خطيبي يجرحني

رد: خطيبي يجرحني

راي انكي تتحمليه وتحاواي تعرفي الحاجة الى مقلقاتوا وتتناقشوا فيها وكل رجل فيه عيب وحتى احنا النساء فينا عيوب المهم سر خطيبك والحوار الي يدور بينهم ولا حتى خلافاتكم خليها بينكم انتم بس وخاصتا اسراروا احذري ان تحكيها لآي شخص حتى لو كانت امه كانيين حاجات الرجل ميحبش اي شخص يسمعها غيرك اما على الخلافات الى بينكم خلينا نكونو صريحين مع بعض اي امراة لها اخوة واب يصرخ ويشاجروك وفيه اخوة حتى انهم يمدوا يدهم على اخواتهم يعني اخوك وابوك تتحمليه وخطيبك لالا هذا ماهوش عدل كيما تتحملي رجال عائلتك حتى هو اتحمليه يمكن تعبان في شغل يمكن تعبان في بيت عائلته يمكن تعبان من الناحية المادية وميقدرش يقولك انتي متزيديش عليه وحاولي تكبري قلبك لآنكي انت الوحيدة الي لازم تتحمليه واذا فيه عيب بشوي وتنحيهلوا تمنى لكي التوفيق يارب
 
رد: خطيبي يجرحني

السلام عليكم اختي
رح نجيبهالك ماللخر
الحاجة اللي ما يقدر يتحملها حتى بشر هي الخيانة صعيبة وصعب تغفريها
هدا اللي خانك ونتي خطيبتو اللي مالمفروض تكون هاد الفترة أحلى الفترات والوفاء والإخلاص يكون فيها متبادل ما تتوقعيش منو يكون وفي ومخلص بعد الزواج
من درك نقولك بلي بعد الزواج رح يجرحك ويجرحك ويجرحك ولاكان بقيتي تسكتي وتسامحي نقلك اسمحيلي هادي مش معيشة وجو أسري صحي تتربى فيه ذرية صالحة
المرأة يا ختي تفتش على الراجل اللي صونها وتصونو ويكون نعم الأب لولادهم ،، واحد خاين وش تتوقعي منو ؟؟
ما يكدب عليك ما يقولك ظروف خدمة ،، ظروف الخدمة ومشاكل الدار عمرها ما كانت سبب للخيانة وتطياح القدر بالهدرة اللي تجرح
علابيها اختي كي راني نشوف فيك في حالة يأس من حالتو ومهما كنتي تحبيه وتعبدي التراب اللي يمشي عليه نقلك مدامكي عالبر خرجيه من حياتك تربحي راحتك وحياتك ومستقبلك وان شاء الله يرزقك ربي ما خير منو اللي يستاهل قلبك ويحفظك في قلبو ويصونك في غيابك وحضورك
وما تنسايش قرار مصيري كيما هدا انتي الوحيدة اللي تقدري تتخذيه
هدا ردي حتى ولو لم يعجب الكثيرين
سلام
 
رد: خطيبي يجرحني

السلام عليكم أخي وشكرا علي ردك لكن أخي مشكلتي أكبر من الدلال فهذا الأخير مقدور عليه صدقني كلامه جارح جدا المهم سأحول معه و إن نشاء الله يفهمني.

السلام عليكم

شوفي اخت حبيت نوصلك فكرة فقط هذا نوع نتاع دلال صعيب فوق ما تتصوري يعني المعنى أني قتلك راه يدلل ليس الدلال المعروف عندنا لكن هذا نوع اخر لو تلاحظي في ردي قتلك راه دلال صعيب بزااف وإذا طور راح يكون كارثي لهذا لازم يوقف نوع هذا الدلال وشوفي راني نحكي معاك وراني حاسس بكل كلام قالهولك وهذا من حكم التجربة يعني شفت من حالتك كثيرا ونحن معشر الرجال صعااب شوي في العقلية يعني عندما نشوفوا البنت تحبنا بجنون وما تقدرش تبعد هنا يمكن سر دلال هذا يعني حوصلة كلامي راهي كلها في هاته العبارة هي لي تخلق نوع هذا الدلال .

كي يغلط ويكثر يرجع ويطلب سماح ويلح عن طلب السماح لأنو يعرف نثطة ضعف المرأة هذه هي انها ما تقدرش تبعد عليه يعني تقدري تقولي ممكن حتى بعد ساعة من طلب سماح وانت سمحتيه يعيد كرة بكلام الجارح على أشياء تافهة ويضخمها ويكبرها ويردها مشكل كبير مع انوا هو لي طبخها وكبرها في عقليتوا يعني هو ينتضر منك دائما ان تغلطي معاه حتى يثير مشكل وإذا لم يجد هو لي يعمل مشكل .

حولي اخت قدر مستطاع انك تنحي منوا هذا صنعة راهي كرثية جدا وما عندي ما نزيد

نتمنى انو الفكرة وصلت ليك وااش نحب نقلوا ليك وصل وفهمتيه .

ولك مني جزيل الشكر

وربي يهنيك وربي يعطيك ما تتمني يارب

وأكثري من دعاء حتى يفرجها ربي

تقبلي شكري​
 
رد: خطيبي يجرحني

السلام عليكم كلام صحيح أخي أعتقد أني من جعله يتمادي لهذا قررت الإنفصال طلبت ذلك منه لكنه ضحك وقال أني لا أستطيع أن أعيش بدونه لكني مصرة علي قراري لعله يحس بما كان يفعل عندما أتركه للأبد والله تحملت بزاف خلاص كرهت .
 
رد: خطيبي يجرحني

لي يخون مرة يخون زوج و ثلاثة ........ماتزعفيش بصح خودي الراي لي يبكيك و ماشي لي يضحكك

زيدي خممي مليح و ادا ماراكيش متقنعة مليح ليك تنهي كلش دوك قبل لا تولي فالزواج

ربي يعينك على القرار الصائب

سلام
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top