جميع وصفات عضوات ماذا ستطبخين اليوم سيدتي

[rose09000]

رد: جميع وصفات عضوات ماذا ستطبخين اليوم سيدتي

باذجان بالدقة لروعة2005​

تقلي الباذنجال وتفرغي فوقو الدقة لي هي (كمون+راس فلفل احمر حار+ثوم+عصير نصف ليمونة+خل +2 مغارف ماء ) تهرسيهم في المهراس
ثم تجيبي طبق تزيت وتفرغي البانذجال في الوسط دوري بيه البطاطا المقلية وتفرغي فوقو+زبادي
رشة فرماج رابي وترصي الزيتون وتخدمي الدعسوقة بطماطم

 

[rose09000]

رد: جميع وصفات عضوات ماذا ستطبخين اليوم سيدتي

فلان طبقات لدهبيتو​

حضري الفلان عادي وتزيديلو 2 مغارف صغار نشاء وتفرغيه في بلاطو ودخليه للثلاجة حتى تشوفيه تماسك تزيدي الطبقة الثانية بصح متفلرغيهش مباشرة وهو ساخن حاولي تبرديه بملعقة خشبية ومبعد فرغيه ومتفرغيش في الوسط حاولي انك تمرري يدك وتكرري العملية انا حنا درت 3 طبقات يمكن انك تزيدي الطبقات ويجي الذوق نتاعو هايل

 

[rose09000]

رد: جميع وصفات عضوات ماذا ستطبخين اليوم سيدتي

البسبوسة لنانوس​

هيا ساهلة خلاص ومكانش اسهل منها ديري 4 بيضات في الخلاط وتخليهم يطلعو مليح وزيدي عليه كاس سكر ونص كاس زيت وزيدي كاس حليب وواحدة خميرة كيميائية وواحدة فاني وزيدي كاس وربع دقيق وزوج م ك جوز الهند
وحطيها ف البلاطو تاع الفور وخليها طيب على 180 درجة وكي طيب حطي عليها السيرو

 

[rose09000]

رد: جميع وصفات عضوات ماذا ستطبخين اليوم سيدتي

ماسيدوان كيك لمريم حاسي​

جيبي مول تاع الكيك و غسليه بالماء و متغليهش ينشف
انا حضرت سلاطة تاع الروز الي فيها ماييز و الجلبانة و التونة و لميتها بالمايونيز و شوية موتارد
و السلاطة الثانية فيها بطاطا و جزر و جلبانة مبخرين و زدتلهم التونة و البصل مقطعين و المايونيز و الموتارد
عملت طبقة الروز ثم طبقة البطاطا و دخلتهم للثلاجة باش تحكم روحها شوية
ثم قلبتها و زينتها بالطماطم و الماييز
و لك الاختيار في الاظافات و التزيين

 

[rose09000]

رد: جميع وصفات عضوات ماذا ستطبخين اليوم سيدتي

قاطو ساهل لمريم حاسي​

3 بيض + نص كاس سكر وخبطيهم مع بعض ثم زيدي نص كاس زيت ودائما راكيتخبطي + نص كاس حليب في الاخير دير باطة بيمو مرحية و1 خمارة ديريها في مول ودخليهاطيب لما طيب خليها تبرد وحضري الكريمة
الكريمةفيها باطة قشدة اي كريم فريش ليست السائلة + 2 حبات فورماج كيري + نص كاس سكر عاديونص كاس لحظة خبطيهم مع بعض حتى يتخلطو بالباتور او بالفوي راهي مطيبش خلطي كل شيبارد في بارد ثم نحي شوية ملكريمة لونيها بالكاكاو او بالخوخي او الاخضر مسالةاذواق ثم اطلي وجه الكيكة بالكريمة وزوقي بخطوط من اللون وديري خطوط با لسكين كيماالملفاي ودخليها للثلاجة تبرد شوية وشهية طيبة

 

[rose09000]

رد: جميع وصفات عضوات ماذا ستطبخين اليوم سيدتي

كفتة القرعة لروعة2005​

كيلو قرعة او جريوات
250 غ لحم مرحي او اقل كما تحبي
6 حبات فرماج
بيضتين
تحكي القرعة على الكرفاج
وتضيفي عليها لحم مرحي
والفرماج
وتضيفي التوابل
ومن بعد تشكلي كويرات وتقليهم
من جهة اخرى حطي اطراف دجاج او لحم حطيهم يتقالو وتبليهم
وزيديب لبصل وطماطم محكوكة
وخليهم يتقلاو ومن بعد ضيفي شوية ماء
ولما تطيب اللصوص وتختار
ارمي فيها كويرات الكفتة المقلية مدة عشر دقائق وطفيهم

الكوراع لروعة2005​

اولا نقيهم ومباعد غليهم مدة10 دقايق في الماء ثم اغسليهم مليح وحطي عليهم هذي لصوص
ترحي في ميكسور بصلة وطماطم حب وثوم وكامل البهارات لي عندك وزيت ومغرفة طماطم باط وورقات رند وطيبيهم حتى يتجمرو

 

[rose09000]

رد: جميع وصفات عضوات ماذا ستطبخين اليوم سيدتي

قلاصاج لمريم حاسي​

بياض بيضة تخلطيها مليح و ملعقة صغيرة عصير ليمون و ثلاث ملاعق ماء الزهر و خلطتهم مليح و بديت نزيد فب السكر القلاصي عيني ميزاني حتي بدا يثقال الخليط هنا زدت ملعقة صغيرة نيسكافي كنت خلكتها مع شوية ماء سخون
يخرج هايل هدا القلاصاج
ثم زينت بخطوط الشوكولاطة كي ميلفاي

 

[rose09000]

رد: جميع وصفات عضوات ماذا ستطبخين اليوم سيدتي

خبز العربي لأم منصف​

كوب ماء ملعقة كبيرة خميرة فورية ملعقة ونصف سكر عادي ملح 2 ونصف كوب فرينة
اعجني حتى تتحصلي على عجينة متماسكة وطرية خليها ترتاح 15 د
اقسميها الى 12 كرة صغيرة خليها ترتاح نصف ساعة
حليها مدورة كي تكملي كل الكمية بداي طيبي على مقلاة تيفال ثقيلة حتى تبدا تنتفخ اقلبيها على الوجه الاخر
ديريهم في منشفة ثم في كيس بلاستيكي
وبالصحة والهنا

 

[rose09000]

رد: جميع وصفات عضوات ماذا ستطبخين اليوم سيدتي

كسرة لأسيا دز​

شوفي الكسرة هذي لكل خبزة حطي فنجان زيت وملعقة صغير خميرة وملح طبعا وملعقة سكر باش تحمار لما تطيب، وبليها بالماء الدافي وتكون يابسة إذا جاتك جارية ما تخرجلكش مليحة، خليها تخمر ساعة تقريبا ثم اعجنيها مليح( هذا الكسرة تحب الزيت+ العجين) حليها عادي بالحلال ثم طيبيها في طاجين المطلوع، حنا هذي هي كسرتنا، والمطلوع والكسرة اليابسة نديروهم مرة على مرة.

 

[rose09000]

رد: جميع وصفات عضوات ماذا ستطبخين اليوم سيدتي

فينيقرات ندى242008​

3/4كوب زيت زيتون
1/4 كوب عصير ليمون
2 فصوص ثوم
م ص موطارد
معدنوس
ملح والكل في الخلاط

 

[rose09000]

رد: جميع وصفات عضوات ماذا ستطبخين اليوم سيدتي

غراتان البطاطا لإيمان27​

قطعى بطاطا الى دوائر رقيقة وديرلها شوية ملح وخدى صحن ودري فيه4حبات بيض وفرماج ليدوب ملح وفلفل اسود وانا درت كريمة سائلة ولا معندكش ديري لحليب وحطى بطاطا فيه وخلطى مليح وفرغيها فى بلا تاع فور وزدى دردري عليها فرماج وحطيها طيب وتحمار من فوق.

قرانطيطا للإيمان27​

ديرى 250غ فرينة تاع حمص فى صحن وزيدى حبة بيض ملح وفلفل اسود وشوية كمون وخلطى وضيفى 2لترات ماء وخلطى بالباتور مليح اومبعد ضيفى نصف كاس زيت وخلطيى مليح وفرغيه فى سنوة ودخليها لفور حتى طيب ا

 

[rose09000]

رد: جميع وصفات عضوات ماذا ستطبخين اليوم سيدتي

المرانغ لكوثر الواهرانية​

تلاثة بياض البيض و ثمانين غرام سكر عادي و لفاني نضرب بياض البيض بالباتور و كي يبدى يطلع نضيف السكر و الفاني غير بالشويا و حنا نضربوا و نضيفوا في السكر حتى يخلاص السكر نضرب مليح حتى تجمد المرانغ نعمرها في لابوش ادوي و نشكل وردات صغار او كيما تحبي تكوني سخنتي لفور تاعك حطي السينية في الرف الفوقاني و نقسي على النار مليح يعني النار تكون مهيلة و خليها تطيب مدة ساعة و نص

 

[touta04]

رد: جميع وصفات عضوات ماذا ستطبخين اليوم سيدتي

كرة رايعة شكرااااااااااااااااااااااااااااا

كي نحب حاجة اني نجي

بوركتم

 

[rose09000]

رد: جميع وصفات عضوات ماذا ستطبخين اليوم سيدتي

طاجين لتسنيم55​

جيبي طاجين ديري فيه 1 فلفل حلو 1بصلة 1جزر 2 طماطم حب قطعيهم دوائر وعلى نار قليلة حطي طاجين خلى وحد 5 دقائق ضفي شوية زيت زيتون ووحدة كنور دجاج فتيها فوق الخضرة وبعد دري التوابل هي فلفل حار مرحي احمر+فلفل اسود + شوية ملح +كمون+سكن اجبير+شوية راس الحانوت +زعفران +كركم وملعقة قهوة طماطم مصبرة حليها في الماء تقريب فنجال وضفيه لطاجين
نوجدو اللحم مرحي 1 بصلة مرابية وبيضة ومعدنوس وملح فلفل اسود كمون راس الحانوت غير شوية مغرف زيت عادي وديري ديبولات وضفيهم في الطاجين ومتنسايش تغلي شوية زيتون اخضر غليه مع طرنش قارص اذا كان مالح بعد10 دقائق ضفي الزيتون وبعد جيبي 3 بيضات وديري في كل حفرة ديري بيضة ويكنو بعاد على بعضهم والمعدنوس من فوق وكي يطيب البيض دري شوية زيت زيتون انشاء الله تكوني فهمتيني اي سؤال راني هنا
ملاحضة
الطاجين انتاعي تاع 4 الى 5من ناس الخضرة درت كلش زوج وبوكال تاع الزيتون و160g

 

[rose09000]

رد: جميع وصفات عضوات ماذا ستطبخين اليوم سيدتي

المقرقشات لندى242008​

العجينة 3 كيلات بنص كيلة **دة ذايبة م ص خميرة حلوى وبيضة وتلميها بماء الزهر وتخليها ترتاح
تحليها في ماشينة تاع البقلاوة الى ارفع سمك ممكن
وترشي عليها النشا مليح كل ماتكون كمية النشا مليحة كلما تتورق كثر
تلفيها وتقطعيها مقروضات وتعاودي تبسطي كل مقروضة الى سمك رفيع وتقليهم في زيت غزير ينتفخو ويتورقو

 

[rose09000]

رد: جميع وصفات عضوات ماذا ستطبخين اليوم سيدتي

الخبز العربي لندى242008​

2 كوب فرينة
ملعقة كبيرة ونصف خميرة خبز
م ك سكر
ملح ماء دافئ للعجن
تعجنيها وتكون العجينة طرية وتلتصق قليلا
خليها تخمر ومن بعد تشكليها كويرات متوسطة الحجم
تفردي كل كرية وتخليها تختمر مرة اخرى
ومن بعد تطيبيها في الالة الكهربائية تاع البيتزا واذا ماعندكش طيبيها في مقلة تيفال ثقيلة
تتنفخ مليح وتعطيك لون يميل للاحمرار
تحطيها في منديل باش ما ينشفش

 

[rose09000]

رد: جميع وصفات عضوات ماذا ستطبخين اليوم سيدتي

غراتان بطاطا لكوثر الواهرنية​

طيبى مرقة تاع جاج عادى بصل جاج ملح فلفل لكحل وزعفران
اومبعد تقشرى بطاطا وتقطعيها دوائر وتقليها
ولما يطيب الجاج تفتى شوية منو انا زدتلو زيتون مقطع وفرماج بوغسيون
اومبعد جبي بلا تاع فور تحطى نص تاع بطاطا وفوقها لجاج مفتت وبطاطا لبقات
اومبعد تخدى 4 حبات بيض تدربهم مع معدنوس وملح وفلفل لكحل وتفرغيه على بطاطا ودخليه لفور حتى يطيب ويحمر
اومبعد تقطعيه وتتفيه فى تبسي وتحطى اطراف لجاج وتسقيه بالمرقة

 

[rose09000]

رد: جميع وصفات عضوات ماذا ستطبخين اليوم سيدتي

البطوط لندى242008​

لكسرة راكي تعرفيها وتفتيها عادي
في جفنة تحطي شوية زيت وثوم مفروم وفلفل حار احمر وشوية راس الحانوت وملح و gنطس وفلفل اخضر حار مقطع رقيق و فلفل بوفجوخ وتخلطيهم مليح وعصير قارص وطماطم مصبرة تخلطيهم مليح ومن بعد تحطي الكسرة وتكوني سخنتي الما مليح
تمرسي بيديك وتضيفي الما تديرجيا حتى تتحصلي على الكثافة المناسبة
ماتبليهش ياسر لا يتعجن ومايجيش ناشف لا يكون يابس
يتاكل سخون يعني بعد مايتخلط قدقد
وخلطي قد ماراح تاكلي ماتخلطيش الكمية كامل
في الاخير زينية برشة دبشة وشرائح ليمون وفلفل مرقد

 

[rose09000]

رد: جميع وصفات عضوات ماذا ستطبخين اليوم سيدتي

تشارك النوقة لعفاف الجزائرية​

ليوم عملت تشاراك النوقة وحبيت نفيدكم بالمقادير لانه فعلا يجي خفيف وبنين باسكو يجي ذوق اللوز والنوقة والجنجلان والعسل اااااااااممممممممممم
المهم المقادير نتاعو:
250غ مرغرين صول
كاس حليب
كاس زيت
1/2 كاس سكر
1/2 كاس مايزينة
فرينة

للحشو:
حلوة الترك نتاع الميزان قيس 5 الآف (لازم نتاع الميزان باسكو تتعجن في اليد)
تقريبا نص رطل لوز او كوكاو


للتزيين:
4 بيضات
جنجلان ابيض
عسل

 

[rose09000]

رد: جميع وصفات عضوات ماذا ستطبخين اليوم سيدتي

الحميس لندى242008​

تشوي الفلفل والطماطم والثوم ومن بعد تقشريهم وتقطعيهم قطع صغيرة
تحطيهم على النار مع زيت زيتون وملح حتان يطيب ويخثار

خبز اللبن لياسمين​

رطل سميد و رطل فرينة و ملعقة اكل سكر مثلها زيت و خمارة الخبز و ملح و سانوج و اعجينها باللبن اعجنيها مليح و خليها ترتاح مدة ساعة تم كسري العجينة و قدخبزيها في سينية مدهونة بالزيت و ديري خطوط بالموس و خليها تخمر و طيبيها خليها تحمار مليح