بسببهم تحولت إلى آلة للجريمة والقتلْ

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلامْ عليكم ورحمة لله وبركاتهْ
سأحكي قصتي بإختصآرْ لأنها طويلة جدا ، وأعتذرْ منكمْ لأنني لمْ أجدْ ملجأ إلى هنا ،
أنا شآبْ من إحدى الولايات الشرقية ، عمري 22 سنةْ ، ولدت في جوْ أسري رآئعْ ، ما يخص وآلو والحمد للهْ ، إلى هنا كل شيئ عادي ، حيث أنني أنا الوحيدْ الذكرْ في العائلة ولدي أختينْ ، كبيرة وصغيرة ، وليسَ لدي أخْ / ذاتْ ليلة دعوة لله ، أن يرزقني بأخْ لقتلْ مرارة العيشِ وحيدا ، والتخلص من تلك الأفكارْ ، إلى أن إنقلبت حياتنا رأسآ على عقبْ أواخرْ 2010 ،
حيث أن والدي قرر أن يطلق الوالدة ، دون سابق إنذار ، دون أعذار ، دون مبررات ،، بلى أسبابْ
ماكان والو ،، قبل رمضآن ما يدخل بنهارْ خرجْ من الدار ، وحدو أنا كنت غايبْ عن البيتْ ،
دخلت للدار لقيتو ماكاشْ ، سألت الوالدة قاتلي خرجْ من الدار ْ، المهمْ
إتصلتْ بيه وعرفت وين راه ، ورحتلو حكيت معاه ، ما خليت ما قتلو ، بكيتلو وشكيتلو ، والو ،
ما نفع فيه والو ، ما لقيت ما ندير ، رحت لعمامي ، خوالي ، كيف كيف ، مقرر على الطلاقْ ،
أيا وفات رمضآن ، وفي صيف 2011 قرر باش يتزوجْ ، وتزوجْ أنا ما حضرتش للعرس
ما قدرتش يا خاوتي صدقوني ، من هول الصدمة هاذيك ، راهي مأثرة فيا للآنْ ،
كملْ الزواجْ ، وكل شيئ فاتْ ، بعدها أنا رحت لدار جدي ، عندي خالي كبير عليا بعامين ، ديما أنا وهو ، خارطين على بعضانا ، نسهرو نحوسو كيف كيف ،، كل شيئ مع بعضانا ،
المهمْ في 2012 أنا ما علابالي بوالو ،، الوالدة ربي يهديها ، تعرفت على واحد ، بحكم أنو رايحة تتزوجْ ، في غيابي ، في ظهري عادي نورمال ،، ما دارتلها حتى حسابْ ، أنا فقتْ بيها ودرت روحي كلي ماكان والو ، قلت بلاك يجي النهار اللي يهديها ربي ، مي ماكاشْ ، واشْ تحبْ ،
حكمت عليها روحي بزآفْ ، قلت ما نديرلها والو ، رآهي أمي ، اللي ولدتني ، اللي رباتني منين كنت صغير ، عجزت يآ خاوتي ولله عجزتْ ، خليتها لربي ، ما ضربتها ما والو ،
في 2012 ، في الأشهر الأولى ، واحد الليلة أنا ساهر في الدار ،، قاتلي يآ وليدي إديني لسبيطارْ ،
تشوكيتْ يما مريضة وكبيرة شوية / خفت عليها ، أديتها لسبيطارْ ، مي ماكاش في بالي والو ،،
غير الخيرْ ، بكيت عليها ، وما رقدتشْ بزاف أياماتْ ، ونهار اللي روحت من سبيطارْ ، روحتْ عادي ، حتى واحد النهارْ هزيت واحد الورقة ، وإكتشفت الحقيقة ، ثمة في اللحظة هاذيك الدنيا دارت بيا ، فقدتْ الوعيْ تاعيْ ، غبت عن الدنيا ، وجدتْ أن أمي العزيزة ، أمي اللي رباتني ، أمي اللي كنت حاسبها مرآ ، أمي اللي نحبها ، جابتْ طفلْ في الحرامْ ، يآ إلهِ ماكاش اللي يقدر يتصورْ روحو في مكاني ، ماكاش اللي يقدر يحسْ واش حسيت في تلك اللحظة بالذات ، عمات عيني ، وخممت في القتلْ مباشرة ، ورحت للكوزينة ، لقيت خنجرْ كبير جدا ، ورحت مباشرة إليها ،
في تلك اللحظة ، في تلك اللحظة غاب الضمير ، في تلك اللحظة نسيت ربي ، في تلك اللحظة فقدت لذة العيش فوق أرض ربي ، في تلك اللحظة نسيت كل شيئ ، في تلك اللحظة نسيت بلي العبد يغلطْ في تلك اللحظة فقدت التفكير ، في تلك اللحظة تحولت إلى آلة قتلْ ، في تلك اللحظة قريب نخسر الدنيا والآخرة ، نظرت إليها قليلا ، ثم أصبحت تبكي أمامي ، ما لقيت واش ندير ، خرجت من الدار
توجهت مباشرة إلى أقرب محطة مسافرين ، وركبت في أول سيارة ، رحت لمدينة أخرى بعيدة
سأمحوني خاوتي ، سأمحوني ، لأنني أكتب هاته الكلمات وأتعذبْ عذابْ شديدْ ، حملت في يدي خنجري ، وبدأت أشرحْ لحمي ، لم أترك مكانا إلآ وخربته بالخنجرْ ، سآل مني الكثير من الدمْ تلك الليلة ولم أذهب إلى أي مستشفى ، ونمت في العراءْ ، ثم في اليوم الموالي عدت إلى البيتْ ، حملت عنوان الشخصْ ، وتوجهت مباشرة إلى مقر سكناه ، لأنه يسكن في مكان آخر بعيد جدا ،
ذهبت أنا وصديقي وحملت كل شيئ لأنفذ جريمتي ، سألت الناس عن مكان إقامته مع أهله ، ووصلت إلى العنوانْ ، ماكان ينقصني إلآ التنفيذ والهربْ إلى مكان بعيييد جدا ،
ولكن وبينما أنا وصديقي ننتظرْ ، وإذْ بالشرطة تداهمنا من كل مكانْ ، قف أنت محاصر ، قف قف قف قف ، لحسن الحظْ تركت أدوات الجريمة بعيدة عني بمسافة تحسبا لأي أمر طارئ ، فتشنا رجال الشرطة ، ولم يتكلمو في أي شيئ يخص الموضوع ، ثم أخذونا إلى المركزْ ، وأخذو معلوماتي كاملة ، وبصماتي وكل شيئ عني ، صوروني ، و و و ، ثم أخذونا إلى فندق قريب من مركز الشرطة ، بقينا هناك ليلة كاملة مع حراسة مشددة ، 4 حراس أمام باب الغرفة ،
بقينا في الغرفة إلى أن حانت الساعة 5 صباحا ، أخذونا إلى مركز الشرطة ، إسترجعنا حاجياتنا ، وأعادونا إلى حيث نسكنْ ، وسلمونا إلى شرطة مقر سكنانا ، وأتى خبير نفسي ، و و و
المهمْ عدت إلى البيت ليوم واحد فقط ثم خرجت من جديد وسافرت بعيدا جدا ، وهناك بدأت قصة التشردْ المرْ ، ومرحلة فقدان المشاعرْ والأحاسيس ، في تلك المرحلة جربت كل شيئ
جميع أنواع المسكرات ، والمخذرات و و و و ...... أنا الآن غارق فيها ولا أمل لي في العودة إلى الطريق المستقيم ، وفكرة القتلْ مازالت في رأسي ، لم أستطع نزعها أبدا ، لا أستطيع
أنا أفكر في فيها ليل نهار 24/24 ، لا أنام الليل أبدا ، لا أستطيع النومْ لا أستطيع فعل أي شيئ
أنا مدمن أنا حقير ليس في وسعي عمل شيئ ، وأنا مصمم على فكرة القتل اللعينة ،
ثم سأنتحرْ ، لأنني لا أملك أية مشآعر أبدا ، من يوم ذلك الحادث ، وأنا لا أحس بشيئ ،
لا أستطيع البكاء مهما حاولت ، لا أستطيع التعاطف مع أحد ،
أنا آلة الآنْ همي الوحيد هو القتل وفقط ،
كتبت هذا الموضوع وإختصرت قدر إمكاني لأن القصة طويلة جدا ،
أريد أن أسمعَ آرآئكمْ بكل رحابة صدر ،
آسف يآ إخواني لا أستطيع نزع فكرة القتل من رأسي مهما تحاولونْ
هذه قصتي أكبتها هنا ، ربما لنْ أعيش وربما لن أعود يوما ما ،

 
رد: بسببهم تحولت إلى آلة للجريمة والقتلْ

تما الاعتماد و لي عودة​
 
رد: بسببهم تحولت إلى آلة للجريمة والقتلْ

اخي الكريم و العزيز على نفسي أقولها انت شخص عزيز على نفسي

يا اخي الكريم توكل على الله فهو حسبه و اترك هذا الامر إلى الله سبحانه و تعالى


انا اعرف أم فعلت مثل ما فعلت امك و لديها أبن إمام و اخوه لديه شاركة و كليهما لم يفكروا بما تفكر انت به

هل تدري ما فعلوا ؟؟؟

انهم منذ ان فعلت ذالك فعل قطعوها و لم يزوروها حتى اليوم منذ 4 سنين قطعو صلة رحم و هي تابت إلى الله و طللبت منهم العفوا لكنهم أستقلوا نهائيا عنها و قطعوها و هم يعيشوا حياتهم جميلة و سعيدة

تركوا الامر إلى الله سبحانه و تعالى


انت يا اخي الكريم أبني حياتك
ابني مستقبلك
تعلم درس
عش حياتك
أبتعد عن حرام و محرمات
أبني شخصيتك
الدنيا جميلة جدا
و الأحرة أفضل و اجمل

و سيتقدم الاعضاء و ينصحوك اكثر فأكثر

حتى تغير رأيك و تعيش حياتك و تبتعد عن جريمة التي ستقتلك و انت خاسر و الشيطان هو رابح الوحيد


 
رد: بسببهم تحولت إلى آلة للجريمة والقتلْ

يا اخي ارجوك لا تفعل
يا اخي والله دمعت عيناي لا تفعل
يا احي لاتترك الشيطان يسيطر عليك
يا اخي مثلما دعوت الله ان يرزقك باخ فادعوه ان يهديك ويصفح عنك
يا اخي ارجوك لا تنتحر لا تقتل لا تسكر قلك رب يراك ويرعاك
لا ادري لماذا دموعي تنزل بشده لا ادري ربما لاني حطيت روحي في مكانك او لاني اخاف ان تموت كافرا بعد ان كنت انسان ماشاء الله
انا ارجوك ان لا تفعل لاني اعرف اني مهما نصحتك فلن ترجع عن قرارك
اعدك يا اخي ان ادعو لك في كل صلات فانت اخي في الله واخي في الانسانيه
امك انسانه واخطئت فلا تجرم في حقها عسى ان يكون الله هداها
اانت اكرم من الله ’؟ فالله يهدي فالله رحوم غفور ومدام قريت بالمشكل فانت في طريق المستقيم ان شاء الله ربي يغفرلك
فالقتل بوابه جهنم يا اخي فارجووووووووووووووووووووووووووووووووووك لا تفعل
 
رد: بسببهم تحولت إلى آلة للجريمة والقتلْ

سلامي اخي
تمعنت جيدا ف قصتك واعدتها مرارا وتكرارا
شوف نسيي نهدر معاك بالعامية باش تفهمني مليح
شوف خويا راك تقول بلي باباك طلقها وهي مادارت والو وعاود الزواج هي بقات وحدها والمراة عندها احاسيس ومشاعر ومتطلبات انت ماتفهمهمش
خويا مانيش نعطيلها ف المبررات لانو هي غلطة والزنا حاجة كبيرة مي الله غالب الشيطان غر بيها ماشي شيطان برك حتى ذاك البنادم ثان لو ع الاقل تزوجت بيه مانقولو والو وانا حسبالي ف اول الامر انها تزوجاتو مي من بعد فهمت بلي ولد غير شرعي
الله يهديها ويهديك خويا
انت راك تقول بلي خسرت حياتك ع جال والديك
خويا اتبرى منها وي راني نهدر من نيتي اتبرى م امك ماشي غير الاولياء لي يتبراو من ولادهم حتى احنا نقدرو نتبراو منهم
عيش حياتك كيما قال خونا حسان
ابني المستقبل ديالك حاول ع الاقل تصيب حاجة تعطيك القوة باش تكمل
روح للمسجد وابكي عند باب ربي بالاك يتوب عليك ويوريلك طريق الصح وين ماشي عيب كي نغلطو خويا العيب كي نعرفو رواحنا غلطانين ونكملو الغلاط
وربي قال خير التوابين الخطائين علابالو ربي بلي احنا ضعاف ونغلطو ع ذيك بيبان رحمتو واسعة ويستقبلنا كي نرجعو ليه
علابالي طريق لادروغ شوي فيها متاهات مي الا كان عندك العزيمة والله واحد مايقدر يوقفك
مممممممممممممم هدرت معاك كانك اخي الصغير ونتمنى تسمعلي وتفهم واش قتلك
هي انت راك جريء كي تحديت نفسك وكتبتلنا المشكل ديالك وهذا شيء ايجابي ينحسب ليك
وعقلك راهو متزن لانو كان عندك فرصتين باش ترتكب الجريمة مي انت ربي يحبك وماحبلكش تكون قاتل
امالا استغل الفرصة وولي لطريق الصح وبعدها تعرف بلي القتيلة عمرها ماكانت حل ولا حتى الانتحار حل
علينا مرة ع مرة نواجهو الدنيا كامل باش نقدرو نعيشو
مايهمش الا انحنى ظهرك شوي مي المهم توقف في وجه العالم الكل وتثبت نفسك
روح لمدينة جديدة وكون نفسك م جديد مي دير ف بالك بلي المخدرات مايجيك منها غير وجع الراس وتولي تقتل صح وتسرق باش تجيب حقها
امالا اخطيك وادخل كاش مصح وتعالج روح لخوالك وبالضبط روح لخالك هذاك لي قلتلنا بلي تعزو بزاف
احكيلو وخليه هو لي يعاونك
يقولك لي ماعندوش كبير يشري كبير وانت راهم عندك عمومك وخوالك

اتفكرت حاجة خويا
قولي برك خياتك لبنات قتلي عندك زوج ليمن تخليهم وشكون يدير بالو عليهم هاذيك الام ولا شكون ؟؟؟
ع الاقل داوي روحك ف خاطر خياتك مابقالهم حتى واحد م خلافك


علابالي هدرت بزاف ومازال ف بالي هدرة بزاف مي ماعليش خويا اهدر راني لهنا انا وكل الاخوة نسمعوك وان شاء الله نقدرو نساعدوك مي صح صح ربي يكون معاك


وف الاخير نقولك اسمحلي ع الرد الطويل
سلامي
 
رد: بسببهم تحولت إلى آلة للجريمة والقتلْ

كان الله في عونك .

وحفظك . وعصمك .

وابعد عنك وساوس الشيطان.

لا بد ان تسامح والديك ...ولو كانوا كافرين .. بهذا امرنا الشرع الحنيف .

((وَوَصَّيْنَا الْإِنسَانَ بِوَالِدَيْهِ حُسْناً وَإِن جَاهَدَاكَ لِتُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا إِلَيَّ مَرْجِعُكُمْ

فَأُنَبِّئُكُم بِمَا كُنتُمْ تَعْمَلُونَ [العنكبوت : 8].

حقهما عليك الاحسان اليهما ... في الدنيا... وليس من حقك محاسبتهما.

هناك من له والدين : يفعلان كل ما يخطر في بالك .. لادين لا ملة.

ومع ذلك يحسن اليهما طاعة لله.

فالله يتولى امرهما وهواعلم بعباده .

*********

ان لم تستطع //

حاول الابتعاد عن مكانهما .. وجدد حياتك .. ولا تجعل الشيطان مسيطرا عليك.

والتائب من الذنب كم لا ذنب له.

********

والقتل لا يأتي بشيء ولن يغير ما حدث .

فعوضا عن الاصلاح يزيد الامر سؤا وتعقيدا.

وفقني الله تعالى واياك للحق وثبتنا عليه.
 
آخر تعديل:
رد: بسببهم تحولت إلى آلة للجريمة والقتلْ

السلام عليكم ورحمة الله تعالى وبركاته

كدت ان اسالك عن حالك لكن تارجعت و حذفت تلك الحروف

اخي غالي أنا لا أعرفك من تكون لكن من خلال كلاماتك تاكدت انك انسان قوي و مؤمن

كل ما ينقصك هو القليل من التفكير فقط أنت تفكر لكن سلبا

تعالى معي لاحدثك لا تقل اني شخص مرتاح اتكلم بدون ادني فكرة

انا لو وجدت شخص يبكي بلا سبب ابكي معه و احس به

كما بكيت معك و تالمت لالمك و المي

انا ايضا لكن قصتي تختلف و مفاهيمي تختلف

الأم و أب هم شخصين وصى عليها رب الناس

لكن يا اخي وصى في حالة إذا كانو في المستوى او اقل من المستوي

إذا وصل الام إلى هذا الحد ما بقى اي كلام يقال

ليكن في علمك و في حالتك ان الله عزوجل جعلهم وسيلة لغنجاب بطل مثلك و مثال لصبر و قوى

لا تيأس ثق في الذي خلق عد إليه فهو غفور رحيم

لا تفعل أي شيئ لا تعد إلى اي مكان قد يذكرك بماضيك

تب و كفر عن اخطاك قبل ان يفوتك الاوان

كون اسرة جديد و احرص على ان لا تكرر نفس الخطأ كن الزوج الحنون الأب العطوف

اعلم صعوبة الامر لكن لا مستحيل مع الله

كما قلت لك و بدون اي مجاملة او مراوغة فانت انسان صادق و قوي جدا جدا

فلا تدمر حياتك

بل أعلن عن بداية حياة جديدة

تخيل ان والديك ماتو و انت صغير

وكون عائلة من جديد و اساسها على ساس صحيح

فالله لا يخيب انسان بكي انسان شكى له

كلم ربك فسوف يسمعك كلامه بأي لغة باي عبارات تريد فسوف يفهمك

أكيد تستغرب كيف لك ان تكلم الله

نعم يمكنك ان تكلمه فالله يسمعنا و يعرف ما بقلوبنا و يعلم الغيب و القدر و يغير فيه ما يشاء

فربما مقدر لك ان تعيش في هم و غم قد يبدله لفرح و سعادة

كلمه و انت ساجد كلمه و انت في لمسجد كلامه و انت في كل مكان يحبه بقلب سليم بكلام صادق
ذ
فسوف يسمعك لكن لن يرد عليك سوف يرد عليك مع مرور الزمن لا تستعجل فقط

اخي سوف اقولك لك من كل قلبي انا موجود ان احتجت مساعدة

سوف اساعدك بما استطيع فلا تحرم نفسك يا اخي العزيز

احببت و الله احببت لشجاعتك و بطولتك و قوتك و صدقك

فلا تجعل نفسك تندم يوم لا ينفع الندم

تذكر ان الله غفور رحيم

ربما ربك و ربي و رب الناس جميعا يغفر للواليدك و لا يغفر لك ان وصالت على هذه الطريق

عدت إلى رشدك اعطي فرصة لنفسك

لا تقل انك انت الوحيد حصل لك الامر هذا

هناك اناس مرو على مراحل اكثر من حالك و حالي و اكثر مما يمكنك ان تتصور لكن الفرق بينانا و بينهم

لم يستسلمو و عادو لحياة و إلا ربهم

و هذه ما هيا إلى دنيا فانية و و الاخرة خير و ابقى

لا تجرح الناس لا تظلم لا تخون فتكون سبب في عذاب بشر

و لا حتي نفسك و فلها الحق عليك

ربي يقدر و يرجع لطريق المستقيم

دمت سالما صادقا قويا

يارب قلت ادعوني نستجب لكم هذا انا ادعوك فأستجب لي

يارب اصلح حاله و أغفر له و انر طريقه بلحق و أرجعه لرشده وطريقك

و انسيه همه و اسعد ايامه يا رحمان يا رحيم يا غفور يا كريم

في امان الله
 
رد: بسببهم تحولت إلى آلة للجريمة والقتلْ

قصتك مؤثرة بزاف
نقولك حاجة وحدة انت باغي تحل مشكل بمشكل تاني وهدا خطئ كبير بالعكس كون ايجابي ماشي تسلك طريق الانحراف وتاني شئ ماشي انت ضحية في هدا كله حتى اخواتك اكيد حياتهم تخربات وغادي تزيد الى عملتي هادشي لي كتقول
القتل انساه راه حرام تقتل روح وتاني حاجة ربي لي كيحاسب كل واحد ماشي انت وشوف خوتاتك غادي يحتاجوك كون ليهم سند لي يعولو عليك لانهم باينة وحيدات لا ام ولا اب ولا اخ حرام عليك تزيد تكمل عليهم بهاد الافعال
انت راك كبير وانت ادرى بوضع اخواتك وعارف ان لي غلط يتحمل مسؤوليتو وانت خرج على برا وماتعمرش راسك بالافكار سلبية وجرائم وانحراف رجع لداركم وحاول تقاد امور وربي راه ارزقنا نعمة النسيان انسى مشاكيل وبدا صفحة جديدة وتقبل خطئ امك باش تكملو حياتكم في الهناء
ولي نطلب ربي الله ارجعك في صواب وربي يكون معاك
 
رد: بسببهم تحولت إلى آلة للجريمة والقتلْ

حقيقة اخي الكريم قصتك فيها ما يندي الجبين ويقطع القلب
لكنك والله لانسان رائع لانك وبكل بسطة تغلبت على وساوس الشيطان حين حملت خنجرا وهممت بقتل الوالدة والله فعلت خيرا انك لم تلطخ يديك الطاهرتين بدم الام
انت انسان قمة في الشهامة فما نرجوه منك هو الابتعاد الكلي عن الحرام ابتعد وعد الى سالف عهدك انسان رائع انسان مسلم يؤمن ان الله هو الذي يحاسب وليس نحن فمن اخطا فله رب يراه ويحاسبه
اخي توكل على الله وعش حياتك بعيدا عن الام ابني مستقبلك واصلح نفسك بتوقفك عن استهلاك تلك السموم صلي وادعي الله ان ييسر لك امرك وسندعو لك اخي والله في صلاتنا
ابعد نفسك عن تلك الافكار التي تقول لك اقتل وانت تقول لا رجوع لي في هذا القرار
انما اقول لك العكس تستطيع العدول عنه لانك لم تفعله في وقته تغلبت على الشيطان حين وسوس لك بقتل امك اذا ستتغلب عليه والى الابد
اخي انظر الى كل الاخوة الذين ارسلو لك اتحادهم معك ونصحوك ايما نصيحة تثلج الصدر وتنير العقل
نحن هنا لنساعدك لناخذ بيدك لبر الامان ناخذك حيث الاستقرار والطمانينة
ان شاء الله نسمع عنك اخبار حلوة تقول الشاب استقام واصبح من رواد المسجد في كل صلاة نحن ندعو لك في الغيب ان ينير الله دربك ويسدد خطاك فالمبتلي مؤمن وانت تواجه الابتلاء بالصبر والاحتساب لله رب العرش العظيم
اخير نتمى لك الخير في حياتك وان شاء الله تستقر وتعيش حياتك نظيفة طاهرة طهارة قلبك فوالله لانت انسان رائع وربي يعطيك على حسب روعتك
توكل على الله وارمي ما فات في بحر غميق وعش الحياة التي سطرها لك الله
لي مكتوب على الجبين تشوفو العين فهذا مكتوبك ارض به سيعوضك اللخ خيرا كثيرا على صبرك
ان شاء الله نسمع منك اخبار جميلة ونحن هنا نساعدك في اي شي تريده من خلا ل هذا المنبر والله ستجد المساعذة في كل شيء
 
رد: بسببهم تحولت إلى آلة للجريمة والقتلْ

شوف خويا الله يقويك والله يهديك ان شا الله .كاين حاجة لازم تعرفها بلي انت راجل ومؤمن ومن كلامك راني متاكدة ان شا الله بلي ما غاديش تغلط لانك عقلك كبير كي وصلت وحكيت لنا حكايتك.شوف غادي ادير حاجة مليحة روح في مكان هادئ وحدك وكيما احكيت لنا حكايتك عاود حكيها بصح لله يا سلااااام رب العباد الغفور الرحيم الهادي تكلم مع الله تعالى وفوض امرك ليه وتوكل عليه والله ما يسمح فيك .وبعد على اصدقاء السوء ،مين تجيك فكرة القتل روح مباشرة لاقرب مسجد صلي ،استغفر ورد لنا الخبر .
بهذه الافكار غادي تضيع حياتك جحيم في الدنيا وتزيد جريمة القتل جحيم في الاخرة لا خويا عيش حياتك وخلي رب عز وجل يجازي عباده واذا غلطت امك مرة ماتخليهاش تزيد تغلط مرة اخرى واستر اخواتك راهم بحاجتك مساكين .اذا كان رب العباد يغفر ويرحم فما بالك العبد. شوف خويا كي دايرين ناس ستروا على امهاتهم وخواتاتهم واعطاوهم فرصة اخرى والله لا راهم عايشين مهنيين عقوبة ليك .ورانا نستنوا اخبار مفرحة عن قريب.
 
رد: بسببهم تحولت إلى آلة للجريمة والقتلْ

السلام عليكم رحمة الله وبركاته..

قريت قصتك وحطيت روحي بلاصتك بعض الافعال لي قمت بها عجبتني مثل صبرك وقوتك في بداية المشكلة
لكن في آخر سطورك ماعجبنيش كلامك

نبداو بالمشكل لي راك قلت انك مستحيل تتراجع على فكرة قتل هذ الشخص..
طيب راك رحت وقتلتو هل بهذ التصرف رايح تنظف الشرف نتاعك؟

أبدا بل رايح تزيد تشوه سمعتك أكثر..وهذا بلاما نهدرو على عقابك عن رب العالمين
يظهرلي ماكش تفكر في ربي خلاص راك ناسي ربي..ماش عاملو حساب..ماكش خايف منو وماكش مهتم بأوامره !
هل هذه تصرفات إنسان مسلم !
أنا لو كنت مكانك نجيب هذ الشخص يعقد على الوالدة ذرااااع حتى يكون الأمر حلال قدام ربي وعبادو..
بعدها يطالقوا اذا حب ربي..
هذا هو حل المشكلة بطريقة عقلانية مش كما راه الشيطان يوز فيك ويستدرج فيك

صدقني بعد ماتقتلو الشيطان يولي يضحك
بعدها نتاع تعيش في ندم عظيم وتولي تجيك منامات ووساوس وخوف من العاقبة نتاعك قدام ربي
وهذ العذاب اكبر بكثير من العذاب لي راك تحس بيه ذركة
على بالك علاه تولي تخمم هاك..لأنك أنسان نظيف في الداخل انسان نقي..
ومستحيل واحد كما نتا رايح يستلذ بقتل شخص ولا يرتاح بعدها
بالعكس رايح تزيد تتأزم حالتك..وتمرض أكثر
ثانيا لجوئك للمخدرات هذا يدل على ايمان ضعيييييييييف وين راه ايمانك ..؟
وين راهي الرزانة الي المفروض تتحلى بيها
المواقف هاذي هي لي تصنع الرجال
وش تحسب الرجال كفاش يكونو رجال ! من الدلال والطبطبة وماعليش واعطوه ودلوه
وخلوه ماتقلقوهش..وديرولو وش يحب,,!

اذا ماقدرتش تكون حكيم في وقت كما هذا مستحيل تكون راجل يعتمد عليه فيما بعد
واذا تجاوزت هذ المرحلة وقتها رايحة نرفعلك القبعة ونفتخرو بيك كلنا والناس تولي تتعلم منك

ماتنساش من سن سنة حسنة فله أجرها وأجر من عمل بها إلى يوم القيامة
يعني اذا عملت حاجة مليحة كل لي يسمع بحكايتك رايح يولي يعمل كما نتا
اذا وقع في مشكل وهنا رايح تنال االاجر على تصرفك ليوم القيامة..

و من سن سنة سيئة فعليه وزرها ووزر من عمل بها إلى يوم القيامة،،
يعني اذا عملت تصرف متهور رايح يقلدك شخص اخر صغير يمكن
ويولي من واحد لواحد يقلد فيك بعدها جهنم وبئس المصير
وتولي في قبرك وتتعذب بسبب أفعالك وافعال الناس لي عانداتك..

فهمتني ولا لا ؟
ربي عطانا العقل باش نخدموه في اوقات كما هاذي مش باش نستعملوه في حوايح تافهة
يلا ابدا خمم في حلول مجدية جيب الراجل هذا وزوجو من الوالدة نتاعك ورجع الاستقرار للعائلة نتاعك
واذا حبيت ماتعيش معاه خليها دبر راسها معاه..

ونتا حوس على بنة الحلال وعلى خدمة وعيش حياتك بالطول والعرض
وجيب أولاد وتهلى فيهم وربيهم تربية ترضى عليها.

راني نسنى في موضوع آخر منك تقول فيه بانك فهمت كلامي وكلام الاخوة قبلي وبأنك رايح تتصرف بتعقل
نوض صلي ركعتين وادعي ربي واقرا كلامنا وخمم فيه مليح ورايح تلقى نتائج مليح

دعواتي ليك بالخير في وقت الصلاة ان شاءلله
وان شاءلله كل لي يفوت منا يدعيلو
 
رد: بسببهم تحولت إلى آلة للجريمة والقتلْ

images



لي عودة ان شاء الله
حتى القى الكلمات
 
الحق سلاحي، تم حظره "حظر دائم". السبب: مخالفة القوانين / إستخدام ألفاظ نابيه وخادشة للحياء.
رد: بسببهم تحولت إلى آلة للجريمة والقتلْ

السلام عليكم ورحمة الله
اولا عالج مشكلة تعاطي المخدرات عند مراكز مختصة او اطلب المساعدة من اقربائك
ربي يهديك اخي
في امان الله

 
رد: بسببهم تحولت إلى آلة للجريمة والقتلْ

السلام عليكم ورحمة الله وبركاته
اول حاجة حبيت نقولهالك الأخ :
بما انك كتبت مشكلتك هنا واعطيتنا رايك فأنت إنسان قوي وقادر على التحمل مهما قلت ومهما حاولت تظهرلنا بلي راك مصمم على فعل شيء راك عارف بلي ما يخرجش ..
في قرارة نفسك علابالك وين راه الصح و وين راه الخطأ
نظن مشكلتك هي من جهة ماراكش عارف كيفاش تتصرف او بالاحرى ماعندكش ثقة فالتصرف السليم الي من المفروض تقوم بيه
و من جهة أخرى مشكلتك قلة الإيمان و تغلب الشيطان وربما رفاق السوء عليك ..
على خاطر ما نظنش واحد يدروgي وحدو !!

في رايي اول حاجة تديريها قبل اي خطوة اتوضى صلي زوج ركعات استغفر ربي وداوم على الصلاة فالجامع حاول تعزل روحك على الدنيا هادي كاااامل ..
بعد على الناس كامل اعتكف فالمسجد ادا قدرت و صفي راسك
واهم حاااااااااااجة اعرف ربي الي خلقك .. اعرفو حق المعرفة
رح ترتاح تطمئن و يبعد عليك الشيطان

وكي تدير واش قتلك تدريجيا رح تتحسن و رح تتنحى فكرة الانتحار و القتل
على خاطر انسان كي يكون عندو عقل وقلب و يكون يخاف ربي مستحييييييييل يفكر فالانتحار

راك فايت العشرين نورمالمون راك تعرف عقوبة تارك الصلاة و عقوبة القتل العمد و عقوبة الانتحار غدوة فالقبر و في يوم القيامة ...
دخلتلك الصلاة فالوسط على خاطر الصلاة تنهى عن الفحشاء و المنكر وتزيد تقربك من ربي
وفالاخير ربي يفرج عليك ,
برك نتا بعد الشيطان عليك و ادعي ربي و استغفر اكثثثثثثثثثثثثر من الاستغفار
و نزيد نفكرك في حاجة راك ناسيها انت انسان صالح و فيك بذرة خير رغم الافكار والوساوس الي راهي تجيك في حالة الغضب هادي حاول تكبر البذرة الي فيك و تصغر الغضب الي راهو عاميلك عينيك
ربي يفرج عليك خويا
نتمنى منك تقرا كامل كلامي ...
 
رد: بسببهم تحولت إلى آلة للجريمة والقتلْ

قف أنت محاصر ، قف قف قف قف ، لحسن الحظْ تركت أدوات الجريمة بعيدة عني بمسافة تحسبا لأي أمر طارئ ، فتشنا رجال الشرطة ، ولم يتكلمو في أي شيئ يخص الموضوع ، ثم أخذونا إلى المركزْ ، وأخذو معلوماتي كاملة ، وبصماتي وكل شيئ عني ، صوروني ، و و و ، ثم أخذونا إلى فندق قريب من مركز الشرطة ، بقينا هناك ليلة كاملة مع حراسة مشددة ، 4 حراس أمام باب الغرفة ،

---------

أظنه فيلم هندي اخي الكريم
قف قف انت محاصر ؟؟؟؟؟
لحسن حظك تركت ادوات الجريمة بعيدة ؟؟؟؟
ياخذوكم للفندق ؟؟؟؟؟
أربع حراس عند باب الغرفة ؟؟

والله فيلم كبير هذا ، لوكان هزوك تبات عندهم ماشي فلوتال
ثمأربع حراس عند باب الغرفة ؟؟؟ هاذي قالتلهم اسكتو
يحرصون رومبو أو ستيفن سيغال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



ياناس واش بيكم هذا
كي تحكيو حكاية كونو صادقين واحكيوها واقعية
ألي مريض نفسيا بالسكيزوفران يروح للطبيب النفسي

ألي يحكي حكاية يحكيها قد قد مايزيدش فيها الملح .....................

شبعتونا خرطي وتخيريط


وفي الأخيرعندك تهز الخنجر هذا وتجي تحوس عليا ......
ثم ردي عادي وليس انتقادي
انا الفيلم هذا 4 حراس عن باب الغرفة مانصدقوش ونقطة انتهى

 
آخر تعديل:
رد: بسببهم تحولت إلى آلة للجريمة والقتلْ

السلامْ عليكم ورحمة لله وبركاتهْ

وعليكم السلام ورحمة الله

الوالدة ربي يهديها ، تعرفت على واحد ، بحكم أنو رايحة تتزوجْ ، في غيابي ، في ظهري عادي نورمال ،، ما دارتلها حتى حسابْ ، أنا فقتْ بيها ودرت روحي كلي ماكان والو ، قلت بلاك يجي النهار اللي يهديها ربي ، مي ماكاشْ ، واشْ تحبْ ،
وإكتشفت الحقيقة ، ثمة في اللحظة هاذيك الدنيا دارت بيا ، فقدتْ الوعيْ تاعيْ ، غبت عن الدنيا ، وجدتْ أن أمي العزيزة ، أمي اللي رباتني ، أمي اللي كنت حاسبها مرآ ، أمي اللي نحبها ، جابتْ طفلْ في الحرامْ ،

كيف رايحة تتزوج ثم جابت ولد بالحرام ؟؟؟ وجزئية ان خالك كي صاحبك مفهمتش هدف ذكرها ثم اين اخوالك وجدك من عمل والدتك واخواتك وين راهم في بقية الاحداث ؟؟

حملت في يدي خنجري ، وبدأت أشرحْ لحمي ، لم أترك مكانا إلآ وخربته بالخنجرْ ، سآل مني الكثير من الدمْ تلك الليلة ولم أذهب إلى أي مستشفى ، ونمت في العراءْ ،

الله أكبر

ثم في اليوم الموالي عدت إلى البيتْ ، حملت عنوان الشخصْ ، وتوجهت مباشرة إلى مقر سكناه ، لأنه يسكن في مكان آخر بعيد جدا ،

ألم يلحظ أحد عليك أثار الجروح ؟؟؟ أين وجدت عنوان الشخص في بيتكم في غرفة الوالدة مثلاً ؟؟؟

ذهبت أنا وصديقي وحملت كل شيئ لأنفذ جريمتي ، سألت الناس عن مكان إقامته مع أهله ، ووصلت إلى العنوانْ ، ماكان ينقصني إلآ التنفيذ والهربْ إلى مكان بعيييد جدا ،
ولكن وبينما أنا وصديقي ننتظرْ ، وإذْ بالشرطة تداهمنا من كل مكانْ ، قف أنت محاصر ، قف قف قف قف ، لحسن الحظْ تركت أدوات الجريمة بعيدة عني بمسافة تحسبا لأي أمر طارئ ، فتشنا رجال الشرطة ، ولم يتكلمو في أي شيئ يخص الموضوع ، ثم أخذونا إلى المركزْ ، وأخذو معلوماتي كاملة ، وبصماتي وكل شيئ عني ، صوروني ، و و و ، ثم أخذونا إلى فندق قريب من مركز الشرطة ، بقينا هناك ليلة كاملة مع حراسة مشددة ، 4 حراس أمام باب الغرفة ،
بقينا في الغرفة إلى أن حانت الساعة 5 صباحا ، أخذونا إلى مركز الشرطة ، إسترجعنا حاجياتنا ، وأعادونا إلى حيث نسكنْ ، وسلمونا إلى شرطة مقر سكنانا ، وأتى خبير نفسي ، و و و
المهمْ عدت إلى البيت ليوم واحد فقط ثم خرجت من جديد

الشرطة لماذا داهمتكم انت وصديقك بالذات ؟؟ حكيت تفاصيل اخذك لمركز الشرطة اكثر من تفاصيل خيانة الوالدة وزواج والدك !!!!!!



الحاجة لي مدوختني راك قلت تتعاطى المخذرات و الكتابة تاعك ماشاء الله تحط همزة الوصل ةالقطع في مكانهم والفواصل ماشاء الله راني نشوف لي مثقفين ويكتبوا في غرضهم في منتديات ماداروش هاك :s:s

مع احترامي لك ولجميع من مروا هنا الحكاية مادخلتش لراسي :regards01::regards01:
ربي يكون في عونك أخي
 
رد: بسببهم تحولت إلى آلة للجريمة والقتلْ

الحاجة لي مدوختني راك قلت تتعاطى المخذرات و الكتابة تاعك ماشاء الله تحط همزة الوصل ةالقطع في مكانهم والفواصل ماشاء الله راني نشوف لي مثقفين ويكتبوا في غرضهم في منتديات ماداروش هاك :s:s

مع احترامي لك ولجميع من مروا هنا الحكاية مادخلتش لراسي :regards01::regards01:
ربي يكون في عونك أخي


ردك شافي كافي وافي الأخت الكريمة احسنت
 
رد: بسببهم تحولت إلى آلة للجريمة والقتلْ


أين وجدت عنوان الشخص في بيتكم في غرفة الوالدة مثلاً ؟؟؟


لم أنتبه لهذا
أحسنت أختي الكريمة
أين وجدت عنوان الشخص في بيتكم ؟؟ وهل كان ساكن مع والدتك ؟؟؟؟؟؟؟ أم أن عنوانه مكتوب في جدار البيت ام في غرفة أم في ورقة ؟؟؟؟؟؟
سبحان الله العظيم


 
محبة الدراسة، تم حظره "حظر دائم". السبب: مخالفة القوانين
رد: بسببهم تحولت إلى آلة للجريمة والقتلْ

يقولك المثل:[لو كان ما تعيطلوا ما يجيها]
 
رد: بسببهم تحولت إلى آلة للجريمة والقتلْ

اخي اذا راك صح منك تحكي ربي يوريلك الطريق واذا راك تتلاعب بينا حرام عليك تتلاعب بمشاعرنا راني كل يوم ندعيلك من كثر الي غضتني وبكاتني قصتك بصح اذا راك تتمسخر ماعليش ربي خير
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top