ما زالك صغير ...جيحتونا يا الوالدين

[Hakan]

رد: ما زالك صغير ...جيحتونا يا الوالدين

ها الوتر الحساس ، ها الوتر الحساس ههههههه رانا برك ماعنديش 5 دقايق نهدر في هذا الميضوع كيما قلك واحد.
انا نقول لبابا خليني نخرج Carnet de Chèque و هو يقلي مزلتي صغيرة ، نقلو يا بابا صايي الباك قرب و درك لازم نصنع ورقي و كلش ، و هو يقلي والو مزلتي صغيرة :3 صحا بابا خليني نروح نخرج شهادة الميلاد و لا اي ورقة م البلدية ، والو مزلتي صغيرة خلي انا نروح نجيبلك ، صحا بابا علمني نسوق ، والو انا نسوق بيك :3 (صحا بابا خليني نهرب ، لالا خليني انا نهرب في بلاصتك ) هههههه و الله غير ضقنا ذرعاً من هذا . و لكن ف النهاية يبقاو الاولاد صغار في عينين الوالدين مهما كبروا ، و كي يموتو الوالدين ، نشيخُ فجأةَ ، ربي يخليهملنا و يديمهم على روسنا ان شاء الله .
طرحك للموضوع مميز ، شدني أكثر و كملته و لاول مرة هههه ، جٌزيتَ خيراً
سلام عليكم

شكراا اختي
وربي يحفظلك الوالد اللي هو حقيقة حريص عليك من باب خوفو عليك
ربي يخليهلك وان شااء الله النجاح في الباكالوريا
شكراا لانك قرات كل الموضوع ...​

 

[خديجة ph]

رد: ما زالك صغير ...جيحتونا يا الوالدين

بارك الله فيك اخي عالموضوع
والشي اللي قلتو صحيح يعاملوك على اساس انك صغير و اول ما يرجع عمرك ٣٠ تكبر مرة وحدة و لتم. ازدم عالمجتمع لا خبرات لا تعرف تهدر لا خدمة ولت شي اخطبولو برك تممولو و البنت ارضاي برك تممولها و النتيجة دراري زوجناهم واش تستناو النتيجة
بي يجيب الخير

 

[~خفة روح~]

رد: ما زالك صغير ...جيحتونا يا الوالدين

والله كلام صح 100/100

كي تكوني 60 سنة تحسبي روحك 10 سنين

ردي بال على روحك ................................... قالك في الماركان
واحد 18 سنة تقولو يماه
مزوج عندو ذراري وعايش لابال في وتقولو يماه عندي راجل ونص
في الجزائر
18 سنة كي يجي خارج تقولو
رد بالك واحد يعطيك حبة حلوى وتروح معاه
تبااااااااااااااااااااااا​

 

[مهدي الثعالبي]

رد: ما زالك صغير ...جيحتونا يا الوالدين

نتأسف لبعض الاولياء انهم غير مدركين ان للحياة مراحل وعلى كل فرد سواء كان طفل او فتاة ان يمر بهذه المراحل التي فطرنا الله عليها ، و من واجب الاولياء مساعدة ابنائهم للمرور من مرحلة لأخرى حتى يبلغى كل منهما

 

[Hakan]

رد: ما زالك صغير ...جيحتونا يا الوالدين

شكراا للاخت خديجة والاخت سلمى على تعطير الموضوع بردودهما
وانا ارى ان الاخت سلمى لديهاا ذالك الغضب وكانها تعاني من مشكلة تصغيرها عند والديها
يااختي الوالدين هوما الوالدين لكي من جهة اخرى اثبتي انك كبيرة بارك الله فيكما...​

 

[Hakan]

رد: ما زالك صغير ...جيحتونا يا الوالدين

نتأسف لبعض الاولياء انهم غير مدركين ان للحياة مراحل وعلى كل فرد سواء كان طفل او فتاة ان يمر بهذه المراحل التي فطرنا الله عليها ، و من واجب الاولياء مساعدة ابنائهم للمرور من مرحلة لأخرى حتى يبلغى كل منهما

كما قلت يااخي مساعدة الابناء على تخطي المراحل
لا جعلهم مسجونين في مرحلة معينة
والتغاضي عن دفعهم بكل قوة لكي يكونو رجالا لوك في قصة الامام مالك مع امه ولما كانت ترسله الى مجالس العلماء وهو طفل لكي تنشئه رجل علم لا يوجد مسلم لا يعرفه.​

..

 

[¬Đỉaмơŋđ ✿]

رد: ما زالك صغير ...جيحتونا يا الوالدين

وعليكُم السَلآم ورَحمَة الله وبرَكآتُه

هآذو هومآ الوآلدينْ مهمآ نكبرُوا ونخَدموا ونتزوجوُا ونديروُا أولآد نبقآوْ في عينيهُم ديمآ صغآرْ وهدآ لخوفهمْ وحرصهُم علينآ ..
كل شىءْ زاد عنْ حده إنقل إلى ضذه،كآينين وآلدين منْ كثر خوفهمْ على ولآدهُم ينعكسْ هذا سلبيآ على الأولآدْ ..
كثرَة الدلعْ تفسدْ الطبعْ ..
- كآينينْ الوآلدينْ اللي يقولكْ نربي ولآدي كيمآ رباونَا والدينَا والمقولَة تقولْ :" لا تؤدبوا أوْلادكُم بأخْلاقكُم ، لأنهم خُلقوا لزمَان غير زمَانكُم‏ " ..
- أنا الحمد لله مآعنديشْ بروبلآمْ منْ صغري والديآ ربي يحفظهمْ كبرُونا على تحملْ المسؤولية نقضي حوايجي بروحي من غيرْ مانعتمدْ علي حتَى وآحد ومعَ دخلتْ لعآلم الشغلْ زاد تحملي للمسؤولية أكثر ...

- تبآنلي نديرُوا حملَة : أيا زوجُونا نص الأعضآءْ موافقينْ هههههههههههههههه
بآركَ الله فيكَ خويا على الموْضوعْ،ربي يرزقكْ وكل شبآب المسلمينْ الزوجَة الصآلحَة ويرزقنا أزوآج صآلحينْ ..


​

 

[Mr mino]

رد: ما زالك صغير ...جيحتونا يا الوالدين

السّلَامُ عَلَيكُمْ

انا مانوافقكش واش قَلَّتْ فِي الْمَوْضُوعِ لانُو هَدْي اللَّيِّ بانتلك اُنْتُ جياجة وَجِيحُونَا هَدَّا مِنْ حَبِّ وَالِدِيُّنَا لَيِّنَا ماتقدرش تَقَوُّلَ جِيحُونَا وَكُلَّ وَقْتَ وَناسُو وَحَتَّى وَكَوْن خَلاُوكَ وَالدِّيك تُدِيرُ رايُكَ مكش رَاحَ تَخْرُجَ كِيمَا نَاسِ بِكَرَّيْ

الْعُنْوَانَ تاعك فِيهِ لَوْم لِلْوَالِدِينَ وَهْدًا مايجوزش

رَبِيَ يُجَيِّبَ الْخَيْرُ

.............................. .............................. .............................. ........

قَالَ رَسٌوْلُ الله صَلىَ الله علِيْهِ وَسَلَمْ :
{ لا يتوضأ أحدكم فيحسن وضوءه فيسبغه ، ثم يأتي المسجد لا يريد إلا الصلاة فيه ، إلا تبشبش الله إليه ، كما يتبشبش أهل الغائب بطلعته } . أبو هريرة​

​

 

[~خفة روح~]

رد: ما زالك صغير ...جيحتونا يا الوالدين

شكراا للاخت خديجة والاخت سلمى على تعطير الموضوع بردودهما
وانا ارى ان الاخت سلمى لديهاا ذالك الغضب وكانها تعاني من مشكلة تصغيرها عند والديها
يااختي الوالدين هوما الوالدين لكي من جهة اخرى اثبتي انك كبيرة بارك الله فيكما...​

يا حكيم العكس انا في الدار انا الكبيرة تسمى كلش على راسي + انا منحبش هذو الظواهر من قوة لي شفتهم بزاااف + انا كي نحب نصغار في الدار نزيد نكبر تعرف
انا من عائلة سلفية وتعرف العكس افتخر انو عندي والدية كيما راهم هك :regards01: انشاله تكون فهمتني -_* انا سريعة التفعل برك ههههههههههه​

 

[Hakan]

رد: ما زالك صغير ...جيحتونا يا الوالدين

السّلَامُ عَلَيكُمْ

انا مانوافقكش واش قَلَّتْ فِي الْمَوْضُوعِ لانُو هَدْي اللَّيِّ بانتلك اُنْتُ جياجة وَجِيحُونَا هَدَّا مِنْ حَبِّ وَالِدِيُّنَا لَيِّنَا ماتقدرش تَقَوُّلَ جِيحُونَا وَكُلَّ وَقْتَ وَناسُو وَحَتَّى وَكَوْن خَلاُوكَ وَالدِّيك تُدِيرُ رايُكَ مكش رَاحَ تَخْرُجَ كِيمَا نَاسِ بِكَرَّيْ

الْعُنْوَانَ تاعك فِيهِ لَوْم لِلْوَالِدِينَ وَهْدًا مايجوزش

رَبِيَ يُجَيِّبَ الْخَيْرُ

.............................. .............................. .............................. ........

قَالَ رَسٌوْلُ الله صَلىَ الله علِيْهِ وَسَلَمْ :
{ لا يتوضأ أحدكم فيحسن وضوءه فيسبغه ، ثم يأتي المسجد لا يريد إلا الصلاة فيه ، إلا تبشبش الله إليه ، كما يتبشبش أهل الغائب بطلعته } . أبو هريرة​

​

السلام عليكم خويا
انت اخذت موضوعي من زاوية اخرى اخي في الله اعلم اني حينما تكلمت
عن هذه الظاهرة تكلمت عنها من منطلق مشاهدتي للعديد من النماذج التي افسدها آبائهم
ولاعطيك مثال ابن عمي كان مدلل والديه والعام الماضي تحصل على شهادة البكالوريا كل اوراقو وكل ملفاتو قام والده وهو عمي بانجازها له ولكن الكارثة انو هذا العام وهو في الجامعة وجد الكثير من العقبات
اما اخيراا عنواني واضح لمن يقرا جيدا الموضوع ويتكلم ظاهرة معينة ولا علاقة لها بما يجوز او لا يجوز ولست من الاشخاص الذين يكتبون العناوين من فراغ والحمد لله اتحرى اللله ورسوله في كل كتاباتي هاهنا
والوالدين ليسا ملائكة ف قد يكونو جاهلين ويجب على المتعلم ان يعلمهما بما يفيدهما مع الحرص على البر بهما
شكراا لك اخي...
​

 

[Hakan]

رد: ما زالك صغير ...جيحتونا يا الوالدين

يا حكيم العكس انا في الدار انا الكبيرة تسمى كلش على راسي + انا منحبش هذو الظواهر من قوة لي شفتهم بزاااف + انا كي نحب نصغار في الدار نزيد نكبر تعرف
انا من عائلة سلفية وتعرف العكس افتخر انو عندي والدية كيما راهم هك :regards01: انشاله تكون فهمتني -_* انا سريعة التفعل برك ههههههههههه​

الله يحفظلك والديك ويبارك فيهم ويبارك فيك تهلاي فيهم وعلابالي انت كبيرة عقلا مي صغيرة حجما ههههه
ايا تهلاي في روحك وما تزعفيش كي يقلك واحد مازالك صغيرة لانو مازال قدامك الكثير لتكتشفيه...​

 

[Hakan]

رد: ما زالك صغير ...جيحتونا يا الوالدين

وعليكُم السَلآم ورَحمَة الله وبرَكآتُه

هآذو هومآ الوآلدينْ مهمآ نكبرُوا ونخَدموا ونتزوجوُا ونديروُا أولآد نبقآوْ في عينيهُم ديمآ صغآرْ وهدآ لخوفهمْ وحرصهُم علينآ ..
كل شىءْ زاد عنْ حده إنقل إلى ضذه،كآينين وآلدين منْ كثر خوفهمْ على ولآدهُم ينعكسْ هذا سلبيآ على الأولآدْ ..
كثرَة الدلعْ تفسدْ الطبعْ ..
- كآينينْ الوآلدينْ اللي يقولكْ نربي ولآدي كيمآ رباونَا والدينَا والمقولَة تقولْ :" لا تؤدبوا أوْلادكُم بأخْلاقكُم ، لأنهم خُلقوا لزمَان غير زمَانكُم‏ " ..
- أنا الحمد لله مآعنديشْ بروبلآمْ منْ صغري والديآ ربي يحفظهمْ كبرُونا على تحملْ المسؤولية نقضي حوايجي بروحي من غيرْ مانعتمدْ علي حتَى وآحد ومعَ دخلتْ لعآم الشغلْ زاد تحملي للمسؤولية أكثر ...

- تبآنلي نديرُوا حملَة : أيا زوجُونا نص الأعضآءْ موافقينْ هههههههههههههههه
بآركَ الله فيكَ خويا على الموْضوعْ،ربي يرزقكْ وكل شبآب المسلمينْ الزوجَة الصآلحَة ويرزقنا أزوآج صآلحينْ ..


​

ولانك خصصتني برد جميل ودعاء اتمنى من الله ان يحققه عاجلا غير آجل
اقول اختي
بارك الله فيك ورزقك ما تتمنين
ومنحك الرضى واليق ين وادام لك عملك ورزقك منه الحلال وجمعك انشااء الله بمن يخاف الله فيك ....​

 

[Mr mino]

رد: ما زالك صغير ...جيحتونا يا الوالدين

السلام عليكم خويا
انت اخذت موضوعي من زاوية اخرى اخي في الله اعلم اني حينما تكلمت
عن هذه الظاهرة تكلمت عنها من منطلق مشاهدتي للعديد من النماذج التي افسدها آبائهم
ولاعطيك مثال ابن عمي كان مدلل والديه والعام الماضي تحصل على شهادة البكالوريا كل اوراقو وكل ملفاتو قام والده وهو عمي بانجازها له ولكن الكارثة انو هذا العام وهو في الجامعة وجد الكثير من العقبات
اما اخيراا عنواني واضح لمن يقرا جيدا الموضوع ويتكلم ظاهرة معينة ولا علاقة لها بما يجوز او لا يجوز ولست من الاشخاص الذين يكتبون العناوين من فراغ والحمد لله اتحرى الله ورسوله في كل كتاباتي هاهنا
والوالدين ليسا ملائكة ف قد يكونو جاهلين ويجب على المتعلم ان يعلمهما بما يفيدهما مع الحرص على البر بهما
شكراا لك اخي...
​

وَعَلَيكُمْ السّلَامَ
​

عَلَى الْعُمُومِ يَبْقَى حَبُّ الْوَالِدِينَ لابنائهم وَفُعُل مَا يَرْجِعُ بِــ الْفَائِدَةِ عَلَيهُمْ شُيِّئَ مَفْرُوغُ مِنهُ وَلَا نِقَاشُ فِيهِ

بَارَكَ اللَّهُ فِيكَ اخي حِفْظ اللَّهِ وَالِدِيكَ وَجُعَلَكَ اللَّهِ بَارًّا بِهُمَا

تحياتي لَكَ
​

.............................. .............................. .............................. ........

قَالَ رَسٌوْلُ الله صَلىَ الله علِيْهِ وَسَلَمْ :
{ علّموا ، ويسّروا ولا تعسّروا ، وبشّروا ولا تنفّروا ، وإذا غضبَ أحدكُم فليسكُت } . عبدالله بن عباس​

 

[Hakan]

رد: ما زالك صغير ...جيحتونا يا الوالدين

شكراا خويا ربي يهنيك انت تاني ويحفظلك والديك ويوفقك الى برهما...​

 

[صلوا على النبي]

رد: ما زالك صغير ...جيحتونا يا الوالدين

راك قوستها تاع الصح محبوش يزوجوكم بلاك حتى تدي الجزاير لكوب دي موند باش نتزوجو هههههههههه راك كيما خاوتي
المهم ربي يخليك ويبعثلك زوجة صالحة بصح اذا تزوجت بلاك متوليش تدخل للمة
اللهم زوج شبابنا
مع السلامة

 

[mà_dikrà]

رد: ما زالك صغير ...جيحتونا يا الوالدين

الهدرا تاعك غالطة%100 م وقتاه كانو الوالدين يحبوانا الشر هاد الي تهدر عليه كلها محبة اتجاهك الوالدين يديروا فيها مش جياحة
ربي يهديك ويهنيك خويا
تحيااتي

 

[Hakan]

رد: ما زالك صغير ...جيحتونا يا الوالدين

شكراا ختي سمية على ردك اللطيف وتقبل الله دعائك
وعنك يااختي ذكرى اضن انك ماقريتيش الموضوع مليح ووقتاش انا قلت بلي الجياحة معناتها انو والدين يحبونا الشر لا يااختي
احيانا الحب الزائد ينقلب الى اشياء وخيمة
والوالدين اللي يحبو الابن نتاعهم بزاااف وماكاش اللي ما يحبش ابنو بزااف
واللي يحرصو عليهم بزااف ممكن يضرو بالابن نتاعهم من ناحية نشاته وقوته في تحمل مطبات الحياة ربي يهنيك اختي ويهدينا اجمعين ..​

 

[NASRO DZ]

رد: ما زالك صغير ...جيحتونا يا الوالدين

اهلا حكيم صح صيامك اخي
صرحتا واش نقلك

الوالدين مهما تكبر وتكبر تبقى صغير في عينهم
حتى وتكون بولادتك تكون صغير عينهم لانهم الوالدين يا حكيم
ويحبو غير الخير ليكم
املا اسمعهم وطيعهم ديما

​

 

[جليلوس]

رد: ما زالك صغير ...جيحتونا يا الوالدين

السلام عليكم
اظنني متأخر نوعا ما على الرد ههههه
ايه هادو هوما الوالدين واش دير ... وكل خنفوس عند امو غزاااال :p :p
مهما دير تبقى في عينيهم الأصغر في حالة اذا داولك بلاصتك الزريعة الجاية موراك
خويا العزيز حكيم واش دير اصبر وهادي تاع زوجونا راك خرجتهالهم طاي طاي ..... مازال خيي حتى دير دويرة وتلقى خديمة قوللهم على الزوااااااااااااج ... ولا واش رايك ؟؟ المهم ربي يقدرنا على رضايتهم دنيا وآخرة يااااارب
وشكرا على الموضوع .... بارك الله فيك
​

 

[شهيناز بنت بلادها]

رد: ما زالك صغير ...جيحتونا يا الوالدين

عندك الحق
مي دك الوالدين ولاو خايفين ولادهم يبعدوا ولاو شوفوا فيهم صغار حتى وهوما كبار
وسوغتو الام
كيما انا ماما راهي تقولي زعما انا نخليك تبعدي وتروحي للجامعة لا جبتي الباك ؟ نقولها في قلبي يا ماما صحاباتي تزوجوا
يعني يجي وقت يولي يحطبو فيا نضن هي لي رايحة تبورني ههههه
لي سنوسيال ربي يجيب الخير نشالله