السلام عليكم جميعا
ايه يا لحباب لمتنا المسابقة وان شاء الله لمتنا دوم يا رب
ايه يا جماعة حبيت نحكيلكم على زمان عندنا
ولما نقول زمان نحكي على الجيران
احكي يا زمان على عاداتك وقول
الجيران
كنتو يا جيران في وقتي عايلة وحدة كنتو لما ديرو عرس تفرحو فرحة وحدة تتلمو لمة وحدة
كنتو جيران بالسكنى وخاوة فالقلب ايه يا حسراه نتفكر كنتو في وقتي وقت تصرا جنازة الحزن ساكن دياركم كلكم وعيب يطيب الطياب فدار الميت الجيران يطيبو ويجيبو ويحطو ويرفدو وكانو دار وحدة
كنتو لما تكون جنازة فالحومة ويكون عرس محال يصونو الطونوبيلات وحتى العرس ما يندارش يحترمو حزن جيرانهم رجعتو العرس منا والجنازة منا............. ايه وين راهي يماتي وين ؟
ايه يا حسراه يا ولادي على وقتكم ووقتي كنتو يا جيران لما تتزوج الطفلة كانو بنتكم تتزوج وكامل تفرحو معاها وتجرو معاها ويتيمة تعاونوها وتستروها وولاد الجيران ولادكم مي يا حسراه على وقتي ووقتكم
كنتو يا جيران فالمناسبة نتاع المولود تخرجو الصدقات من كل دار وتوكلو الناس اللي فايتة بلا حساب واليوم شحيتو على الجار نتوما تاكلو وجاركم يشم
يا حسراه يا جيران على وقتكم من رجع الجار يطمع فجارتو من كانت الحشمة وما يرفدش عينو فيها
يا حسراه على وقتكم من كانت الجارة لو تحب جارها فالسكات محال تبين ضرك رجعت تديه وهو متزوج جارتها يا حسراه على وقتكم
إيه خلوني نروح نرقد يا ولادي
وقتي راح وولى واقعدو تتحسرو عليا تفكرو يماتي وبكو عليها وطلبو السترة من ربي على اللي جاي
هذا زمانا كان يهدر معانا ويفكرنا في وقت كانو الجيران جيران
نتمنى مشاركتي تعجبكم
ايه يا لحباب لمتنا المسابقة وان شاء الله لمتنا دوم يا رب
ايه يا جماعة حبيت نحكيلكم على زمان عندنا
ولما نقول زمان نحكي على الجيران
احكي يا زمان على عاداتك وقول
الجيران
كنتو يا جيران في وقتي عايلة وحدة كنتو لما ديرو عرس تفرحو فرحة وحدة تتلمو لمة وحدة
كنتو جيران بالسكنى وخاوة فالقلب ايه يا حسراه نتفكر كنتو في وقتي وقت تصرا جنازة الحزن ساكن دياركم كلكم وعيب يطيب الطياب فدار الميت الجيران يطيبو ويجيبو ويحطو ويرفدو وكانو دار وحدة
كنتو لما تكون جنازة فالحومة ويكون عرس محال يصونو الطونوبيلات وحتى العرس ما يندارش يحترمو حزن جيرانهم رجعتو العرس منا والجنازة منا............. ايه وين راهي يماتي وين ؟
ايه يا حسراه يا ولادي على وقتكم ووقتي كنتو يا جيران لما تتزوج الطفلة كانو بنتكم تتزوج وكامل تفرحو معاها وتجرو معاها ويتيمة تعاونوها وتستروها وولاد الجيران ولادكم مي يا حسراه على وقتي ووقتكم
كنتو يا جيران فالمناسبة نتاع المولود تخرجو الصدقات من كل دار وتوكلو الناس اللي فايتة بلا حساب واليوم شحيتو على الجار نتوما تاكلو وجاركم يشم
يا حسراه يا جيران على وقتكم من رجع الجار يطمع فجارتو من كانت الحشمة وما يرفدش عينو فيها
يا حسراه على وقتكم من كانت الجارة لو تحب جارها فالسكات محال تبين ضرك رجعت تديه وهو متزوج جارتها يا حسراه على وقتكم
إيه خلوني نروح نرقد يا ولادي
وقتي راح وولى واقعدو تتحسرو عليا تفكرو يماتي وبكو عليها وطلبو السترة من ربي على اللي جاي
هذا زمانا كان يهدر معانا ويفكرنا في وقت كانو الجيران جيران
نتمنى مشاركتي تعجبكم
رجع عايش بينهم الله يستر الكل رجعوا موسوسين 
