اَلحَيآةُ عِبآرةٌ عَن كَلمآت

يعني تبخلين علي بقلم رائع مثل هذا
صدقيني روعة حتى شككت للحظات أنها ليست لك فتفاجأت باسمك يذيلها
مايميز كتاباتك و ما أقرأه دائما فيها هو انسانة صادقة عفوية تكتب لنفسها وليس لإبهار الآخرين
واصلي و الله روعة روعة
أتمنى لك التوفيق

شكرا يا مأَصّلة وموَجّبة وبنت الأجاويد
زعما كيما يقولو السوريين في مسلسلاتهم هههه
ربي يحفظك مريومة عويناتك حلوين على هادي يشوفو كلشي مليح
وشهادتك أعتز بها غاليتي واعتبرها فخرا لي
ربي يجازيك على تشجيعك وكلماتك الطيبة التي أسعدتني
وربي يوفقك كذلك لكل ماتطمحين للوصول إليه
سررتُ جدا بمرورك ❤​
 
كلّ ما سأذكرهُ الآن قد يبدو للكثير أنّه مجرّد سخافات وبدون معنى، لكن بالنسبة لي هو أمر يهمني كثيرا ويؤلمني داخل قلبي
خلال الثلاثة أيام الماضية فقدت قطّين (يعني زوج قطط) من بين أكثر القطط التي أحبها والتي تعبت في تربيتها وعملت جاهدة من أجل راحتها
أشعر بالحزن أشعر بالاكتئاب أشعر بقلبي يتمزّق لأشلاء، كأنّني فقدت جزءً مني كأنّني فقدت قطعة من روحي
3 أيام ومازال مانشفوش عينيا، أرى صورهما في كلّ مكان اعتدتُ عليهما وأعلم جيّدا ما يحبّانه من طعام وأميّز صوتيهما بين ملايين القطط
أعلم جيّدا متى ينامان ومتى يريدان اللعب وأي حركة أو نظرة من عينيهما أستطيع ترجمتها وتفسيرها :cry: والله اشعر بالحزن وحزن كبير
واشعر بفراغ رهيب خاصة أنني فقدتهما فجأة وفي يومين متتاليين، لي يحب يضحك يضحك ولي يحب يقول بهلولة يقول ولي يحب يقول مكبّرة الحكاية على قط يقول
ولي يحب يقول الناس راهي تموت جات غير في قط، الناس تموت صح وعندها روح والحيوان يموت وعندو روح والروح عندها قيمة
مهما كان الجسد لي كانت فيه، وأحيانا نسمعو بناس من بعيد ماتو ومانتأثروش بدرجة كبيرة خاطر مانعرفوهمش و ماعندناش ذكريات معاهم
إذن هكاك تاني مع الحيوان، المسألة مسألة ولف وأنا القطط هادو ربيتهم من كانو صغار كي يمرضو نسهر عليهم مانرقدش ونحي الماكلة من فمي
ونمدهالهم، نبات برا في البرد والناس راقدة حتى نتأكد برك بلي رقدو وبلي راهم في أمان لدرجة مرضت بقراجمي ناقصة رقاد وناقصة ماكلة فقط على جالهم
الدعوات ليا ونسيتهم غير كي مرضولي عدت نقول غير يرتاحو هوما برك مايهمش أحلامي وطموحاتي ماعندي ماندير بيهم، خاطر حيوان مايهدرش مايعرفش يدعي مايعرفش يقوم بروحو
ضعيف ويحتاج لي يوقف بيه، غاضوني لدرجة لا يتصورها العقل لدرجة كل ليلة يموت فيها واحد وقبل ما نفيق بموتهم نشوفهم في المنام بصحتهم
ولاباس بيهم ورتاحو نلعب معاهم نمدلهم ياكلو كيما زمان ونفرح بزاف كي رتاحو، غدوة نوض نلقاهم ماتو وتما الصدمة، والفتهم ومالقيت كيفاه ندير درك :cry::cry:
علابالي واحد ماراح يحس بواش راني نحس ويمكن تبان لبزاف ناس أمر تافه، وكاين لي يقول بالاك كاين هموم في الدنيا أكبر من موت قط
أنا كذلك عندي هموم أكبر في حياتي ولا يعني أنو حزنت على موت قط أني عايشة في جنة، هادي حاجة طبيعية فيا وفقط
المهم ماديروش على كامل هاد الهدرة حبيت نفرغ قلبي برك :( وربي يصبرني على من كي نكون نصلي ونشهّد يجيو يتخباو تحت الخيمار ولا يحطو راسهم
فوق يدي حتى نلخص الصلاة :cry:
ولأنني مهبولة وطايرلي شوي خيوط ونخلط البكا مع الضحك، قلت لختي ايماجيني نشوفهم جايين ولابسين الابيض :LOL:
تبا لي، ربي يهديني



دعيني أولا أعلق على هذا الخبر المحزن ،
علاه نضحكو عليك أبو هريرة أكبر راوي للحديث ولقبوه بڨطة نتاعو وشفت ناس بزاف متعلقين بحيواناتهم
وأنا صغير كانت عندي ڤطة نلعب معاها ووالفتها كبرت وجابت ڨطوط ،ومن بعد لڨيتها ميتة برا لدغتها عڨرب وخلات ولادها وقت الرضاعة يعيطو ويحوسو عليها
بكيت بكيت حتى تنفخو عينيا نعيط ونڤولهم خلات ولادها لمن
من هذاك النهار وهوما حاطينها عڤابي خلات ولادها لمن لحد الآن يتفكروها كامل ...
حنن ربي ڨلبك عليهم وصبرك عليهم وسخرك ليهم ،ربي يعطيك على ڨد نيتك ويوصلك نشالله لواش تحوسي ويسهلك أمورك . آمين
 

اعطيني رأيك أخي @حلم كبير :)
لما يكون عندك وقت فراغ طبعا​
السلام عليكم ورحمه الله وبركاته
قرأتها أختي قرأتها وأنا زائر ونسيتها عندما دخلت ،وعندما قلت قصة حسبتها أخرى ،و أعدت قراءتها الآن
قد لامست شيئا مني غير أنني أعانق أولادي وأضمهم لي صبح مساء ههه وأحاول أن أشفي ندبتي بنفسي وبأولادي ...
نعم هي الندبة التي تبقى فينا ونحن صغار لا تذهب ولو بلغنا من العمر ما بلغنا حتى يأتي ما يبددها
قصة أقل ما يقال عنها رائعة أختي الكريمة
ولكن عتبي لك أنها قصيرة ههه فأسلوبك لا يمل منه على الإطلاق .
أسلوبك رائع وكلمات منتقاة بعناية
أعجبتني القصة القصيرة كثيرا وأحييك أنك استطعت التحكم في طول القصة
واصلي على درب التألق
إحترامي وتقديري
 
دعيني أولا أعلق على هذا الخبر المحزن ،
علاه نضحكو عليك أبو هريرة أكبر راوي للحديث ولقبوه بڨطة نتاعو وشفت ناس بزاف متعلقين بحيواناتهم
وأنا صغير كانت عندي ڤطة نلعب معاها ووالفتها كبرت وجابت ڨطوط ،ومن بعد لڨيتها ميتة برا لدغتها عڨرب وخلات ولادها وقت الرضاعة يعيطو ويحوسو عليها
بكيت بكيت حتى تنفخو عينيا نعيط ونڤولهم خلات ولادها لمن
من هذاك النهار وهوما حاطينها عڤابي خلات ولادها لمن لحد الآن يتفكروها كامل ...
حنن ربي ڨلبك عليهم وصبرك عليهم وسخرك ليهم ،ربي يعطيك على ڨد نيتك ويوصلك نشالله لواش تحوسي ويسهلك أمورك . آمين

أهلا أخي حليم نوّرت المدونة
أولا أشكرك على كلامك الطيّب وتفهمّك للوضع، ففعلا الحيوانات هي كائنات مثلنا تستحق
الحياة وتستحق الراحة والمحبّة، ورضي الله عنه وأرضاه ليتنا نقتدي بأخلاق الصحابة في كل أمور حياتنا
وذكرتي بقصة صراتلي قبل أعوام كي قطة ولدت قطط صغار ورفضت ترضعهم وخلاتهم يتعايطو مساكن
جبت قارورة تاع دواء العيون قديمة وفرغتها وغسلتها مليح وحطيت فيها حليب وحاولت نشربلهم هههه
ساع ماصلحتش وماتو مساكن، وعجبتني كي حكموهالك هههه
اللهم آمين أجمعين ربي يوفقك كذلك لكل خير ويسهلك كل ماهو صعب
السلام عليكم ورحمه الله وبركاته
قرأتها أختي قرأتها وأنا زائر ونسيتها عندما دخلت ،وعندما قلت قصة حسبتها أخرى ،و أعدت قراءتها الآن
قد لامست شيئا مني غير أنني أعانق أولادي وأضمهم لي صبح مساء ههه وأحاول أن أشفي ندبتي بنفسي وبأولادي ...
نعم هي الندبة التي تبقى فينا ونحن صغار لا تذهب ولو بلغنا من العمر ما بلغنا حتى يأتي ما يبددها
قصة أقل ما يقال عنها رائعة أختي الكريمة
ولكن عتبي لك أنها قصيرة ههه فأسلوبك لا يمل منه على الإطلاق .
أسلوبك رائع وكلمات منتقاة بعناية
أعجبتني القصة القصيرة كثيرا وأحييك أنك استطعت التحكم في طول القصة
واصلي على درب التألق
إحترامي وتقديري

وعليكم السلام ورحمة الله وبركاته
هذا الشطر الثاني من الرد هههه
شكرا جزيلا لك أخي على تلبيتك الدعوة وإعادة قراءة كتاباتي المتواضعة سررت حقا بذلك
بارك الله فيك على كلامك الطيب والذي دائما ما أعتبره وساما أعتز به
بصراحة هاد الايام راني نجرب في كلشي، قصص قصيرة وقصص طويلة وروايات
ماخليت والو ههه، بارك الله فيك أخي على تشجيعك الدائم
ربي يوفقك كذلك في مشوارك الأدبي وربي يحفظلك عائلتك وأطفالك
سعدت جدا بمرورك الراقي، ومتأكدة أنّ تلك الندبة قد شفيت تماما
فأنت ممن يحوّل الفقد لعطاء ^^
تحياتي
 
تُساعدُ النّاس على التّفاؤل، وعندما تَعودُ إلى منزلهَا
وفي منتصفِ الطّريق، تَسقُط على رُكبتيها وتُجهشُ بالبكاء
 
كلمات أنشودة: يا ليل يا بحر السُّكون :giggle:

يا ليلُ يا بحر السكون ماذا طويت من القرون

كم أمةٍ ودعتها .. صارت حكايا أو ضنون

لم يبقى منها شاهدٌ وبقيتَ آلاف السنين

تتلو كتاب وجودنا .. في طيهِ سر دفين

في طيهِ عبـــــــرٌ وآيات ُتردد كل حين

طوراً تُلاقي معرضاً أو يهتدي فيها الفطين

أبقاك ربك شاهداَ للناظرين ... للناظرين المهتدين

يا ليلُ من يفني عنانك كيفما

اه.. كيفما يبغي تكون

يا ليلُ مَن يوليك بالاصباح في حق مبين

أنشاك ربك راحةًً يا مسكناً كل العيون

يا مؤنس العُباد في سحر وقد رفعوا الأنين

كم رتل الآيات عبدٌ حائر ريب المنون

جأرو إلى رب الورى بآري الخلائق أجمعين

سالت دموعه على الخدين من خوفِ مكين

ما اعجب الليل الذي خضعت لسطوته الجفون

ما زال يؤنسني .. فما يهتز من حسِ قميل

أوحى اليا بألف معناً لم اكن فيها ضنين

فحديثه الصمت العميــــــــــــق
وصخبه هذا الســــــــــــــــــــــكون

كم فتق الأفكار صمت موغل عبر السنين

كم فجر الابداع في قلبٍِ ثوى فيه حزين

يا ليل يا مستودع الاسرار يا موج الضنون

كم مقلةٍ خافت دياجير الظلام المستكين

حسبته اشباحاً وراحت… ترتجي فيه المُعين

لم تدري ان الفجر يطرده أمام الناظرين

يا ليلُ يا .. بحر السكون ماذا طويت من القرون

كم امةٍ ودعتها .. صارت حكايا او ضنون

لم يبقى منها شاهدٌ وبقِيت آلاف السنين

تتلو كتاب وجودنا .. في طيهِ سر دفين

في طيهِ عِـبر وآيات تردد كل حين

طوراً تلاقي معرضاً أو يهتدي فيها الفطين

 
ذكرتيني بايام الثانوي كنت نسمعها بزاف وعندي معاها ذكريات رائعة هذي الانشودة ياحصراه

نموت عليها هاد الأنشودة عندي عام بالاك برك ولا عامين من لي اكتشفتها
كل يوم ندندن فيها كي نعود نغسل في لماعن هههه ولا في وقت الفراغ نسمعها
سورتو المقطع الأول جد جميل، أصلا الكثير من أناشيد حمود الخضر نحبها :giggle:
نحير في لي يسمعو الراي ولا غناء كلماتو ماعندهمش قيمة، يعني حتى ولو حبيت
تربح ذنوب كاين أغاني كلماتها عندها معنى ماش دربوكة برك وخلاص
أما الاناشيد تحسهم يخاطبو النفس هكا حتى ولو مافيهمش إيقاع
 

أرواحي هنا مريومة
@sanaya
يعني تبخلين علي بقلم رائع مثل هذا
صدقيني روعة حتى شككت للحظات أنها ليست لك فتفاجأت باسمك يذيلها
مايميز كتاباتك و ما أقرأه دائما فيها هو انسانة صادقة عفوية تكتب لنفسها وليس لإبهار الآخرين
واصلي و الله روعة روعة
أتمنى لك التوفيق

نموت عليها هاد الأنشودة عندي عام بالاك برك ولا عامين من لي اكتشفتها
كل يوم ندندن فيها كي نعود نغسل في لماعن هههه ولا في وقت الفراغ نسمعها
سورتو المقطع الأول جد جميل، أصلا الكثير من أناشيد حمود الخضر نحبها :giggle:
نحير في لي يسمعو الراي ولا غناء كلماتو ماعندهمش قيمة، يعني حتى ولو حبيت
تربح ذنوب كاين أغاني كلماتها عندها معنى ماش دربوكة برك وخلاص
أما الاناشيد تحسهم يخاطبو النفس هكا حتى ولو مافيهمش إيقاع

إذا كانت كلمات الأغنية نظيفة يعني غير ماجنة فلاحرج و الله أعلم
عنوان الأنشودة من فضلك?
 
كلّ ما سأذكرهُ الآن قد يبدو للكثير أنّه مجرّد سخافات وبدون معنى، لكن بالنسبة لي هو أمر يهمني كثيرا ويؤلمني داخل قلبي
خلال الثلاثة أيام الماضية فقدت قطّين (يعني زوج قطط) من بين أكثر القطط التي أحبها والتي تعبت في تربيتها وعملت جاهدة من أجل راحتها
أشعر بالحزن أشعر بالاكتئاب أشعر بقلبي يتمزّق لأشلاء، كأنّني فقدت جزءً مني كأنّني فقدت قطعة من روحي
3 أيام ومازال مانشفوش عينيا، أرى صورهما في كلّ مكان اعتدتُ عليهما وأعلم جيّدا ما يحبّانه من طعام وأميّز صوتيهما بين ملايين القطط
أعلم جيّدا متى ينامان ومتى يريدان اللعب وأي حركة أو نظرة من عينيهما أستطيع ترجمتها وتفسيرها :cry: والله اشعر بالحزن وحزن كبير
واشعر بفراغ رهيب خاصة أنني فقدتهما فجأة وفي يومين متتاليين، لي يحب يضحك يضحك ولي يحب يقول بهلولة يقول ولي يحب يقول مكبّرة الحكاية على قط يقول
ولي يحب يقول الناس راهي تموت جات غير في قط، الناس تموت صح وعندها روح والحيوان يموت وعندو روح والروح عندها قيمة
مهما كان الجسد لي كانت فيه، وأحيانا نسمعو بناس من بعيد ماتو ومانتأثروش بدرجة كبيرة خاطر مانعرفوهمش و ماعندناش ذكريات معاهم
إذن هكاك تاني مع الحيوان، المسألة مسألة ولف وأنا القطط هادو ربيتهم من كانو صغار كي يمرضو نسهر عليهم مانرقدش ونحي الماكلة من فمي
ونمدهالهم، نبات برا في البرد والناس راقدة حتى نتأكد برك بلي رقدو وبلي راهم في أمان لدرجة مرضت بقراجمي ناقصة رقاد وناقصة ماكلة فقط على جالهم
الدعوات ليا ونسيتهم غير كي مرضولي عدت نقول غير يرتاحو هوما برك مايهمش أحلامي وطموحاتي ماعندي ماندير بيهم، خاطر حيوان مايهدرش مايعرفش يدعي مايعرفش يقوم بروحو
ضعيف ويحتاج لي يوقف بيه، غاضوني لدرجة لا يتصورها العقل لدرجة كل ليلة يموت فيها واحد وقبل ما نفيق بموتهم نشوفهم في المنام بصحتهم
ولاباس بيهم ورتاحو نلعب معاهم نمدلهم ياكلو كيما زمان ونفرح بزاف كي رتاحو، غدوة نوض نلقاهم ماتو وتما الصدمة، والفتهم ومالقيت كيفاه ندير درك :cry::cry:
علابالي واحد ماراح يحس بواش راني نحس ويمكن تبان لبزاف ناس أمر تافه، وكاين لي يقول بالاك كاين هموم في الدنيا أكبر من موت قط
أنا كذلك عندي هموم أكبر في حياتي ولا يعني أنو حزنت على موت قط أني عايشة في جنة، هادي حاجة طبيعية فيا وفقط
المهم ماديروش على كامل هاد الهدرة حبيت نفرغ قلبي برك :( وربي يصبرني على من كي نكون نصلي ونشهّد يجيو يتخباو تحت الخيمار ولا يحطو راسهم
فوق يدي حتى نلخص الصلاة :cry:
ولأنني مهبولة وطايرلي شوي خيوط ونخلط البكا مع الضحك، قلت لختي ايماجيني نشوفهم جايين ولابسين الابيض :LOL:
تبا لي، ربي يهديني



ربيت هامستر وحد الوقت،،????
6اشهر ومات ?????
مازال لدروك نتفكره، تعلقت فيه لدرجة ماتصوريش ???
وحلفت الا نزيد نربي حاجة ??
مهم القصة ذكرتها في ايطار المواساة،
،وماهيش حاجة تافهة،،انك تبكي على ڨط
خطرات لواحد يحس روحه ماتله الڨلب مي كي يتفكر بلي بكى من اجل حيوان يوما ما يطلعلي المورال
علابالي روطار، ،جات عيني على القصة بغيت نمد رايي،،هذا مكان ?
اليكِ المايك اخت لؤلؤة??
 
خطرات لواحد يحس روحه ماتله الڨلب مي كي يتفكر بلي بكى من اجل حيوان يوما ما يطلعلي المورال
????????????????????????????
 
إذا كانت كلمات الأغنية نظيفة يعني غير ماجنة فلاحرج و الله أعلم
عنوان الأنشودة من فضلك?

وهي كذلك مريومة، مارانيش نهدر على الجانب الديني وحرام ولا حلال
نتكلّم على كلمات الأغاني بشكل عام، لو نديرو مقارنة بين غناء الماضي وغناء اليوم
نلقاو فرق كبير بغض النظر عن حلال أو حرام، تلقاي غناء بكري مقتبس من الاشعار وكلماتها
يكتبوها أشهر الكتاب سواءً في الأغاني الشرقية أو الجزائرية من شعبي ومالوف ووو
بصح لي محيرني لي يسمع أغاني وكلامها بدون معنى، مثلا غناية يقول فيها مولاها
قلبي وقلبك عند البوشي معلقين -___- ولا هاديك الخالوطة تاع "سيبو ماكانش ايسبوار مانقدرش
نكمل معاك آ لا فان دو لي ستواغ" يا يما واش يخنقوني هاد الخالوطات لي فيهم عربية
ممزوجة بفرونسي كاصي مال بلاصي، يعني فهميتيني واش نقصد؟
بعيدا عن حلال وحرام كاين أغاني كي تسمعهم لدرجة كلامهم راقي يجبدوك وكاين لي تحسهم
واحد واقف في محطة الحافلة يدزو فيه والغاشي مالقى مايدير وكيفاه يعبر على الخنقة بدا يكتب في غناية ماعندها حتى معنى
وفي النهاية ربي يبعدنا ان شاء الله عن كل ماهو حرام، والأنشودة اسمها يا ليل يا بحر السكون
للمنشد حمود الخضر ^^ أصلا الكثير من أناشيدو جميلة كيما تاع هي جنة طابت وطاب نعيمها
نموت عليها هادي تاني، لو نكمل نجبدلك قصة حياتي :LOL:
شكرا مريومة على كرم مرورك نورتيني :giggle:
 
ربيت هامستر وحد الوقت،،????
6اشهر ومات ?????
مازال لدروك نتفكره، تعلقت فيه لدرجة ماتصوريش ???
وحلفت الا نزيد نربي حاجة ??
مهم القصة ذكرتها في ايطار المواساة،
،وماهيش حاجة تافهة،،انك تبكي على ڨط
خطرات لواحد يحس روحه ماتله الڨلب مي كي يتفكر بلي بكى من اجل حيوان يوما ما يطلعلي المورال
علابالي روطار، ،جات عيني على القصة بغيت نمد رايي،،هذا مكان ?
اليكِ المايك اخت لؤلؤة??

هههه هاتولي المايكروفون لأهدي تحياتي لأبي وأمي
والله ضحكتني كي قلت العبد كي يتفكر كي بكا على حيوان يطلعلو المورال ههه
والله ساعات الحيوان فيه الخير خير من العبد
والحيوان لما توالفو والله تحس قطعة منك راحت :'(
ان شاء الله نكونو الشي لي درناه فيهم من خير نلقاوه عند ربي سبحانو واش نديرو الله غالب
والهامستر حيوان جد جميييل لكن يحتاج اعتناء كبير حسب علمي
بصح كيما قلتها والله العبد قلبو مايحملش على هادي قدما يبعد على تربية الحيوانات قدما مليح ليه
شكرا أخي على كرم مرورك :) وبالمناسبة مبارك افتتاح مدونتك أعجبني التنوع الذي فيها
وقد كسبنا مدونة جديدة ومميزة لعالم المدونات ^^
بالتوفيق ان شاء الله
 

هههه هاتولي المايكروفون لأهدي تحياتي لأبي وأمي
والله ضحكتني كي قلت العبد كي يتفكر كي بكا على حيوان يطلعلو المورال ههه
والله ساعات الحيوان فيه الخير خير من العبد
والحيوان لما توالفو والله تحس قطعة منك راحت :'(
ان شاء الله نكونو الشي لي درناه فيهم من خير نلقاوه عند ربي سبحانو واش نديرو الله غالب
والهامستر حيوان جد جميييل لكن يحتاج اعتناء كبير حسب علمي
بصح كيما قلتها والله العبد قلبو مايحملش على هادي قدما يبعد على تربية الحيوانات قدما مليح ليه
شكرا أخي على كرم مرورك :) وبالمناسبة مبارك افتتاح مدونتك أعجبني التنوع الذي فيها
وقد كسبنا مدونة جديدة ومميزة لعالم المدونات ^^
بالتوفيق ان شاء الله
هامستر لازملو عناية كبيرة،، كنت دايرله شومبرة كبيرة على شمبرتي ???
---------
كسبتو مدونة تع مهابيل ???
الله يسترك اختي??
 
لا تجزَع مهما كانت صعُوبات حياتِكَ
لا تفكِّر في كلّ ما يفقدك توازنك، ولا تجعل كلّ ما يثبطك ويُحزنُك يتركُ أثرهُ في داخلك
أنت الذي تستطيع أن تغيّر واقعك، أنتَ الذي فيك إعجاز خالقك،
انظر بفخرٍ وثقة لذاتك، أنت لست بلا قيمة في عالمكَ

لا تبحث عن النّور حولكَ وتنسى أنّ الله قد أوجَد نوركَ في أعماقك.
 
أفكارٌ كثيرة وأهداف كبيرة بداخلي لكنّني تائهة بينها
هاتف مليء بالتطبيقات، إحداها لتعلم اللغة اليابانية وأخرى
لإتقان اللغة الإنجليزية كما يجب، إضافة لكتب التمكن من اللغة العربية
من نحو وبلاغة، والمطالعة بقسميها: مطالعة لكسب مفردات وأسلوب جديد
ومطالعة للترفيه، إضافة للكتابة التي لا أريد هجرها وهي المتنفس الوحيد لي
وكذلك واجباتي الدينية التي أضع لها برنامجا، وبعض الأشغال اليدوية التي أودّ اتقانها
لكن من أين أبدأ يا تُرى؟
الشيء الوحيد الذي أمارسه بسهولة ودون تفكير هو الكتابة أما البقية فأنا تائهة بينهم
أشعر بالفشل وأنا لم أبدأ من الأساس، وللأسف عزيمتي دائما ما تكون منتهية الصلاحية
وفي وقت قصير، أتحمّس بسرعة ويخمد حماسي بسرعة مماثلة

لا أدري ما أفعل ...

~لؤلؤة قسنطينة~
 
أفكارٌ كثيرة وأهداف كبيرة بداخلي لكنّني تائهة بينها
هاتف مليء بالتطبيقات، إحداها لتعلم اللغة اليابانية وأخرى
لإتقان اللغة الإنجليزية كما يجب، إضافة لكتب التمكن من اللغة العربية
من نحو وبلاغة، والمطالعة بقسميها: مطالعة لكسب مفردات وأسلوب جديد
ومطالعة للترفيه، إضافة للكتابة التي لا أريد هجرها وهي المتنفس الوحيد لي
وكذلك واجباتي الدينية التي أضع لها برنامجا، وبعض الأشغال اليدوية التي أودّ اتقانها
لكن من أين أبدأ يا تُرى؟
الشيء الوحيد الذي أمارسه بسهولة ودون تفكير هو الكتابة أما البقية فأنا تائهة بينهم
أشعر بالفشل وأنا لم أبدأ من الأساس، وللأسف عزيمتي دائما ما تكون منتهية الصلاحية
وفي وقت قصير، أتحمّس بسرعة ويخمد حماسي بسرعة مماثلة

لا أدري ما أفعل ...

~لؤلؤة قسنطينة~
عادي أختي...
عليك بترتيب الاولويات فقط...
اليابانية بالنسبة لك اضن انها لغة فضول يعني فضولك فقط لتعلمها في حين ان الاولية بالنسبة مثلا لتخصصك الجامعي في اللغات هي الانجليزية والفرنسية ووجودها في cv تاعك رايح يعاونك بزاف لذا ابداي بتعلم اللغة الفرنسية او الانجليزية وافضل الثانية على الاولى...
اللغة العربية أبدا لا توضع بال اهتمامات او الكماليات يعني لازم تتعلميها ومشكلتك هي مشكلة وقت كما هذاك الانسان اللي عندو امتحان الاسبوع القادم ويجد انو البرنامج طويل ف تضعف عزيمته ويستلم في حين انو لو يبدأ بنصف ورقة رايح ينجح لهذا يقلك اصعب خطوة في اي هدف هي الخطوة الاولى حتى في السباقات تاع سرعة سبحان الله الانطلاقة تحدد بنسبة 90 في المئة الفائز بالسباق...
حاولي ايضا ما تكثريش على روحك مش في يوم واحد لازم تتطلعي على كلش خصصي وقت لنفسك استمتعي فيه وباقي الاوقات قسميها والحاجة الاكثر والافضل انو ادعي بالبركة في الوقت وصدقيني اذا درتي وش قتلك و بديتي ببطء 100 في المئة مريم تاع اليوم ماهيش مريم تاع العام الجاي وصدقيني ايضا شفتي كي تبداي وتمشي وتنطلقي خلال كل ذالك رايحة تتعلمي مهارات في التلخيص والحفظ والتعلم رايحة تعرفيها فقط اذا ما فشلتيش وفي الاخير..
دائما حطي في راسك انو ما يهمش موعد تحقيق الهدف المهم فقط ما تموتش عندك الرغبة في تحقيقه.. ودائما روحي اقراي على امثلة من العلماء والادباء و الدكاترة والناجحين
سبحان الله كاين بعض علماء الحديث والفقه بداو المسيرة تاعهم في سن 40 علاه ثاني نروحو بعيد نبي الرحمة اللي هو القدوة تاعنا بعث في سن الاربعين لهذا حطي هذي ديما في بالك لما تمشي لهدف معين حطي ربي ديما في بالك لانو سبحانو لما يفتح على عبد يفتح عليه بغزارة
رجعتيني بالذاكرة لوحد الايام...
لما كنا نحفظو في كتاب الله كنا باش نحفظو نصف صفحة نجيبو فيها الاربع والخمس ايام لكن مع الوقت سبحان الله رجعنا نحفظو نصف حزب في يوم واحد يعني شفتي كفاش يفتح ربي...
وربي يقول (وكان الانسان عجولا) القرآن وما أعظم القرآن لو اراد ربي انو ينزله في لحظة واحدة على نبيه كان يفعل لكن لانو عارف سبحانه طبيعة العبد وانوب لازم يتدرج في الحفظ وفي قبول التشريعات... ولهذا وحدة وحدة وبالشوي وقطرة قطرة وان شاء الله نشوفو فتاة ناجحة وكاتبة مايهمناش وقتاه مهم نشالله نشوفوها وحتى لو ما شفناش يكفينا انو نعرفو بوجود فتاة مثلك حاولت تتعلم بالتوفيق خيتي...
 

عادي أختي...
عليك بترتيب الاولويات فقط...
اليابانية بالنسبة لك اضن انها لغة فضول يعني فضولك فقط لتعلمها في حين ان الاولية بالنسبة مثلا لتخصصك الجامعي في اللغات هي الانجليزية والفرنسية ووجودها في cv تاعك رايح يعاونك بزاف لذا ابداي بتعلم اللغة الفرنسية او الانجليزية وافضل الثانية على الاولى...
اللغة العربية أبدا لا توضع بال اهتمامات او الكماليات يعني لازم تتعلميها ومشكلتك هي مشكلة وقت كما هذاك الانسان اللي عندو امتحان الاسبوع القادم ويجد انو البرنامج طويل ف تضعف عزيمته ويستلم في حين انو لو يبدأ بنصف ورقة رايح ينجح لهذا يقلك اصعب خطوة في اي هدف هي الخطوة الاولى حتى في السباقات تاع سرعة سبحان الله الانطلاقة تحدد بنسبة 90 في المئة الفائز بالسباق...
حاولي ايضا ما تكثريش على روحك مش في يوم واحد لازم تتطلعي على كلش خصصي وقت لنفسك استمتعي فيه وباقي الاوقات قسميها والحاجة الاكثر والافضل انو ادعي بالبركة في الوقت وصدقيني اذا درتي وش قتلك و بديتي ببطء 100 في المئة مريم تاع اليوم ماهيش مريم تاع العام الجاي وصدقيني ايضا شفتي كي تبداي وتمشي وتنطلقي خلال كل ذالك رايحة تتعلمي مهارات في التلخيص والحفظ والتعلم رايحة تعرفيها فقط اذا ما فشلتيش وفي الاخير..
دائما حطي في راسك انو ما يهمش موعد تحقيق الهدف المهم فقط ما تموتش عندك الرغبة في تحقيقه.. ودائما روحي اقراي على امثلة من العلماء والادباء و الدكاترة والناجحين
سبحان الله كاين بعض علماء الحديث والفقه بداو المسيرة تاعهم في سن 40 علاه ثاني نروحو بعيد نبي الرحمة اللي هو القدوة تاعنا بعث في سن الاربعين لهذا حطي هذي ديما في بالك لما تمشي لهدف معين حطي ربي ديما في بالك لانو سبحانو لما يفتح على عبد يفتح عليه بغزارة
رجعتيني بالذاكرة لوحد الايام...
لما كنا نحفظو في كتاب الله كنا باش نحفظو نصف صفحة نجيبو فيها الاربع والخمس ايام لكن مع الوقت سبحان الله رجعنا نحفظو نصف حزب في يوم واحد يعني شفتي كفاش يفتح ربي...
وربي يقول (وكان الانسان عجولا) القرآن وما أعظم القرآن لو اراد ربي انو ينزله في لحظة واحدة على نبيه كان يفعل لكن لانو عارف سبحانه طبيعة العبد وانوب لازم يتدرج في الحفظ وفي قبول التشريعات... ولهذا وحدة وحدة وبالشوي وقطرة قطرة وان شاء الله نشوفو فتاة ناجحة وكاتبة مايهمناش وقتاه مهم نشالله نشوفوها وحتى لو ما شفناش يكفينا انو نعرفو بوجود فتاة مثلك حاولت تتعلم بالتوفيق خيتي...

والله عندك حق خويا حكيم، كاين بعض الأمور راك قلتها وهي في داخلي
كالعلماء مثلا دائما نقول في نفسي العلماء هل وقتهم كان كيما وقتنا أو أنهم كانو عندهم وقت إضافي ههه لدرجة حققو الكثير من الطموحات، كذلك لما ذكرت
سن الرسول عليه الصلاة والسلام، دائما مانقول في نفسي 25 سنة زعما تقدر تكون بدايتي من هنا؟ ولا النجاح تبدا خطواتو من الطفولة؟ وين العقل خفيف وقادر
على الاستيعاب وصحيح التغيير راهو يبان فيا والله، لو نروح لمجال الكتابة فقط، لما نفتح صفحات مدونتي الأولى وصفحاتها الاخيرة كاين تغيير جذري وكبير،
مارانيش بمستوى كبار الكتاب أكيد مازال ينقصني بزاف حوايج بصح كاين تغيير ماوليتش نكتب برك وليت نخمم ونسّق الكلمات قبل ما نكتبها، مجال الكتابة مازال
مشوارو طويل ولكن تقدر تقول حكمت طرف الحبل تاعو، اللغة الانجليزية آخر مرة حطيت كتاب انجليزي نقرا ونترجم ونتعلم، وزدت استعملت
تطبيق للسمع يعني تتعلم بالسمع لأنو مشكلتي السمع أكثر من القراءة، عكس الفرنسية من لي كنت صغيرة ونقرا في الابتدائي نتفرج رسوم متحركة بالفرنسية
يعني والف السمع تاعي عليهم، اليابانية حاطتها على جنب تقدر تقول أحيانا نعدي بيها الوقت وعندي تقريبا شهر قبل الآن والله الأرقام اليابانية من 1 حتى 100000 نقراهم
باليابانية ونكتبهم عادي بكل سهولة حفظت الحروف تاعهم عدت نقرا بعض الفقرات، بصح هادي في اللول هههه ننطلق بحماسوغير تعدي اسبوع هكاك نفشل ونكره
إضافة لمشكلة النسيان، مع أني نستمتع بالشي لي نديرو لدرجة نعطيه حقو، شريت دفاتر فارغة واقلام ونسجل كلشي عليهم أول ما نستيقظ نضرب عليهم طلة وقبل
ما نرقد نطل عليهم، نسجل عليهم الكلمات الانجليزية الجديدة وكذلك العربية وشرحها ونسجل بعض التدوينات نقول باه كي ندخل للمة نكتبها
يعني دفتر يتبعني وين ما نروح ونكتب فيه كلشي، كذلك شريت قبل اسبوع قاموسين للغة العربية واحد يشرح المصطلحات وواحد للمرادفات والاضداد، كتاب النحو
والبلاغة لقيتهم بـ 200 ألف و150 وأنا فقيرة ههه كذلك الانجليزية قلت أنا نحب أفلام الرسوم المتحركة قلت نحط نتفرجها بالانجليزية وبدون ترجمة، يمكن في الاول نفهم 40 بالمائة
فقط ومرة أخرى 60 وهكذا نتعلم بشكل أكبر، كذلك حفظ القرآن قلت نختار كل مرة نحط سورة أو آية لي حابة نحفظها نسمعلها لاشتا كي نعود نخدم خاطر الحفظ يكون
هكا أسهل خاطر كلما نحفظ ننسى والشيطان يتغلب عليا ليه ليه تقدر تقول البرامج كاينة ونخدم بنظام وبطرق سليمة، لكن مشكلتي كيما قلت نتا نزدم ضربة وحدة هههه
حتى نولي نقلق ونطيش كلشي، بصح مشكلتي تغيضني عمري ههه مانقدرش نكمل حياتي نورمال تغيضني عمري
كي مانقدرش نزيد حاجة إضافية في حياتي، نولي نعزم نقول غدوة ندير وندير ونزيد نفشل مشكلتي كيما قلتها نتا حابة نوصل ليه ليه، ولا على الاقل نخلص كل الأمور
والطموحات مع بعض وهذا خطأ
كلشي يجي بلعقل وبشوي ان شاء الله، يعطيك الصحة خويا حكيم وجزاك الله خيرا، نتا نورمالمو بسيكولوج ماش بيطري ههههه
ربي يهنيك ان شاء الله ^^ وربي يوفقك كذلك وتحقق كل أحلامك وطموحاتك يارب خاطر حتا نتا تملك المؤهلات لذلك :)


 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top