ارجو المساعدة

zakiii

:: عضو منتسِب ::
إنضم
8 ديسمبر 2013
المشاركات
68
النقاط
5
السلام عليكم و رحمة الله تعالى و بركاته أشهد أن لا إله إلا الله و أشهد أن سيدنا و حبيبنا و نور قلوبنا محمد عليه أفضل الصلوات و السلام أما بعد إخواني أخواتي في قلبي حكاية أردت مشاركتها معكم أنتم بالنسبة لي أهل حكمة و أحبكم في الله
قصتي بدأت في رمضان 2013 انا من الشباب المدمنين على النت و خاصة لفايسبوك في بداية الشهر الكريم رأيت صفحة إسمها ولاد و بنات الفاميليا أعجبت بإسم الصفحة لذا عمل إشتراك و أصبحت دائما أطلع على الصفحة من وقت إلى أخر هاته الصفحة فيها تقريبا 8 مشرفين كان كل واحد فيهم يضع منشور ضحك أو من أقوال هتلر أو .......إلا مشرفة منذ بداية رمضان و هي تضع مناشير عن الدين و كل ليلة بعد صلاة التراويح تضح حلقة عن حياة رسولنا الكريم كنت عندما أرى منشوراتها أقول في نفسي مابال هاته الفتاة هل يوجد من لا يعرف كيف عاش محمد عليه الصلاة و السلام و ككل ليلة تنشر حلقة من حلقات الرسول قلت لنفسي يا زكي لما لا تشاهد حلقة من الحلقات صراحة بعد مشاهدتي الحلقة الخامسة إكتشفت أنني لا أعرف كل شيء عن محمد عليه الصلاة و السلام لذا قررت أن أبدأ من الحلقة الأولى و أصبحت مدمنا على كل حلقة أشاهدها بتمعن و بعد الحلقة نتناقش على ماجرى في تلك الحلقة يوم بعد يوم وجدت نفسي أحب المشرفة و أنا لم أرها و لم أتكلم معها يوما كل يوم يمر عليا و أنا أفكر كيف سأصل إليها كيف كيف ......في ليلة من ليالي رمضان بعد الإفطار خرجت ذهبت إلى المسجد صليت و بعدها عدت إلى المنزل كالعادة شاهدت على ما أظن الحلقة 15 من حياة الرسول و بعدها نمت في تلك الليلة حلمت أن المشرفة أرسلت إلي طلبة صداقة و كنت مسرورا المهم في اليوم الموالي بعد الإفطار و الصلاة دخلت إلى الفايسبوك صدقوني وصلتني طلب صداقة قبلت الطلب ثم جاءتني رسالة السلام عليكم قلت و عليكم السلام ثم سألتها من أنت أجابت أنا المشرفة في صفحة أولاد و بنات الفاميليا تعجبت و ضحكت قلت لها هل حقا أنت المشرفة قالت والله أنا طرت من الفرحة تحدثنا قليلا معاها ثم ذهبنا إلى النوم في اليوم الموالي بعد الإفطار قلت لها أنا معجب بك و أصدقك القول أنا أحبك و أرغب في خطبتك لا أريد أن أطيل علاقتي بك أنا مستعد من غد أن أرسل والدي إليك و أخطبك قالت لي أنت لا تعرفني و لا تعرف شكلي و أين أقطن قلت لها و الله العظيم حتى و لو تكوني معوقة أو فيك أي خلل لن أتراجع على رغبتي في خطبتك سأقبل بك في كل الحالات أجابتني أنا جزائرية لكنني مقيمة في فرنسا عندما قالت مقيمة نزلت عليا السماء يعني أمر شبه مستحيل أن تكون لي قلت لها يا فلانة أنا لا أستطيع أن أطيل علاقتي بك كنت أظن أنك تقطن في الجزائر لكنك متغربة يعني لازم عليا أنتظر حتى صيف 2014 لكي تأتي إلى الجزائر و أرسل والديا قلت لا أستطيع هي قالت لي إصبر و الأيام تجري و إنشاء الله تتم الخطبة و عدتني بأن كل شيء سيكون على مايرام و بقى الخال هكذا بعد 4 أشهر قررت أن أتحدث مع أخيها و فعلا إتصلت به و قلت له أنا فلان من أم البواقي و أرغب في خطبة أختك على سنة الله قلت له أعلم أنك لن تسطيع أن توافق لأنك لا تعرفني و على فكرة هم من برج بوعريريج المهم أجابني أنا لا أرعفك و لا أرغب في أن أعرف عليك شيء أخطيها و ماتزيدش تحكي معاها قلت له شكرا لك و بعدها تكلمت معها قلت لها أنا يزيني علاقتي بك لازم توقف خوك محبش قالت لي زكي اصبر منا لغدوة يتبلو بزاف اشياء ووعدتني بأن الأمور ستكون على مايرام قبلت و أكملنا حتى جاء يوم و تكلمت البنت مع امها قالت لها هناك رجل يرغب في خطبتي تعجبت لإجابتي امها غير أنساي هاداك الراجل و متزيديش تحكي معاه و موحال نقبل بيه الغريب في الأمر أهلها لا يعرفون عني أو عائلتي اي شيء يظنون انني أرغب في إبنتهم من اجل الأوراق و الذها الى فرنسا و لا يعلمون انني ميسور الحال لدي سيارة و منزل خاص بي من عائلة متدينة و محافظة ابي قام بعمرة و حجتين امي حاجة احسست أنني اذل من طرف عائلتها الفتاة فعلت المستحيل لكي يقبلو بي لكن دون جدوى حتى جيء يوم خيرتها امها بيني و بينها قلت لها تربيتي لا تسمح لي بأن أفرق بينك و بين امك لانه في جميع الأحوال امك هي كل شيء قالت لي حان وقت الفراق في باديء الامر تقبلت لكنني بصراحة اتألم كل ليلة و اموت كل لحظة مع انني خسرتها لكن في نفس الوقت لا ارغب في نسيانها صلينا الإستخارة مرتين او ثلاثة لم يتغير شيء اعلم انني اطلت عليكم سامحوني بزاف و لي عندو إقتراح يتقضل بيه و شكرا للجميع سلام عليكم اخوكم زكي.
 

sahiko hamza

:: عضو شرفي ::
إنضم
14 جويلية 2008
المشاركات
3,676
النقاط
191
رد: ارجو المساعدة

وعليكم السلام ورحمة الله


هذوك عباد قاريين النقص في رواحهم وراك قلتها كي شغل خطبتها على جال الاوراق ؟؟


والله مادام استخيريت غي آصبر
ربي قالك اصبر وانت مافهمتش
نورمالمون خليتها جات للبرج وراك اديت العايلة وخطيتهم في آمر الواقع

هادا ماننصح خويا .
 

MISS ROSE

:: عضو مُتميز ::
إنضم
7 جوان 2013
المشاركات
920
النقاط
71
رد: ارجو المساعدة

وليد بلادي ادعي برك وسبح وقول لا اله الا انت سبحانك اني كنت من الضالمين وراها ادعي وقول أليس الله بكاف عبده أليس الله بكاف عبده وكرر ولي فيه الخير ربي يسهلك فيه تحياتي​
 

عاشقة الأحلام

:: عضو مُشارك ::
إنضم
17 أفريل 2014
المشاركات
212
النقاط
21
العمر
20
محل الإقامة
سطيف
الجنس
أنثى
رد: ارجو المساعدة

وعليكم السلام ورحمة الله وبركاته

انا ياخويا كبنت افهم الاهالي البنت

بماذا يفكرو هوما يفكروك واد طماع سيرتو كي راهي عايشة في فرنسا

ومن باب النصيحة نقولك اقعد متمسك بحبك ليها واصبر وانشاء الله راهي رايحة تكون ليك

 

anoucha anoucha

:: عضو منتسِب ::
إنضم
17 أفريل 2014
المشاركات
10
النقاط
3
رد: ارجو المساعدة

يا أخي الكريم هذو بالنسبة ليا أهل معقدين psq لازم يتعرفو عليك و باه يحكمو عليك
المهم يا أخي لا تهتم و لا تترك صلاتك و استخير
و اصبر فان الله مع الصابرين لعله امتحان من المولى عز وجل ليزداد ايمانك
في الّأخير ربي يهدينا أجمعين
تحياتي
 

zakiii

:: عضو منتسِب ::
إنضم
8 ديسمبر 2013
المشاركات
68
النقاط
5
رد: ارجو المساعدة

سبحان الله و الحمد لله و الله أكبر أختي شكرا لك أنا أؤمن بمكتوب الله قصتي حبيت نشاركها معاكم بويسك نحبكم كامل و يشرفني ان ينصحني أي واحد فيكم
 

zakiii

:: عضو منتسِب ::
إنضم
8 ديسمبر 2013
المشاركات
68
النقاط
5
رد: ارجو المساعدة

هوما خايفين عليها و مايعرفو عليا وش عندي ربي يهديهم شكرا أختي الكريمة
 

zakiii

:: عضو منتسِب ::
إنضم
8 ديسمبر 2013
المشاركات
68
النقاط
5
رد: ارجو المساعدة

الحمد لله أنا إنسان أنعم علي الله نعمة الصبر و راني صابر و لي مكتبو ربي مرحبا بيه بارك الله فيك
 

اوراق الصييف

:: عضو مُشارك ::
إنضم
17 جانفي 2014
المشاركات
273
النقاط
13
رد: ارجو المساعدة

راي متخاليهاش باش ميقلولهاش نكانش يحبك لوكان كان يحبك ميترككش من المرة الولي الي رفضناه خلاك لكن من ناحية عائلتها راي انهم عندهم مصلحة فيها وعلى هذا محبوش يزوجوهالك وخاصتا برج بوعريريج ميحيوش يمدو بناتهم لرجل غريب عليهم ومدام هي مرفضتش الزواج بيك متتركهاش وراي يجي نهار الى بنتهم تحطهم امام الأمر الواقع وتتزوج بيك لكن انت اصبر
 

zakiii

:: عضو منتسِب ::
إنضم
8 ديسمبر 2013
المشاركات
68
النقاط
5
رد: ارجو المساعدة

صح كلامك هوما عندهم طبيعة حاجتنا تبقى عندنا و محبوش زكي من أم البواقي و يزوج بنتهم البرايجية و الله كي نخمم ندوخ من ركبتي سبحان الله انا منيش نحكي معاها دك و خايف لا هاداك الحب يزول مع مرور الوقت و ملقيتش كيفاش ندير الصبر نقدر نصبر حياتي كاملة مي في الجهة المقابلة نخاف هي متصبرش و وووووووو ربي يجيب الخير مشكورة أختي
 

anissa 13

:: عضو شرفي ::
إنضم
12 ديسمبر 2009
المشاركات
3,482
النقاط
191
رد: ارجو المساعدة

بزاف عائلات هكدا يتقلشو على الخطاب وكانو بنتهم ملكة جمال
بصح من جهة اخرى عندهم الحق يخافو راني عايشة ففرنسا ونشوف
شحال من وحدة انخدعت يتزوجها ويستنى يجي لفرنسا غي يريقل كواعطو ويبقى يحوس على السبة باه يطلقها
يصح هاد العايلة غلطو فحقك خاطرش حكمو عليك بلا مايعرفوك
الحمد لله انت درت اللي عليك
بالاك ربي ماحبلكش الشر وشكون عرف بالاك مافيهمش الخير
البنت مليحة بصح ماليها مايعجبوش
ربي يجيبلك ماخير ان شاء الله​
 

ضيوف وسـنغادر

:: عضو فعّال ::
إنضم
18 أكتوبر 2013
المشاركات
1,734
النقاط
171
محل الإقامة
skikda
الجنس
أنثى
رد: ارجو المساعدة

حسب ما درست عن الحب ....حالتك ليس حبا
بل فقط اعجابا واوهام تتوهمها النفس لانسان لم تتعرف به بعد
وبما انك طلبتها للزواج وبطريقة غير مباشرة فهي قليلا غريبة
لكن ان شاء الله يقدر الله لك ما تتمناه
وليجعل فيها ربي خير
 

سماح الجزائريه

:: عضو فعّال ::
إنضم
15 أفريل 2010
المشاركات
2,053
النقاط
83
رد: ارجو المساعدة

اه حكايتك عجب
انت نويت الحلال ووهوما شافوا الاوراق وماشفوش قلب بنتهم
البنت لازم تحاول انها تتكلم مع والداها وتفهمهم انها هي اللي رايحه تسكن في الجزائر وتعيش معاك لان الجزائريين ميسكنوش عند نسابهم وهوما راهم جزائريين ويعرفوا هدا
ربي معاك خويا الباهي
واللى ينوي الحلال ربي معاه​
 
Top