مخنوقة ومحتارة

Asmaa2020

:: عضو منتسِب ::
إنضم
19 جويلية 2014
المشاركات
61
نقاط التفاعل
75
النقاط
3
السلام عليكم ورحمة الله تعالى وبركاته.
بدون اطالة انا فى حيرة ودوامة من اول رمضان والسبب كالتي:
تقدم لخطبتي شاب ممتاز ادب اخلاق شكل مكانة مرموقة هايل ماشاء الله..
في البداية لم تكن هناك اى مشاكل لكن بدات حيرتى بسبب ظروفه قالى انو باغي يسكن مع يماه...قلت معنديش مشكل زاد قالى خوه صغير عليه بعام يسكن معانا هنا بدات حيرتى هوا عندو ظروفو هاك لانو انحرم من امو وهو عندو عامين حابب يلم الشمل..المهم تانى باغينى ما نخدمش ونلبس وحد الحاجة عندهم اسمها عجار تغطية الوجه موجودة هادى العادة فى منطقة البيض المهم حسيت انو ظروفو ممكن تخنقنى وفى نفس الوقت مش باغا نندم انى ضيعت شاب ممتاز كيما الناس راهم يحسدونى عليه وغايرين كيفاه خيرنى انا...........بغيت استشارتكم وارائكم فى ظروفو وشروطه كلها بليييييييييز ساعدونى انا فى دوامة لااكل لا شرب غير التخمام وهوما جايبين الخاتم وراح نلبسو بعد رمضان يعنى ما بقاش الوقت باش نقرر:(
 
وعليكم السلام ورحمة الله

انا من ناحيتي لعجار مافيه حتى مشكل
ديجا عدنا التقليد وين نسكن انا لمرا المتزوجة وسيرتو حديثة الزواج تلبسو باه تغي الماكسياج تاعهــا

اما باه ننصح تديه ولا لا
هديك نخليها لذوي الخبرة
بيان سير خاوتنا بنات ..
 
شكرا اخى على مرورك ورايك ........بارك الله فيك
بنات وينكم؟؟
 
مرحبَآآ
أختِي مالقيتش شانقوليك !

شروطو عليك انتي الوحيده اللي عارفه اذا يساعدوك على القبول بيه و الا لالا

العجآآر ماشي غي في البيض راه في كل مكان و هادي عاده قديمه و مليحه و بالعكس هو كي قالك ديري عجار معناها راه خايف عليك من العينين و كي قالك ما تخدميش تاني باش يتجنب أي احتكاك ليك بغيره و هدا يمكن دليل على حبو ليك و خوفو عليك

و انتي حرّه يَ أختِي كلّ التوفيق ليك ان شاء الله ^^
 
شكرا اخي على المساعدة ربي يوفقك
 
ختي ييلا راكي شايفاتو مناسب ليك وملتزم وكيما قلتي ماشاء الله عليه
نقولك يلاكان بسبت امه وخاه والعجار تراطيه ماشي نورمال
المهم هد الشي مكتوب ربي اللي مكتوب في الجبين مايمحوه اليدين
امه من واجبو وواجبك وخاه نورمال كيما خاك
والعجار اي النقاب بلاك هو مش حاب يشوفك اي واحد اخر من غيرو هو وهد الشي زاد من كرامتك ختي
والراي رايك
 
هاذي الشروط أنتي اللي تقدري تقرّري إذا تقبليها أو لا ٫٫٫ يعني حسب قناعتك الشخصيّة ٫٫٫ الزواج أمر جدّي و يحتاج مواقف حازمة دون تردّد و لا مجاملة ٫٫ إذا كنتي تقدرين على تلبية شروطه و كان رجلا مناسبا لكي فاقبلي ٫٫ أمّا إذا كنتي ترين بأنّكي لا تستطيعين تلبية شروطه أو أنّ هذه الشّروط ستسبّب لكي إحراجا و ضغوطات في حياتك فأنصحكي بعدم القبول ٫٫ هذا أمر لا تصلح فيه المجازفة ٫٫٫ و لا يصح أن تقبلي بزوج فقط من أجل أنّ النّأس من حولك قد أعجبوا به ٫٫٫ المهم رأيك أنتي٫٫ هذا رأيي الشخصي و الله أعلم ٫٫٫ بالتوفيق أختي
 
شكرا اختى مريم على النصيحة ربي يبارك فيك
 
شكرا اخى لارجو على النصيحة ربي يبارك فيك
 
اختي انت طلبتي رايي وانا نقول لوكان جيت في بلاصتك نقبل وانا نضحك لانو ولد حلال وممتاز اخلاق راهوا قليل واذا بيك على لعجار عاااااااااااااااادي ما فيها والوا حبلك سترة وبيناتنا مدام نواك لحلال وخيرك من بين لبنات كيما يقولو توكلي على الله وخلينا نفرحو بيك راكي دايا سيد رجال لانو في نضري ميهمني لا مال ولا لبسة يهمني الهنى و انا نقولك الف مبروووووووووووك مسبقا
 
تسلميلي اخت اسيل ربنا يبارك فيك
 
بلا مزية حنونة بصح مقدرتش نخلي اختي اسماء تخسر واحد كيما هدا
 
السلآم عليكم


اختي انا حسب رأي شروط نتاعو معقولة

لأنو درك الرجال كامل لي يخمم على زوجتو يقلك انا لازم نديرلها الجلباب ولا العجار كيما راكي تقولي

ودرك كل شىء راهو يعود ليك .. يعني ادا راكي تشوفي روحك تقدري ديريه اقبلي وربي يكمل ان شاء الله
 
السلآم عليكم



اختي انا حسب رأي شروط نتاعو معقولة

لأنو درك الرجال كامل لي يخمم على زوجتو يقلك انا لازم نديرلها الجلباب ولا العجار كيما راكي تقولي

ودرك كل شىء راهو يعود ليك .. يعني ادا راكي تشوفي روحك تقدري ديريه اقبلي وربي يكمل ان شاء الله
اخي انا فضولية شوية ولاكن انت لما تتزوج زوجتك دلها هدا لعجار او لجلباب;)
 
عليك بالاستخارة خيتو
و ان شاء الله ربي يسهلك
 
تسلمولى كلكم ربي لايحرمنى منكم يارب انتم اجمل اخوة
 
الاخت انا واحد راح اشترط نفس الشروط على اي بنت اتقدم لخطبتها انا هكذا داير ما نحملش مرتي تخدم ويدورلي بيها الذبان و حتى الشوفة تع الذئاب في الطريق ما نحملهاش لو تكون عندي سيارتي تركب فيها معليش ما تديرش العجار اما في الطريق تمشي ما نحب حتى واحد يطلع عينه فيها خاصة عندنا احنى العرب لانهم بصراحة يبلقوا عينيهم بزاف ولاو ما يحشموش قع انا بانتلي بلي راه الولد عاجبك متربي ومحافض ما عندك ما تقولي راجل من الاول عنده غيرة على المراة هذا رجل تع كلمة وبخصوص السكن مع العائلة والله غير بزاف علينا ما قدرناش يا بنعمي انا ما فهمت فيها والو جيت نطلع حسابتي باش نروح نشوف كاش طفلة نخطب لقيتها قريب 150مليون مصروف خاصة للشخص اللي ما عندوش شكون يعاونوه مزية مارانيش مغروم راني حر طليق نضل نحرث كي البقرة باش جمعت شوي دراهم صافي درك نتزوج نصرفهم قع نرجع للصفر ولا نخبي دراهمي ما نتزوجش وانا بديت نكبر ساعفي السيد والله الحالة صعابت اني سجلت في المنتدى على جالك مش عارف كيفاه وصلت لهنى قع
 
سلام اختي اسماء
غادي نقولك حاجة وحدة وديريها في بالك مليح و هذي ماشي من راسي شيقول الله سبحانه و تعالى و الرسول عليه الصلاة و السلام
رسول الله صلى الله عليه وسلم قال: "إذا أتاكم من ترضون دينه وخلقه فأنكحوه
"أهم الأوصاف التي ينبغي للمرأة أن تختار الخاطب من أجلها هي: الخلق والدين، أمَّا المال والنسب فهذا أمر ثانوي،
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top