يوميات مغتربة

الحالة
مغلق ولا يسمح بالمزيد من الردود.
[COLOR="Purple"[SIZE="6"]السﻻم عليكم ورحمة الله
[SIZE="6"[/SIZE][/CENTER][/SIZE][/CENTER][/SIZE][/COLOR][/COLOR][/COLOR][/COLOR][/COLOR][/CENTER][SIZE="6"]واش راكم خاوتي لباس ، حبيت من خلال العنوان ، انو نبدلو شوية من الروتين الي نعانيو منو احنا المغتربات خصوصا الماكثات بالبيت، كي حالتي ،ههههه ونحطو ، واش رانا ندير خﻻل اليوم ،من اعمال منزليه ،هوايات ، تربية الاوﻻد ، اضافات ،نصاءح مثﻻ في اماكن التسوق ،وصف منطقتكم لي راكم مغتربين فيها ، مع صور ادا امكن ،، وغيرو اي شيء ممكن نفيدو بيه بعض كمغتربات ان شاء الله تعجبكم الفكرة ويكون تفاعل اهو كتغيير بانتضاركم​
 
رد: يوميات مغتربة

صباح النور
يسعدني اني اول وحدك ترد على موضوعك
انا تاني ماكثة في البيت ، عندي الصباح نوجد لولاد للمدرسة و اذا حبيت نخرج نوجد روحي و نخرج بكري باش مانلقاش الناس بزاف في الحوانت و نقضي براحتي ( قصدي حوانت اللبسة ماشي الماكلة) و كاين بلايص بزاف يعني كل مرة وين نروح مرة نشرق و مرة نغرب هههه و نرجع للدار من بعد نجيب لولاد من مدرسة و العشية نطيب العشا و لولاد ووو

و نهار مانخرجش نطيب العشا الصباح بسكو ماعندناش الفطور هههه و نخمل الدار و العشية نجيب لولاد و نقعد معاهم

و بالسبت عندهم لابسين تاني نديهم و نفوتهم للبارك

و الاحد دايما عندي قضيان الدار و مرات نقضي السبت العشية و الاحد تاني نخرج ، منيش عارفة علاه لااااااازم نخرج بالاحد كون نبقى في الدار نهبل ههه

هنا الاحد كلشي مفتوح من 11 تاع الصباح حتى 6 تاع عشية

هذو هما ايامي و اذا عندك سؤال راني هنا
 
رد: يوميات مغتربة

:نبدا برحي انا لوله خخخخ ، يومي طبعا نوض شوي بكري نصلي الفجر ، ونبعد نوجد الفطور للاوﻻد ، ونججبداهم قشهم تاع المدرسة ،عندي ثﻻثة يقراو ، وﻻدي ينوضو وحدهم ، هههه حتى في العطل يكرو ، يغسلو ويصليو ونبعد يفطرو، كي يخلصو الكبار يلبسو وحدهم والصغار انا نلبسهم ،بزيد ينوض باباهم يصلي يفطر ويرح قبلنا لخدمتو ،على 8وربع ندي لوﻻد للمدرسة ، ونجي للدار ،نشرب قهمتي بعقلي ،ايوي انا هكا حتن نديهم يقراو ،باه نفطر براحتي مع منتدى اللمه ،خخخخخ مشات فيا طبيعه ،، ومنبعد نفرز الدار ، نحل النوافد وندير السرة ،تاعي وتاع وﻻدي، نحط الماشينة تاع القش تغسل ، انا كل يوم يتلملي القش ، ندير ﻻسبيراتور ،فلي شومبغ والصالون ،ونبعد ندخل الكوزينة ، ننصب الغداء ،وساعات يكون عندي ، انا الميناج ندير يوم بيوم ،ﻻانو تبقى الدار مضيفة كي كونو لوﻻد يقراو ، بعد الغداء نصلي الظهر ، ونقعد يا نتفرج في الشروق هههه نشم ريحة البﻻد، وﻻ ندير الانترنت ،حتى يجي وقت خروج الاوﻻد من المدرسة ، على 4ونص ، نجيبهم ياكلو شويا ويحكيولي واش دارو ،وواش كﻻو فﻻكونتين هههه ﻻزم ،،،،،يريحو شويا ونبعد يصليو واش فاتهم ، ويديرو واجبات تاعهم ونكمل بعد شوي هههه
 
رد: يوميات مغتربة

صحيتي اختي ام الحلوين ، لمشاركتنا يومياتك ،سبقتيني خخخخخ انا تاني يجيني الاحد تقيل ،متﻻ ندير فيه الميناج ،باه نهار الاتنين ،نخرج ونقضي براحتي
 
رد: يوميات مغتربة

جوهرة ولادك ياكلو في المدرسة ؟؟؟ و لا يدو معاهم من الدار ؟؟؟؟

انا مدرسة ولادي قالولي اللحم و الجاج حلال بصح انا خفت يغلطولهم في الخنزير ، درك نوجدلهم يدو فطورهم من الدار
 
رد: يوميات مغتربة

موضوع رائع ان شاء الله يلقى تفاعل من الاخوات المغتربات لي عودة ان شاء الله​
 
رد: يوميات مغتربة

السﻻم عليكم ام الحلوين اختي انا وﻻدي ياككلو فﻻكونتين بصح من بداية العام نكتب ورقة بلي ماياكلوش لحم خﻻص ،ياكلو غير لبواصون واونبلوس وﻻدي كبار و ويعرفو موصيتهم ،ساعات كي ناكلو برا يقولولي يخي حﻻل ماما ،نولي نضحك ،نقوهم انا نوكلكم لحرام اخاه
 
رد: يوميات مغتربة

مرسي ليك اتختي سميرة رانا نسناو مشركتك متهربيش وتنساينا هههه وبانتضار الاخوات ،
 
رد: يوميات مغتربة

نكمللكم ،كيما ليوم راني نصبت سع لعشا قبل مانجيب لوﻻد هكا يكون عندي لوقت نقعد معاهم قبل مايرقدو خاطرش يغلبو نصلي لعصر
وندير كشما حاجة ساعات هندر مع دارنا فلبﻻد وﻻ ندير انترنت ، حتى يدخل زوجي يدوش ويصلي المغرب نتعشاو ،لوﻻد صغار يرقدو ولكبار صليو العشاويرقدو وهكدا حتى يخلصو ايام الدراسة ،اما الويكاند بالسبت وﻻدي يقراو العربيه ، وانا ساعات نخرج ساعات نقعد في الدا احسن منعرف نحس براحتي في داري خير وﻻ واش رايكم هههه حكيت وطولت بصح معليش، لي عندها اي سؤال راني هنان
 
رد: يوميات مغتربة

مساكم ورد يا أحلى وردات
جوهرة يعطيك الصحة موضوع مليح مافقتش بيه حتى لليوم وين شفتو
أنا نحكيلكم على يومياتي
نفيق كل يوم على السبعة ونص تاع الصباح نصلي ونتقهوا ومنبعد نفيق أولاد يلبسو حوايجهم ويشربو حليبهم ونهبطهم برك تحت الدار كاين المحطة تاع الحافلات يروحو يقراو في حافلة النقل المدرسي مانبطاش نخرج على 8.45 يجوز الكار على8.50 دقيقة نولي للدار نجمعها ونحط لحوايج يتغسلو ونطيب الغداء ونخرج نضرب دورة كون مانخرجش مانعرف واش يصرالي هههههههههه
ومنبعد لولاد يجيبهم باباهم على الواحدة ونص يتغداو ويريحو شويا ويولو على 2.45 دقيقة في هاداك الوقت نقعد نتفرج شويا ونروح نستناهم على الربعة ونص يجو يشربهم قهوتهم ويديرو الوضائف تاعهم دي فوا نخرجهم يلعبو شويا دي فوا نبقاو غير فالدار حتى الليل يتعشاو ويرقدو أحنا عندنا الاحد كل شئ مغلوق اذا كانت ناقصتني حاجة نشريها السبت سينو تقعد للاثنين وهاذي هي كيفاه نجوز نهاري
 
رد: يوميات مغتربة

السﻻم عليكم واشراكم لبنات واش احوالكم ،ايه اسمحيلي يانجوى ختي نسيت نعلمك والله معليش ساعه ساعة طلو علينا يخي راو ويكاند معندكم والو ، شاركونا والوكان بحرف برك ههه ،:d
 
رد: يوميات مغتربة

وعليكم السلام جوهرة ماعليش أختي مكان حتى مشكل رانا هنا والدنيا مازالها طويلة ههههههه
أنا اليوم نضت من النعس فرزت الدار وسيقت حاشاكم وطيبت غدايا وراح ندوش ولادي
لعشية نكمللكم الروبورتاج تاع النهار كامل
في أمان الله
 
رد: يوميات مغتربة

مساء الخير للجميع كيف احوالكم ان شاء الله تكونو بخير
وينكم لبنات وين رحتو
 
رد: يوميات مغتربة

وعليكم السﻻم ام سراج ، وقيﻻ معجبهمش الميضوع اختي وﻻغيرانا وياك وام الحلوين لي مغربات واش حديري
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top