خطيبي يجرحني

نور الأوراس

:: عضو منتسِب ::
إنضم
13 ماي 2014
المشاركات
42
النقاط
3
السلام عليكم أرجوكم ساعدوني فلم أجد غيركم لأفرغ قلبي هذه مشكلتي أنا من مدينة خنشلة منذ ستة أشهر خطبني شاب من ولاية قسنطينة لا أنكر أني أحبه جدا لكنه منذ مدةأنه يخونني صدمني الأمر لكنه أقسم أن لايكرر الأمر لكن المشكلة أنه بعدها أصبح عصبي جدا يهنني ويجرحني بأقسي الكلمات أقسم أنها تنزل علي كنار وحين أتركه يهدأ وأحاول أن أتفاهم معه يترجني لأسامحه ولأني أحبه أسامحه لكنه أصبح يكرر ذلك مرار فماذا أفعل مع العلم أن سبب غضبه لست أنا وإنما مشاكل في العمل أو في المنزل فبماذا تنصحوني فقد أصبحت أخاف حتي الكلام معه.:(
 

رنيم الصمت

:: عضو شرفي ::
إنضم
13 جويلية 2008
المشاركات
4,197
النقاط
351
رد: خطيبي يجرحني

و عليكم السلام
تم الاعتماد
لي عودة ان شالله
 

M3TaZ eLLMa

:: عضو متألق ::
إنضم
7 مارس 2008
المشاركات
4,989
النقاط
351
رد: خطيبي يجرحني

السلام عليكم

أخت الطيبة لي عودة

لرد عليك

وربي يحفظك يارب
 

{°♥*درصوفة*♥°}

:: عضو منتسِب ::
إنضم
6 جوان 2014
المشاركات
29
النقاط
3
رد: خطيبي يجرحني

اختي الغالية فترة الخطوبة باش تكون للطرفين فرصة تعارف و تفاهم نتي زيدي شوفي و ميزي راكي تقولي بلي فيه كامل الصفات الملاح مع روحك و نتي تخمي شوفي وش هوما هاد الصفات و قارنيهم مع الصفات لي راهم يقلقو فيك من بعد شوفي كان تقدري تفاهمي و تكوني مرتاحة مع هاد الرجل او لا و كل واحد و طريقة تعاملو و تصرف نتاعو الناس مش كيف كيف ادا كان هدا هو اسلوبو حاولو توصلو لحل يرضيكم فزوج حاولي توصليلو بلي اكي حابتيه يكون احن اكتر معاك و هكا بدون ما تحسسيه بلي راكي تشتكي لان الرجل ميحبش الشكوى هههه بصح لازم تحكيو بهدوء و بحلاوة اللسان ع خاطر الرجل ميتجبدش غير بحلاوة اللسان و ادا بديتي تحكي بكلمات تقلقو بدون قصد او لا بنبرة صوت تقلقو راح يتقلق هو تاني و يرد باسلوب يقلقك ادا لاااازم الكلمة الطيبة بش تفاهمو جربي كوني حنينة معاه فطريقة الكلام فالحدود المعقولة نشا الله تشوفي تغير ايجابي و بالنسبة للخيانة لي حكيتي عليها هو خطبك نتي معناه حبك نتي للحلال من بين الكل و مكانش لي ميغلطش و كيما قتلك الكلمة الطيبة تلين الحجر دعواتي لكي بالخير اختي ربي يكمل بينك و بين خطيبك بالحلال و الخير ان شاء الله
 
آخر تعديل:

نور الأوراس

:: عضو منتسِب ::
إنضم
13 ماي 2014
المشاركات
42
النقاط
3
رد: خطيبي يجرحني

شكرا أختي علي إهتمامك وردك لكن صدقني حاولت التفاهم معه بهدوء لكنه عصبي جدا ولا يقبل النقاش ويرد مني أن أرضي بكل ما يقوله فقط لأنه هو رجل.:s
 

عاشقة الصمت 13

:: عضو مُتميز ::
إنضم
2 سبتمبر 2013
المشاركات
735
النقاط
31
رد: خطيبي يجرحني

اختي الغالية فترة الخطوبة باش تكون للطرفين فرصة تعارف و تفاهم نتي زيدي شوفي و ميزي راكي تقولي بلي فيه كامل الصفات الملاح مع روحك و نتي تخمي شوفي وش هوما هاد الصفات و قارنيهم مع الصفات لي راهم يقلقو فيك من بعد شوفي كان تقدري تفاهمي و تكوني مرتاحة مع هاد الرجل او لا و كل واحد و طريقة تعاملو و تصرف نتاعو الناس مش كيف كيف ادا كان هدا هو اسلوبو حاولو توصلو لحل يرضيكم فزوج حاولي توصليلو بلي اكي حابتيه يكون احن اكتر معاك و هكا بدون ما تحسسيه بلي راكي تشتكي لان الرجل ميحبش الشكوى هههه بصح لازم تحكيو بهدوء و بحلاوة اللسان ع خاطر الرجل ميتجبدش غير بحلاوة اللسان و ادا بديتي تحكي بكلمات تقلقو بدون قصد او لا بنبرة صوت تقلقو راح يتقلق هو تاني و يرد باسلوب يقلقك ادا لاااازم الكلمة الطيبة بش تفاهمو جربي كوني حنينة معاه فطريقة الكلام فالحدود المعقولة نشا الله تشوفي تغير ايجابي و بالنسبة للخيانة لي حكيتي عليها هو خطبك نتي معناه حبك نتي للحلال من بين الكل و مكانش لي ميغلطش و كيما قتلك الكلمة الطيبة تلين الحجر دعواتي لكي بالخير اختي ربي يكمل بينك و بين خطيبك بالحلال و الخير ان شاء الله

مشاء الله كلام كافي و وافي
مي نزيدك حاجة اخرى على كلامها اذا مافيش ازعاج بللي كي كنتي تعرفيها فالبداية ماشي كيما درك
يعني العقلية تتبدل خاطرش ف الاول نبدو غير نطرو ونحيو في لرض ومن بعد العقلية تبدى تبان وهنا نتي وشطارتك تقدري تغيري منه هاد الشي بصح بالهداوة وماشي كي هو يبدا يتعصب نتي تزيدي معاه لالا حنونة احكمي لرض وخليه حتى كي يصوطه لعوين ويتهوى مليــــــــــــــــــــــــــــــــــــــــــــــــــــــــــــــــــــــــح مليح تماك شوفي كيفاه تجيبيهاله وتاع خانك ومانعرف انا على حساب عقليتي ومانعرف .....هي مانحاسبهش درك هاديك كينكون عنده تماك واه نحاسبه اذا خاني باسكو خلاص راني مرته وفي داره وماعنده على يتمهبل
والله يجيب الخير وان شاء الله ينحل هاد المشكل
سهليها تسهال
 

{°♥*درصوفة*♥°}

:: عضو منتسِب ::
إنضم
6 جوان 2014
المشاركات
29
النقاط
3
رد: خطيبي يجرحني

اختي كيفاش ميقبلش تفاهم مكانش واحد ميقبلش النقاش ناس ام جابو اسود و قرودة و روضوها و لات تحكي كي بنادم ههههههههههه فما بالك واحد حبيتيه يتقبل تفاهم و كون تولهتي مقتلكش انا دخلي معاه فالموضوع ديراكت قتلك رمي كلمة حلوة مع جملة من اختيارك تاني تكون بهداوة و حلاوة كشرط اساسي و نبرة صوت منخفظة و باسلوك بينيلو فيها بلي حبتيه يكون حنين عليك اكتر بلا ما تحسيه انك تشكي او مش راضية و ادا كنتي تحبيه يجي كلش بسهولة ابدعي هههههه
 

miss miss

:: عضو مُشارك ::
إنضم
3 ماي 2013
المشاركات
448
النقاط
21
رد: خطيبي يجرحني

lazem te3awdii tekamii ida ta9derii tekamlii m3ah hayatek al kiyaana wa3ra


w kol ma yagelat sa9ssiih ida kan hab ikamel hadii hayatek w majtam3na

mahoch ta3 yte9bal mraa motal9a

rabii ma3ak

salem
 

MISS ROSE

:: عضو مُتميز ::
إنضم
7 جوان 2013
المشاركات
920
النقاط
71
رد: خطيبي يجرحني

هههههههه يا غالية المذبوحة تضحك ع المسلوخة ولا كيفاه يقولو
المهم اذا تحبيه وعبالك بيه انسان في داخلو مليح اصبري وادعي ربي يهديه
واذا خاطبين جديد ومش عاقدين حاولي تزيري عليه ولا اطلبي من امو تنصحو واذا لقيتيه تاع الصح تاع نسا يعلم ربي مانحبلكش الخسارة وننصحك كي نفسي اخطيك من تكسار الراس
و الحل يا غالية استخيري الله ربي يكون في عونك ويفرج عليك انصحك بالدعاء واذا غير شوي تقلاق و زعاف خفيف والسوجي تاع النسا تافه كبري عقليتك وماتخربيش حياتك المهم انت مولات البيت حاولي تهدري معاه بالشوي اذا ما فهمش بالياسر اذا مانفعش وكلي امرك لله وحلي عينك تدخلي في متاهات واعرة وتحاولي تحكي مع البنت لي يعرفها تنقصي من قيمتك وتتعبي نفسيا وتعقدي الموضوع اكتر نزيدك حاجة رانا كامل نحتاجو النصح والله يا ختي الحال صعيب لينا ربي واللي تدخل بين زوج ربي يتولاها حسبنا الله ونعم الوكيل فيها
للاشارة متل هذه المواضيع تزعجني تقبلي مروري يا غالية ربي يكون معاك​
 

دعاء19

:: عضو فعّال ::
إنضم
18 أوت 2009
المشاركات
2,309
النقاط
83
رد: خطيبي يجرحني

فترة الخطوبة هي فترة لي كيتعرف كلا طرفين على بعضهما وكتوضح كل امور خطيبك يجرحك ويخونك ويصب غضبه عليك وانت لستي السبب في غضبه او مشاكله هدا الشئ غير مقبول نهائيا الان جرحك وخانك ومن بعد الزواج اهينك اكتر ويضربك بصراحة خاصك تحلي معاه هدا معاملة سيئة لي كيتصرف بها معاك انساي الحب وانك كتبغيه وفكري منطقيا لان الزواج راه حاجة مصيرية والى استمر فتصرفاته اكيد غادي تندمي على زواجك من بعد لا قدر الله لهدا حلي مشكل وكوني صارمة معه
وربي يهديه
 

نور الأوراس

:: عضو منتسِب ::
إنضم
13 ماي 2014
المشاركات
42
النقاط
3
رد: خطيبي يجرحني

شكرا علي المساعدة سأخذ بنصائح المقدمة من طرفكن وإنشاء الله يتبدل .
 

Happy Girl

:: عضو مُتميز ::
إنضم
21 سبتمبر 2009
المشاركات
679
النقاط
19
رد: خطيبي يجرحني

عندي نصيحة بصح ما تزعفيش هناك مثل يقول المكتوب يبان من العنوان اخطيك و من الاحسن تصلي صلاة الاستخارة ثم قرري لانو يقال انو هناك ثلاث مزحهن جد و جدهن جد من بينها الزواج هذي حياة عمر مش راح تريحي معاه سوايع و من بعد كل واحد يروح لدارهم وعلى حساب ماتحكي هذا النوع عمرو ما يتبدل لانو ذاق بنة السماح على حساب كرامتك مهما كان غلطة تاعو و لتتاكدي جربي تغلطي و شوفي الا يسامحك او روح و يخليك دون النظر الى الوراء و الله المستعان
 

M3TaZ eLLMa

:: عضو متألق ::
إنضم
7 مارس 2008
المشاركات
4,989
النقاط
351
رد: خطيبي يجرحني

السلام عليكم

أولا أهلين بأخت الطيبة ومرحبا بيك في بيتك الثاني اللمة الغالية علينا

ثانيا نشكرك على صراحتك وإن شاء الله لقيتي الجواب من الاخوة لي سبقوني

ولو نزيد عليهم شوي فقط

أخت الكريمة والطيبة الحياة دمعة وابتسامة ولازم نقبلوا بكل ما هو مكتوب لنا

يعني اخت حبيت نقلك حاجة وعلى حساب كلامك لي كتبتيه وحكمت عليه خطيبك راه يدلل عليك يا طيبة يعني راه يدلل لكن راهو تمادى في دلال وهذا دلال يأخت راه يوصل للكوارث لهذا لزم عليك انمك تتحكمي في اعصابك وتسعفي خطيبك مدام يمر بظروف صعيبة في شغلوا حولي تتفادي المواضيع لي تقلقوا ولازم تفهمي مليح عقليتوا لأنو فترة الخطوبة راهي تعارف وتجارب وانت لي تحددي مصيرك لكن بشوية عقل لابد منك انك تتحركي مدام راه يجرح فيك بكلمات قاسية مثال -- انت ما تخميش عليا وراني في مشاكل في شغلي وانت تزيدي عليا ولازم تفهميني ووشغل من جهة وانت من جهة ونا واش راح نعمل هبلت وكرهت وووو كثيرة هي الامثلة لهذا اخت لهذا راني قتلك راه يدلل عليك لكن دلا من نوع اخر وهذا نوع من دلال لازم يزول بينكم لأنو صعيب اليوم قالك كلام يجرحك وغدوة يقلك كلام اجرح ووووو راح تكبر القصة إذن حولي تفهميه مليح مليح وحولي انك تدخلي معاه في نقاش انو يغير اسلوبوا معاك وكما قلنا تفادي الاشياء لي تقلقوا رغم اني اعلم انك وقفى معاه في كل محنوا وخاصة الاصعب التي مرت عليه وكنت جنبوا ولم تتخلي عنه لهذا اخت حبيت نوصلك فكرة أنو القرار راه بين يديك انت اعملي لي عليك وإذا كتب المكتوب راه زوجك وإذا مكتبش فأنت زروجة شخص اخر والله أعلم .


وربي يفرحك وربي يعطيك ما تتمني وربي يخرجك من ضيقة هذي لي راكي فيها وربي يسعدكم يارب

وربي يخليك فرحااانة على طووووول

وأكثري من دعاء وطلبلوا دائما الهداية

وربي يوفقك يارب

تقبلي شكري وتقديري

واشكر كل الاخوة لي مروا من هنا

موفقة​
 

نور الأوراس

:: عضو منتسِب ::
إنضم
13 ماي 2014
المشاركات
42
النقاط
3
رد: خطيبي يجرحني

شكرا لي كل من رد علي موضوعي وساعدني علي فهم مشكلتي .
 

نور الأوراس

:: عضو منتسِب ::
إنضم
13 ماي 2014
المشاركات
42
النقاط
3
رد: خطيبي يجرحني

السلام عليكم أخي وشكرا علي ردك لكن أخي مشكلتي أكبر من الدلال فهذا الأخير مقدور عليه صدقني كلامه جارح جدا المهم سأحول معه و إن نشاء الله يفهمني.
 

{°♥*درصوفة*♥°}

:: عضو منتسِب ::
إنضم
6 جوان 2014
المشاركات
29
النقاط
3
رد: خطيبي يجرحني

نور الاوراس طمنينا كاين تحسن في العلاقة او مازالت الاحوال متل ما هي قولينا كيفاش تصرفتي معاه و الجديد نتاعك
 

نور الأوراس

:: عضو منتسِب ::
إنضم
13 ماي 2014
المشاركات
42
النقاط
3
رد: خطيبي يجرحني

واش نقولك أختي مكان حتي جديد مزال الحال كيما رآه مازال يفرغ كامل زعافو فيا ويخليني نبكي والله راني خايف نعيش معه خاصة كي قرب عرسنا لي راح يكون بعد رمضان راني محتارة أو خايفة من زواج .
 

دعاء19

:: عضو فعّال ::
إنضم
18 أوت 2009
المشاركات
2,309
النقاط
83
رد: خطيبي يجرحني

واش نقولك أختي مكان حتي جديد مزال الحال كيما رآه مازال يفرغ كامل زعافو فيا ويخليني نبكي والله راني خايف نعيش معه خاصة كي قرب عرسنا لي راح يكون بعد رمضان راني محتارة أو خايفة من زواج .
ياختي ايام راهي غير كتجري انتي لازم تواجهيه بافعال لي كيدير لك راه هدا زواج ماشي لعب الناس تبغي الزواج دائم ماشي تزوجي وترجعي عند اهلك
تكلمي معاه ووضحي لو الامر بغا يتغير مابغاش انتي تعرفي الازم ماشي تبقاي ساكتة وتبكي راك انتي لان المسؤولة على هادشي كامل لانك انتي لي سكتي ليه حتى تمادى
 

بوربيع نهاد

:: عضو منتسِب ::
إنضم
26 فيفري 2014
المشاركات
88
النقاط
5
رد: خطيبي يجرحني

نصيحة ليك اداخانك وعاود اعرفي مزال يعاود يخونك لطبعو طبعو حتي يقصلو صبعو راكي في البر بطلي عليه وربي يجيبلك قسم اخر واعفسي على قلبك عزيزتي مجربة ومزلت مجربت
 
Top