وعلاه يجرحوني واش ذنبي

[hayat04]

حبيت نحكي معاناتي هما يسموها معانات وانا عادي هما يقلقوني ويجرحوني بالكلام وين ما نرووح واش ذنبي انا ...وعلاه هكذا الدنيا انا انسة صح كبرت وواحد ما خطبني ما نعرفش معنتها الخطبة بصح هذا مكتوبي وقدري وعلاه وين ما نروح يقولولي راكي كبرتي فاتك الوقت ..وعلاه هذي العبارات لي تخليك تحس بالنقص حتي و لو تكون لباس عليك بسيف عليك يقلقوك بسيف عليك تقلق وتخليك منعزل ..مشكلتي نحشم بزاف وعاقلة بزاف علابيها واحد ما يقدر يتقربلي ..الله غالب كي نشوف بنات معندهم لا اخلاق لا تربية وانا احسن منهم ماشيين ومتزوجيين تغضيني روحي هذا طبعنا احنا بشر والبشر تحس نحس ونسخف نعيش لحظة فرح ولكن هذا مكتوبي وعلاه ديما تفكروني بحاجة من عند ربي ...نعاني بزاف وساعات نضعف كيما درك راني ضعفت وكتبت هذا الموضوع حبيت نفرغ قلبي وادعولي الله يجزيكم خير ادعولي يصبرني ويعطيني القوة ويفتح عليا يقولو 40 دعوة مستاجة ..كل وحدة عايشة هذي معانات راح تفهم وتحس وتعرف واش معنتها اذا البنت كبرت وواحد ما تقدملها

 

[دعاء الجنات]

رد: وعلاه يجرحوني واش ذنبي

اهلا حياة اولا اشكرك علاخاطر فرغتي لينا قلبك واحنا هنا باه ننصحوك
_حبيبتي عمرك ماتفقدي الامل بالله تعالى حتى نهار تموتي مادامك على قيد الحياة ماتدري واش راه مخبيلك الزمان والمكتوب _ ادعي ربي واكثري من الدعاء وماتحبسيش عن الدعاء حتى نهار يرزقك ربي سبحانو
_انا نوصيك غير الدعاء ونخلي الاعضاء الجايين يزيدو ينصحوك
_نحكيلك قصة جدثت في زمن النبي موسى عليه السلام جاءت عندو امراة عقيم قالت لو ادعي ربي يرزقني ولد فلما دعا قال له الله تعالى هده المراة كتبتها عندي عقيم لن تلد كل مرة تعود تلك المراة ويعيد موسى عليه السلام ويقول ان الله كتبك عنده عقيم وفي مدة من الزمن جاءت تلك المراة ومعها طفل صغير قال لها سيدنا موسى من هدا الطفل قالت هو ابني قال يا الله الم تقل لي كتبتها عقيم قال له الله نعم كلما كتبتها عقيم قالت يارحمان كلما كتبتها عقيم قالت يا رحمان فغلبت رحمتي قدري'''''' كاين وحد العلاقة مع ربي سبحانو برك تتيقني بلي ماراحش يخيبك وماتقوليش دعيت وماستجابش وان شاالله نكوك فدتك شويا سلااام​

 

[لؤلؤة قسنطينة]

رد: وعلاه يجرحوني واش ذنبي

السلام عليكم أختي
ربي يهنيك ان شاء الله وربي يفرحك دنيا وآخرة ويفرج عليك
وعملتي مليح لي فرغتي قلبك هنا، على الاقل تسمعي كلمة ولا زوج من أبناء اللمة الطيبين تنقصلك شوي من همك
شوفي حبيبتي الزواج قسمة ونصيب، شفتي قبل ما تزادي في الدنيا ؟ كتبلك ربي بلي نتي فلانة بنت فلانة
هاهو رزقك كيفاه يكون وكيفاه تكون حياتك وشكون يتزوجك ويكتبلك حتى اسم زوجك المستقبلي "فلان ولد فلان"
يعني حتى ولو عمرك ماتعرفتي على واحد وحتى ولو عمرك ماخرجتي من داركم وحتى ولو لحقتي لـ 100 سنة ولو
كنتي ساكنة في راس الجبل يجيك نصيبك لهاديك البلاصة ومايروح لحتى وحدة غيرك، مالا حطي ربي في قلبك
وادعي ربي علاش لالا؟ الدعاء مليح وربي يحب يسمع صوت عبادو، كوني قريبة من ربي وهو يكرمك ويسهلك امورك
وبالاكي يخدعوك مظاهر البنات لي زعما تتخذ صديق وتتزوج، خاطر هاديك يا تكملها ماش مليحة ويا تتزوج وحياتها
تكون حياتها أسوء خاطر مابداتش على الصح، نتي اتوكلي على ربي وخلي هدفك رضا الله ورضا الوالدين
نتي ارضي ربي وهو يعطيك حتى ترضاي كما هو مذكور في الآية الكريمة بعد بسم الله الرحمن الرحيم
{ ولسوف يعطيك ربك فترضى } يعني يعطيك حتى ترضاي ، اتوكلي على ربي وكتري استغفار واحمدي ربي
فربما اخر زواجك خاطر شايفلك فيه شر ونتي ماعلابالكش خاطر ماش كل وحدة تزوجت راهي عايشة في جنة،
واذا على كلام الناس والله ارميه وراك خار حتى ولو ترمي روحك في العسل ماش رايحين يسكتو عليك
اتوكلي على ربي ختي لعزيزة واتقربي من ربي اكثر وخلي شخصيتك قوية مايهزها ريح وربي معاك ان شاء الله
وربي يرزقك بإبن الحلال لي يسعدك ويهنيك ويخليك اميرة بيتو يـــارب
تقبلي مروري
​

 

[{مُدَلَّلَتُهُ}]

رد: وعلاه يجرحوني واش ذنبي

السلام عليكم و رحمة الله و بركاته

اختي ما تقطعيش لياس من رحمة ربي . . . تعطيل الزواج ربما هو لحكمة لا يعلمها إلآ هو !

ما تقنطيش و ما تعمريش راسك بكلام الناس لأنهم ما يسكتوش بأي حال من الأحوال / المتزوجة يقولو مسكينة تزوجت و راهي مغبونة و لي ما تزوجتش يقولو مسكينة راح الحال عليها و هي مازال ما دارت الدار !

هوما أصلآ هاذيك خدمتهم . . . يطيحولك المورال ! ما تخليهمش يوصلوآ لهدفهم

اكثري الإستغفار و قومي الليل و ادعي الإلحاح في الدعاء من أهم أسباب الإستجابة اقراي سورة البقرة أختي حصني روحك دايما و ديري رقية !

ان شا الله ربي يفرج عليك و يعطيك ما تتمناي بإذن الله !
​

 

[iman-dz4ever]

رد: وعلاه يجرحوني واش ذنبي

سلام اختي و ربي يفرج عليك في القريب العاجل
و ديري دائما في بالك ما كيش غير انتي الي عندك هذا المشكل راهم بزااااااااااف بنات اصل و فاميليا و معندهمش زهر
وثاني الزواج مكتوب مهما حاول الناس انهم يبعدوه عليك
مستحيل ربي يحرمك منو
و انتي ديري كيما يقولو اذن من طين واذن من عجين
وعيشي حياتك بما يرضى الله
و راح تشوفي الخير
و ثاني نقلك على حاجة فادتني انا بزااااااااف
شفتها في موقع خليجي
وحدة كاتبة موضوع على نفس حالتك على الي راها تدعي و تقول انا حلوة و جميلة ومتخلقة و متزوجتش
وكاين الي اسوء مني متزوجين
تقول هذي اول سبب ان الله يحجب دعوتك انك استهزيتي بخلق الله و حسدتيهم على رزق ربي كاتبولهم
وايضا كانت دايرة جدول صح صح فتحلي عينيا
قالت احنا نقول انا نصلى و نصوم و ندعي و لكن لم تستجب دعوتنا
ممكن ربي حجب الدعوة حتى تحاسبي نفسك
كم من وحدة وانتي صغيرة في المدرسة ضحكتي على لبسها و طريقة كلامها.....هذا ذنب
كم مرة رئيتي منكر ولم تغيريه و شخص بحاجة الى نصيحة و رديتيه.........هذا ذنب
كم مرة غشيتي في امتحان واخدتي درجة وتقدير مش من حقك......هذا ذنب
كم مرة قاتلك امك ولا ابوك شئ و قلت اف.............هذا ذنب
كم مرة سمعتي اذان صلاة و صديتي عنو و شغلتي صوت الاغاني اعلى منو...........هذا ذنب
كم مرة جلستي في مجلس غيبة و نميمة و اشتركي في اكل لحم اخوتك وهو نيئ.........هذا ذنب
ووووووووووووو
والله لو نعرف رابط الموضوع لدرتولك موضوع رااااااااااائع
وصح انا كنت ندير من هذو الصوالح بزاف وغافلة عنهم
المهم في اخر الموضوع تقولك قومي الان توضئ و صلي ركعتين لله بقلب منكسر
واطلب منه العفو عن كل ذنب قمت به عن قصد وغير قصد
والله راااااااااااااحة نفسية عجيبة
وايضا قراءة البقرة يوميا مش صعبة ابدا والله لو انها مسلسل و فيلم
لشاهدناه مهما طال وقته بينما كلام الله نستثقله
و ديري كيما انا اول ما نوض الصباح نقضي شوية شغل ومن بعدها نقراء اول 100 اية
وبعد العصر 100 اية الثانية
وبعد المغرب 86اية الاخير راها سهل و رايحة تدمني عليها
انا ضرك لوكان يفوت يوم مانقرهاش تضيق نفسي
وراح تفرج بأذن واحد احد
وانا من ضركا راني عارضة روحي في عرسك
ههههه

​

 

[فيتامين سي]

رد: وعلاه يجرحوني واش ذنبي

حبيت نحكي معاناتي هما يسموها معانات وانا عادي هما يقلقوني ويجرحوني بالكلام وين ما نرووح واش ذنبي انا ...وعلاه هكذا الدنيا انا انسة صح كبرت وواحد ما خطبني ما نعرفش معنتها الخطبة بصح هذا مكتوبي وقدري وعلاه وين ما نروح يقولولي راكي كبرتي فاتك الوقت ..وعلاه هذي العبارات لي تخليك تحس بالنقص حتي و لو تكون لباس عليك بسيف عليك يقلقوك بسيف عليك تقلق وتخليك منعزل ..مشكلتي نحشم بزاف وعاقلة بزاف علابيها واحد ما يقدر يتقربلي ..الله غالب كي نشوف بنات معندهم لا اخلاق لا تربية وانا احسن منهم ماشيين ومتزوجيين تغضيني روحي هذا طبعنا احنا بشر والبشر تحس نحس ونسخف نعيش لحظة فرح ولكن هذا مكتوبي وعلاه ديما تفكروني بحاجة من عند ربي ...نعاني بزاف وساعات نضعف كيما درك راني ضعفت وكتبت هذا الموضوع حبيت نفرغ قلبي وادعولي الله يجزيكم خير ادعولي يصبرني ويعطيني القوة ويفتح عليا يقولو 40 دعوة مستاجة ..كل وحدة عايشة هذي معانات راح تفهم وتحس وتعرف واش معنتها اذا البنت كبرت وواحد ما تقدملها

الزواج الاطفال الصحة الجمال العائلة و بزاااااف امور في الدنيا رزق مكتوب من عند ربي سبحانه حنا نحسبو حنا درناهم بصح كون واش نديرو رزقك يوصلك و لي ماشي رزقك كون واش ديري مراحش يجيك و لي تجرحك قليلها مديلي لادريس لي شريتي منها فارس احلامك نروح نشري و زيدي لي يغلط معاك قليلهم متحسبوش تزوجتو خلاص ملكتو الدنيا عندكم ولاد خافو ربي
نصيحتي ليك و هذي صديقة جربتها نتذكر قالتلي كانت تنوض تصلي في الليل و تقرا سورة البقرة يوميا و متنسايش الاستغفار داومي عليه في اي وقت و بعدي على اي حاجة حرام باش ربي يتقبل دعوتك لازم تكوني صافية معاه و ان شاء الله مرة جاية تكتبي موضوع باش نباركولك في خطوبتك
اه مجرد ملاحضة 40 دعوة بظعة شيعية من الافضل تقولي ادعولي

 

[safouane batna]

رد: وعلاه يجرحوني واش ذنبي

انا أستغرب من تفكيرك من جهة ومن تفكير من يسيؤون لك من جهة أخرى مايجب أن تعلميه أن الزواج مكتوب في السماء قبل الأرض بمعنى يوم يكتب لك الزواج لن يمحيه أحد ومن يعلم ربما التاخير فيه خير كثير وهو ماشاهدناه لدى اناس كثيرين فمن سبقك بالزواج أو السكن أو الوظيفة ربما تأخر في أمور أخرى أنت ستنالينها مستقبلا وتذكري قول الله في حديثه القدسي :أنا عند حسن ظن عبدي بي . إذن أحسني الظن بالله ولاتلتفتي لأقوال الأخرين​