تعبت من هم اثقل كاهلي

[مشكلتي]

السلام عليكم ورحمة الله تعالى وبركاته
ان شاء الله تكونوا كامل لاباس
جماعة الخير انا فتاة عمري 16 سنة وماشية فالـ17 سنة (عضوة في هذا المنتدى) ، الحمد لله عايشة عند والديا ما خصني والو ، مزالني حاكمة في طريق ربي وشادة فيه غير هو
بدات حكايتي من 15 سنة طحت ...فضت بكارتي وفقدت عذريتي (الحمد لله ماكانتش فالحرام) ماقدرتش نقول لأمي حكمتها في قلبي وسكتت ، ماكنتش متأكدة من الحاجة هاذي من بعد تأكدت كي تمزق الغشاء لي بعدو
وبقيت حاكمتها في قلبي ..ندعي ربي صباح مع الليل يفرج همي .. ماقدرتش نحكي مع امي ومحال نقوللها وابي عصبي ومتشدد ، نتائجي المدرسية في تراجع ملحوظ ..امي وابي يعنفوني على هاد شي ..عندي ارق نرهج في روحي بالدواوات تع النوم مخي خمج ، باقي يخمم غير فالحاجة هاذي ..

كيفاش رح ندير ؟ كيفاش رح نعيش من بعد؟ المستقبل كيفاش؟؟
اسكو يقبل الراجل يتزوج وحدة فاقدة لعذريتها؟؟
راني ندفع في ثمن حاجة ماهيش بيدي!!!
على كل الحال الحمد لله اني ما ارتكبتش الحرام
جماعة اللمة انا محتاجة تعاونوني في وضعي هذا..ماتقولوليش بلي مانيش متأكدة وروحي طبيبة ...انا متأكدة 100% تعيشو عاونوني بكاش حاجة راني عييت
وادعولي يرحم والديكم ...محتاجتكم ..ربما دعوة منكم تستجاب
وربي يحفظكم ان شاء الله وبارك الله فيكم
​

 

[راضية حامدة]

تم الاعتماد
لا حول و لا قوة الا بالله
حابة نفهم حاجة وحدة
كيفاش تاكدتي ؟؟؟؟؟؟؟؟؟؟؟؟؟؟؟؟؟ راكي تقولي راكي متاكدة
و علاش ما خبرتيش امك؟ ياك مش بيدك انت من المفروض تخبري امك اولا
شوفي يا بنتي يا حبيبتي
نصيحتي ليك الاولى و الاخيرة خبري امك
علابالي قاسي عليها بزاف لكن باش ترفد معاك هذا المشكل
هي ادرى بوش لازم يكون
قد ما تخممي انت مش رح يكون كيما هي
هي لي تعرف صلاحك و تعرف كيفاش تتصرف
يا ريت قلتيلها في اليوم لي صرا فيه الحادث لوكان راكي نقصتي علي روحك الكثير
اتوكلي على ربي و قولي لامك و فهميها مليح
رح تنضر اكيد و تتعذب لكن احسن بكثير من جهلها بحالتك
لانه مادام غير انت لي تعرف بهذا المشكل ممكن يلعب بك الشيطان و تسولك نفسك و تدخلي في عالم مش مليح
خبري امك و صبريها و تصبرك حتى يفرج ربي
ان شاء الله ربي يجيب الخير

 

[العَنْقَاءُ]

تم الاعتماد
لا حول و لا قوة الا بالله
حابة نفهم حاجة وحدة
كيفاش تاكدتي ؟؟؟؟؟؟؟؟؟؟؟؟؟؟؟؟؟ راكي تقولي راكي متاكدة
و علاش ما خبرتيش امك؟ ياك مش بيدك انت من المفروض تخبري امك اولا
شوفي يا بنتي يا حبيبتي
نصيحتي ليك الاولى و الاخيرة خبري امك
علابالي قاسي عليها بزاف لكن باش ترفد معاك هذا المشكل
هي ادرى بوش لازم يكون
قد ما تخممي انت مش رح يكون كيما هي
هي لي تعرف صلاحك و تعرف كيفاش تتصرف
يا ريت قلتيلها في اليوم لي صرا فيه الحادث لوكان راكي نقصتي علي روحك الكثير
اتوكلي على ربي و قولي لامك و فهميها مليح
رح تنضر اكيد و تتعذب لكن احسن بكثير من جهلها بحالتك
لانه مادام غير انت لي تعرف بهذا المشكل ممكن يلعب بك الشيطان و تسولك نفسك و تدخلي في عالم مش مليح
خبري امك و صبريها و تصبرك حتى يفرج ربي
ان شاء الله ربي يجيب الخير

أريد ان أقول مثل حال لسان الاخت
أختى الفاضلت
انت حالياً الان في هذه اللحظة لو تذهبين للطبيب الشرعى
سوف يعلم ما سبب الفض وفي اى تاريخ والسنة الفلانية
العجب لو يكشف انها منذ عامين وأهلك لا يعلمون بهذا هنا راح يكون هناك شبهة وإنْ
سارعى الان بإخبارهم أفضل من تتواجدى في أماكن مليئة بالرذيلة
لان اسباب بائعات الهوى بعضهم مثل هذه الامور
قدر الله ما شاء أختى
أتدرين متى دفعتى الثمن؟
عندما كتمتى الامر عن أهلك
الان تحتاجين الى إعادة صرف هذا الثمن
اختى ما تقلقيش روحك الامر بسيط خبريهم وما تخافيش على الراجل
لانك لو كنت بنت أصل لو تكن لك عشرة بكارات فقدة بحادث
ليس مشكلة..!
لان اهلك عندما يتقدم الرجل راح يخبروه انه قدر الله ما شاء حدث ما حدث
راح يتقبلها الراجل
وأبشرك ان الراجل في هذا الوقت لا ينظر الى ذاك المكان المظلم
إما ينظر الى اخلاقك وادبك او ينظر الى جمالك و مالك
نعم يا اختى هذا راجل هذا الزمان
هلمى بأخبارهم الان..
هذه فرصتك

وليس نهاية العالم اختى
​

 

[السلطانة]

وعليكم السلام

اهلا بنتيتي واختي

نعرف وحدة صراتلها كيما صراتلك
خبرت والدتها سارعت بيها عند الطبيب عملولها ترقيع الغشاء
مع الاحتفاظ بشهادة الطبيب لانو سبب تمزيق الغشاء ماكانتش هي السبب فيه
كان بسبب حادث
انتي خبري امك
لأنو ماكانش أحن وأفضل من الأم لي رايحة توقف معاك
ربي يوفقك

 

[RoseBonbon]

ياختي عمرك ما تخبي شيء كيما هذا على امك

مادام نتي صافية وما غلطتيش علاش الخوف؟

هذا حادث وانت ضحية

خبري امك وشوفي كيما قالولك طبيب شرعي باش يديرلك شهادة عن اسباب الحادث

وكيد كي تطيحي مع رجل مناسب احكيلو وان شاء الله كي يكون واعي وواثق من اخلاقك ماراحش يتوقف عند هذا المشكل البسيط

وما تعرفيش كامل واش راهو كاتبلك ربي

بصح نتي ما تستهزايش بقرايتك

هذيك هي سلاحك في هاذ الدنيا

ربي يسهلك حنونة

 

[زيزي احمد]

شكرا لكل العضوات على تقديم النصائح و التي اهمها اطلاع امها على الحقيقة
فعلا بنيتي لست مذنبة فلماذا انت خائفة ؟
حل المشكلة ممكن الان ولكن سوف يصبح مستحيلا عندما تنوين الزواج
استشيري طبيبة نساء لعلها تساعدك في اخبار امك و التعاون معها لترقيع الغشاء و ترتاحين نهائيا
دعك من المنومات فهي لن تحل المشكلة لكن تجعلك مدمنة عليها فتكوني في مشكلة و تصبحي في مشكلتين
امضي في حل مشكلتك بالتعاون مع امك و الطبيبة و لن تندمي ابدا بل تتخلصي من الهم نهائيا
وفقك الله و الهمك القوة و الصبر و رزقك ابن الحلال الذي يعزك و يقدرك
بالتوفيق بنيتي و لا تنسي ان تخبرينا بعد حل المشكلة سنكون اول من يفرح لك .

 

[الباندي]

اختي ربي يفرج
اختي انت في عمر 15 سنة عرفت بلي كاين حاجة اسمها غشاء البكارة و الان 17سنة راكي رافدة هم كبير
الطب دروك راه وصل لدرجات متتصوريش يقدرو يجبدولك كلش و affaire كيما هاذي لازملها امك هي لي تفريهالك صحيح تزعف بزاف بصح الام دائما تعرف من اين تاكل الكثف خصوصا مع ابوك .....
صارحي اختك الكبيرة اذا عندك طبعا و هي راح توصل msg لأمك...و اذا مكانش لازم تحكيلها دبري راسك
حنا عدنا مثل يقول "لي تتلفتها اجريها "
و زيد الطبيبة عندها ماتقول و بزاف ثاني لانها رايح تعطي اسباب لهذا الحادث+رايح تمدلك شهادة تاع براءة مكتوبة و مختومة و راح تكون ان شاء الله هي من تعاونكم و المساعدة تاعها راح تكون عندها اثر كبير على حياتك من بعد ...و هذا دور الطبيب يخفف على الناس ....ترقيع الغشاء اصبح الان حاجة كاينة و معمول بها و ضرورية في الحالات كيما تاعك لانك ببساطة صرالك حادث سقوط وليس شيئ اخر....و حالات الاغتصاب واش نقولو فيها بدون ارادتهم سلبوهم الشرف تاعهم و الان راهم ضايعين و المجتمع الجزائري لا يرحم.....حتى لي اغتصبت يالرب الكريم ماسلكتش من الناس ..
اما مسألة الراجل اخطيك متخميش و حاولي الان كيفاه تخبري امك و من بعد هذا الراجل تاع الهم هذا ساهل يجي وحدوا قاع متخميش
....و الوقت راه يتبدل رانا 2014 و انتي في عمرك 17 سنة بعد 6 او 7 سنوات تشوفي بعينك كيفاه الوقت تبدل .....ربي يهنيك اختي و ترجعي لقرايتك و تتحل مشكلتك.و لي خلق ما يضيع ..

 

[♫الباحثة عن الحظ♫]

سلام عليكم

كيفاه يا اختي اعرفتي بلي فضت لانك طحتي
ومدام مش طبيبة الي قاتلك كيفاه تاكدتي
يا اختي بلاك مجرد وساوس برك
بلوس احسن تقولي ليماك و تخبرها وكيما قالو الاخوة الطب راهو متقدم بزاف
الطبيب يعطيك شهادة طبية دليل بلي حادث وفقط
بلوس وبلاك انت شفتي اشياء خلاتك تشكي بلي فضت و حكمك الوسواس و حطيتي الفكرة في راسك
وربما هي والو ما بيه
ربي يفرج عليك
​

 

[NASRO DZ]

اتوكلي على ربي و قولي لامك و فهميها مليح
لانو لازم تحكيها للام وماتخفيش ابداا ربي راه معاك لاني ماغلطتيش في الحرام هدا الشيء يصير ويقع وعادي
الزوج يقدر يتفهمك ادا كتب ليك ربي رجل صالح
وماتروحيش لبعيد اختي الشارع مايرحم

وربي معاك واحنا معاك تاني ان شاء الله

وزيد الثقة في النفس تعك لازم

 

[الباندي]

سمحولي يالمشرفين اذا زدت رد اخر منيش عارف اذا مسموح و الا لا
ولكن حبيت نقول حاجة بزاف بنات صراتلهم نفس الحكاية وكانوا يقولو كيما انتي و متاكدين وخايفين يحكوا و من بعد طلعت النتيجة انه مجرد نزيف و ان الغشاء سليم بلاك اختي الشيطان تاع الشكوبي يديرلك قصر تاع وسواس في راسك نورمال من حاجة مكانش منها روحي للطبيب عادي و ادي امك معاك و ان شاء الله راك سليمة و اذا قدر الله و خرجت العكس راح يثبت انك بريئة و قدام امك و من بعد مسالة اقناع الاب راح تكون بمساعدة الطبيبة +الشهادة اتكلي على ربي و ان شاء الله فيها خير....

 

[issam mca]

الحل الوحيد هو الذهاب الى الطبيبة والتؤكد ...واذا لزم الامر يمكنك عمل جراحة ووضع غشاء جديد للبكارة ...............وربي يفرج عليك

 

[زهور الشوق]

غلاتو مادام نتي ماكانلك حتى ذنب علاش تخافي؟
قولي لماماك هي لحنينة اللي تفهمك مالغري المواجهة صعيبة مي خييييرمن التسويف
وماتتقلقيش من المسقبل ربي راه يشوف وكل نكبة فيها خير كبير بالاك الحادث اللي صرالك راه يعوضهولك ربي بزوج يحبك لروحك الطاهرة لأخلاقك وتريتك وادا حبك هاد الحب الصادق الشي اللي صارلك ما راح يعطيلو حتى ذرة اهتمام وحياتك كلها تتنور
كوني واثقة من حكمة ربي برك قولي لماماك باش تنحي الهم عليك وبقاي ديييما قريبة من ربي لعزيز ..لتهاي بقرايتك حبيبتي ونجاحك راح يرفع معنوياتك ومعنويات والديك وماتخميش في اشياء سلبية مازال الحال عليها بزاااف
ربي ينورك ويسهل امرك ختيتي الاموورة

 

[adel._dz]

واذا لزم الامر يمكنك عمل جراحة ووضع غشاء جديد للبكارة ...............وربي يفرج عليك

 

[anissa 13]

حبيبتي خبري امك اليوم قبل غدوة
ودعي ربي يرزقك بولد لحلال
اكيد راح يتفهم وضعك ويعرف بلي انت شريفة وراح يرضى بيك عادي المهم تصارحيه بكلشي مند البداية
ركزي على دراستك مزالك صغيرة وادا حابة تروحي للطبيب روحي بصح عملية الترقيع هادي خطيك منها لانو مش معروف ادا كانت حلال او حرام
ربي يوفقك حبيبتي
​

 

[Amauri]

ماتتلقيش اختي ربي مايظلم حتى واحد في هذ الدنيا و انتيا علاش راكي اتفكري في المستقبل عيشي اللحظة و خلي اللي جاي على ربي سبحانو
و اصلا ماكيش نتي الي درتي المشكلة هذي علاش راكي تلومي في روحك و تتقلقي ماتتقلقي ماوالوا كل حاجة عندها حلها و زيد اذا تزوجتي براجل تقي و متفهم و فهمتيه الحكاية هذيا رايح يفهمك بدون اي مشكل و اذا مافهمكش مايستاهلش تتزوجي بيه و تخسري معاه عمرك

 

[issam mca]

????????

مزطوووووووووووووووووووووووول

 

[jojo chawiya]

يا اختي ربي ما يظللم حتى واحد ادا كانت الحكاية كيما راكي تقولي فرو حي للطبيبة و انشالله يكون مجرد تمزق
لا فقدان كلي للبكارة ربي يفرج همك انشاء الله

 

[hafousa]

السلام عليكم اختي

الصراحة هي اهم شئ و الصدق قولي ليماك كلش دوك يجيك شوية لوم من يماك على المدة اللي خبيتي عليها بصح اهم شئ

اخبار امكي هي الي تعرف واش الدير كيما قالت اختي تستطعين الذهاب للمستشفى لترقيعها و لا تخافي حدث هذا بدون

قصد و سينجيك الله و سادعوا لكي من كل قلبي لكي ينتهي هذا المشكل

بسلام هذا المشكل ليس نهاية العالم لكوان يخلاص المشكل بسلام و الدوري

لحياتك تلقايها مخربة و قراية ما تنسايهاش اوكي حبيبتي و العالم في تطور يمال

تلقاي الحل باذن الله و لا تقنطي من رحمة الله ......فهو يقول كن فيكون

و عسى ان تكرهو شئ و هو خير لكم
و السلام عليكم و رحمة الله وبركاته
​

 

[adel._dz]

مزطوووووووووووووووووووووووول

لا لا بطلتها كي بداو يتكيفوها الذر

 

[hafousa]

حبيبتي خبري امك اليوم قبل غدوة
ودعي ربي يرزقك بولد لحلال
اكيد راح يتفهم وضعك ويعرف بلي انت شريفة وراح يرضى بيك عادي المهم تصارحيه بكلشي مند البداية
ركزي على دراستك مزالك صغيرة وادا حابة تروحي للطبيب روحي بصح عملية الترقيع هادي خطيك منها لانو مش معروف ادا كانت حلال او حرام
ربي يوفقك حبيبتي
​

السلام عليكم اختي عندما قرات ردكي بحثت هذا ما وجدت عن تحليل او تحريم الترقيع

السؤال :
السلام عليكم فضيلة الشيخ أود معرفة ما حكم ترقيع غشاء البكارة أفيدوني جزاكم الله خيرا فأنا في حيرة من أمري


الجواب :
وعليكم السلام ورحمة الله وبركاته.
الحمد لله. اختلف الفقهاء في حكم رتق غشاء البكارة وهي من المسائل المستجدة في هذا الزمن فمنهم من منع ذلك مطلقا على كال حال لوجود المفاسد فيه ومنهم من فصل فيه الحكم. والذي يظهر أن حكم ذلك يختلف بحسب اختلاف حال المرأة والسبب الباعث على إجراء العملية وتفصيله:

1- أن يكون الغشاء زال من المرأة بغير قصد منها أو اختيار كسقوطها أو اغتصابها أو مرض بها ونحو ذلك فهذا المصلحة راجحة في رتق البكارة لإزالة الضرر عن المرأة وتحصيل الستر لها ولا محظور فيه ومفسدة كشف العورة مغمورة في تحقيق المصلحة. فعلى ذلك يجوز لها في هذه الحالة إجراء العملية من باب دفع الضرر بناء على قاعدة: (الضرر يزال)..


خالد بن سعود البليهد
عضو الجمعية العلمية السعودية للسنة
binbulihed@gmail.com
12 /10/1428

وشكرا......
​