بالخطـ العريـض بلد اسمه الجزآئـر { العدد الاول }

[ضآحكة مستبشرة]

رد: بالخطـ العريـض بلد اسمه الجزآئـر { العدد الاول }

السلام عليكم ...مشكورة خيتي على الموضوع

و الله انا نقرا و قلبي يوجع فيا و نستحضر في وحد الصور مشمئزة شفناها و مزالنا نشوفو فيها ..

الذراري الصغار في لاريات يبيعو السعيدة و الشوينقوم ..

و لا فالطريق حاطين الجبب و البلايغ و لي تقتل قاع و شفتها خطرة بكيت ..يجيه البوليسي يعطيه طريحة و يدي السلعة فوريار

يعاملو كيما هذاك مول الربعين عام لي مقابلو فالطروطوار الاخر "هذا اذا ماكانش باباه" ..

حنا نقولوا الله يعينهم يعاونوا في والديهم اوموا ما يباتوش بلا عشا ..

بصح السلطات وين ؟..يعني عادي واحد عندو 5 اولاد قاع يقراو ..ساكن في قربي و يخلص شبكة عادي يعيشوا هاذو كيما هوما كيما الشعب ؟؟

جمعيات حماية الطفولة و الخرطي لي نشوفوه في التيلي و مبعد تشوفي حوايج كما هاك ..تعرفي بلي راكي فالدزاير..

الطفل لي حكيتلك عليه خرج من القراية من سنة ثالثة ..علاه؟ باسكو كيما قتلك باباه شبكة مكساهش نهار دخول المدرسي.. نقص على روحو معليش ...

بصح المعلمة معلابالهاش بيه تجيب 4 كراسات للرياضيات 2 للغة عربية و 2 اعمال تطبيقية ووووو ..تجي تحسب تتلفلك ..

معليش بالاك يدبر محاينو و يتسلف ..دخل يقرا ..

المعلمة: نتا باباك ميخدمش ؟ ريح اللور ..

الكلاسا فيها خمسين ...شكون لي يفهمو ؟ لي قاعدين فالطاولة الاولى ..ولاد الشخصيات

علاه تقرا برك قول ..ايا يروح كيما قتلك قبيل ..و راكي حكيتيلنا واش يتعلم ثما .

وحد آخر كمل و طبع و قرا ووصل حتى لليسي يا سلام ..وين يتحلو عينيه على "التمعشيق"..

لا رقابة و لا هم يحزنون ..المواعيد امام الاساتذة و المراقبين ..و كل شي عادي في بلادي

نزيد نهدرلك برك على نقطة صغيرة برك فالليسي ..

الادارة لي تخلي البنات و خاصة البناات تدخل بالميني و هاذيك اللبسة بلا ما نفصل ..

يا أخي والديها خلاوها تلبس هاك نتا متخليهاش راهي مؤسسة تربوية ..نتا لي دير الحد هنا ..و لي تعجبك قاع الطفل كي يجي بالبونتاكور ميدخلش :down:

واش يروح يدير ؟ يروح يزطل و يدخللوا للمؤسسة زكارة

و الجامعة منحكيش خير ..انا راه عامي الاول برك لي نقدر نقولو انو الوسط عفن الا من رحم ربي

اسمحيلي هدرت بززاااف و قد مانهدر منقدرش نقول كلش ..

هاذي الدزاير اختي تجي تهدري على التربية و التعليم و التلاميذ في الجزائر و خطر ترك الدراسة و انعدام الرقابة تلقاي روحك دخلتي في حواايج قااع خاطية ...

على خاطر بلادنا خاطية و مؤسساتنا خاطية..و الحالة متعجبش

ربي يجيب الخير و خلاص

اسمحيلي مرة اخرى

و شكرا

سلاامي
​

و عليكم السلام لحبيبة
العفو حنونة

الاطفال هوما الضحية الكبرى جراء الاوضاع لي راهي صايرة حاليا
و الامن ميراعي لا صغير لا كبير كيما هو خدام على روحوا الغاشي تاني خدامة على روحها
و الصغير ميتحملش كيمال الكبير كي يعاملوهم بالعنف لانهم ضحية مساكن

السلطات تشري و تبيع و تاكل فالزطلة راهم مضروبين كثر من الغاشي حنونة هاني قتلك وراهي السلطآآآآت

للاسف اختي واقع مر نعيشوا فيه
صح كاين ناس عايشة لكن كاين ناس طايشة و تعاني و العالم بيهم غير ربي

الاساتذة و المعلمين معلبالهمش الناس وشراهي تلاكف و باباه لا ملياردار ولا بطآل المهم يجيب القش :sport01:
المعاملة من طرف المعلمين نعقد التلاميذ و النص الكبير في الجزائر خرجوا من لقراية غير من التفريق بين المعلمين
و رانا كامل نعانوامنها مهما كان الوالد ديالك يخدم

- المواعيد قدام الاساتذة و المراقبين ؟؟ علاش ياك راهم اون كوبل المراقب مع حنونتوا لي تقرا تم و الاستاذ خطب الطفلة الفلانية كانت تقرى عندوا
و بزاااااااااااااااااااااااااااااااااف حنونة

راكي مهدرتي والو لانوا الامر و الوضع يتطلب كتابة روايات و صحف

اسمحيلي حتى انا خرطت بزاف
نورتي
و عجبتيني يا محاينك راكي فووووووووووووور
بوركتي على المرور​

​

 

[ضآحكة مستبشرة]

رد: بالخطـ العريـض بلد اسمه الجزآئـر { العدد الاول }

أولا أحيي الأخ نجيب لو لم يتكلم هو لتكلمت
......
الميضوع مهم لكن فيه مد وجزر وتشابك
المسؤوليات تجي الاولى فالأولى
يعني الأم والأب لي مد لولادو الحرية كامل ومن بعد يلقاهم منحرفين مايقولش وش داه للبار
اعلاش ما راحش للمسجد أو بعيد مئة خطوة
الأم لي تقول لبنتها البسي هكذا وديريلو هكذا كيما تطفر في بنتك ماتقوليش الدولة والا الأمن
اذا بنتك قبلت وانتي قبلتي شوي خسرتو المباراة
تحلو بالروح الرياضية

تفكرت غنية المالوف أنا في الهوى صياد جيت نصيد صيدوني ههههههه
مرة كنت فايت على بلاصة في التراب الوطني
زوج وزوجة ماشاء الله ووراهم بناتهم الثلاثة صبايا الأم متحجبة حجاب هايل وبناتهم وراهم السليم والعقلية زاهية ههههههه
المهم انا عشقت في وحدة فيهم ورحت نجري حبست العايلة هذيك وطحت على ركبة ونص وجبدت وردة وطلبت الزواج والجمهور بصرفق والوالدين فرحو وفي رواية أخرى يقولو بلي راني استشهدت باسم الحب بعد ما قالتلي اك الصبية اني اوكيبي وظهر حبيبها وضربني ضربة واحدة بالفأس الواحدة فسقطت سقطة واحدة شهيدا في سبيل الجب الكنتيشي ههههه
المهم نرجعو للميضوع
في ديننا يقول المؤمن القوي خير من المؤمن الضعيف والضعيف عندو حق في واش مد ربي للقوي
يعني الخلاصة
ان شاء الله نكون غابة والضعافة حطابة
والا كنت من تلحطابة نلقى غابة مؤمنة تسمحلي نحطب
كالعادة حديثي قياس

اهلا اخي
اكيد تحية كبيرة بزاااااااف لنجيب صاحب القلم الذهبي :regards01::regards01:

اصبت اخي فالحرية المطلقة من طرف الوالدين تادي الى الهلاك بالابناء
فنصيحة للابآء شوفوا ولادكم متخلوهمش وحدهم لانوا وقفة الوالدين مع الابناء تخليهم يحسوا بانهم محمين من كل خطر

الام هي بنتها وش كانت الام تكون البنت في اغلب الاحيان ماشي دائما لانو كاين وين يكون العكس :down::up:
هههههههههه اخي ضحكتني رغم انوا الموضوع يوجع القلب
:d:d
اكيد اخي كلامك قياس و فوق الراس تاج المآس خخخخ
و الله اصبت اخي و كلامك صواب و مغلتطش الا القصة كانت مشوقة ههههههههه


بوركت على المروراخي عآدل ​