مشكلتي ليس لها حل

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلام عليكم

أولا أشكركم على تفاعلكم الدائم في هذا القسم و جزاكم الله خيرا

بدايةَ أنا فتاة مقبلة على شهادة الباكالوريا مستوى مادي جيد شكلي مقبول لا أخالط الشباب بصح نحكي مع الذكولر نورمال

فتحت فايسبوك و يا ريتني لم أفعل

أنا كان عاجبني واحد جبت فايسبوكو و حكيت معاه نورمال و منبعد طلب أنو يشوفني كي نكون رايحة للمدرسة الصباح و فعلا شافني و قال لي أني أعجبه و لكن لم يتحدث معي مطولا في الطريق لأنو يعرف أني نحشم بزاف

ذرك أنا وليت خايفة و ما عرفتش واش ندير و ليت خايفة يشوفوني معاه و خايفة من عدة حاجات مع العلم أنو موش حنوني أو شيء من هذا القبيل لا أبدا

أشيروا علي ماذا أفعل
 
السلام عليكم

احسبي معايا خطواتك لي عملتيها :
أولا وسولك الشيطان باش تجيبي الفيس بوك نتاعو وجبتيه
ثانيا زينلك انك تحكي معاه...وحكيتي معاه
ثالثا زاد وسوسلك باش تعطيه مكان قرايتك ...عطيتيه وين تقراي
ثالثا قالك لو تتلاقاي بيه يكون احسن...و تلاقيتيه وحكيتي معاه في الشارع
والرابعة مش عارفين وش ممكن تكون !!!

لعلمك هاذي خطوات الشيطان وممكن عن قريب يوسوسلك بحوايج أخرى
حتى تلقاي روحك طحتي في الممنوع
انتبهي اكثر واحرزي روحك لتزيدي تواصلي وتلقاي روحك تعملي في امور اخرى

الفيس بوك نتاعك اغلقيه واذا تحتمت افتحي واحد اخر وماتمديهلوش
وهو اذا جا حكا معاك قلو اسمحلي عندي باكلوريا وحابة نحضرلها
واذا كثر عليك اكثر قلو بااب دارنا مفتوح اذا حبيت الحلال
غلطتي بزاف بالشي لي عملتيه
اطلبي ربي يغفرلك
وحاولي تحبسي هذ العلاقة لانها مش في صالحك لا مع ربي لا في مستقبلك كفتاة سمعتها لام تكون نظيفة
ربي يهديكم
 
السلام عليكم وصحا عيدكم
مشكلتك عندها حل وهو انك تنسحب تدريجيا لانو ممكن يكون ولد حرام وكاش ما يباصيك ابا غي بشويش وبداي تتحجي بالباك حتى لي تلقاي روحك تهنيتي منو ومدابيك تكون اول خطوة هي انك تغلقي الفيس بوك نتاعك بسبب انك وليت تهملي دراستك على جال الفيس وبعدها ربي يسرلك وتتهناي منو

 
  • أعجبني
التفاعلات: Hakan
وعليكم السلام
ديزاكتيفي الفايس بووك تاعك اول حاجة وثانيها اجبدي على الطفل

هادا الحل راح يقصلك المشاكل
 
ختي كاين الحل غير هو لي موجود الحمد الله انك ماتعديت الخط الاحمر وتانيا انت راكي ماتحبيهش غير فضول وخلاص جبت الفيس يمالا بلوكيه من عندك اعمليلو تبليغ وبدلي اسمك ولا بدلي الفيس المهم ما تخسريش مستقبلك راه عندك مشوار قرايتك وربي يسهل متنسايش راك في البداية مزال وتقدري تحبسي مزال مافاتش الوقت
 
العنوان : مشكلتي ليس لها حل
الموضوع : علاقة فيس بوك تتكرر تفاصيلها مع كل بنت ولا أحد اتعّض
نقطة غائبة وهي أساس المشكل : الحاجة لي خايفة منها وشنهي كي تعرفيها تصيبي الحل نظن عنوانك ماجاش من فراغ وخوفك له مايبرره
 
  • أعجبني
التفاعلات: Hakan
السلام عليكم اختي الغاليه ولله كل شئ عادي مكانش الي مايغلطش عادي اختي
انا نصيحتي ليك اجتانبيه ومشكيلتك حليها بي الاجتيهاد والديراسه والمستقبل ثما المستقبل متنسايش ديراستك هل الاساس
 

وعليكم السلام

أولا أنتي مقبلة على شهادة البكالوريا
أخطيك من هاذو العفايس ،، مضيعة للوقت
تحكي مع الذكور بصح لازم في ايطار :d

:(
أنا كان عاجبني واحد جبت فايسبوكو و حكيت معاه نورمال و منبعد طلب أنو يشوفني كي نكون رايحة للمدرسة الصباح و فعلا شافني و قال لي أني أعجبه و لكن لم يتحدث معي مطولا في الطريق لأنو يعرف أني نحشم بزاف
اسمحيلي ثقبتيها ،، والله العلي العظيم غيرعلاقات عابرة :-r
وفي الأخير تندمي،،
ذرك أنا وليت خايفة و ما عرفتش واش ندير و ليت خايفة يشوفوني معاه و خايفة من عدة حاجات مع العلم أنو موش حنوني أو شيء من هذا القبيل لا أبدا
أشيروا علي ماذا أفعل

نتاع الصح تخآفي ــ تجاهليه وبعدي عليه،،
 
مع العلم أنو موش حنوني

هههههههههه من أين أنتي ياحنونة يمكن أعرف أخاكي

وسوسي بيها روحك لليلة هههههههههه
 
لو ان غباء امثالك رجل لقتلته حرقا يا اختي واش راكي دايرتها لعبة ما عندك خوك تخافي على رجولتو طيح في الارض انا ما نيش ضدك اذا حبيتيه لكن مثل هذه الخطوات رايحا توصلك للفساد والناس ما ترحم .
 
ما نخلطش في الشباب مي نحكي معاهم نوغمال

مع العلم انه ليس حنوني :s :s :s :s

كي شغل هو لي كان جابها مرواك يا وسمك راكي مقيمة روحك بزاف

وانا راح نقلهالك في بلاصتو ياو كاين منك 10

ههههههههههه كور واعطي للعور كيما يقولو جماعة الغرب

 
آخر تعديل:
مافهمتش ماهي العلاقة بين العنوان والمضمون يعني هادي مشكلة وماعندهاش حل ؟
انت اللي حوستي على الشاب من الاول
دراستك قبل كل شي يااختي اخطيك من هاد الطريق من الاول
ربي ينجحك في دراستك​
 
و من يتق الله يجد له مخرجا

السلام عليكم
من جعل النار بردا على سيدنا ابراهيم
من أنطق سيدنا عيسى في المهد
من أسرى بسيدنا محمد عليه الصلاة و السلام
إنه الله ارفع يديك إلى السماء و قل يا الله يا الله يا الله بالأسماء الحسنى
*******************************************************************
الحب في سن المراهقة سحابة و ضباب يزينها الشيطان للشباب
-كلماته و مفرداته تتيادل بين الشباب و الفتيات من حب و شوق و تبادل للهدايا
و لو أن أمه أو أبوه أو أخوه طلب منه شيئا لتذمر في وجوههم و لو أن فتاته تكلمت معه لانبسط الوجه فرحا بذلك ذلك هو الضلال المبين
 
حبيبتي

ماكاش الوقت لهاته الاشياء

جيبي الباك وممبعد اعشقي على روحك

ضرك ركزي في قرايتك وبعدي عليه قبل ما تتعلقي بيه وتتورطي
 
تجاهليه و بعدي عليه و ديري روحك متعرفيهش
 
سلام عليكم اختي نقلك لا تجيبي هدرة روحك راكي صغيرة وناس مترحمش والعديان يستشفاو نقلك ركزي مع قراتك ومديرش هدرة فيك وعلى باباك اختي استغفري ربك ونقلك توبي الى مولاكي بعدي يمكن هداك فلان يقول قلان وقلان وتوصل بااباك ختي خمي مليح مع روحك وخلي هدا سيد بعيد عليك نصيحة من اخت كبيرة عليك
 
مساعدة

بابا وخويا ميخلونيش نخرج راني حبا نعيش حياتي كي لبنات نقرى نتعلم واهم حاجة راني حابتها ندير الرياضة الي تعجبني عيت كليوم الشغل والقعاد راني حابة نشوف حياتي مستقبلي ضايع وملقيتش الحل درنا مزيرين بزاف وعندي اربع سنوات وانا في المنزل افيدوني بشيء كي اخرج من عزلتيي ارجوكم او اعطوني دعاء مجرب كي اخرج من عزلتي:-o
 
أعطي الأهمية الأولى لشهادة البكالوريا ومن بعد كل حاجة تبان
بالتوفيق
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top