ظواهر كوكتال

[همس الوُرود]

السلآم عليكم ورحمة الله وبركآته

أهلا ركن وش رآك تهدر والله توحشتك بزآف ... نشفآلك أعوآم 2012 -2013 كنت فيهآ ركني المفضل:$

وش أحوآل نآسوا إن شآء الله رآكم بيآن


اليوم حبيت نكتب حآجة فهذآ الركن صرآحة كي عآد عمري 18 سنة وأنآ في اكتشآفآت مع هذآ العالم الخارجي

لقيت روحي 17 سنة فاتت كنت في غيبوبة هههه

وش اكتشفت

اكتشفت كيفاش يخمموا الناس

اكتشفت أنهم أكبر قرعآجيين يآو حاجة ماتخفالهم صغيرة أو كبيرة أسرآر البيوت ويجبدوها ويتداولوا أخبآرهآ

اكتشفت أنهم يحبوا الطيق مش غير النسآ وحتى الذكور يعني كي نجي فايتة على بلاصة بالذكور والرجال النساء والبنات الصغار والكبار الشيوخ والعجائز متحدين باش يعرفوا شكون هاذي المخلوقة الي جايزة منا ومنين جاية ووين رايحة و وش هازة ووش راهي تخمم وكيفاش لابسة وشكون تعرف وشكون يعرفوها وعلاش تمشي مع صاحبتها هاديك ...

يآو والله Grave


إكتشآف02

اكتشفت أنو وقت تكون تحكي معاك وحدة أكيد راهي تلف وتدور باش توصللك معلومة خاطئة ولآ بش تدي من عندك معلومة صحيحة

إكتشآف03

اكتشفت أنو وقت تكون مع بنات ماتعرفيهمش أكيد يكونوا متفاهمين عليك بش يجبدوا منك حوايج ومين تروحي أعرفي بلي الرصاص يتطآير على ظهرك

إكتشآف04

إكتشفت أنو صح مكانش الي ترضالك مصلحتك من غير عايلتك وأنو بكآءك هو أكبر خبر مفرح يتدآوله أكبر معارفك

إكتشآف05

كل كلمة تصلك من فتاة فهي بمثابة كلمة سر إعكس حروفا ليصلك المفيد

...

بيآنسير هآدو أمور عرفتهم على أغلب النآس

ومآزآلت أغلبية أخرى مآشآء الله

حبيت نوصل رسآلة لكل مهموم صرآحة غير ربي سبحآنه يقدر يفكلك مشآكلك يمآلآ مآتدير لآمآن في حتى شخص آخر

-تعآمل مع النآس بنية صآفية واحذر منهم وبآلآك تخآلط النآس الي مش ملاح

- سآمح وانسى وخليك ثابت عند كلمة الحق ماتخلي ولا شخص آخر يأثر فيك ويديك لزاوية الهلاك

إعترف بأخطآئك فالإعتراف بالخطأ سيد الأدلة على شخصيتك القوية


جميع من يقرعجوا نقوللهم الله يعيشكم حبسوا خلونا نتنفسوا ههه

تحيآتي إليكم ونتمنى يكون موضوعي لآبآس عليه وفآدكم

وفالأخير ربي يحميكم ويحفظكم ناس اللمة بيآنسير رآني نحكي على فئة من النآس مش على كل النآس

و سلآم

نتمنى يكون إعتمآد الموضوع في سرعة الضوء :p

:d​

​

 

[لؤلؤة قسنطينة]

رد: ظواهر كوكتال

وعليكم السلام ورحمة الله وبركاته
يا سيدي هادي عبورة جات زارتنا في قسم واش راك تهدر
توحشناك ^^ وعجبتني تاع قسم واش راك تهدر واش راك ههههه راهو توحشك هاد القسم
على كل حال في كلمات قليلة نقولك حبيبتي لازم الصفحة هادي تخليها مفتوحة خاطر
الدنيا ماتخلصش من الاكتشافات، كل يوم تعيشيه تكتاشفي حاجة جديدة، تلقاي بلي اقرب الناس ليك
يفرحو لما يشوفوك طايحة وفاقدة الأمل، تلقاي الناس لي ضحيتي على جالهم هوما لي يضحيو بيك
وخلي وخلي ، الدنيا تصفعك دايما بحوايج ماتتوقعيهمش
مالا طيشي وراك حبيبتي، المهم هو عبادتك دراستك واخلاقك وحبك لوالديك اما الباقي ماتهمتميش بيه
اما القرعاجين خليهم مساكن ام مراض نفسيا ههههه ربي يهديهم هادا مانقولو
وربي يهنيك حبيبتي ويفرحك ان شاء الله ويوفقك
وراني درتلك اعتماد سريع ههههه
تحياتي
​

 

[Hakan]

رد: ظواهر كوكتال

الله الله
سينشي كودو يحقق وتوقوموري يرقد ويلقاها وااجدة
هاذي الناس اللي عايشة ولا صح صح ختي عبير راكي لقيتي اسرار كبيرة في النااس
لكن بعضهم نقدر نقول مخصصين للنساء في الحقيقة ابتلينا بوحد العقلايات مقرفة نتاع الصح
يشوفولك غير في الحااجة العيانة ويجي يفكرك بيها
حابينك تعيشيلهم وتخفي فيهم مي الصح الصح
عيشي لعمرك عيشي لحيااتك
حكيم دار لحية علاه درت لحية ياحكيم كنت زين بلا لحية تبا لكم وااش دخلكم فيا ندير لحية ونلبس روال ونلبس كرافاطة
ونسمع واش نحب روحو عيشو حيااتكم لما يشوفو عندك قابلية انو تحكي مع اكبر المسؤولين يجيو ليك
ياحكيم واش درت لفلان حتى راهو يذكر فيك مع فلان وفلان ياو مادرت والو السيد حكيت معاه ورغم المستوى نتاعو الا انو انسان
كيفو كيفي وحكالي واعطالي اسرارو واش دخلكم ضركا
يزيد يجيك فلان يقلك راهو فلان قالي كذا وكذا عليك ايه ومن بعد وحد العبااد ياحاافيظ تقول نعيش مع اليوتيوب وما نعيشش معاهم
مي رتوحي وتجي تعرفي بلي انت مستوى وهوما من مستوى آخر الله غالب كي يغلب الجهل على العقل سلام.وشكرا على السوجي ..​

 

[همس الوُرود]

رد: ظواهر كوكتال

وعليكم السلام ورحمة الله وبركاته
يا سيدي هادي عبورة جات زارتنا في قسم واش راك تهدر
توحشناك ^^ وعجبتني تاع قسم واش راك تهدر واش راك ههههه راهو توحشك هاد القسم
على كل حال في كلمات قليلة نقولك حبيبتي لازم الصفحة هادي تخليها مفتوحة خاطر
الدنيا ماتخلصش من الاكتشافات، كل يوم تعيشيه تكتاشفي حاجة جديدة، تلقاي بلي اقرب الناس ليك
يفرحو لما يشوفوك طايحة وفاقدة الأمل، تلقاي الناس لي ضحيتي على جالهم هوما لي يضحيو بيك
وخلي وخلي ، الدنيا تصفعك دايما بحوايج ماتتوقعيهمش
مالا طيشي وراك حبيبتي، المهم هو عبادتك دراستك واخلاقك وحبك لوالديك اما الباقي ماتهمتميش بيه
اما القرعاجين خليهم مساكن ام مراض نفسيا ههههه ربي يهديهم هادا مانقولو
وربي يهنيك حبيبتي ويفرحك ان شاء الله ويوفقك
وراني درتلك اعتماد سريع ههههه
تحياتي
​

أهلآ أختي لؤلؤة هههه ربي يدوم الضحكة

يتوحشك الخير أختي

صح والله هذآهو الوآقع وحنآ لآزم نوقفوا قدآموا ثآبتين ومآنطيحوش

لآزم نعرفوا كيفآش نتعآملوا مع هآد النآس ربي يهديهم يآ رب

شكرآ أختي ههههه والله هآيلة عجبني اعتمادك فرحني:p

ميرسي الزينة ربي يبآرك رآكي نآشطة :d الله يحفظك أختي و يهنيك​

 

[همس الوُرود]

رد: ظواهر كوكتال

الله الله
سينشي كودو يحقق وتوقوموري يرقد ويلقاها وااجدة
هاذي الناس اللي عايشة ولا صح صح ختي عبير راكي لقيتي اسرار كبيرة في النااس
لكن بعضهم نقدر نقول مخصصين للنساء في الحقيقة ابتلينا بوحد العقلايات مقرفة نتاع الصح
يشوفولك غير في الحااجة العيانة ويجي يفكرك بيها
حابينك تعيشيلهم وتخفي فيهم مي الصح الصح
عيشي لعمرك عيشي لحيااتك
حكيم دار لحية علاه درت لحية ياحكيم كنت زين بلا لحية تبا لكم وااش دخلكم فيا ندير لحية ونلبس روال ونلبس كرافاطة
ونسمع واش نحب روحو عيشو حيااتكم لما يشوفو عندك قابلية انو تحكي مع اكبر المسؤولين يجيو ليك
ياحكيم واش درت لفلان حتى راهو يذكر فيك مع فلان وفلان ياو مادرت والو السيد حكيت معاه ورغم المستوى نتاعو الا انو انسان
كيفو كيفي وحكالي واعطالي اسرارو واش دخلكم ضركا
يزيد يجيك فلان يقلك راهو فلان قالي كذا وكذا عليك ايه ومن بعد وحد العبااد ياحاافيظ تقول نعيش مع اليوتيوب وما نعيشش معاهم
مي رتوحي وتجي تعرفي بلي انت مستوى وهوما من مستوى آخر الله غالب كي يغلب الجهل على العقل سلام.وشكرا على السوجي ..​

هههههه ~شفت كيفآش محققة من الكبآر

صح والله ربي يهديهم

بالنسبة للحية بالعكس الرجل باللحية يزيد جمآله

أنآ عندي خوتي ذكور وباللحية ومآينحوهآش لأنو رسول الله صلى الله عليه وسلم قآل قصوا الشوآرب واعفوا اللحى

ولأنه اللحية وقت ينحيها الراجل يسموها هاذي تشبه بالنساء يعني غير الطفلة الي ماعندهاش اللحية ههه

الله غالب هادو هوما الناس يحبوا يدخلوا فالغاشي بزاف ويتفراو فالحكايات ومايعيشوش حياتهم

وعجبك يفرحوا وقت ييبوا أخبار الناس الله يهديهم يآرب

شكرآ على المرور​

 

[فيتامين سي]

رد: ظواهر كوكتال

على سلامتك ختيتو ..واش راكي ..القسم راه يسلم عليك .قالك الأعضاء نساوني

في هذا العالم كل يوم نكتشفو حاجة
1/ اسرار داركم توصللهم قبل متوصلك الفاكس يفوت عليهم في الأول هههههههه ..تحيري حاجة متتخبا عليهم

2/اكيد راها تتمشى معاك سيرتو ادا كانت متحملك متحميليها سور عندها حاجة حابة توصللها

3/حاجة عادية في كوكب زمردة ..والفنا هدي خدمتهم

4/مام عايلة ميحبولكش الخير من غير والديك و خاوتك

5/ هدي من حملة تمد الخاوي باش تصيد للمعمر ..يديروها الكبار يمدلك جملة بلا فايدة باش نتي بلا متحسي تمديلهم واش حابين

نصائح في القمة حنونة ..في عالم التيليتابيز كل يوم اكتشاف جديد

 

[GI Joe]

رد: ظواهر كوكتال

ged ma tekebri ged ma tzidi ta3erfi hwayej la plu par mahomch mleh malheuresement

nass hypocrite
double faces
yhebou ykhassrouk
l ghira
...

l wahed y3ich dans sa bulle yevitihom w ya rabi

​

 

[السلطانة]

رد: ظواهر كوكتال

وعليكم السلام

قالك أن تفطن أحسن من أن لاتفطن أبدا :p

هاذي الدنيا وهاذو الناس كل ماتكبري تزيدي تكتشفي اكثر وتعرفي العقليات والنيات ومرات تتشوكاي وبعدها تحمدي ربي انك اكتشفتي ومبقيتيش نية وهاذي هي

ربي يحفظك

صحيتي

 

[مسك وعنبر]

رد: ظواهر كوكتال

السلام عليكم أهلا بيك أختي وعودة ميمونة للمنتدى موضوعك جميل وفيه من كل مفيد الله يبارك عليك :up:

أما فيما يخص المضمون والله بالفعل الدنيا هادي نشوفو فيها من كل الأشكال والألون والعباد على اختلاف أطباعهم يعلمونا دروس عمرنا ما ننساوهم .. خلاصة القول باش يعيش الإنسان هاني في حياتو لازم

عليه يدير مصالحة مع ذاتو وأفضل قول هو (( إنهم لا يعلمون )) ...


الله يهدينا أجمعين ويثبت علينا العقل والدين

تقبلي مروري أختي في الله تحياتي :regards0​

1:

 

[Skor m@k]

رد: ظواهر كوكتال

السلام عليكم
ياوو راكي فووور قريب توصلي فالاكتشافات اديسون ههههه
الحياة كل يوم نكتاشفو حاجات بزاف
سورتو مع العقليات البسالا لي رنا نشوفوها
التقرعيج كان بكري يحصلو غير فالنسااء
مي ضرك ولاو كل اصناف المجتمع بصغيرهم بكبيرهم قرعاجيين​