مشاركتي في مسابقة الطبخ الرمضانية "طبق رئيسي"

[Oum Loukmane]

السلام عليكم و رحمة الله و بركاته

مرحبا بيكم عندي


اليوم بغيت نشارك في مسابقة الطبخ الرمضانية بطبق رئيسي الي هو

" كويرات باللوبيا الخضرة و اللحم المفروم محشية بالجبن"

صراحة طعمها بزاف بنين و ولادي رغم أنهم ما يبغوش اللوبيا بصح ياكلوها كي نديرها هاك على خاطر بنة اللوبيا ما تبانش

نخليكم مع المقادير :

لوبيا خضرا مقطعة مفورة بشوية ثوم و كروية

هنا كي فارت

ملح . فلفل أسود . سكنجبير .

اللحم المرحي طيبته مع البصل و شوية ملح + قرفة + فلفل أسود + سكنجبير

خلطي اللوبيا الي فورتيها اللحم المرحي و اعجني شوية بيدك كي تكوني تخلطي و زيدي 1 بيض + 2 مغارف خبز يابس باه تشد روحها

نهزو شوية في يدنا و نحطو الفرماج و مبعد نكوروها

نفوتوها في الفرينة و نزيرو الكرات مليح و مبعد في البيض و من بعد في الخبز المطحون

و نقلوها في زيت غزير و سخون

قدمتها مع صوص بالدجاج

شهية طيبة

ان شاء الله تكون عجبتكم و تجربوها

صح فطوركم

تحياتي

​

​

 

[مطبخ الأحلام]

رد: مشاركتي في مسابقة الطبخ الرمضانية "طبق رئيسي"

وعليكم السلااام

تبااارك الله وصفة جديدة وتبان تشهي يعطيك الصحة ام لقماان ^^

موفقة ان شاء الله
​

 

[Oum Loukmane]

رد: مشاركتي في مسابقة الطبخ الرمضانية "طبق رئيسي"

وعليكم السلااام

تبااارك الله وصفة جديدة وتبان تشهي يعطيك الصحة ام لقماان ^^

موفقة ان شاء الله
​

شكرا حبيبتي
صح فطوركم

 

[خيرة جانت]

رد: مشاركتي في مسابقة الطبخ الرمضانية "طبق رئيسي"

ماشاء الله عليك خيتي بالفعل هي وصفة جديدة وشهية الصور توضح هذا الشئ خموس عليك موفقة

 

[*فاطمة الزهرة*]

رد: مشاركتي في مسابقة الطبخ الرمضانية "طبق رئيسي"

يعطيك الصحة ،،، خرجولك شابين بزاااااف

بالتوفيق ان شاء الله

 

[ندى الورود]

رد: مشاركتي في مسابقة الطبخ الرمضانية "طبق رئيسي"

وعليكم السلام
وصفة جميلة يا ام لقمان والاكيد راهي بنينة
يعطيك الصحة وبالتوفيق
​

 

[Oum Loukmane]

رد: مشاركتي في مسابقة الطبخ الرمضانية "طبق رئيسي"

ماشاء الله عليك خيتي بالفعل هي وصفة جديدة وشهية الصور توضح هذا الشئ خموس عليك موفقة

اهلا وسهلا خيتو شكرا على الرد

يعطيك الصحة ،،، خرجولك شابين بزاااااف

بالتوفيق ان شاء الله[/QUOTE
شكرا حبيبتي :regards01::regards01:

وعليكم السلام
وصفة جميلة يا ام لقمان والاكيد راهي بنينة
يعطيك الصحة وبالتوفيق
شكرا أختي هذا من ذوقك
​

 

[BLEU PEARL]

رد: مشاركتي في مسابقة الطبخ الرمضانية "طبق رئيسي"

السلام عليكم
يعطيك الصحة طاطا لعزيزة نجربها ان شاء الله جديدة وشاااابة
صح فطورك وطفطوركم جميعا

 

[rose09000]

رد: مشاركتي في مسابقة الطبخ الرمضانية "طبق رئيسي"

يعطيك صحة أم لقمان على الوصفة
خطرات لوبيا ماشطو مانصيبش واش ندير بيها فكرة هايلة
بالتوفيق

 

[Oum Loukmane]

رد: مشاركتي في مسابقة الطبخ الرمضانية "طبق رئيسي"

[QUOTE=BLEU PEARL;5871251]السلام عليكم
يعطيك الصحة طاطا لعزيزة نجربها ان شاء الله جديدة وشاااابة
صح فطورك وطفطوركم جميعا[/QUOTE]
وعليكم السلام
شكرا بنيتي جربيها شابه وبنينه بصحتك

يعطيك صحة أم لقمان على الوصفة
خطرات لوبيا ماشطو مانصيبش واش ندير بيها فكرة هايلة
بالتوفيق

أهلين حنونه شكرا على الرد
هذا هو الهدف من المنتدى نفيد ونستفيد
وصح فطوركم

 

[ام ابتسام]

رد: مشاركتي في مسابقة الطبخ الرمضانية "طبق رئيسي"

وعليك السلام
يعطيك الصحة ام لقمان اكييد شهية راهي باينة

والله تكولي طليتي على قلبي ولادي مايحبوهاش نجربهالهم بطريقتك اكيييد تعجبهم

 

[omarwa]

رد: مشاركتي في مسابقة الطبخ الرمضانية "طبق رئيسي"

وصفة هايلة اختي بارك الله فيك