بِسْم الله الرَّحْمَن الرَّحيم
الله الله على ايامات الطفولة وعادتنا تاع بكري تريح النفس ماشي كيما درك وراها انقرضت هذيك العادات بنسبة 99 بالمية مي راها مزالها متسجدة في عقولنا وذاكرتنا
نرجعو للموضوع
كل شخص مهما كان كبير صغير كانت عندو ذكريات وطفولة مليحة من تقاليد وعادات ياسر وعشناها وسجلناها في ذكرايتنا وحتى لو انقرضت درك مزالها في عقولنا منقدروش ننساوها مهما يصير غينتفكرها مرة نضحك وفي نفس الو تجيني بكية مع الضحكة من شدة الاعجاب بيها ومنها مللي كنا انا وخوتي لصغار نروحو لماما في الليل ومنقدروش نرقدو حتى لتحكيلنا 2 حكايات ولا كثر ونحبوها وبعدها نرقدو وغينضودو نوضو على حنانها ودفئها ووايامات بكري نلعبو في الشارع لعبة الغميضة ولامارين ممكن متفهموش كلمة لامارين هي بلهجتنا بصح منعرفش واش تقولولها انتوما ونلعبو لعبات يااااسر ....ومن كنا حنا لصغار بكري نلعبو في الشارع وحتى اذا دوسنا ولا هكذا منطولوش وفي ليلتها نرجعو لبعضانا كانت النية صافية بيناتنا وذكرت ثاني من كنا صغار غينخرجو من ليكول نتفرجو الرسوم في قناة سبيستون ونموتو عليييها كي ابطال الكرة وسنديبال والقط والفار وسالي عدنان ولينا شحال نبغوهم ....ايامات زمان وين راحو وثاني نهار اللي نروحو فيه لدار جدي نحلم بهذاك اليوم اللي نروحو فيه قبل ميجي غدوى باش نروحو وزيد غينتلاقاو اخوالي وخالاتي اممممم شحال لمة تهبل نعقلها خالتي وجداتي يجمعونا فوق زربية وبساط ونريحو في وسط الدار ويطفو الظو ويبداو يحكولنا ااااااااه وخاصة مرات حكايات الرعب وحكايات العجوزة الشريررة والغولة والطامة هاهاهااهاها قبضتني ضحكة
منقدروش نرقدو من الخوف وثاني غيهبطنا جدي للاكاف وين يقعد هو وهو راه مجاهد يحكيلنا واش كان يصير بكري في دزاير واش دارت فرانسا ووهوما المجاهدين واش يديرو غيعذبووووووهم اووووووه ايامات زمان ووثاني نهار االي نجملو فيه العائلة كاملة ونطبلو بالدربوكة .ونهار اللي نجملو فيه جيران الحومة ونديرو معروف ونديرو التشيشة في وقت الضحى والقهوة والطمينة في العشية وايامات العيد شحال نبغيهم تتجمع كامل العائلة ويعايدو بعضاهم ويديرو غذا مع بعضاهم متعاونين وهوما فارحين و بنية صافية ونصورو كامل كل عام باش تبقى ذكرى ونتفكروها العام الجاي والعام اللي وراه وهكذا ...
وثاني عندنا في المناسبات الدينية مثلا عاشوراء يديرو مجموعات وينظفو المقابر وطرقات الشوارع من النفايات والاوساخ ويتمعو الاطفال وينظفو الحي تاعهم وهوما فرحانين اللي يبغو يساعدو الناس المحتاجة بالزكاة والصدقة حسب كل شخص واش عندو ونديرو للطفال الصغار في عيونهم لكحل وثاني في اي مناسبة لازم نديرو اكلة الشخشوخة مع اللحم ونتجملو عليها وفي رمضان ويا رمضان اللي نبغووووه كامل ونحضرولو حسب قدرتنا وواش عندنا مثلا حنا عندنا رحايات صغار تلقاها تقريبا في البيوت الغرداوية نرحو بيها القرطوفة والدقيق والتشيشة .الراس حانوت ندوسو كل واحد يقول انا اللي نروح نرحي ذيك وذيك .. و غيكمل طياب الفطور نذوقو بعضانا دائما والمطلوع تقريبا دائما نديروه في رمضان هو والحريرة لان نحسوهم رئيسين في الطابلة .وبعد الفطور في رمضان نديرو لاتاي والقلب اللوز والمكسرات هاذ الحوااايج ونتلمو عليهم تجي لمة تهبل مع الجيران وخاصة السحور اللي نبغيييييه وقتو يعجبني يكون مع العايلة كاملة وهي فرحانة
. عندكم لنعستو ونتوما تقراو ....مي الخير لقدام في العقل هاهاههاهاهاهاها ذكريات لن تنسى
لو ترجع بيا ايام زمان على ذكرى ساعات فى حياتنا زمان
عايشين نتمنى يوم من العمر اللى فات
ونعيش مع ناس كانوا اغلى الناس
وياريت لو ترجع بينا اجمل الذكريات
في امان الله :regards01:
آخر تعديل:
