يديها لي نطقها :d


العبرة أصل نبات الكيف حسب القصة خبيث
لكن ماكانش مانع أنو يستخدم لعلاج في حدود
الملك أخذ الأمر كمتعة فتخلى عن واجباته واتجه للادمان
....


 

رونق الزهور

:: عضو مُتميز ::
إنضم
17 جانفي 2014
المشاركات
654
الإعجابات
2,563
النقاط
51
#3
رد: من التراث قصة الكيف وقصة الأميرة الخرساء

قصة غريبة جدا جد هذي من التراث الجزائري ? واش راك تهدر هههه
بصحتو الاميرة المزطولة
بصح بداية القصة من كتاب المقدس تع اليهود ماعلاباليش لقريتو ولا لالا مي في سفر التكوين دايرين قصة ابة اليهود يهوذا كان عندو ثلاث ذكور زوج الاول ببنت ومات وخلاها مالا بغا يزوجها لثاني فمات قبل مايزوج بيها وقالها سناي يكبر وليدي الصغير ومزوجك بيه هي سنات كي كبر الطفل غطات روحها وراحت عند شيخها تقولو وقتاش العرس هو عجباتو راودها عن نفسها وهي مغطية وجها ماعرفهاش المهم صار واش صرا وجابت منو توام من بعد كي وصلو الخبر بلي كنتو ولدت ماعلابالوش بلي منو قلهم قتلوها اغضبت الله خخخخخ زعمة هو عفيف راحت ليه وقاتلو انا هي تع ذاك تهار وهذو ولادك امالا داها وجنا
هذي خرفات يهودية دخلتنا مع الاستعمار والله اعلم
 

adel._dz

:: عضو مُتميز ::
إنضم
12 جوان 2013
المشاركات
1,336
الإعجابات
1,939
النقاط
71
#4
رد: من التراث قصة الكيف وقصة الأميرة الخرساء

قصة غريبة جدا جد هذي من التراث الجزائري ? واش راك تهدر هههه
بصحتو الاميرة المزطولة
بصح بداية القصة من كتاب المقدس تع اليهود ماعلاباليش لقريتو ولا لالا مي في سفر التكوين دايرين قصة ابة اليهود يهوذا كان عندو ثلاث ذكور زوج الاول ببنت ومات وخلاها مالا بغا يزوجها لثاني فمات قبل مايزوج بيها وقالها سناي يكبر وليدي الصغير ومزوجك بيه هي سنات كي كبر الطفل غطات روحها وراحت عند شيخها تقولو وقتاش العرس هو عجباتو راودها عن نفسها وهي مغطية وجها ماعرفهاش المهم صار واش صرا وجابت منو توام من بعد كي وصلو الخبر بلي كنتو ولدت ماعلابالوش بلي منو قلهم قتلوها اغضبت الله خخخخخ زعمة هو عفيف راحت ليه وقاتلو انا هي تع ذاك تهار وهذو ولادك امالا داها وجنا
هذي خرفات يهودية دخلتنا مع الاستعمار والله اعلم
الله أعلم أصلها منين اذا كانت اسرائيليات والا لا لا كل شيء متوقع
بصح قصص شعبية الناس يعرفوها كثير وانا سمعتها بالطريقة هذي
:)
 

أم راضية ~_

:: عضو متألق ::
إنضم
4 جوان 2011
المشاركات
3,063
الإعجابات
3,057
النقاط
191
#5
رد: من التراث قصة الكيف وقصة الأميرة الخرساء

السلام عليكم
عجبتني الحكاية التانية " يديها الي نطقها " هههههه
يعطيك الصحة ورانا نسناو المزيد من القصص هادو الي اكييييد فيهم فايدة وعبر كثييرة​
 

titouuu30

:: عضو مُشارك ::
إنضم
1 ديسمبر 2008
المشاركات
137
الإعجابات
3
النقاط
7
العمر
32
#6
رد: من التراث قصة الكيف وقصة الأميرة الخرساء

السلام عليكم
القصة حقيقية لكن فيها بعض الإختلاف
أولا كانت أمه ولم تكن خالته ولما طلب منها أن تزوجه من كتر حبها له شرطت عليه شرط وهو أن يرى زوجته إلا ليلا ولا يرى وجهها إطلاقا ولا يسمع صوتها فكان كذلك
هاجر هو بحثا عن العمل فخملت منه ووضعت بنتا فدهبت للدبار و أمرها أن يتم قتل العائلة كلها فماتو جميها وكانت هناك نبتة بجانب المكان الذي قتلوا به فامتصت النبتة دم العائلة (لهذا يقال عن النبتة أنها مسقية بدم بم آدم )
 

titouuu30

:: عضو مُشارك ::
إنضم
1 ديسمبر 2008
المشاركات
137
الإعجابات
3
النقاط
7
العمر
32
#7
رد: من التراث قصة الكيف وقصة الأميرة الخرساء

السلام عليكم
القصة حقيقية لكن فيها بعض الإختلاف
أولا كانت أمه ولم تكن خالته ولما طلب منها أن تزوجه من كتر حبها له شرطت عليه شرط وهو أن يرى زوجته إلا ليلا ولا يرى وجهها إطلاقا ولا يسمع صوتها فكان كذلك
هاجر هو بحثا عن العمل فخملت منه ووضعت بنتا فدهبت للدبار و أمرها أن يتم قتل العائلة كلها فماتو جميها وكانت هناك نبتة بجانب المكان الذي قتلوا به فامتصت النبتة دم العائلة (لهذا يقال عن النبتة أنها مسقية بدم بم آدم )
 

حاتم07

:: عضو مُشارك ::
إنضم
11 سبتمبر 2013
المشاركات
449
الإعجابات
830
النقاط
31
العمر
34
محل الإقامة
بسكرة
الجنس
ذكر
#8
رد: من التراث قصة الكيف وقصة الأميرة الخرساء

هذي القصة سمعتها من قبل والكثير قالو انها حقيقية
 
Top