برنامج الطبخ الرمضاني الطبق رقم20-قناة اللمة الجزائرية-مجموعة عالم المرأة-

[الحلم الوردي]

واش راكم يالماويات
ان شاء الله راكم ملآح
اليوم جبتلكم
موس البرتقــآل
نخليكم مع المقادير والصور للتوضيح أكثر
عندنا 2 بيضات وزوج برتقالات
نفصل البياض عن الصفار
في سوبيير نخبط الصفار مع نص مغرف نشاء وزوج مغارف سكر عادي وعصير زوج برتقالات واذا البرتقال تاعك حامض زيدي السكر حسب الذوق تاعك

هنا بعد ماخبطو وحطيتو في كاسرونة حتى يخثار

وهنا بعد ماخثار

ونحطو يبرد في الكونجيلاتور

نروح لبياض البيض نخفقو مليح أولا حتان يطلع ونضيفلو زوج مغارف سكر قلاصي ورشة فاني ونخلط حتان يصبح القوام تاعو هكدايا

ونجي للاكريم شونتيي نطلع خمس مغارف كرام شونتيي مع كاس حليب بارد جدا وزوج مغارف سكر قلاصي كي تطلع نردها للثلاجة في انتظار خليط العصير والصفار يبرد مليح

كي يبرد خليط الصفار نضيفو مرة مغرف بياض البيض ومرة كرام شونتيي وهكذا حتان نكملو الخليط ولازم يكون التحريك من أسفل لأعلى وبرفق باش مايهبطوش المكونات لي عندنا

ونتحصل على هاذ لاموووس اللذيييييذة مممممممم
نحطها في القوالب ونزينها حسب الرغبة
أنا هنا زينتها ببشور البرتقال ولي حابة أنصاف البرتقال
ونردها للثلاجة أقل شيء ثلاث سوايع وتكون عندنا جاهزة

​

 

[الحلم الوردي]

حالياً الأعضاء النشيطين الذين يشاهدون هذا الموضوع : 10 (1 عضو و 9 ضيف)
‏ملاك25​

 

[ЯǾᵯẫḭṧşẰ]

ممم تبان تشهي
يعطيك الصحة
يسلمو
​

 

[hajerALMahbooba]

فوررررررر الله يعطيك الف الف عافية

شكرااااااااااااااااا بارك الله فيك

وصفة رااااااااااائعة

 

[{مُدَلَّلَتُهُ}]

الله يبارك عليك ملآك .. . شكلو بنين يعطيك الصحة
​

 

[oum BIBARS]

mmmmm
ya3etikk al saha

 

[الحلم الوردي]

ممم تبان تشهي
يعطيك الصحة
يسلمو
​

الله يسلمك اختي
سعيدة بتواجدكي
شكرا لكي
​

 

[الحلم الوردي]

فوررررررر الله يعطيك الف الف عافية

شكرااااااااااااااااا بارك الله فيك

وصفة رااااااااااائعة

الله يسلمك حنونة
وفيكي بارك الله
اسعدني تواجدكي
شكرا لكي
​

 

[الحلم الوردي]

الله يبارك عليك ملآك .. . شكلو بنين يعطيك الصحة
​

الله يسلمك نور
سعيدة بتواجدي
كل الشكر لكي
​

 

[الحلم الوردي]

mmmmm
ya3etikk al saha

الله يسلمك اختي
سعيدة بتواجدكي
شكرا لكي
​