موضوع للنقاش .......بين الزواج التقليدي و الزواج عن حب

[ام أمينة]

السلام عليكم و رحمةالله تعالى وبركاته


حبييت ناقشكم في موضوع جا على بالي


اولا نعرفكم على الزواج التقليدي لي هو اهل العريس يشوفولو طفلة في عرس او في اي مكان و يميزوها بلي رايحة تناسب وليدهم او ان وليدهم شاف وحدة لاكن ما هدرش معها يبعث دارهم يتقدمو يخطبوهالو و اي واحد من العائلة خالة عمة شايفي كاش طفلة تناسب واحد من العائلة

و كان الزواج عن حب لي هي تكون علاقة حب بين اثنين و تنتهي بالزواج

سؤالي للمتزوجات كيفاش تزوجتي عن حب او تقليدي؟؟ و الا راهي مرتاحة و مهنية

اما المخطوبات ايضا يقولولنا اتخطبو تقليدي او عن حب؟؟؟

و للعازبات كيففاش تتمني تتعرفي على شريك حياتك؟؟؟


ان شاء الله الكل يشارك و نستفادو من بعضانا
تحياتي للجميع
​

 

[بنقابي افتخر]

رد: موضوع للنقاش .......بين الزواج التقليدي و الزواج عن حب

اولا نشكرك على الموضوع القيم
زواجي بين تقليدي وعن حب
لانو وليد خالتي وشافني وحبني وخطبني دون اي علاقه مسبقه هدا تقليدي
والحب جا من بعد الخطبه من طرفي لاني ماكنت دايراتو في الحساب ومايروحش فكركم لبعيد خخخخ
خطبني ومن بعد تمت الحكايات ومن بعد حبيتو وتعلقت بيه
والحمد لله متهنيا وبالنسبه لوجهة نظري نحب التقليدي لي يحبها ويروح يرسل والديه يخطبوها ام الحب والعلاقات ومن بعد الزواج لا لا ما تجينيش وكذالك هوما يختاروها لا لا سبحان الله بلاك مايصراش توافق على الاقليكون شايفا ومختارها

 

[ام أمينة]

رد: موضوع للنقاش .......بين الزواج التقليدي و الزواج عن حب

اولا نشكرك على الموضوع القيم
زواجي بين تقليدي وعن حب
لانو وليد خالتي وشافني وحبني وخطبني دون اي علاقه مسبقه هدا تقليدي
والحب جا من بعد الخطبه من طرفي لاني ماكنت دايراتو في الحساب ومايروحش فكركم لبعيد خخخخ
خطبني ومن بعد تمت الحكايات ومن بعد حبيتو وتعلقت بيه
والحمد لله متهنيا وبالنسبه لوجهة نظري نحب التقليدي لي يحبها ويروح يرسل والديه يخطبوها ام الحب والعلاقات ومن بعد الزواج لا لا ما تجينيش وكذالك هوما يختاروها لا لا سبحان الله بلاك مايصراش توافق على الاقليكون شايفا ومختارها

الله يبارك كان معينك من زمان
انا هادوما لي يعجبوني سواءا كان زواج تقليدي ام على حب يجي من الباب و يقصد الاهل ماشي يبقى يدور و يجيب السبايب و يخلي بنت الناس تجري معاه

ربي يهنيك اختي
نورتي موضوعي
​

 

[آمِيْرَتُه]

رد: موضوع للنقاش .......بين الزواج التقليدي و الزواج عن حب

السلام عليكم

شكرا على الموضوع

علاقتي بين التقليدي و الحب كيما قالت الأخت لي قبلي
كان صديقي ' مش علاقة مصاحبة نتاع الحب وووو ' يعني كنت نعرفه بعدها صارحني أن حاب يخطبني إذا راني موافقة منكذبش عليكم كنت نحبه و مخبية في قلبي هههه
بلا ما نخمم قلت واه فجاء و خطبني و كبر حبنا فلهذا زواجنا راح يكون في الوسط
و الحمد لله في هذي ساعة متهنية و معنديش مشاكل معاه و ربي يهنينا و يهني كل الوليات

 

[zohor kfz]

رد: موضوع للنقاش .......بين الزواج التقليدي و الزواج عن حب

للعازبات كيففاش تتمني تتعرفي على شريك حياتك؟؟؟
حابة يكون زواجي تقليدي و اكيد مكانش اي واحد يجبرني اذا نوافق ام لا ... المهم يجي لدار في الاول و من بعد يبان دون اي ضغط

 

[ام أمينة]

رد: موضوع للنقاش .......بين الزواج التقليدي و الزواج عن حب

السلام عليكم

شكرا على الموضوع

علاقتي بين التقليدي و الحب كيما قالت الأخت لي قبلي
كان صديقي ' مش علاقة مصاحبة نتاع الحب وووو ' يعني كنت نعرفه بعدها صارحني أن حاب يخطبني إذا راني موافقة منكذبش عليكم كنت نحبه و مخبية في قلبي هههه
بلا ما نخمم قلت واه فجاء و خطبني و كبر حبنا فلهذا زواجنا راح يكون في الوسط
و الحمد لله في هذي ساعة متهنية و معنديش مشاكل معاه و ربي يهنينا و يهني كل الوليات

الله يبارك اختي
صح للاسف درك رانا نشوفو يصاحبها على اساس حبيبته و يطمعها فالزواج ثم يعمل معها .................... و من بعد يرميها و كي تقولو علاه يقولها لي جا يديك انتي
و كاين لي كيما حالتك ماشاء الله يخاف عليها و يصونها حتى يديها لدارو
كيما قلتي ربي يهني كل الوليات و يهنيك انتي ثاني
نورتي موضوعي
​

 

[ام أمينة]

رد: موضوع للنقاش .......بين الزواج التقليدي و الزواج عن حب

للعازبات كيففاش تتمني تتعرفي على شريك حياتك؟؟؟
حابة يكون زواجي تقليدي و اكيد مكانش اي واحد يجبرني اذا نوافق ام لا ... المهم يجي لدار في الاول و من بعد يبان دون اي ضغط

ان شاء الله ربي يبعثلك ولد الحلال و يهنيك معاه
و تولي تجي لركن العرائس تستفسري ان شاء الله
نورتي موضوعي
​

​

 

[السلطانة]

رد: موضوع للنقاش .......بين الزواج التقليدي و الزواج عن حب

وعليكم السلام
شافني ومن اللول حب الزواج
عطيتو وقت وعطيت لنفسي وقت فكرت في الأمر لأنو ماش ساهل القبول مباشرة
وبعدها قبلت
زواج عن حب بطريقة تقليدية
بارك الله فيكِ
​

 

[ام أمينة]

رد: موضوع للنقاش .......بين الزواج التقليدي و الزواج عن حب

وعليكم السلام
شافني ومن اللول حب الزواج
عطيتو وقت وعطيت لنفسي وقت فكرت في الأمر لأنو ماش ساهل القبول مباشرة
وبعدها قبلت
زواج عن حب بطريقة تقليدية
بارك الله فيكِ
​

مليح كي عطيتو الوقت لرواحكم
هاذاك هو التفكير السليم
ربي يهنيك حنونة
نورتي موضوعي
​

 

[ام أمينة]

رد: موضوع للنقاش .......بين الزواج التقليدي و الزواج عن حب

سقسيتكم باش ناقشو ما حكيتش على نفسي
انا شافني مع بنت اختو كانت زميلة ليا و هو كلمها و هي قاتلي قلتلها نخمم و نرجعلك خبر
كي خممت قلتلها انا ما نهدر معاه ما نخرج معاه يجي ديراكت للدار و من يبان كلش
كيما كان الحال بعد 15 يوم جاب اهلو و تعرفنا
الى ان تم زواجنا
​

 

[¬Đỉaмơŋđ ✿]

رد: موضوع للنقاش .......بين الزواج التقليدي و الزواج عن حب

وعليكم السلآم ورحمة الله تعآلى وبركآته

أنا صراحة نتمنى تكون العلاقة تقليدية
والحب بيناتنا يجي في فترة الخطوبة أو بعد الزواج.
على خاطر نشوف فالزواج التقليدي الأنجح ويكون الإستقرار فيه أكثر

"ربي يهنيكم كامل"
​

 

[SAMARA 02]

رد: موضوع للنقاش .......بين الزواج التقليدي و الزواج عن حب

أنا نفضل الزواج التقليدي لانو هو لي يستمر اكثر
اما الزواج عن حب لا اتناسب معه
لانو الحب اكيد رح يجي بعد الخطوبة​

 

[ام أمينة]

رد: موضوع للنقاش .......بين الزواج التقليدي و الزواج عن حب

وعليكم السلآم ورحمة الله تعآلى وبركآته

أنا صراحة نتمنى تكون العلاقة تقليدية
والحب بيناتنا يجي في فترة الخطوبة أو بعد الزواج.
على خاطر نشوف فالزواج التقليدي الأنجح ويكون الإستقرار فيه أكثر

"ربي يهنيكم كامل"
​

كل واحد و عندو رأي خاص بيه و انا عجبني جدا الطريقة التي تودين التعرف بيها على شريك حياتك
ربي يرزقك الزوج الصالح و يهنيك معاه

نورتي موضوعي ​

 

[ام أمينة]

رد: موضوع للنقاش .......بين الزواج التقليدي و الزواج عن حب

أنا نفضل الزواج التقليدي لانو هو لي يستمر اكثر
اما الزواج عن حب لا اتناسب معه
لانو الحب اكيد رح يجي بعد الخطوبة​

هذه وجهة نظرك و انا معكي
و كاين بزاف زواجات و صلحو مثلا فالنت او في مكان العمل او من اول نظرة ...........و هاد الحب هو لي يوصل الطرفين الى الارتباط و العيش مع بعض مدى الحياة

نورتي موضوعي ​

​

 

[ندى الشاوية]

رد: موضوع للنقاش .......بين الزواج التقليدي و الزواج عن حب

موضوع رائع
وطرح مميز ... انا صراحة ما نخممش في الموضوع بزاف بيسك مازلت صغيرونا ههههههاو قدامي الباك قبل ومبعد الجامعة ووو....لكن والله شخصيا ضد الحب ... ماشي الحب العفيف الطاهر راني نهدر على حنونتي وحنوني .... انا ضد هذه الفكرة تماما بالنسبة ليا لي يحب طفلة يخاف عليها من هدرت الناس ومن نفسو حتى لانو النفس امارة بالسوء انا نفضل كزن واحد ينويني للحلال يقدم لاهلي ومبعد هذيك الفترة قبل الزواج ما نكونش خايفة ولا حشمانة كي نهدر معاه ونتعرف عليه مليح ومام نحبو كيما نقولو حنا قدام ربي وعبادو
انا هذا رايي الشخصي
تقبلو مروري​

 

[فوفو الجميلة]

رد: موضوع للنقاش .......بين الزواج التقليدي و الزواج عن حب

موضوع رائع شكرا على الطرح سبقتيني كنت راح نحط حتى انا موضوع مشابه لتاعك انا من قبل كنت نفضل الزواج التقليدي و ربي مدلي على قد قلبي الانسان الي جاء خطبني باباه صديق لبابا المقرب كانوا متفاهمين و انا مازلت في كرش ماما و قلوا اذا جاتك طفلة راهي ليا و اذا جاء طفل تمدلك بنتي كيما نجيب طفلة شوية جيت بنت و الحكاية عندها 21 سنة و نهار عيد ميلادي جاو خطبوني و هذاك النهار كيما زدت جاء صديق بابا مع بابا لسبيطار و فالوا واش طفلة و الا طفل قلوا مالا بنتك راهي ليا و ان شاء الله نزيد ندير عرسي نهار ميلادي باه نتهنا المهم جاء شافني و شفتوا عجبنا بعضانا و ربي يهني بناتنا و خواتاتنا ان شاء الله.

 

[ام أمينة]

رد: موضوع للنقاش .......بين الزواج التقليدي و الزواج عن حب

موضوع رائع
وطرح مميز ... انا صراحة ما نخممش في الموضوع بزاف بيسك مازلت صغيرونا ههههههاو قدامي الباك قبل ومبعد الجامعة ووو....لكن والله شخصيا ضد الحب ... ماشي الحب العفيف الطاهر راني نهدر على حنونتي وحنوني .... انا ضد هذه الفكرة تماما بالنسبة ليا لي يحب طفلة يخاف عليها من هدرت الناس ومن نفسو حتى لانو النفس امارة بالسوء انا نفضل كزن واحد ينويني للحلال يقدم لاهلي ومبعد هذيك الفترة قبل الزواج ما نكونش خايفة ولا حشمانة كي نهدر معاه ونتعرف عليه مليح ومام نحبو كيما نقولو حنا قدام ربي وعبادو
انا هذا رايي الشخصي
تقبلو مروري​

ربي ينجحك فالباك صح شوفي في قرايتك اولا و الزواج يجي يجي
يا اختي كاين حب من حب كاين الحب الطاهر لي يخلاص بتكوين اسرة و كاين حب اخر وراه ................بلا ما نذكر خير
صح لي ينوي الحلال كاين الدار و يدخل من الباب ماشي يتخبى كي الذيب يطمع بالزواج و يدي وش يحب و يروح ................
ربي يرزقك بالزوج الصالح بعد الدراسة طبعا و يهنيك معاه
نورتي موضوعي
​

 

[ام أمينة]

رد: موضوع للنقاش .......بين الزواج التقليدي و الزواج عن حب

موضوع رائع شكرا على الطرح سبقتيني كنت راح نحط حتى انا موضوع مشابه لتاعك انا من قبل كنت نفضل الزواج التقليدي و ربي مدلي على قد قلبي الانسان الي جاء خطبني باباه صديق لبابا المقرب كانوا متفاهمين و انا مازلت في كرش ماما و قلوا اذا جاتك طفلة راهي ليا و اذا جاء طفل تمدلك بنتي كيما نجيب طفلة شوية جيت بنت و الحكاية عندها 21 سنة و نهار عيد ميلادي جاو خطبوني و هذاك النهار كيما زدت جاء صديق بابا مع بابا لسبيطار و فالوا واش طفلة و الا طفل قلوا مالا بنتك راهي ليا و ان شاء الله نزيد ندير عرسي نهار ميلادي باه نتهنا المهم جاء شافني و شفتوا عجبنا بعضانا و ربي يهني بناتنا و خواتاتنا ان شاء الله.

لم انتبه لموضوعكي اختي
الف مبروك اختي ربي يهنيك ان شاء الله يتسمى زواجك تقليدي ربي يكمل بالخير ان شاء الله
نورتي موضوعي
​

 

[فيتامين سي]

رد: موضوع للنقاش .......بين الزواج التقليدي و الزواج عن حب

انا مع التقليدي
بالنسبة ليا تقليدي علاش ؟؟
اول حاجة يكون احترام جامي يهينك بالماضي
يكون ثقة و حب طاهر ماشي تخرجي معاه 10سنين لالا
و الحب يجي بعد الخطوبة اكيد اما قبل كدب في كدب
ربي يرزفنا بولاد الحلال

 

[ام أمينة]

رد: موضوع للنقاش .......بين الزواج التقليدي و الزواج عن حب

انا مع التقليدي
بالنسبة ليا تقليدي علاش ؟؟
اول حاجة يكون احترام جامي يهينك بالماضي
يكون ثقة و حب طاهر ماشي تخرجي معاه 10سنين لالا
و الحب يجي بعد الخطوبة اكيد اما قبل كدب في كدب
ربي يرزفنا بولاد الحلال

صح راني معاك فيما قلتيه
مي كاين لي يحبو يديرو حد لهاداك الحب بارتباطهم و زواجهم و العيش معا
ربي يرزقك بولد الحلال
نورتي موضوعي
​