الي كوزينة شباب تحت اشراف شيف نجيب

[touta04]

رد: الي كوزينة شباب تحت اشراف شيف نجيب

ياااه انسيت الموضوع البارح دخلت للكوزينة دخلت وراها درك موسكوتشو بالشيكولا هذا اعلابالي نتوما ماتقدرولوش يا الخاوة
ضربت الثلالة تع العشية تفكرت بلي ماتغديتش لقيت البقول طايب هادي ساهلة لما يكون كاين البقول جربوها
في مقلة فيها شوية تع الزيت قطعت الفلف الحارتبا كم اعشقه مع طماطم ولحم مفروم ملحهم وتبلهم وقليهم حتى يطلع لونهم مليح مبعد لوحلهم البقول وقليه معاهم لمدة دقيقتين وانت في الوقت هادا وجد البيض مع التوابل والثوم وشوية معدنوس ولوحو فوق المقلاة وهنا علينا اتقا مهارة تقليب المقلة باحتراف التي لا تتقنها ببراعة سوى انا هههه تبا عاش تواضعي المتواضع لازم تخرج على شكل متحوف قلب من ومن حتى تحمار ويطيب البيض واذا حبيت ماتحلاش غير مع السلاطة كيما درت سلاطة ولا سلاطة جاهزة مخللة
وعشت سعيدة طول اليوم ههه

ممممممممممممم تبان شهية

نتمنى شباب يجربوها :regards01::regards01::regards01:

شكراااااااااااااا :thumb_up02::thumb_up02::thumb_up02:

 

[M3TaZ eLLMa]

رد: الي كوزينة شباب تحت اشراف شيف نجيب

معتز مبانش اليوم راه يخدم الطعام يعني الكسكس


باش تربح البرصا يقيم العزاء لجماهير الريال و يقدملهم الكسكس:bravo01:​

أهلين باغالي نجيب راني غير هنا

راني نتفرج في ماتش هههههه


الله يحفظك
​

 

[نجيب]

رد: الي كوزينة شباب تحت اشراف شيف نجيب

أهلين باغالي نجيب راني غير هنا

راني نتفرج في ماتش هههههه


الله يحفظك
​

الماتش خلاص بفوز البرصا لازم تخدملنا اللوبيا بالكرعين

و تحط الصور هنا فالصفحة


الله يرحمو رونالدو كان ناس ملاح مسكين:d:bravo01:​

 

[touta04]

رد: الي كوزينة شباب تحت اشراف شيف نجيب

ههههههههههههههههههههه

مبارك لنا و لاهل البارصا و راح نحطلكم حاجة باردة في خاطر الشباب يسهروا بيها هههههههه

اما خونا معتز ربي يكون معاك لوبيا بالكرعين ههههههه

متنساش غير الكوكوطا الي تنفعك :thumb_up02::thumb_up02::thumb_up02:

ددمتم شباب للكوزينة اوفياء :regards01::regards01:

 

[touta04]

رد: الي كوزينة شباب تحت اشراف شيف نجيب

و كيما وعدتكم عندي ليكم وصفة اقل من سهلة

مهلبية بالبرتقال :up::up::up::up:



المقادير:

كوبين حليب
ربع كوب سكر و ممكن تزيدو حسب الرغبة
4ملاعق كبيرة نشاء
2ملاعق كبار بشور البرتقال و هدا هو سرالبنة
2ملاعق كبار عصير البرتقال

التحضير:
نحط على النار كوب و نصف حليب ثم نضيف السكر و نحرك باش يدوب من جهة اخرى ندوب النشاء في النصف كوب الباقي تاع الحليب و نحرك مليح

لما يغلي الحليب نفرغ عليه النشاء وبشور و عصيرالبرتقال ونحرك بالملعقة حتى تثقال الكريمة

نفرغ المهلبية في اواني و نزينها حسب الرغبة يمكن فستق وقشور البرتقال وخليها تبرد انا عملتها في هاد الجو البارد او ثلاجة

و بصحتكم

مهم تزيين كيما تحبوااااا

 

[touta04]

رد: الي كوزينة شباب تحت اشراف شيف نجيب

حالياً الأعضاء النشيطين الذين يشاهدون هذا الموضوع : 14 (6 عضو و 8 ضيف)
‏touta04, ‏*amina*, ‏نجيب+, ‏hanane alg, ‏M3TaZ eLLMa+, ‏rose09000


يلا شاركونا :yahoo01::yahoo01::yahoo01::yahoo01::yahoo01:

 

[نجيب]

رد: الي كوزينة شباب تحت اشراف شيف نجيب

شكرا توتة انا عيت الى كاين CD بعثيهلنا نتعلمو بيه

و روحي دير اضراب​

 

[touta04]

رد: الي كوزينة شباب تحت اشراف شيف نجيب

شكرا توتة انا عيت الى كاين CD بعثيهلنا نتعلمو بيه

و روحي دير اضراب​

لا ميش خسارة فيكم نجيب

تعبكم راحة

انا 2 اني نتعلم معاكم و منكم :d:d:d:d:d:d

 

[hanane alg]

رد: الي كوزينة شباب تحت اشراف شيف نجيب

السلام عليكم معاكم ام حنان
وصفة سهلة ماهلة وبنينة
حبات فلفل طرشي يتغسلو ويتنشفو من الماء باش كي يتقلاو وما يطيرش الزيت عليكم اخواني
ينظف الفلفل من القرون والزريعة ونحطو شوية ملح داخل الفلفلة باش ميتقلاش سامط ونقليوه فى الزيت
نار متوسطة يقلب على الجهتين وعلى الصحن فورااا وديراكت كاسكروطات اممممم نحبوو يحبوه ولادي
محبيتش نقوللكم نقيوش وقطعوه وقطعولوالطوماطيش وديروله زيت الزيتون وقطعوعليه البصل وزينوه بزيتون بزاااااف عليكم ههه كمبتدئين
عجبني الموضوع وحبيت نساعد

 

[touta04]

رد: الي كوزينة شباب تحت اشراف شيف نجيب

السلام عليكم معاكم ام حنان
وصفة سهلة ماهلة وبنينة
حبات فلفل طرشي يتغسلو ويتنشفو من الماء باش كي يتقلاو وما يطيرش الزيت عليكم اخواني
ينظف الفلفل من القرون والزريعة ونحطو شوية ملح داخل الفلفلة باش ميتقلاش ونقليوه فى الزيت
نار متوسطة يقلب على الجهتين وعلى الصحن فورااا وديراكت كاسكروطات اممممم نحبوو يحبوه ولادي
محبيتش نقوللكم نقيوش وقطعوه وقطعولوالطوماطيش وديروله زيت الزيتون وقطعوعليه البصل وزينوه بزيتون بزاااااف عليكم ههه كمبتدئين
عجبني الموضوع وحبيت نساعد

شكراااااااااااااااااااااا حبيبتي على مساعدة

ربي يحفضلك حنان :regards01::regards01::regards01:

 

[M3TaZ eLLMa]

رد: الي كوزينة شباب تحت اشراف شيف نجيب

السلام عليكم

وصفة للمبتدئين وخاصة نجيب

الطبق خفيف ظريف

المكونات

بطاطة بصل ثوم بصلة شوي من طماطم علب البهارت هما الكمون وشي فقط فلفل اسود لكحل كيما نقلولوا حنا

البطاطة تتقطع مثل الفريت ونضعها في مقلات ونظفيولها البصلة متقطعة طرونشيات شوي كباار ومعها شوي ثوم متقطة شوي شوي ونضيفوا الكون وفلفل الاسود مع بعض ونقليهم مليح حتى تشوف البصلة اسودت شوي وبطاطة استوت هنا تضفلها شوي فقط يعني نص ملعقة طماطم علب ..

وكول بصحة وردلي بخبر

يعطيك العافية
​

 

[hanane alg]

رد: الي كوزينة شباب تحت اشراف شيف نجيب

شكراااااااااااااااااااااا حبيبتي على مساعدة

ربي يحفضلك حنان :regards01::regards01::regards01:

يسلمك ويحفظك
لا شكر على واجب دعوة لبنتي برك راهي هاد العام مع الباك

 

[نجيب]

رد: الي كوزينة شباب تحت اشراف شيف نجيب

يسلمك ويحفظك
لا شكر على واجب دعوة لبنتي برك راهي هاد العام مع الباك

ان شاء الله بنتك تربح الباك و حنا نربحوا الطياب

شكرا على الوصفة​

 

[M3TaZ eLLMa]

رد: الي كوزينة شباب تحت اشراف شيف نجيب

السلام عليكم

مممم خويا نجيب راك فووور اليوم وطبقك هذا راه من احسن الاطبااق عندي وحنا في وقتها شكشوكة

يعطيك الصحة خويا لعزيز

الله يبارك راك بديت تتعلم واحدى واحدى برك تلقى روحك طبااخ

مشكور على طبق الروعة وعلى الصور ولي زاد عجبني روثماان هههه

يعطيك العافية أخي الطيب

امنا الطيبة hanane alg ربي يوفقك بنتك يارب وربي ينجحها وتفرحي بيها وربي ينورلها طريقها ودربها ويحققلها كل أحلامها يارب العالمين

موفقين
​

 

[touta04]

رد: الي كوزينة شباب تحت اشراف شيف نجيب

يسلمك ويحفظك
لا شكر على واجب دعوة لبنتي برك راهي هاد العام مع الباك

باذن الله تجيببوا و تحطيلنا وصفة تع الرفيس ههههههه

ربي يوفقها:regards01::regards01::graduation::graduation:

 

[touta04]

رد: الي كوزينة شباب تحت اشراف شيف نجيب

مممممممممم نجيب و معتز ماعطيتوني رايكم في المحلي ؟؟؟:s:s:s:s

مكمش حبين تذوقوا :-r:-r:-r:-r:-r:-r

 

[M3TaZ eLLMa]

رد: الي كوزينة شباب تحت اشراف شيف نجيب

حالياً الأعضاء النشيطين الذين يشاهدون هذا الموضوع : 12 (4 عضو و 8 ضيف) ‏M3TaZ eLLMa, ‏*amina*, ‏@R@ZIK, ‏touta04+
مشاء الله

اعذرونة الليلة المورال طايح في 000
​

 

[M3TaZ eLLMa]

رد: الي كوزينة شباب تحت اشراف شيف نجيب

مممممممممم نجيب و معتز ماعطيتوني رايكم في المحلي ؟؟؟:s:s:s:s

مكمش حبين تذوقوا :-r:-r:-r:-r:-r:-r

اعتذر اخت توتة ما نتبهت ليه المورال طايح

ما قدرت نتصفح

نروح نشووف
​

 

[touta04]

رد: الي كوزينة شباب تحت اشراف شيف نجيب

حالياً الأعضاء النشيطين الذين يشاهدون هذا الموضوع : 12 (4 عضو و 8 ضيف) ‏M3TaZ eLLMa, ‏*amina*, ‏@R@ZIK, ‏touta04+
مشاء الله

اعذرونة الليلة المورال طايح في 000
​

ان شاء غير الخير اخي

طول بالك انسا الهم ينساك

انا كي نكون قدام منتدى نحط كل همومي الوراء

تفرج ان شاء الله

 

[M3TaZ eLLMa]

رد: الي كوزينة شباب تحت اشراف شيف نجيب

أخت توتة المهلبية راهي رايعة وسهلة التطبيق

ما شاء الله عليها

وصح سر بنة هو برتقاال يعطيها نكهة خاصة وبربي نجربها

موفقة

شوفي هموم دنيا كوووم وهموم الريال كوم ثاني
​