بروبلام تاع باك

[yani thiziri]

سلام لي جان

علابالكم عندي هاذ العام باك

وراكم تعرفو الغاشي راه كامل يريفيزي

غير انا مزلت لضوك محليتش الكايي

الصحاب والسهرات وتوجوغ مانروحش لمسيد psk نرقد نهار

كاش دي كونساي باش لواحد يريكpيري واش فات​

 

[ابوندى]

تم الاعتماد

اتكل على ربي والعام مازال ماخلاصش مازالت الفرصة شد حيلك

 

[anissa 13]

بالنسبة للريفيزيون يبانلي مزال الحال
بصح هدا مايمنعش انك تروح لليسي او تريفيزي
مزال باقيلك الوقت حاول تنظم نهارك دير وقت لصحابك ووقت لقرايتك بصح الوقت الاطول خليه لدراستك
ان شاء الله تروح للجامعة تم عندك متسع كبيييير من الوقت وتشوف صحابك قد ماحبيت
ربي ينجحك​

 

[حُلم عابرْ]

سلام لي جان
السّلام عليكم ورحمة الله
علابالكم عندي هاذ العام باك

وراكم تعرفو الغاشي راه كامل يريفيزي

غير انا مزلت لضوك محليتش الكايي
وش تستنى ؟؟
الصحاب والسهرات وتوجوغ مانروحش لمسيد psk نرقد نهار
الله يبارك
كاش دي كونساي باش لواحد يريكpيري واش فات​

توجوغ ماتروحش للمسيد وتلقى الوقت للمنتدى باش تدي لي كونساي ؟؟
الا انت مش مهتم بمستقبلك حنا نهتمولك بيه ؟؟
والا قراية الليسي مافادتش لي كونساي تاع الاعضاء يفيدوك ؟؟


بدّل العقلية والصحاب والسهرات ثم برك لي تقدر تغيّر مستقبلك !!

أنا صريحة منحبش العوج :-h

 

[السلطانة]

وعليكم السلام
حدد هدفك
اذا حاب تنجح وتجيب الباك = تبدل عقليتك وتخدم بجدية وتبطل السهرات
واذا حاب متجيبش الباك ومتنجحش = ابقى تسهر ومتروحش لليسي

قدامك 2 طرق لاثالث لهما انت خير الطريق لي يوصلك للنجاح

تتعب عام وترتاح بعد النجاح خير من تبقى راقد وساهر الرقاد وتضياع الوقت ميجيبلكش النجاح اخي
رديتلك بمنطقية
بالتوفيق ان شاء الله

 

[التائب الخاشع]

بعد السلام عليكم أخي ركز على قرااايتك وحط بالك على اساس من جد ومن زرع حصد وديما ربي يمد حسب القلووب صفي نيتك مع ربي وحاول تبدا من داار وجديد وافضل حااجا تريح مع رااسا وتخمم في مستقبك هي نصيحة لعلى لها اذن تستوعبها ...
ربي يوفقك ويجعل من النااجحين حبيبي​

 

[ضيوف وسـنغادر]

واش من سهرات وواش من لعب ؟ اذا حاب صح مستقبلك يكون بيا وعامك يعدي على خير
نحي الخراطي هادي من بالك وشوف غير مع قرايتك ورضاية والديك
بيسك انت ماتحسش بالوقت والوقت تاني حاب بمشيها عليك ومبعد تلقا روحك فالاخير والو لانك ضيعت وقتتك وماستغليتوش مليح
شوف ريفيزي وحط راسك مع قرايتك ومكانش صحبة قد واحد صاحبك يحب ليك مستقبل مليح اذن لازم يخلوك تخدم على روحك
والقراية ايتصعاب خاصة كلما بعدت عليها , نقولك انت طالب وسنتك الاخيرة ان شاء الله لازم تخلي اثر مليح وراك ولازم تحب قرايتك وتبعد عن كل ما يلهيك تتمسك في ربي هذاك هو الصح نوض صلي الفجر خاصة والله نقسملك بربي تحس راحة نفسية وانت تقرا في طاعة ربي خاصة اذا كانوا الوالدين راضيين عليك
لديك خياران اما تبطل عاداتك هادي وتحول نفسك لانسان اخر لديه ركائز اثقل واما راك تروح فيها والنهاية لا تحمد عقباها
ان شاء الله تكون كلماتي مفهومة بيسك مانحب لحتى واحد غير الخيـــــــــر ​

 

[بنت الـ25]

الكونساي الوحيدة اللي نمدهالك هو انك تحدد الهدف تاعك
وانت هدفك كما هو واضح "انك تجيب الباك " وبمعدل مليح"
(خاطر معدل 10 ولى ما يدي ما يجيب)
وتحطو بين عينيك وتفتش على الأمور اللي تخليك توصلو:up:
هكدا رايح تدير القلب وتقرا
والسهرات اللي تحكي عليهم راك لاحق عليهم مش هاربين مي ممبعد الباك ان شاء االه
يا ودي كي عدت تحب السهرات رح نقولك ايماجيني معايا السهرات اللي رايح تفوتهم مع صحابك نهار تخرج النتائج وتصيب روحك نجحت :d
ونتوما دورو بالسيارات فالليل وتعيطو وتكلاكصونيو والضواو شاعلة والفيميجان كي الكوتارج تع العرسان والله غير فووووووور
هههههههههههههه

فرحة ما تقدرش تيماجينيها ،، انا كي نشوفهم نتمنى كون جيت طفل ونخرج نديفيلي خاطر فرحة الباك لا تضاهيها فرحة

ايا دير القلب وارفد الكراس تراش ايا ايااااااااااااا


​

 

[djillo20]

اذا لقيت كي دير قولي الله يرحم الوالدين مام انا راني غير كيفك

 

[red rose]

خويا لازم متسهرش باش تنوض بكري و تروح تقرا هاذ هو الحل الوحيييييييييييييد