السلام عليكم و رحمة الله و بركاته
كاين فئة من الناس و ما أكثرها في زماننا مايحشموش ،
سواء جار ولا شيخ و لا كبير ماكاش فرق،
و "ان لم تستحِ فافعل ما شئت" ،
(بالنسبة للجيران عندنا مكاش هادي بزاف الحمد لله).
الي داير ربي في قلبو و يخاف و يخشى من الله مايشوفش في بنات الناس ،
و لو يكونو لابسين واش لابسين ،
يعني قضية عدم غض البصر لا يجب أن يبررها الانسان
بعدم سترة البنات لان هذا خطأ كبير ،
يعني ربي قالنا تغضو البصر دايمن ، و مادارش استثناء كي تكون فتاة ماشي متحجبة
ولا ماشي لابسة لبسة مستورة معليش حلال نشوفو فيها ،
كما ان بعض الرجال ماشي برك يشوف و مايحشمش يهبط عينيه ،
يزيد يرميلك أسوء و أقبح الكلام، و احيانا أصلا كلام لا معنى له ايضا ،
و تشعر كأنه مايقدرش يسكت كي اجوز عليه طفلة و خلاص ، شغل فيس فيه ، الله يهديهم ،
و طبعا و اكيد كاين بنات ما يخافوش ربي و بالتالي ما يحشموش
و دايرين العجب
و ذالين رواحتيهم (هذا هو تفسير ما يفعلنه) ،
و مانعرف كيفاش يخمو ، و أهلهم الي مخليينهم يخرجو هكداك :-o ،
و الله يهديهم أيضا ،
و في الاخير تنبيه لأمر مكاش منها تع المتحجبة حجاب شرعي ماينبشوش فيها و مايقولولها والو ،
و كي نقول متحجبة شرعي ماشي معنتها حجاب و تمشي في الطرق و هي تلفت الانتباه،
لا و انما راسها ماترفدوش ، و مشيتها واحد مايقدر يقول انها تثير للانتباه و لاباس عليها في كل شيء ،
بصح ذوي النفوس الضعيفة مايحتارموش رواحهم و يزيدو مايحتارموش الناس،
و بالتالي يهدرو أيضا و مايهبطوش عينيهم ،
تحسهم بلي عندهم هذا الأمر مرضي و لازم يبراو منو قبل ماتطفر فيهم ،
و يموتو و هوما مابراوش (بمعنى مايخافوش ربي و لازم يفيقو لرواحهم).
شكرا على الموضوع أختي الكريمة ،
الله يستر بنات المسلمين و الله يهدي شباب المسلمين و أمّة الإسلام جمعاء.
