{مشاركتي في مسابقة يامات البركة والقعدة الزينة} للعضوة HIBA HABOUBA

[جيهان جوجو]

رد: {مشاركتي في مسابقة يامات البركة والقعدة الزينة} للعضوة HIBA HABOUBA

وعليكم السلام
مقدمة رائعة **اعجاب**
والله ايامات زمان مكانش كيفهم من بساطتهم ومن حلاوتهم من كشلي وخاصة لمة الاعراس تهبل نعاونو بعضانا بكل منقدرو علييه ويجي عرس هايل فيه البركة ونفرحو فيه كاملين و الاعياد والذوق تاعهم يهبل تلقايه يجي مرة في السنة وتحسيه يخلي واحد الشعور هايل تحسي بالسرور والفرح تنتشر فيه البهجة
يعطيك الصحة اختي على الموضوع الهايل
بالتوفيق
في امان الله
​

 

[فيتامين سي]

رد: {مشاركتي في مسابقة يامات البركة والقعدة الزينة} للعضوة HIBA HABOUBA

السلام عليكم اختي هبة
ايه بكيتيني يا مضروبة فكرتيني بالذي مضى
والله كانو الاعراس فيهم واحد البنة القاطو يطيب فالدار والزغاريت والعروسة ماشية تتكسل وتتقاش
ضرك القاطو ينجاب من برا وزيدي العروسة ما يشوفها حتى واحد ما فهمتش علاه قالك حسد وسحور وركزيلي عليها
زيدي رجعو يعرضو للصالة وروح وهنا انا راني معاهم فالحقيقة
بزاف أمور تبدلو من أهمها رجعت الوحدة لما تعرضيها للعرس تتشنف ديركت تقولي انت ديتيلها راجلها من كثرة الحسد الله يستر
شكرا موضوع جميل

وحدة بوحدة ...بكيتك و بكيتيني ..يسمى الثار يا اختاه هع هع هع هع هع
هههههه درك جاطو يجيبوبوه من برة لا بنة لا والو دايما يرميوه على باطل ...والله غير صح حتى العروسة تبقا خايفة و مشنفة العين و السحر و الحسد ...الفرحا و حرموها ياه على يامات زمان تعقلي العراس نتلمو كامل و يطب داك الفطور الله الله و البنات مداورين على العروسة و مقلشينها ...و تعرضك تقولك متجوش بزاف و متجيبيش الصغار
تعقلي في العرس كانو الصغار يحطولنا طوابلنا و الطبسي في الوسط و حنا ملمومين و الجدات حدانا .....ياه ايام متتنساش .....اسعدني مرورك اختي .....

 

[Djaouida]

رد: {مشاركتي في مسابقة يامات البركة والقعدة الزينة} للعضوة HIBA HABOUBA

وعليكم سلام ورحمة الله تعالي و بركاته
يعطيك الصحة هبة موضوع رائع بارك الله فيك
خخ فكرتونا بيمات زمان عع دوك نبكي ههه
مام حنا كانو لافامي يتلايمو باه يديرو قاطو في عيد في عرس في حج ولا عمر
تقريبا في كامل مناسبات مي دروك لا راه كل واحد يدير قاطوه وحده وراهم يدسو تقولي
دهب مشي قاطو حتي تشوفيه مناسبة
والله يمات شابين بزاف
مرسي هبة
في أمان الله ​

 

[فيتامين سي]

رد: {مشاركتي في مسابقة يامات البركة والقعدة الزينة} للعضوة HIBA HABOUBA

سلام عليكم
و الله كلام صواب صح النية راحت مع ناسها و الخير راح معاهم و بنة الاعراس و الافراح عدنا ما نشوفوهاش خلاص
المهم ربي يجيب الخير ان شاء الله
اليكي مني :regards01: و شكرا على الموضوع
بالتوفيق لك ​

و عليكم السلام و رحمة الله و بركاته
راحت النية للأسف ....صح كلشي راح بقا بروتوكول برك ...البنة راحت
امين يا رب ..ان شاء الله حنا نعاودو نرجعو هديك اللمة :d اسعدني مرورك تحياتي :thumb_up02::thumb_up02::thumb_up02::thumb_up02:

 

[فيتامين سي]

رد: {مشاركتي في مسابقة يامات البركة والقعدة الزينة} للعضوة HIBA HABOUBA

ايه صح
في زمان كان العرس عادي وكان فيه الفرح وتانيك المعاونة
ويبان عرس
وكل شيء مي دوركا عرس نتاع نهار وزيد يبعثلك انفيتاسيون في لاسال الفولانية نزيدلك تخافي تروحي الأولى و لا تخرجي الأولى يقولو جات على كرشها
صافي تروحي على جال لعشاء وخلاص هدي هي كلي رايحا تاكلي وخلاص
مام الملمات نتاع لعراس ولاو غي مظاهر وخلاصأصلا مكانش ..
وتانيك الاعياد نتاع بكري عندهم فرحة و تستنا هذاك النهار نتاع العيد يا الفطر ولا الاضحى
مي دوركا ايام عادية صح و حتى كان إحساس شباب من يقرب رمضان و حنا فرحانين درك رمضان رجع حاجة عادية و زيد الناس تلقيها ملهوفة على الماكلة
الزمان وتبدل
يعطيك الصحة
بالتوفيق لكي حنونة

شكرا حنونتي ..ربي يخليك ..
​

السلام عليكم حبوبتي هبة
وبارك الله فيك على الموضوع جميلتي
و عليكم السلام و رحمة الله و بركاته
و فيك بارك
اييه شحال توحشنا يامات بكري
ساعات لما نوضع في الدار شريط تاع اعراس بكري
ونتفرج الدمعة تجيني، كيفاه التوجاد وكيفاه التعاون
العايلة تجتمع شهر من قبل وهوما يجهزو حلويات وكلشي
الدار تتعبق بريحة الطياب الأصيل وبريحة الحلويات
تخرج للحي الشعب كامل يعرف بلي عندك عرس كي يشوفوك مهبطة صينيات الحلويات
كلشي حلو وباهي، ماش درك الحلويات يوجدوهم على برا، العرس
في لاصال، حتى الغنا بين بكري وليوم عندو حلاوتو
يعني خسارة كبيرة هادوك اليامات

خسارة كبيييرة بزاف..مبقاتش لمة و عائلة وهديك الفرحة ..كل واحد وحده ..و ادا حتى ديري لمة تلقي غير الحسد والكره

شكرا حبيبتي على الموضوع
عفواااااا
الخطا الوحيد كن بقيتي تحكي على الاعراس فقط ومادخلتيش لرمضان والعيد
باه هكا تحكمي جانب واحد على الأقل

مخي مخلط هههه لي لقيته في مخي و عقلته كامل حكيته
غير هاد الشي بوركتي غاليتي
وفيك بارك ..اسعداني مرورك
تحياتي العطرة
​

شكرا لمروركم العطر .....تحياتي

 

[فيتامين سي]

رد: {مشاركتي في مسابقة يامات البركة والقعدة الزينة} للعضوة HIBA HABOUBA

شكراا حبيبتي فكرتينا في يامات شابين بزاف
موفقة

شكرااااااااا ملاك ...ان شاء الله

 

[فيتامين سي]

رد: {مشاركتي في مسابقة يامات البركة والقعدة الزينة} للعضوة HIBA HABOUBA

يمات بكري gاع متمحاوش من ذاكرة

صح مستحيل يتناو ..ابدا ابدا ....اسعدني مرورك العطر

 

[رابح66]

رد: {مشاركتي في مسابقة يامات البركة والقعدة الزينة} للعضوة HIBA HABOUBA

السلام عليكم

أهلا بختنا هيبة الحبوبة وياماتها الزينة
والله صح رجعتي بيا لوقت فات مليح صح
حفا راكي دكرت يشحال من حاجة وكل دكرياته ماتتنساش
بصح أنا لعجبني في يامات زمانك وماتقولوش مسخاف
عجبتي كهدرتي على القاطو وديك اللمة تاعو كان عندها طعم وريحة الفرينة والسمن ماتروحش من خشومنا شحاااال
وأنا لي كلن يعجبني بزاف هداك القاطو تاع المحقن بيض مامزوق مامدجن ماوالو وبنتو والله غير نكتب وفمي ياكل عليه وكيما قلت ختي هبة ديك لحيوية والنشاط وهدي تنحي على هذي وهذي تحلف على هذي باش تريحها والفرحة عارمة
شكرا هبة يامات محلاهم الله يحلي يامك​

تقبلوا تحياتي

 

[السلطانة]

رد: {مشاركتي في مسابقة يامات البركة والقعدة الزينة} للعضوة HIBA HABOUBA

وعليكم السلام صح زمان كانت القلوب صافية والمعاونة في العراس عادي خلاص اما درك عادت لافامي تجي ضيفة

يعطيك الصحة

 

[فيتامين سي]

رد: {مشاركتي في مسابقة يامات البركة والقعدة الزينة} للعضوة HIBA HABOUBA

وعليكم السلام
مقدمة رائعة **اعجاب**
والله ايامات زمان مكانش كيفهم من بساطتهم ومن حلاوتهم من كشلي وخاصة لمة الاعراس تهبل نعاونو بعضانا بكل منقدرو علييه ويجي عرس هايل يفيه البركة ونفرحو فيه كاملين و الاعياد والذوق تاعهم يهبل تلقايه يجي مرة في السنة وتحسيه يخلي واحد الشعور هايل تحسي بالسرور والفرح تنتشر فيه البهجة
يعطيك الصحة اختي على الموضوع الهايل
بالتوفيق
في امان الله
​

و اخيييرا مقدمتي عجبت وحدة ...شكررررراا
صح كان فيهم بنة و شعور و احساس مستحيل نوصفه ....تعقلي من قبل رمضان يمات نقولو ريحة رمضان ضرك رمضان و مكانش هذيك الريحة
النفوس تغيرت و كلشي تبدل ....ربي يسترنا و يرجع يمات زمان يا رب
اسعدني مرورك حبيبتي.....اعجاب +تقيييم

 

[safouane batna]

رد: {مشاركتي في مسابقة يامات البركة والقعدة الزينة} للعضوة HIBA HABOUBA

الله غالب رانا في وقت لوكان نرجعو نطبقوا واش هدرتي يقولو علينا متخلفين ورجعيين ولا كيما تقولو جهتكم عروبية ، لازم نتبعو العصرنة على حساب هاذ الناس للأسف يامات النية ماتتعاودش وعلابيها مابقاتش بركة في وقتنا

 

[فيتامين سي]

رد: {مشاركتي في مسابقة يامات البركة والقعدة الزينة} للعضوة HIBA HABOUBA

وعليكم سلام ورحمة الله تعالي و بركاته
يعطيك الصحة هبة موضوع رائع بارك الله فيك
خخ فكرتونا بيمات زمان عع دوك نبكي ههه
مام حنا كانو لافامي يتلايمو باه يديرو قاطو في عيد في عرس في حج ولا عمر
تقريبا في كامل مناسبات مي دروك لا راه كل واحد يدير قاطوه وحده وراهم يدسو تقولي
دهب مشي قاطو حتي تشوفيه مناسبة
والله يمات شابين بزاف
مرسي هبة
في أمان الله ​

الله يسلمك حنونة ...متبكيش لالا ..دجا انا بكيت
ههههخههه والله غير صح يخافو عليه على يككل وقيلة ..ولا كل شخص يحب يعيش وحده ...يعني حنا منقولوش نعيشو مع بعض مي تكون لمات بين الحين و الاخر باش العائلة تبقا ملمومة
اسعدني مرورك اختي .ونشاله لمة العيلة ترجع من جديد

 

[فيتامين سي]

رد: {مشاركتي في مسابقة يامات البركة والقعدة الزينة} للعضوة HIBA HABOUBA

السلام عليكم

أهلا بختنا هيبة الحبوبة وياماتها الزينة
والله صح رجعتي بيا لوقت فات مليح صح
حفا راكي دكرت يشحال من حاجة وكل دكرياته ماتتنساش
بصح أنا لعجبني في يامات زمانك وماتقولوش مسخاف
عجبتي كهدرتي على القاطو وديك اللمة تاعو كان عندها طعم وريحة الفرينة والسمن ماتروحش من خشومنا شحاااال
وأنا لي كلن يعجبني بزاف هداك القاطو تاع المحقن بيض مامزوق مامدجن ماوالو وبنتو والله غير نكتب وفمي ياكل عليه وكيما قلت ختي هبة ديك لحيوية والنشاط وهدي تنحي على هذي وهذي تحلف على هذي باش تريحها والفرحة عارمة
شكرا هبة يامات محلاهم الله يحلي يامك​

تقبلوا تحياتي

الله يسلمك عمي رابح .....ياه انا قاطو تاع زمان والله غير نسخف عليه و كل حاجة قديمة فيها ديك اللمة و المحبة تجي بنينة
اه داك القاطو نعقل مرة طيبوه في متجر مع بعض و جابوه و حنا نغفلوهم و نروحو نسرقو هههههههه من كترة منشبعوهش
...صح كانت النية مكانش الحقد هداك كل واحد يخمم في حبابه كثر منه
يااااه يمات هايلين ...ان شاء الله حنا نرجعو هديك اللمة و القعدة الحلوة و يامات الزبنة
امين يا رب ..اجمعين