قصة طموح

بريق المستقبل

:: عضو منتسِب ::
إنضم
5 فيفري 2015
المشاركات
28
النقاط
3
انا منال 13 سنة ودايما نحب نكون صغيرة وانا بنت وحديمع زوج خوتي في دارنا وتاواحد ما يسمعني وفي الحق عيد ميلادي تاع 13 سنة قررت بش نكون وحدا تدافع على روحها وعلما انني كي كنت صغيرة 8 سنين دابزت مع وحدا لدرجة انني مدافعتش على روحي طيحتني وتسكرت ومزال اثارها باقيين وطلعت للمتوسط وطموحي اني نجيب 17 المعدل وبالفعل جبت 17 مي جبتها بالشبيط علاخاطرش طحت في كلاسا كامل يكرهوني الا البعض مكنتش نتحملهم وكانو كل ما نطلع نكتب يقولولي شكامة الاستاذة وراكي دلقي بلاك تزيدك وانا العكس كنت نمووت على القرايا رغم المشاكل بصح انا الحمارة مكنتش ندافع على روحي كل يوم نحاول نتقرب لماما مي متسمعنيش ودوك راني 3 متوسط في ميزكم شحال راني نجيب
ههههههههههههههه 14 ايوا شفتو الظغط الكبير فقدت ثقتي من نفسي وليت اضعف وحدا في التاريخ هههههههههههههههه الضحكة لي نضحكها تخبي دموووووووووووووووووووووووووووع
مي معليش انا بنت نبغي نضحك والناس تحسبني بهلولة ولا منيش عارفا المهم معنديش لمن نفرغ وحتى مرة فرغت لوحد البنت وراها هنا في المنتدى مي راحت بيعت كل شيء وراني غير نزيد ونهبط في المعدل وليت نخاف حتى نحب وليت كي نبغي واحد نخبي هداك الحب في قلبي معليش صبرت بزاااااااااااف وراني صابرة نسنى في السعادة تجي ونورمالمو انا نحوس عليها مي مقدرتش نتحمل كل هاد المشاكل وزيد خوتي ميخلونيش حتى نحل فيسبوك ولا عفسة للتسلية ووصلت سميتهم المتشددين لدرجة كرهت الدنيا وراني حاسة معتش طفولتي ابداااااااااااااااااا والله صحيتو على هاد المنتدى وانا معنديش اذان صاغية لكلامي غير نتوما شكراااااااااااااااااااااااااااااااااا ..........................................
 

مابقاش بزاف.Dz

:: عضو متألق ::
إنضم
6 جويلية 2011
المشاركات
3,242
النقاط
191
محل الإقامة
Algeries
الجنس
أنثى
رد: قصة طموح

mazalèk sghira ma soeur 13 ans lah ybarèk mais ma3lish zidi diri confiance fi ro7èk w avancer sois fi 9raytèk wla fi 7wayèj yfidouk
bn crg nchallah w rabi ywaf9ak
 

houssiiine

:: عضوية محظورة ::
إنضم
24 ديسمبر 2014
المشاركات
1,973
النقاط
111
houssiiine، تم حظره "حظر دائم". السبب: مخالفة القوانين
رد: قصة طموح

اختي ربي يكون معاك مي ماتعمريش راسك بالناس و الي يدير كيما هاك راه غاير منك خوتيتو و حنا كامل خاوتك
اوكي هيا اختي اضحكي
 

اميرة في مملكة العلم

:: عضو مُتميز ::
إنضم
3 أوت 2014
المشاركات
1,046
النقاط
71
محل الإقامة
تلمسان
رد: قصة طموح

ااااااه هكا سمالا ....اه نقولك حاجا انا صبرت بزاف و دركا صايي ...
انا على الاقل اعتذرت لك شحال من مرة ...و قلتلك بلي زلة لسان ...اصلا انا في داك الوقت تنارفيت بزاف كي قالتلي هاوش قالت فيك هاوش قالت فيك ...دركا نتي تجي عندي تهدري في لخرا ...تعاودي تمشي عندها تهدري فيا ...
كيما قلتلك انا على الاقل اعتذرتلك ...شوفي نتي ...لا سمحيلي لا والو ...ما عتارفتيش حتا بالخطأ ...شتي مين قلتلكم بلي القرايا كرهتها في خاطري نبطلها ...علاش في ميزك ...على جالك كرهتها ..الحق الحق ...صبرتلك بزاااف و ما بغيتش نهدر ...باسكو ما نسيتش خيرك ..نهار لي تغاشيت في المؤسسة ...على جال هاديك برك مابغيتش نهدر و نزعف ...بصح تخطيتي حدودك ...
ما تنسيش العام لي فات واش درتي فيا ...مهما بكيتي ما تبكيش قد اللي بكيت انا ...وكان نقولك بلي الابتدائي كامل فوتها بكا ...نزيدولها العام اللي فات ...كل يوم بكا كل يوم ...انا نقول حسبي الله و نعم الوكيل ...لا كان وصلنا حتا لهاك ...وكان نقولك بلي انا خوتي متشددين نتاع الصح ...ماشي تشبيه و ماشي والو ...و ماما ...عمري لا حسيتها فاهمتني ...و نزيدولها انها امية ..بعكس امك نتي ...ما شاء الله ...
و نزيدولها بابا ..نتي حتا وكان تشكيله يوقف معاك ولا ...انا يزيد يزعف عليا ...العام لي فات كي شافني باغيا نموت ...المرض+القرايا+الدار+نتوما ..قصدي الحGرا ....
عادا خاف عليا و وقف معايا ...وعلاش وصل بيا الامر حتا شكيت للاساتذة ..قلة والديا؟ ...قلة خوتي؟ ..قلة الجيران؟ ..قلة لي يخدمو فماك و يعرفوني ...مشيت حتا للاساتذة ...ذليتوني ذليتوني ...حتا وصلت هاد العام قعدو يسقسو فيا كامل التلاميذ لجدد ..انا ما نعرفهمش و هوما يعرفوني ...عايلتي كامل بقات تسقسي فيا و تقولي هادوك الحGارين صايي ما هومش يدورو بيك؟
الشيخ بلعيد و الشيخ الصادق ...سقساوني ...
واش هادا ...ما رحمتونيش ...اصلا وكان Gاع واش نهدر ما تفهمينيش ..باسكو ما عشتيش اللي عشته ...و نزيدولها الاشاعات الكثييييييييييييرة اللي طلGتوها فيا ...ولا وحدا فيهم صحيحة ...اسراري ولات غنية عند التلاميذ ...واش هادا ....
و وصل الامر حتا حرمتو عليا الجامع ...ما بقيتش نقرا ......
و هكا و ديتها ...15 و ديتها ...ولاتلي عقدة علابالك ...
مع انو هاد العام ما كانش المشاكل الحمد لله (من غيركم) ...راني نطلع لفوق للسطح و نبقى نبكي ...علاش ؟ ...انا و مارانيش عارفا ....كي نشوف زوج حباب مدابزين نبقى نبكي ...علاش نتفكر مين فرقتو بيني و بين صحاباتي ...
و الخير و الخمير ...غدوا ان شاء الله نكملو لحكايا ...صايي صبري نفذ ...
 

sissina gilina

:: عضو فعّال ::
إنضم
7 جويلية 2010
المشاركات
2,381
النقاط
111
الجنس
أنثى
رد: قصة طموح

السلام عليكم


راح نديرك في مقام اختي الصغيرة و ننصحك


اخطيك من الهدرة الزايدة و ديري روحك ما سمعتي ما شفتي


و احنا كامل عشنا المرحلة لي راكم فيها اذا حبيتي تدي نصائح من عندي ارواحي للخاص


تحياتي
 

اميرة في مملكة العلم

:: عضو مُتميز ::
إنضم
3 أوت 2014
المشاركات
1,046
النقاط
71
محل الإقامة
تلمسان
رد: قصة طموح

سمحيلي على كلامي القاسي مي زعفت بزاف والله

دركا تفكرت الحبيب المصطفى صلى الله عليه و سلم ...قررت نقيس الماضي (في شكارة و نزروط:) )
و نبقى على طبيعتي ..متسامحة ..فانا و رغم ما حدث لي احتفظت بمواهبي و هواياتي ...مي راحوا الاحلام و الطموحات
فقدت ثقتي بنفسي ...مي ماعليش ...كلشي بالمكتوب ...بغيتي تعتذري ولا لا هاذا ما يهمنيش ...بينك بين ربي ...
و ربي يسهل عليك و يوفقك و يوفيلك ما تتمني ...
 

houssiiine

:: عضوية محظورة ::
إنضم
24 ديسمبر 2014
المشاركات
1,973
النقاط
111
houssiiine، تم حظره "حظر دائم". السبب: مخالفة القوانين
رد: قصة طموح

-من جاد ساد ، و من بخل رذل . و إن أجود الناس من أعطى من لا يرجوه...
-من تكبر على الناس ذل...
-إذا افتخر الناس بحسن كلامهم فافتخر انت بحسن صمتك...
-و الناس همهم الحياة ولا أرى ….. طول الحياة يزيد غير خبال
و إذا افتقرت إلى الذخائر لم تجد ذخرا يكون كصالح الأعمال...
-أحسن الناس عقلًا من لم يحرد ، وأحضر الناس جوابًا من لم يغضب...
-يظن الناس ان الشعور بالسعادة هو نتيجة النجاح ولكن العكس هو صحيح
النجاح هو نتيجة الشعور بالسعادة...
 

houssiiine

:: عضوية محظورة ::
إنضم
24 ديسمبر 2014
المشاركات
1,973
النقاط
111
houssiiine، تم حظره "حظر دائم". السبب: مخالفة القوانين
رد: قصة طموح

بعض الناس يرون الأشياء كما هى ويتسائلون لماذا ، وآخرون يحلمون بأشياء لم تكن أبداً ويتسألون لم لا
 

houssiiine

:: عضوية محظورة ::
إنضم
24 ديسمبر 2014
المشاركات
1,973
النقاط
111
houssiiine، تم حظره "حظر دائم". السبب: مخالفة القوانين
رد: قصة طموح

إِن تسأليني كيف أنتَ فإِنني … صَبُورٌ على رَيْبِ الزمانِ صَعيبُ
حريصٌ على أن لا يُرى بي كآبة … فيشمتَ عادٍ أو يساءَ حبيبُ -
اصبرْ قليلاً فبعد العُسْرِ تيسيرُ … وكُلُّ أمرٍ له وَقْتٌ وتدبيرُ -
وللميمنِ في حالاتِنا نظرٌ … وفوقَ تقديرِنا للّهِ تقديرُ -
 

houssiiine

:: عضوية محظورة ::
إنضم
24 ديسمبر 2014
المشاركات
1,973
النقاط
111
houssiiine، تم حظره "حظر دائم". السبب: مخالفة القوانين
رد: قصة طموح

ما تكبر أحد إلا لنقص وجده في نفسه ، و لا تطاول أحد إلا لوهن أحسه من نفسه...
تولتْ بهجةُ الدنيا … فكُلُّ جديدِها خَلَقُ وخانَ الناسُ كُلُّهمُ … فما أدري بمن أثقُ
 

houssiiine

:: عضوية محظورة ::
إنضم
24 ديسمبر 2014
المشاركات
1,973
النقاط
111
houssiiine، تم حظره "حظر دائم". السبب: مخالفة القوانين
رد: قصة طموح

يانفسُ صبراً فعُقْبَى الصبرِ صالحةٌ … لا بدَّ أن يأتي الرحمنُ بالفرجِ
الصبر شجرة جذورها مرة و ثمارها شهية
 

houssiiine

:: عضوية محظورة ::
إنضم
24 ديسمبر 2014
المشاركات
1,973
النقاط
111
houssiiine، تم حظره "حظر دائم". السبب: مخالفة القوانين
رد: قصة طموح

:love01::):):):):):):):):):)لصبر صبران صبر على ما تكره و صبر على ما تحب
 
آخر تعديل:

حياتي ابداع

:: عضو مُشارك ::
إنضم
18 فيفري 2015
المشاركات
412
النقاط
21
رد: قصة طموح

السلام عليكم
أختي بريق المستقبل راكي مازلت صغيرونة بزاف و طموحاتك كبيرة ربي يوفقك لما فيه الخير و ينجحك و تولي تدي 17
و هاذوك اللي يقراو معاك ويكرهوك و يقولولك هدرة ماشي مليحة أكيد أكيد يغيرو منك
أما بالنسبة لقرارك باش تدافعي على نفسك مليح بصح باش تنجحي لازم كل يوم تبداي بخطوة صغيرة تنفيذها و الغد تزيدي شوية و هكذا..
كاينة نقطة jamais jamais تقولي لنفسك و توصفيها بكلمات ماهيش مليحة مثل حمارة و بهلولة و معنديش ثقة في نفسي لأنك كيما تشوفي لنفسك الناس تشوف فيك لازم تمدي لنفسك غير الكلمات الإيجابية مثلا أنا ناجحة متوفقة أنا نقدر ندافع على روحي باش يقدر الدماغ ينفذها.
راكي صغيرة في فترة المراهقة صعيبة و فيها صراعات بزاف راكي تحوسي على الهوية نتاعك و الشخصية لللي رايحة تكونيها كراشدة و تحسي بللي واحد ما يفهمك و لا يسمعك و هذا ماهوش صحيح.
و خاوتك عندهم الحق ماراهمش متشدين لأنهم يخافو عليك و الوقت راهو واعر و الفيسبوك ماهوش مليح ماعندك ماديري بيه كاين وسائل تسلية أخرى بزاف.
نتمى نكون فدتك و كاشما تسحقي راني هنا ديريني أختك الكبيرة.
 

حمزةusma

:: عضو فعّال ::
إنضم
15 ماي 2008
المشاركات
2,510
النقاط
811
محل الإقامة
بوسعادة
رد: قصة طموح

موضوع عجبني من العنوان فعلا يجب ان يكون الانسان طموح
لكن عليه ان يرضى بالواقع الذي يعيشه
 

**espoir**

:: عضو منتسِب ::
إنضم
5 ماي 2015
المشاركات
13
النقاط
3
رد: قصة طموح

ray7a nanshk kima khtek ton mamon jamais ma tkouuun machi tasma3 fik
balak 3and des grand problem
3la khater la mamon dima hnina on plus mazalki sgira 3la had
l3fayes wraj3i lconfianc f roooo7k arj3i takray
b1 kima lawel malgré mn le problem
moi ausi 3andi problem mes mazalni na9ra b1 theka
rani 1er annee f léccy ave bon moyan 15.65
akhtayki mn les amie ta3 el char w sali slatek w arj3i l tarik al mostakim
avec mon respect
 
Top