عندما يطرق الحب اللاكتروني بابك

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
قد يكون التعود اوجع من الحب .فحين تحب من الممكن ان تنسى لكن ان (اعتدت) على احد لن تتخلص منه بسهولة فكيف اذا اجتمع الحب والتعود معا !!!!!!!

قصتي بدات مع واحد في الفايسبوك عمرو 19 سنة وانا 17 سنةكل يوم نحكو مع بعضنا عجبني بزاف ولفت بيه بزاف .لقيت روحي متعلقة بيه .سقسيت عليه ناس ملاح لاباس عليه .صرحتوا قتلوا بلي راني نحبو ولفتو وراني حابة نكون معاه ........ قالي علاش لالا ونتي عجبتني وعلاش متكونيش نتي مرتي وحبيبتي وحياتي وام ولادي .......ناويني للحلال .مع الوقت ولينتا نهدرو في التلفون وطورت العلاقة شافني مرة برك في حياتو .حبيتو من قلبي كان هادا لول في حياتي .حكا ليماه عليا قاتلو ربي يكمل ويسعدكم مادام نت حابها انا جامي نوقف في وجهك ..................فوتنا ليمات هباااااااااال نعرف عليه كل شي .يحكيلي توجور .انا تانيك نحكيلو توجور .علبالي بلي يكره لقراية بزااااااف .قالي وليد عمو هو علبالي بقصتنا قالي بلي يماه راهي متقلقة عليه مبغاش يرجع يقرى هاذا لعام يجوز الباك اهدري معاه .علبالي هو يحب يهدرو معاه بالسياسة ماشي يعيطو عليه ........هدرت معاه بالعقل قوتلو بلي لقراية .....ونت وصلت لهاذي المرحلة .......قالي درك نرجع دارهم مصدقوش بلي رجع كان مصمم ميرجعش ..............كانت عندو ظروف متسمحلوش يجي يشوفني .طلب مني نعطيلو الفوطو .مبغيتش قوتلو غير الفوطو لي ماتدهاش زعف وتقلق بزاف قالي ماكانش كوفيونس والظروف مسمحتليش باش نجي بدات المشاكل ............... رجع يقرى تماك كانت المشكلة دارو بيه لبنات تبدل عليا قالي رانا مع وحدة هبلت كل يوم نبكي عليه تجرحت بزاف حلفت والله مانسمح في حبي لول هادي الطفلة قعد معاها شهرين ودرك سايي ............malgrè خلاص مابينتنا مي انا توجور نتفكرو ونسقسي عليه مام هو تانيك يسقي عليا وخطرة قالولي توحشك وراهو يسال عليك مام انا توحشتو بزاااااااااف جازت ليمات ورجعنا امي ورانا نهدرو مع بعضنا نورمال مي انا مازالي نحبو وماشي علبالي انا واش بالنسبة ليه ..........وهو درك راهو سيليباتار مام انا من بعد وقبلو مادرت حتى واحد ودرك راني خايفة من ردة فعل ديالو اذا صرحتو من جهة ماشي حابة نخسروا ......اذا داوهولي كي شغل نحاولي قلبي انا كنت رافض الحب يدخل حياتي مي والله ماعلبالي كيفاش حبيت شوفولي حل خاوتي تعيشو ??
 
رد: عندما يطرق الحب اللاكتروني بابك

الاخت الفاضلة هذه ليست مشكلة تبحث عن حل هذه القصة نفسها مشكلة في اول مرة شاهدك و تعرف عليك و قال ليماه عليك يجي يخطبك و يطلب يدك وانت عندك حاجة وحدة تطلبي منه شرط وحيد بدون مزايدة
يجي يخطبك مباشرة و كما نعلم الخطبة فيها مراحل
التعارف
المشاهدة
الموافقة
المفاهمة
الاتفاق
الفاتحة
العقد
العرس


ماهذا
تطلبي منه يرجع لقرايته؟
يجي يشوفك؟
يحوس على الفوتو؟
كل يوم معاه في فيس بوك؟
تحبيه و هو يحبك؟
انت عبلة و هو عنتر؟

و كل هذه لعب و استمتاع كانت نتيجة يغيرك و انت ربما ستغيريه و رابح وحيد هو ابليس


 
رد: عندما يطرق الحب اللاكتروني بابك

أهلا بيك ختي
19 سنة ويحكي على الزواج وأم ولادو ؟؟؟
قمة المراهقة
ودرك راهو سيليباتار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

واش نقلك ختي هاذا ولف برك شغل والفتيه هذا ماكان والولف بالطول يزوول ويتنحى وتبقالك ذكريات برك تتنحالك لحكاية كامل من قلبك
برك فوتيك واقطعي معاه العلاقة واقطعي السبل والطرق الي تخليك تشوفيه ولا تشوفي اسمو ولا رقم هاتفو وشهر شهرين تولي فووور ورحمة ربي وبالك مرتالح وناسياتو كامل تتفكريه شغل تتفكري كي كنتي تقراي السنة الثالثة ابتدائي
هذا هو الحل الوحيد ليك وادا بغيتي تبقاي مقلقة وتخممي ومهمومة كملي فالخيط هذا ...
 
رد: عندما يطرق الحب اللاكتروني بابك

ومرة أخرى عدنا للموضوع هذا
اني نحب وحدة في الفايسبوك والا في المنتدى والا في ....



17 سنة نتخيل فيك قدامي زوجة لواحد 19 سنة مازالو ما يعرفش صلاحو وخلى قرايتو ومزاجي تبع وحدة ومن بعد بطل عليها هههههههه تبا

المهم اعرضوني لعرسكم برك ضرك مانجيش الكادو نتاعي نبدل التوقيع نتاعي ونباراتاجي دعوات وشوي دراهم في الفايسبوك نتاعي
أكم تعرفو الزاوج لازمو اشهار باش يعلمو الناس بلي راهي البنت هذي خاطيتكم ...؟

وقداه البنت حرقت روحها بنفس الطريقة ...؟ أني مخطوبة ..؟ والا راح يخطبني ..؟

بكري كانت المراة تتعرف بالراجل
ناس تقول هذاك راجل كشمةعندو اخت والا بنت مرأة للزواج
وضرك يقولو ماعرفتيش هذاك ؟؟ أي أختو فلانة وعلانة ؟

ماناش ضد الحب ولا ضد الزواج ولا ضد أي شيء كل حر في حياته لكن فرق كبير بين النضوج ولعب ذراري صغار
بين مراة وطفلة مازالت تتراقص غادي وجاي
وبين راجل ووووو نسكت خير

وكعادتي انا نقول مانيش مصلح اجتماعي لكن في بعض الأحيان النفاق الاجتماعي سلبياته أكثر من الفساد الاجتماعي
 
رد: عندما يطرق الحب اللاكتروني بابك

ربي يهدي سركـ اختي مع اني لا احبذ اعادة ماقلوه الاخوة قبلي فهم ع حق مشكورين
ولكني سأنبهكـ اين تكمن مشكلتكـ وكيف اصبحتـ اسيرتهـآ
انت قلتـ انك صارحته بحبك اوتعلمين حينما تخليتـ ع انوثتكـ لاجل ارضـآء رغباتكـ فقدتـ الحق بالتصرف واصبحتـ مجرد فتاة تسعى لتحقيق غاياتها وفقط كلمة فبسمة فلقـآء ثم نصائح و صور وشـآتـ وف الاخير عـٌُدنـآ اصدقـآء

اعتذر ولكن انت م فتحتـ بابا لستـ ِ قبلا بها ولستـ اراه حب بل مجرد اعجاب افتتان ربما كما قلتـ حالة م التعود ولكنها ستمضي فدعك م هاته التفاهات والتفتي لدراستك ونفسك

سلامي
 
رد: عندما يطرق الحب اللاكتروني بابك

ديفوا نقول ما نزيدش ندخل نقرا هاد المشاكل مي نلقى روحي بلا ما نحس نفتح فيهم و نقرى
الحب؟؟؟؟ واش من حب في هاد السن يا بنتي؟؟ واش تعرفي على الحب؟
كيفاش انتي اللي تبادري وتعترفيلو بحبك؟ علاش ماشي هو اللول على الاقل تحافظي على الحياء اللي هو سر المرأة؟
وين راكي انتيا ووين راهو الزواج ؟ ومع من؟ واحد مازال والديه يصرفو عليه ومازال كل ما يشوف واحدة يدير كوبي كولي للكلام و يسمعكم نفس الاسطوانة
كيفاش تقبلي على روحك هاد الشي وواش ناقصك انتيا باش تخلي واحد يضحك عليك فاش هو خير منك؟
في ميزك شحال راح تبقى مشاعر الحب بعد الزواج؟
صدقيني راح تتلاشى و تروح وما يبقى غير الولف و برك
اتلهاي في قرايتك و خممي في المستقبل ديالك لأنو الوقت ماراهوش يرحم ونصيحة لوجه ربي ماكانش حاجة يسميوها حب عبر النت غير ريحي راسك وهادا اللي راكي تقولي لوكان موحال نسمح في حبي ولوكان يدوهولي كي شغل نحاولي قلبي يجي يوم وين رايحة تضحكي من هاد الجياحة اللي راكي تحكي بيها
أعطي قيمة لروحك و لوالديك لأنو شرف العايلة ديالك أمانة عندك والوالدين يستاهلو كل خير اخطيك من اللقاءات المشبوهة و اياك ثم اياكي تمدي صورتك لأي كان
 
رد: عندما يطرق الحب اللاكتروني بابك

السلام عليكم

قصة من قصص الانترنت كما نصادف يوميا

لكن اسمحوا لي : أنا أعترض ..
هناك حب قد يقع في الانترنت فالقلوب ليست أزرار نبرمجها على أن تحب فلان ولا تحب الآخر
نأمرها بأن لا تحب في الانترنت وبالمقابل نسمح لها بأن تحب ابن الجيران أو صديق الدراسة أو صديق العمل..
الحب يقع وإن وقع فهو صادق
وإن لم يكتمل فلأنه منغلق في شاشة

وكما أنا متأكدة أن هناك حب عبر الانترنت
متأكدة أنكِ الآن في فترة مراهقة وفترة المراهقة ليس معناها أن ماتشعرين به شيء غير موجود
ولكن لأن المشاعر في هذا السن تكن مختلطة متقلبة
قد تشعرين أن هذا الشخص هو حياتك وحبك الاول والأخير
ولكن ما إن تكبري سنة إثنتين ويخطبك شخص أخر ستبدأين تتعرفين على نفسك من أول وجديد
ستجدين نفسك أخرى تماما وستضحكين على نفسكِ
الآن ستقولين مستحيل لا أحد يفهمني أنا فعلا أحبه
ولكن هذه هي الحقيقة سنتين ثلاثة وارجعي لموضوعك هنا وستضحكين وتقولين..أه كانت أيام :) .!

الواجب الآن هو أن تفقهي عزيزتي أن عالم الانترنت عالم شاسع واسع فيه الصادق وفيه الكاذب
والمشاعر فيه ستستنزف وإن تكرر الأمر معك سوف تتعبين نفسيا
إذا من باب أولى غلق هذا الباب نهائيا
لا تتعلقي بأي شخص وكل من شعرتِ أنكِ بدأتِ تتعلقين به أبطلي مفعوله في قلبك وابتعدي
لأن الأولى أن تعطي وقتك لأمور أكثر أهمية أما الحب مازال وقته
تقولين متى
سأقول أنه ستحبين..حين تتزوجين ويصبح لك زوج تحبينه (بالحلال) وتغارين عليه ويكون هذا حقك أمام الناس
ويمتلىء قلبك به ولا يشعرك ذلك بالخجل من اباك أو أمك

ثم ستنجبين أطفالا ستعشقينهم وسيمتلىء قلبك بحبهم أيضا أنظري لكمية الحب التي تنتظرك !

إذا أتركي قلبكِ نظيفا متى جاء زوجك حبيبك تربع عليه كاملا لأنه ولوحده يستحقه
يجب أن تتعلمي كيف تغارين على نفسك وعلى قلبكِ ولا تعبثين به
لأنه يستحقه زوجك فقط حافظي عليه وستجدين وأنتِ تحافظين عليه
أنك تحافظين على نفسك وعلى دينك وعلى عفتك وأخلاقك..
أنظري عدد المكاسب التي ستربحينها أليست مغرية وتستحق !
 
رد: عندما يطرق الحب اللاكتروني بابك

بارك الله في الجماعة الاعضا ءالافاضل ..

فقد نصحوا وبينوا .. بما فيه الكفاية .. وما انا الا مؤيد لما قالوا ..

والقصة عبرة للمراهقين والمراهقات ليعتبروا ..

واستعجال الشي قبل اوانه يوجب الحرمان ..تلك هي العقوبة .

صاحبك رايح رايح ... انفصي الغبار على قلبك وعينينك ..:-r

*********
باختصار اللي يحب يبات مهلوس مهموم ما هو صحيح ما هو مجنون ..
يروح لجدهم الفايس او ابوهم المنتدى ..ويعوم .. قطعا يبات مهموم ..
خصوصا في سن ما قبل 20 .. لا خدمة لا قراية لا قدمة لاسكن لا دار لا دوار ..
بيع وشراء القلوب ..بلا ضمان .. بلا عربون .. بيع من لا يملك، وشراء من لايقدر ..

**********

دمتم عن الحب وارهاصاته بعيدين .. لا متخبطين ولا مصروعين ..
 
رد: عندما يطرق الحب اللاكتروني بابك

الناس عندها 40 عام وتهرب من زواج وهدا عندو19 سنة وبغاك لزواج وتكوني ام اولاده فكري بهاد المنطق واكيد غادي تلقاي الحل لان الحل بيدك
 
رد: عندما يطرق الحب اللاكتروني بابك

السلام عليكم

انا راح نعطيك نصيحة من مجرب لاني متاكد 100% بلي راكي تقولي الغاشي راهي تهدر برك وماعلابالهمش بشعوري....

راح نحكيلك حكايتي الشخصية الوقت اللي كنت في الــ 18 ....

هداك الوقت و بالضبط في 2007 كان السكايب هو شيخ القعدة وتعرفت على وحدة في السكايب ومشات ليسطوار وووو....الخ

وقلتلها راح نجي نخطبك وهاديك الهدرة و كانت هاديك هي نيتي وربي شاهد...مي الحاجة الرئعة و المذهلة في القصة

انو الطفلة بعد مدة سالتني و قالتلي بهاد العبارة بالضبط " يوسف...واش رانا نديرو؟؟؟ ...انت راك 21 الان وانا 20..."

وقالتلي خلاص مش راح نقدر نكمل كيما هاك على هاد الشيء ما يرضي ربي ما يرضي العباد... الوداع وبقيت مصدوم عامين

تقريبا و بعدها جيت للمة لميت روحي .... والحمد لله الحياة راهي متواصلة

ونقولك اختي لعزيزة بعد وفاة الرسول صلى الله عليه و سلم الناس يقدرو يعشو لوكان تنحيلهم والديهم،اخواتهم، .........،

ولك الاختيار في اي مكان بعد ما سبق تحطي الحبيب نتاعك

كثري من الصلاة و الدعاء وناكدلك ربي يديرك طريق
 
رد: عندما يطرق الحب اللاكتروني بابك

:( :( :( :(
 
رد: عندما يطرق الحب اللاكتروني بابك

هذا حرام

يعني بواش ننصحوك و الشي الي راكي ديري فيه حرام



نتمنى من المنتدى يمنع طرح هذه المواضيع

ليس هذه المشاكل الي نساعدوكم فيها
 
رد: عندما يطرق الحب اللاكتروني بابك

يا اخوة الايمان خاصكم شوية ايمان
صحيح اننا قد نعجب باشخاص لدينهم اخلاقهم تربيتهم..لكن نتكلم معهم وان نصاحبهم ......خارج نطاق الزواج فهذا حرآآآآآآآآآآآآآآآآآآم محرم
واي زواج ؟ انت 17 ؟ وهو 19 يا بنتي انا كي نعود قدك الباك ياكل همي مانخمم في والو والزواج اخر حاجة نخمم فيها
واستعيذي بالله من الشيطآن الرجيم وقوي ايمانك بالله
وهذي فقط اوهام الحب والغرام والزواج هي خرافات في هذا السن كملي قرايتك وحطي قلبك عند ربي
واللي فيه الخير ربي يجيبو
واخيرا نقولك حاجة وفهمتيها فهمتيها مافهمتيهاش الله غالب
~.~ عيشي حيآآآتك ماتدخلي للغابة مايكلوك الذيابة ~.~
 
آخر تعديل:
رد: عندما يطرق الحب اللاكتروني بابك

السلام عليكم ورحمة الله وبركاته

والله ماراني عارفة واش نقول

هاد القسم مفتوح باش يساعد كل واحد عندو مشكلة

بصح رانا نشوفو انو كل المشاكل
واحدة
تختلف فيها الاحداث
لكن عنوانها واحد

مانيش عارفة حابين تكبروا بلخف
ولا حابين تهفوا رواحكم

مانيش عارفة على من راكم تكذبوا


اسمحولي على هاد الكلام

مي ماشي هاك
لازم تكوني بنت فحلة
في هاد الوقت
قليل اللي تكون بنت فاميلية وتهتم بشرفها

اعرفي قيمتك
وماشي اي كلمة تهفك

كيفاش هادي 19 سنة متوقعة منه يدير داااااااار

وعاد يقرا في الباك

منك بصح ؟؟؟؟؟؟؟

فكري شوي
ولا ماعدتوش تفكروا خلاااااااااص

رانا في الجزائر
رانا عايشين فييييي الجزاير

ماتنساوش
الصح يبدا في الضو
ماشي هاااااااآآآآآك

انتي شكون قالك راهو حكى مع ماماه صح ؟؟

خليكي من هاد الشكيل
التهي بقرايتك
وماتخليش والديك يهدروا فيهم اللي مايسواش
كونيكي بنت تستاهل كل حاجة مليحة

خلي اللي يحبك صح
يوصل لباب داركم

ماتخليهمش يتمسخروا بيك



 
رد: عندما يطرق الحب اللاكتروني بابك

19 سنة يظهرلي ماشي نتاع دار مازالو في سن مراهقة
البنت تزوج صغيرة نجي معاك مي الولد صغير وزيد صغير بزاف كي شغل ريه يلعب ماشي قد مسؤولية صراحة
وزيد حبيبك وتحبيه صح وهو يحبك صح جامي ترجعيه ولا يرجعك صديقة موحاااااااااااااال هدا ادا كان بيناتكم حب حقيقي
اما نصيحتي خطيك من هد السن راهو تاع مراهقة وتاع لعب وتمسخير
وانتي حرة وربي يهنيك ختي
 
  • أعجبني
التفاعلات: Hakan
رد: عندما يطرق الحب اللاكتروني بابك

مابقاليش واش نقول .. احبابي وضحولكـ كُلش
أختى الفاضــلة ..رانا كيف كيف في نفس الســِن

رانا بدينا نقراو في لي كور نوجدو للباكــ تاعنا ..
حاولي انكـ تشغلي روحكـ بحوايج وحدوخرين .. اجتمعي بعايلتكـ و اتقربي منهم ! واتفاداي انكـ تبقاي وحدكـ باه ماتخمميش !! ! ..
التيليفون تاعكــ ! ماتفلكسيش فيه و ماتعيطيش بيه لهاد الطفل بتاتا
و الفايس و لا البلاصة الى راكي تحكي معاه فيها !! ابلوكيه منها ولا ديبلوكي جده خلاص !!
صلي صلاتكـ وادعي ربي انه ينسيكـ شويا في هاد الولف !!

الهدرة الى كانت مالفة تخرج منى .. تقـآلت سير راكي نادمة من عملتكـ بعد ماقريتي الردود و هيكـ بلا مانزيد عَ اختي
أخدمي ان شاء الله بنصايحي والله يقدر الخييير

يَ ربي العزيز اهدينا .....
سَلامٌ عليكــِِ :)

اعذروني هنا : في ناس يسمعوا للأخت في الكلام الجارح ..
ماكمش ملايكة انتوما ! الناس كامل تغلطــ ! وماعندكم حتى حَق تعاتبوها .. قاتلكم عاونوني و انصحوني ماشي عايروني
الى شايف روحه ماينجمش يكونترولي كلامه .. ماكالاه يلعبها ;);)

يا سبحان الله ......

 
وهو دروك راهو سليبياتار


الجملة التي قضت على مقام النصح ..... يا درى نتائج البكالوريا ؟؟؟
 
اختي الغاليه هدي مرحله وتزول انتبيه ليدراستك فقط ربي اينورلك الطريق
 
انا كنت كيما انت لكن نهار فقت لقيت بلي من سابع المستحيلات تنتهي العلاثة بالزواج لانو كرجل صراحة انا ما نضمنش حب الواقع حتى نظمن حب النت والبنت لي تكونيكتي معايا وتقلي نحبك وماعلاباليش نقلها القط يحب الفار بصح تاني لازم عليه ياكلو.[/CENTER

ونزيدك اختي الراجل اللي قاعد نهار كامل ويكونيكتي معاك غير صلي عليه جنازة لا خاطر راهو لا دين لا دنيا.
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top