كرنفال في الجامعة

حاملـة المسك

:: عضو بارز ::
أحباب اللمة
إنضم
15 ماي 2010
المشاركات
3,994
نقاط التفاعل
9,487
النقاط
191



السلام عليكم و رحمة الله و بركاته

أهلا بناس اللمة الكرام
بالطبقة الواعية الخلوقة مثقفة كانت أو غير
اولا يعطيكم الصحة أنكم دخلتو واسمحتو في وقتكم الثمين باش تسمعو وش راح نهدر ...
نتمنى فقط من الاخوة لجااو هنا غير قصارين ميدروش التباج و يخلو قصراتهم منبعد لانو الهدرة سيريوز و تتلفلي بالفوضى

كان لي الشرف نحضر حفلة تخرج قراءة القرآن عبر الهاتف
مسابقة فرسان القران
الحفل كان في جامعة بسكرة في المجمع الثقافي
القاعة كانت مكتظة ماشاء الله بالطلبة و الطالبات حاملي العلم
قوة الحاضر و أمل المستقبل
الصحافة كانت حاضرة .. الحدث كان كبير ب فحواه و ضيوفه
كان حاضر.. الاعلامي سليمان بخليلي
المقرئ الجزائري صاحب الصوت العذب الجميل والتلاوة العطرة .. الشيخ ياسين فكيح
و ضيوف خرين لا يقل شأنهم على المذكور أسمائهم أعلاه
do.php
do.php


رحب المقدم بالضيوف و قدمهم للجمهور
منبعداك افتتح الحفل بقراءة مباركة من الذكر الحكيم
لتماك بدا الكرنفـــال
do.php

ك بدا المقرئ يرتل الغاشي م سكتش .. الذر مالغري ناس ترونكيل مي معروفين بلي ديفوا تجيهم حالات استثنائية ...
أتمهبيل
do.php
و التمعصيب
do.php
يخي حضرت وقت الترتيل :-o
لبنات كش نوفال غوسات بانت وكش حرgـة في القليب فاااض :( لخية يااا الخية قطيش ..قطيييش عزيز عليا
do.php

مزيا في القاعة كاين طلبة واعيين بداو يشيرو بالسكوت و مع حنا ك نتوصاو تاخد الوصاية روتار باش توصل للدماغ و يقوم بتحليلها و استوعابها...
هو المقرئ قال: و لا الظالين لتم أمنو و و صلتهم الفهامة و شويا هداو و مدو اعتبار للسورة التي تلت
{ و إِذَا قُرِئَ الْقُرْآنُ فَاسْتَمِعُواْ لَهُ وَأَنصِتُواْ لَعَلَّكُمْ تُرْحَمُونَ }

أسناااااو .....
مزال الخير ليحبس الراس و مشهد آخر في الكرنفال
do.php

هو تم المقرئ من التلاوة عزف النشيد الوطني أووووو لتم توتا توتا خلصت حدوثة قطيش و قطوشة :d:d
و عم السكون أرجاء القاعة ...
و هل أصبحت اشعار مفدي زكريا أرفع و أسمى من كلام الله....؟!!

كارثة و الله لا كارثة كبرى حاجة كما هادي تصرا في حدث كبير كما هدا في جااااامعة
و مشي أول خطرة تصرا بهد الطريقة و بهد الفوضى و الضجيج ديجا صرات في جامعة مسيلة أثناء زيارة
الاعلامي سليمان بخليلي و الصحفي حفيظ دراجي و الصحفية أمينة نذير
عيب يا خاوتي أمام الله نديرو هك و هو القائل في محكم تنزيله
{اللَّهُ نَزَّلَ أَحْسَنَ الْحَدِيثِ كِتَابًا مُتَشَابِهًا مَثَانِيَ تَقْشَعِرُّ مِنْهُ جُلُودُ الَّذِينَ يَخْشَوْنَ رَبَّهُمْ ثُمَّ تَلِينُ جُلُودُهُمْ وَقُلُوبُهُمْ إِلَىٰ ذِكْرِ اللَّهِ ۚ ذَٰلِكَ هُدَى اللَّهِ يَهْدِي بِهِ مَنْ يَشَاءُ ۚ وَمَنْ يُضْلِلِ اللَّهُ فَمَا لَهُ مِنْ هَادٍ}
عيب منمدوش للضيوف واجب الانصات و نحسوهم بلي رانا مهتمين بواش راهم يقدمو و نحسوهم باهتمامنا ليهم من خلال أعينا و مشاعرنا
وقتاش نولو أشخاص واعيين ونتعلمو فن الاصغاء ...
عيب أمام الله نقدمو القسم و نوخرو كلامه ...
ارفعو كلام الله يرفعكم احبوه .. يحبكم الرحمن
وقتاش نتخلقو و نولو شعب مؤدب و مدين و متحضر ...وقتاش ؟؟و قتاش؟؟؟
do.php

...ربي يجيب ساعة الخير

قبل ما نختم هدرتي نتقدم بالشكر لحبيبتي ملينا لدارتلي القلب و خلاتني نهدر
مالغري منحبش نهدر نحب نسمع و نتابع و هادي تاني غلطة
الواحد لازم يعرف وقتاش يكون و ما يكونش وقتاش يهدر و ما يهدرش
الموووهم سامحوني لا غلطت في واحد فيكم...
نتلاقاو في ساعة الخير :cray01::cray01:

 
آخر تعديل بواسطة المشرف:
رد: كرنفال في الجامعة

دمعتيني والله يا ختي
بلاك تكون هذي كامل من العلامات الكبرى
كلما يكثر السلام في بلاد لخرى لبلاد المسلمى تتعوج يالطيف
كل مرة نشوفو الي ميتحكاش و وصل القرأن معندوش قيمة
انا صح وجعتني هدرتك وين رانا في دينا و ين رانا ياشعب
لوين رنا ريحين بهذي العقلية و العلم انو كامل فينا عيوب لازم تتصلح و نرجعو لديننا
معندنا غيرو و غير هو الي يشفهنا نهار نقابلو وجه ربي

هذا فن الاستماع تطرقت عليه في قسم التنمية لانو انا ثانيك شفت انو الاكثرية ولات تهدر كثر ماتسمع
وانا وحدة نكره التجمعات هذو غير بالسبب هذا جامي يديرو قيمة للي يهدر و نخرج براسي مريض غير الي يمرضلك راسك

فتحنا مجال نهدرو فيه و ياريت موضوعك يوصل ولو للقيل
لازم نعودو نراجعو انفسنا و نعرفو القيمة الي مدهالنا ربي
يعطيك الصحة يا المسك رجعت عارفة أنو درك تحطيلي موضوع جديد
ولازم عليا نكون مستعدة نعتامدو
ليوم وجدت الكاشي معايا
تم الاعتماد و مشكورة انت ثان على كل مواضيعك المميزة و القيمة
موضوعك في القائمة

قائمة المواضيع المميزة لمنتدى واش راك تهدر 2014

 
رد: كرنفال في الجامعة

الحمد لله مازالو هناك تكريمات لناس القرءان
وماتتلامش الجامعة ولا المنظمينن إنما يتلامو الحضور الغير الواعي والجاهل ان صح التعبير
العلم والنشيد كي يرفع موالفين الي يهدر خلات عليه والشتم وو
اما القرءان الكريم نورمال عندهم او كاين المصحف فالدار والقرءان فالقلب على فهامتهم ...

 
رد: كرنفال في الجامعة

دمعتيني والله يا ختي
بلاك تكون هذي كامل من العلامات الكبرى
كلما يكثر السلام في بلاد لخرى لبلاد المسلمى تتعوج يالطيف
كل مرة نشوفو الي ميتحكاش و وصل القرأن معندوش قيمة
انا صح وجعتني هدرتك وين رانا في دينا و ين رانا ياشعب
لوين رنا ريحين بهذي العقلية و العلم انو كامل فينا عيوب لازم تتصلح و نرجعو لديننا
معندنا غيرو و غير هو الي يشفهنا نهار نقابلو وجه ربي

هذا فن الاستماع تطرقت عليه في قسم التنمية لانو انا ثانيك شفت انو الاكثرية ولات تهدر كثر ماتسمع
وانا وحدة نكره التجمعات هذو غير بالسبب هذا جامي يديرو قيمة للي يهدر و نخرج براسي مريض غير الي يمرضلك راسك

فتحنا مجال نهدرو فيه و ياريت موضوعك يوصل ولو للقيل
لازم نعودو نراجعو انفسنا و نعرفو القيمة الي مدهالنا ربي
يعطيك الصحة يا المسك رجعت عارفة أنو درك تحطيلي موضوع جديد
ولازم عليا نكون مستعدة نعتامدو
ليوم وجدت الكاشي معايا
تم الاعتماد و مشكورة انت ثان على كل مواضيعك المميزة و القيمة
موضوعك في القائمة

قائمة المواضيع المميزة لمنتدى واش راك تهدر 2014


موضوعي و موضوعك ملينا ما أتيا الا بعد ان امتلاءنا بقطرات الغيض والحسرة
ف فضنا رغما عنا...
و انه لا يحز في قلبي أني نقلت ما يزعج و ما قد يزعج الطلبة أنفسهم...
ليس من باب الفضيحة و لكن كان لزاما علي فعل ذلك من باب النصيحة..

بوركت ملينا
 
رد: كرنفال في الجامعة

الحمد لله مازالو هناك تكريمات لناس القرءان
وماتتلامش الجامعة ولا المنظمينن إنما يتلامو الحضور الغير الواعي والجاهل ان صح التعبير
العلم والنشيد كي يرفع موالفين الي يهدر خلات عليه والشتم وو
اما القرءان الكريم نورمال عندهم او كاين المصحف فالدار والقرءان فالقلب على فهامتهم ...


نعم خويا
الحمد لله و ألف حمد على النعم
و المسابقة هذه بفضل من الله هي الطبعة الثانية
و ألف ألف مبارك للفائزين
نورت أخي..
 
رد: كرنفال في الجامعة

للاسف الظاهرة هذه ولات عادية ومتفشية في كل الارجاء والاماكن
والذي يحز في النفس انو الطبقة المثقفة اللي هي من النخبة نورمالمون
راهي تتصرف هكذا امالا ما نلوموش على الاخرين
مرة اخرى نقولك مواضيعك دايما رائعة ومميزة
تستاهلي احلى تقييم
 
رد: كرنفال في الجامعة

السلام عليكم ورحمة الله وبركاته
اختى هذا الامر دايما نشوفو
امام يعمل فى درس فى المسجد والناس كامل تحكى
ما بقاش خشوع وما بقاش احترام
والامر راهو خطير جدا
قالك الكلام هذاك ياكل الحسنات كيما تاكل النار الحطب
ربي يهدي ربي يهدي ربي يهدي

شكراا اختى
ربي يهنيكم وربي يوفقك


 
رد: كرنفال في الجامعة

أنا ما فهمتش حاجة ادا راهم داخلين وناويين ما يسمعوش اشكون اللي اوبليجاهم باش يحضرو؟؟؟
بلادنا معمرة غير بالقهاوي في كل دورة مقهى و تماك الهدرة مسموح بيها هدا للرجال والنساااا يا النسا كاين الحمام ياك راهم يجيبو النهار فيه
وقتاش نبداو نعرفو نطبقو
(لكل مقام مقال)
وقتاش نبداو نعرفو وقتاش نحكيو ووقتاش نسمعو
جابلي ربي معظم اللي كانو لتماك حضرو برك على جال المظاهر وباش يجي يوم و يقولو حضرنا الحفل الفلاني اللي كان فيه فلان و فلان
شكرا اختي على الموضوع ونطلبو من ربي نبقاو ديما واعيين و يبقى ديما القرآن ربيع حياتنا
 
رد: كرنفال في الجامعة

وعليكم السلام

كريثة يعني لوقتاه شعبنا يبقى متخلف هك

هادي راهي تصرى بزاف مام في مجالس اخرى

حتى يتبخصو

بارك الله فيكِ ختيتو على الموضوع الرائع
 
رد: كرنفال في الجامعة

مشكورة على الموضوع .. راكي فرغي ما في قلبك ..

المسألة متعلقة بالوعي ..

وهنا ياتي دور الاسرة والوالدين والمدرسة والمحيط ..

فاقد الشيء لايعطيه .. والجاهل بالشيء لا يحسنه ..

هي ظاهرة ..فلننظر الى الاسباب البعيدة التي ادت اليها ..

من هناك يكون العلاج .

دمتم داعين للخير ..صابرين
 
رد: كرنفال في الجامعة

للاسف الظاهرة هذه ولات عادية ومتفشية في كل الارجاء والاماكن
والذي يحز في النفس انو الطبقة المثقفة اللي هي من النخبة نورمالمون
راهي تتصرف هكذا امالا ما نلوموش على الاخرين
مرة اخرى نقولك مواضيعك دايما رائعة ومميزة
تستاهلي احلى تقييم

بالفعل الطامة الكبرى أنها تأتي من الطبقة المثقفة
نعم ...كان في ظني أنا و أنت أنو العلم زيادة في الاستقامة
و لكـــــن ......
نورتي أم منصف و شكرا على التقييم
 
رد: كرنفال في الجامعة

السلام عليكم ورحمة الله وبركاته
اختى هذا الامر دايما نشوفو
امام يعمل فى درس فى المسجد والناس كامل تحكى
ما بقاش خشوع وما بقاش احترام
والامر راهو خطير جدا
قالك الكلام هذاك ياكل الحسنات كيما تاكل النار الحطب
ربي يهدي ربي يهدي ربي يهدي

شكراا اختى
ربي يهنيكم وربي يوفقك



تاكل الحسناااات .. أخدم من و هدم من:(
ما أتعسهم...
ربي يهدي ربي يهدي ربي يهدي
نورت خويا ماستر...
 
رد: كرنفال في الجامعة

أنا ما فهمتش حاجة ادا راهم داخلين وناويين ما يسمعوش اشكون اللي اوبليجاهم باش يحضرو؟؟؟
بلادنا معمرة غير بالقهاوي في كل دورة مقهى و تماك الهدرة مسموح بيها هدا للرجال والنساااا يا النسا كاين الحمام ياك راهم يجيبو النهار فيه
وقتاش نبداو نعرفو نطبقو
(لكل مقام مقال)
وقتاش نبداو نعرفو وقتاش نحكيو ووقتاش نسمعو
جابلي ربي معظم اللي كانو لتماك حضرو برك على جال المظاهر وباش يجي يوم و يقولو حضرنا الحفل الفلاني اللي كان فيه فلان و فلان
شكرا اختي على الموضوع ونطلبو من ربي نبقاو ديما واعيين و يبقى ديما القرآن ربيع حياتنا

مظاهر و لا يضيعو في الوقت
و كاين لجاااو منهم بصح لكن الزميلات شوشوهم بالهدرة
اما وقتاش نعرفو (لكل مقام مقال)
في الحصص التلفزيونية بمختلف فحاااويه :down:
نورتي نانوشا
 
رد: كرنفال في الجامعة

وعليكم السلام

كريثة يعني لوقتاه شعبنا يبقى متخلف هك

هادي راهي تصرى بزاف مام في مجالس اخرى

حتى يتبخصو

بارك الله فيكِ ختيتو على الموضوع الرائع

كنروحو لاروبا بلاك لتماك شويا نتخلقو
و ك نولو عندنا خيارين لا ثالث لهما
اما ترجع حليمة لعادتها القديمة:(
و اما نرجو وين ما جينا:(
الحل عندناو في عقر دارنا.. نتعلمو من هدي الحبيب
و نقتدي ب أخلاقه... نسلم
بوركت ساندي...
 
رد: كرنفال في الجامعة

مشكورة على الموضوع .. راكي فرغي ما في قلبك ..

المسألة متعلقة بالوعي ..

وهنا ياتي دور الاسرة والوالدين والمدرسة والمحيط ..

فاقد الشيء لايعطيه .. والجاهل بالشيء لا يحسنه ..

هي ظاهرة ..فلننظر الى الاسباب البعيدة التي ادت اليها ..

من هناك يكون العلاج .

دمتم داعين للخير ..صابرين


ازعما رانا نفرغو باش نوجدو رواحنا للتالي
التربية و جازت و انما الواحد ك يكبر يحاول يحسن من نفسو
باتخاده الدين علاج للتداوي
فالعقل يغيب لما يحضر ابليس
يقلهم وقتاش يهدرو و وقتاش يسكتو...
نورت خويا...
 
رد: كرنفال في الجامعة

السلام عليكم

عند قراءة القرءان يجب الاستماع والانصات معا
القلوب اصبحت مغلفة بالشهوات والرياء
مادا لو كان شاب من اغنية الراي الكل يستمعويخشعون ثم يصفقون الدنيا بالمقلوب
 
رد: كرنفال في الجامعة


يعطيك الصحة ختي رغودة ع السوجي ..

اذا نتي تحكي على الجامعة ..وش تقولي في بيوت ربي الجوامع !!؟

الامام يخطب في خطبتي الجمعة و الذراري فوق السدة دايرين حالة بالضحك و اللعب و ماكانش لي ينهرهم .. و برا الجامع لي يبيعو في التشينة و الرمان و الفقوس دايرين مارشي و يحكو و يعطيو و الامام راح يصلي الجمعة ......

و حاجة خرى شفتها بزاف في الجنازات ... في الديار ولا الطوموبيلات ... يديرو القرآن و يريحو يحكو و يشايخو ... في شموبرة النسا المقرئ يرتل و هوما يشايخو ... و في الصالو و لا القاراج الرجال يحكو عادي و لا واحد قاعد يسمع كلمة و لا منصت لكلام ربي ... و في الطوموبيلات دايرينو و فيهم حتى لي يضحكو و يبعو و يشرو و هوما ماشيين في جنازة ....


هذا موضوع درتو على ظاهرة تشبهلها :

البرطابلات في الجوامع .. و العياط تاع النسا .. وين راها حرمة المسجد ؟؟




ربي يهدينا ...........



 
رد: كرنفال في الجامعة

السلام عليكم

عند قراءة القرءان يجب الاستماع والانصات معا
القلوب اصبحت مغلفة بالشهوات والرياء
مادا لو كان شاب من اغنية الراي الكل يستمعويخشعون ثم يصفقون الدنيا بالمقلوب

و عليكم السلام
خشعو نهار توفى حسني و الشاب الاخير نسيت اسمو.. الله يرحمهم و يغفر لهم ..

نورت خويا زقان...
 
رد: كرنفال في الجامعة


يعطيك الصحة ختي رغودة ع السوجي ..

اذا نتي تحكي على الجامعة ..وش تقولي في بيوت ربي الجوامع !!؟

الامام يخطب في خطبتي الجمعة و الذراري فوق السدة دايرين حالة بالضحك و اللعب و ماكانش لي ينهرهم .. و برا الجامع لي يبيعو في التشينة و الرمان و الفقوس دايرين مارشي و يحكو و يعطيو و الامام راح يصلي الجمعة ......

و حاجة خرى شفتها بزاف في الجنازات ... في الديار ولا الطوموبيلات ... يديرو القرآن و يريحو يحكو و يشايخو ... في شموبرة النسا المقرئ يرتل و هوما يشايخو ... و في الصالو و لا القاراج الرجال يحكو عادي و لا واحد قاعد يسمع كلمة و لا منصت لكلام ربي ... و في الطوموبيلات دايرينو و فيهم حتى لي يضحكو و يبعو و يشرو و هوما ماشيين في جنازة ....


هذا موضوع درتو على ظاهرة تشبهلها :

البرطابلات في الجوامع .. و العياط تاع النسا .. وين راها حرمة المسجد ؟؟




ربي يهدينا ...........





يا ودي لي كرنفال في كل بلاصة ...
منيش عارفة لعندها الدراري علاش تروح للجامع ..؟!! صلي في دارك :mad:
استيائي يضاف الى استيائك .. كون راهم يعملوهم قائمة و يتحطو في المثبت ..لعلهم يتعظون!!!
نورت خويا محمد ...
 
رد: كرنفال في الجامعة

تغطية رائعة لواقع أليم

والله انا نوافقك الرأي مية بالمية ،، مؤخرا برك دخلت لقاعة المحاضرات وكان فيها ملتقى حول القرآن الكريم وترتيله زكان عندي امتحان يعني ماكنتش ناوية نطول غير طليت وخرجت وياريتني ماطليت ،، تعرفي الدنيا تقول عرس كيما راكي تحكي على الهراج تاع لبنات وحتى الذراري كامل يحكي في حكاياتو لقاوها بلاصة يستكفاو من الشمس ،، خليت الراجل يدير في برنامج الدورة لأنو هذاك كان الافتتاح برك ،، والله ماسمعت منو كلمة مسقمة

الله يهدينا ويسترنا من هاذ الفضائح

نقطة أخرى ،، نهار جا محمد عجايمي وبهية راشدي ، القاعة اكتضت بالحضور وكي يكون ملتقى علمي تثقيفي وين يستحقو صح مشاركة الطلاب تلقى حضور محتشم أقلية قليلة تقدري تحسبيهم بيدك واذا زاد شوية العدد تولي كافيتيريا ومسرح لعديد المواضيع وتسمعي غير في القهقهة تاع لعباد

بارك الله فيك على هذا الطرح القيم وباذن الله هذا اول خطوة للتغيير
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top