طلب: توابل الحريرة وتوابل السمك

[حورية الجزائر]

السلام عليكم ورحمة الله وبركاته

شكون تقدر تقولي كامل التوابل الي لازم يكونو فالحريرة


وايضا السمك :regards01:

 

[ام الحلوين]

رد: طلب: توابل الحريرة وتوابل السمك

السلام عليك
كل وحدة و طريقتها في الطبخ و التوابل المستعملة
انا عن نفسي
توابل الحريرة ( ملح ، فلفل اسود ، قرررررفة ، راس الحااااانوت ) مرات نضيف الكاري و الفلفل الاحمر الحلو و الحار
و الحريرة يلزمها النعنااااع يعطيها بنة هايلة

توابل السمك ( ملح ، فلفل اسود ، كموووون ، راس الحانوت )
و طبعا الثوم

 

[حورية الجزائر]

رد: طلب: توابل الحريرة وتوابل السمك

والنوخة ايضا تهبل فالحريرة

حبيت نعرف حاجات وحدخرين تاني

 

[ام أمينة]

رد: طلب: توابل الحريرة وتوابل السمك

السلام عليكم
انا فالحريرة او الشربة ندير الملح و الفلفل الاسود و الفلفل الاحمر +راس الحانوت و القرفة

و للحوت كاين توابل خاصة تتباع تعطيه بنة روعة و ممكن تستعملي الملح و الفلفل الاسود و الكمون

 

[ام أمينة]

رد: طلب: توابل الحريرة وتوابل السمك

والنوخة ايضا تهبل فالحريرة

حبيت نعرف حاجات وحدخرين تاني

اختي من فضلك وش هي النوخة؟​

 

[حورية الجزائر]

رد: طلب: توابل الحريرة وتوابل السمك

النوخة عشبة كما الزعتر لكن ريحتها تختلف على ازعتر

سقسي عليها عند العطار تلقايها

 

[ام أمينة]

رد: طلب: توابل الحريرة وتوابل السمك

النوخة عشبة كما الزعتر لكن ريحتها تختلف على ازعتر

سقسي عليها عند العطار تلقايها

شكرا لكي اختي
نحوس عليها و نجربها​

 

[Minoucha10]

أنا نديـر الكروية هي البنّة نتع الحريرة شوية راس الحانوت شوية بسباس فلفل عكري فلفل لكحل قرفة وكاينين توابل يتباعوا سبيسيال الحريرة
والسردين الكمون وفلفل دريس وفلفل لكحل

 

[ام رحاب]

انا في لحريرة نحكم مهرااز نحط فيه ثووم و كمون وراااس الحانوت كروية بصح غير شوي وفلفل كحل و شوية زعتر وشوي كركم وقرطوفة وقصبر غير الاوراق يكون مغسوول وحبة جومبو دجاج وشوي زيت والحمار ندقهم مليح بالمهراز حتى تولي عقدة من بعد نحلها في شوي مرقة الحريرة بعد ماتكوني طحنتي الخضر طبعا وقستي فيها المرمز حلي العقدة وحطيها تطبخ في لحريرة ومن بعد اطفي حطي مغرف قهوة قرطوفة واغلقي القدرة ماتحركيش حتى تحبي تحطي الاكل راه تجيك حريرة تهبببببل

 

[stelllo]

رد: طلب: توابل الحريرة وتوابل السمك

يعطيكم الصحة جاع كيما راكم
استفدنا منكم
انا نديرلها الكرويه تعطيها البنة
وتديرلها شوي خميرة مع الفرينه تثقلها


اما السمك الدرسة تاع الفلفل الحار والثوم والكمون


في بعضهم يجيبوا الثوم ويحطوا فلفل اخضر حار ف المهراس ويعصروله القارص يجي بنين

 

[stelllo]

رد: طلب: توابل الحريرة وتوابل السمك

يعطيكم الصحة جاع كيما راكم
استفدنا منكم
انا نديرلها الكرويه تعطيها البنة
وتديرلها شوي خميرة مع الفرينه تثقلها


اما السمك الدرسة تاع الفلفل الحار والثوم والكمون


في بعضهم للسمك يجيبوا الثوم ويحطوا فلفل اخضر والملح حار ف المهراس ويعصروله القارص يجي بنين

تصحيــح

 

[بنقابي افتخر]

رد: طلب: توابل الحريرة وتوابل السمك

انا ندير التوابل المغربية ولي هي
شويا كمون راس الحانوت الفلفل الاسود كبابة وقرنفل وجوزة الطيب زعفران والفلفل الاحمر الحلو وطبعا الثو والقسبر جافين وكي تقرب تطيب تركي جوا فلفل حار ماشي شرط يكون حار تجيني تهبل تعلمتها من وحدة تخدم في مطعم مغربي تتعامل مع المغاربه
والحوت انا ندير في الليمون الكمون راس الحانوت والثوم والهريسة وشويا قسبر