طفولتك أيها العضو/ة اللماوي تحت عدساتنا(العدد الثاني حكيم ستوري)

[Hakan]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

اهلا بك اخي في صفحات الطفولة

هل كنت مشاغبا
لا لا ما كنتش مشاغب انا كنت عااقل وانسان حشام
وطفل مدلل خخخ :d
هل قضيت كل فترت طفولتك او تحملت المسؤلية مبكرا
ياي الحمد لله الطفولة لعبت حتان كرهت مني الطفولة وقاتلي ياو اكبر شويا والحمد لله
المسؤولية حكمتها في فترة المراهقة
ماهي رسومك المتحركة التي كنت تحبها
امم انا كنت نحب قناة كاملة نتاع رسوم متحركة مي كنت نحب الرسومات نتاع الابطال
كيما ابطال الديجيتال وبوكيمون
وزيدي رسومات الخاصة بكرة القدم الكابتن ماجد ورابح وشامل
وهل لازلت ترى بعضا منها
هل سبق وان قلدت المحقق كونان في المنزل
خخخخ لحد الآن نتفرج بصح ماشي نتاع بكري رانا طورنا شويا كاين انيم خاص بالبالغين نتفرجهم
ماش نتاع اطفال اقل من 18 سنة :graduation:
المحقق كونان تفرجتو حتى كرهت منو وماحبش يكبر انا
راني كبرت وهو مازال صغير ما نقلدو ما يقلدني يروح يكبر برك على روحو خخخ :tongue02:

لي عودة​

الله الله يبارك هاو تعلمو من ختكم يابتاع المدارس
اهلين فيك عقيدة ياسمين هلا ولا حيا اله ايه ولا لعيونك هالرقبة سدادة وبتمون عليا والله
نرجعو للاسئلة وراني جاوبت في الرد شكرا ختيتو ربي يهنيك ..

 

[Hakan]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

هل كنت من الأطفال الذين لا يشاركون العابهم
​

نونو حبيبتي انا نشارك العابي ونب الالعاب الجماعية
ديا الدراجة نتاعي كسروهالي غير هوما اولاد عمي وجيراني ههه
راني حالف فيهم من هذاك النهار
لا كاين مرات حتى كنت كي يعطيلي الوالد نشري لصاحبي لعبة وانا لعبة
ما عنديش مشكل ..:love01:​

 

[Hakan]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

أهلا وسهلا بك أخي

-عمرك كليت التراب كي كنت صغير ؟ (بيناتنا انا كنت نموت عليه ههههههه حتان عطاوني عليه طريحة :d)

هيهاي التراب انا كنت نموت عليه خاصة هذاك اللي يكون غير كيما قاسو المطر
ياي جيبيي الشيكولة وما نبدلوش وزيد الحصة الصغيرة نموت عليها بزااف تقول راني ناكل في الحلوى ولاا الكوكاو
-كاش نهار درت طوايش كحلة مع شي واحد كبير وأنت صغير ؟
وي وي اذا قصدك بالطوايش كنت انا ووليد عمي نرفدو التيليفون نتاع جدي ونعيطو للاسعاف للشرطة ههه
شحال من مرة يجيو وجدي بيه مجااهد يقلهم راهم غير الاطفال ما ديروش عليهم هههه
الشجارات
كنت غير انا ووليد عمي نتقابضو منين ذاك والمشكل هو كبر مني ونهار نغلبو يعضني
تقول مصاص دمااء :-o
-كاش نهار عطاتك يماك طريحة كحلة على خاطر عملت عملة كحلة
؟

نونو ختي امي مسكينة ما توشينيش ابدا لعدة اسباب واهمها انو جداتي الله يرحمها
ام الوالد كانت تتقابض معاها لوكان تعيط عليا هههه ياي نفرح لانو جداتي كانت تتشاجر غير على جالي الله يرحمك منا ربيحة
كانت تعشقني بجنون لدرجة انو منين شفيت وانا نرقد عندها حتى الثالثة ابتدائي داها ربي سبحانو
​

اهلا اهلا بالاخت ام ياسمين
اممم انت تفهمي ههه ربي يهنيك وزيديي اسئلة
سنون نعيط لياسمين ونقلها ديرلك اضراب في الرحم خخخخ
ربي يكون في العون ان شااء الله :d​

 

[Hakan]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

سلام
خخخخخ شكون راه هنا ههههههه مرحبا بيك خويا حكيم ان شاء الله الاعضاء يكلحوك ههههههه
نتمني لك إقامة ممتعة ..... ومن بعد نولي نمنشر غاية ههههههه

اهلا جويدة ههه اضحكي اضحكي ياي انا مخدوم للاسئلة ما عنديش مشكل هات برك وما ما يكرهوش برك شكرا ختيتو ننتظر العودة نتاعك ​

 

[أم منيــــــر]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

اهلا بولد اختي حكيم
مرحبا بيك
نقدم لك بعض الهدايا
هادي مجموعة نتع حلوى باش تتفكر صغرك
مع كاس حليب

من بعد نرجع بالاسئلة نتاعي
وجد روحك:p
​

 

[الحلم الوردي]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

اهلا بيك
راني وليت
الميكيات الي تحب تتفرجهم
كي تشوف ميكي كنت تبكي ؟
واش الالعاب الي كنت تلعبهم وانت ضغير
كنت تلصق في باباك حتى يديك
لي عودة ان شاء الله
​

 

[أم الأولاد]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

اهلا وسهلا بك من جديد هل كنت تصيد العصافير وانت صغير ؟
حيوان كنت تحبه وتتمنى الحصول عليه ؟

هل تمنيت في طفولتك ان تصبح بيطريا في الكبر ؟

 

[Hakan]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

اهلا بولد اختي حكيم
مرحبا بيك
نقدم لك بعض الهدايا
هادي مجموعة نتع حلوى باش تتفكر صغرك
مع كاس حليب

من بعد نرجع بالاسئلة نتاعي
وجد روحك:p
​

اهلا بيك خالتو ربي يجازيك ان شااء الله على هاته المائدة الشهية
انتظر عودتك ​

 

[Salah eddin]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

السلام عليكم
واش خويا حكيم .؟ لا باس ؟
مباشرة الاسئلة:
كاش نهار خدمت رورمة و سقتها في حدرة؟
كاش نهار بعت الحمص و الكوكاو؟هههه
كاش نهار خذبت طريحة من عند واحد كنت حايب روحك تغلبوا ؟ههه
ههههه ايا و بالعافية
و السلام عليكم

​

 

[Hakan]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

اهلا بيك
راني وليت

اهلا بيك ومرحبتين
الميكيات الي تحب تتفرجهم
كي تشوف ميكي كنت تبكي ؟
وي كاين ميكيات بكاوني خاصة في الحلقات الاخيرة ما نحكمش روحي من البكي
ههه ياي من صغري رمنسي وحنين ما نعرف علاه
واش الالعاب الي كنت تلعبهم وانت ضغير

كنت نلعب مع الاولاد و مع البنات خاصة خالاتي كنت نقصر معاهم في كل شيء
باسكو هوما قراب ليا في السن وجدي اب الوالدة كان في ذاك الوقت ما عندوش الذكور يستما كنت انا الذكر الوحيد وهما خواتاتي تانيك
لانو رضعت معاهم ياي قصة كبيرة المهم انا لعبت كل شيء
سواء العاب بنات ولا اولاد
كنت تلصق في باباك حتى يديك

ياحسراه على الاب نتاعي ياي هو كان يحب يديني من صغري
يفتخر بيا كنت نعرف نحكي الفرونسي قبل لا ندخل الابتدائي
وكان يفتخر بيا عند صحابو
ياي القهاوي نتاعو نعرفهم كاامل وبلا ما نقولو هو وحدو يديني
كنت حتى نروح معاه لسفرات العمل كيما كان يروح لوهران وبشار
غير انا وهو الحمد لله على هذي النعمة
لي عودة ان شاء الله
​

ربي يهنيك اختي ويجازيك اوكي راني نستنى ​

 

[Hakan]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

اهلا وسهلا بك من جديد هل كنت تصيد العصافير وانت صغير ؟

خخخ انا كنت نصيد الحمام ماشي العصافير انا ووليد عمي وكنا نطيبوهم وحدنا وناكلهم
خخخ ناكلو في الجيفة من صغرنا والعصفور ما يشبعش بصح بيناتنا بنتهم هايلة ..

حيوان كنت تحبه وتتمنى الحصول عليه ؟

اممم من بكري كنت نحب الحصان وان شااء الله نشري فرس اذا تيسرت الامور

هل تمنيت في طفولتك ان تصبح بيطريا في الكبر ؟
نو جامي خممت نكون بيطري اصلا ما كنتش نعرفو هههه
ولكن الحمد لله راني عرفتها مليح مليح ضركا

شكرا نجومة ربي يهنيك ​

 

[الحلم الوردي]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

الله يبارك
انت كنت طفل عاقل ولا مشاغب
هد الميكيات
واش كانو يعنولك
نبداو بعبقور

وتاني النمر المقنع

وثالث كابتن ماجد

هدوما ولي عودة
​

 

[الحلم الوردي]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

حالياً الأعضاء النشيطين الذين يشاهدون هذا الموضوع:

3 (3 عضو و 0 ضيف)

هذا سيلفي للذكرى يبقى

‏ملكة زمــآني, ‏لؤلؤة قسنطينة, ‏hakim story
​

 

[Hakan]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

السلام عليكم
واش خويا حكيم .؟ لا باس ؟

والله بخير تعبان من السفر برك
مباشرة الاسئلة:
كاش نهار خدمت رورمة و سقتها في حدرة؟

وي خدمتها وكانت رورمة رباعية الدفع وفيها شاطمات ملاح والسرعة نتاعها 25 ميل في السااعة ههه طبعا اذا كان سطح الانزلاق
موافق لقوة الاحتكاك بالرورمات ههه
كاش نهار بعت الحمص و الكوكاو؟هههه
بعت الحمص والكوكاو والماييز وفي القرطاس وفي الصطاد نتاع عين وسارة ههه
تجارة مربحة عندي 20 دج فائدة لكل يوم كنت طفل اعمال ههه
كاش نهار خذبت طريحة من عند واحد كنت حايب روحك تغلبوا ؟ههه
لا جامي الطريحة الوحيدة كانت من واحد صاحبي
هو اللي غدرني ضربني طول على العين
بصح من بعد جبت حقي نورمال
ههههه ايا و بالعافية
و السلام عليكم

​

ههههه اسئلة نتاع واحد جلفاوي حر ربي يهنيك خويا

 

[Hakan]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

الله يبارك
انت كنت طفل عاقل ولا مشاغب
هد الميكيات
واش كانو يعنولك
نبداو بعبقور

وتاني النمر المقنع

وثالث كابتن ماجد

هدوما ولي عودة
​

هاذو الميكيات ما عدا عبقور كاامل نحبهم خاصة خاصة الكابتن مااجد يما عييت نقلد الحركة الاكروباتية نتاعو
ساعات كنت كي نديرها نتفكر زعما كيما هو ونجيبها في راسي ههه
ربي يهنيك ختيتو ​

 

[Salah eddin]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

ههههه اسئلة نتاع واحد جلفاوي حر ربي يهنيك خويا

الله يحفظك يا خويّي
خويي و ليس خويا
هههه
راك عارف هدرتنا
ههه
المهم ربي يوفقك و بالعافية
السلام عليكم
:regards01:
​

 

[ضآحكة مستبشرة]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

السلام عليكم
اهلا بيك في هاذ القعدة الزينة

باين بلي طفل عاقل و خاطيه المشاكل

- واش كنت تحب تاكل كي كنت صغير ؟
- كنت تقرا في الجامع ؟
- وقتاش تعلمت الصلاة في طفولتك ؟
- وشكون كان قدوتك مين انت طفل ؟
- واش كان حلم حياتك ؟
- عمرك درت مشكل لداركم ولا تضاربت مع الاولاد ؟
- واش هو الميكي لي كنت تحب و مازلت حتى اليوم ؟
- واش هو اول رسوم شفتوا و اثر فيك ؟
- شخصيتك كي كنت صغيرون ؟

هذاو يكفو

ايا ابقاو على خير​

 

[لؤلؤة قسنطينة]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

السلام عليكم
راني نشوف ماشاء الله الاعضاء راهم متهليين فيك
أول سؤال نطرحو "لي عودة ان شاء الله " :d
غير نضحك هههه، والله هاد الاخوة سؤال ماخلاوهولنا نطرحوه
خليولنا شوي معاكم ههه
هيا نطرحو عليك شوي اسئلة
ماهي اكثر حاجة درتها في صغرك ومازالو للآن يعايروك بيها :d
هل مازلت تحتفظ بأحد ألعابك للآن وناوي تقدمها لولادك ان شاء الله؟
كي كنت صغير كانو يلقبوك ويسميوك بإسم غير اسمك؟؟ ولا حكيم من الصغر حتى الكبر؟
ونتا طفل صغير واش كانو أجمل واروع احلامك؟؟
نكتفي بهاد القدر ونطرح السؤال المحبوب " لي عودة بإذن الله" هههه
تحياتي
​

 

[Hakan]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

السلام عليكم
اهلا بيك في هاذ القعدة الزينة

اهلا بيك ختي اسمااء

باين بلي طفل عاقل و خاطيه المشاكل
الحمد لله على نعمه

- واش كنت تحب تاكل كي كنت صغير ؟
اممم كنت ناكل كل شيء ما عنديش اكلة معينة
- كنت تقرا في الجامع ؟
ايه كنت نقرى لكن غير في الصيف لكن كي طلعت للمتوسط
التزمت بالدراسة شتاء وصيفا لانو الشيخ كان عمي ربي يحفظو ان شااء الله
- وقتاش تعلمت الصلاة في طفولتك ؟

امممم الصلاة تعلمتها صغير مي المحافظة عليها غير قولي بعد المتوسط

- وشكون كان قدوتك مين انت طفل ؟
خخخخ ماكنتش نخمم في القدوة كنت نسمع رسول الله قدوتنا لكن ما كنتش فاهمها

- واش كان حلم حياتك ؟
حلم حياتي هو السعادة
اما اهدافي كنت نحب نقرى طبيب لانو الوالد كان دايما يقلي الطبيب

- عمرك درت مشكل لداركم ولا تضاربت مع الاولاد ؟
لا الحمد لله قلال بزااف بالاك ما يتحسبوش طول ما نديرش مشاكل معروف بلي عااقل

- واش هو الميكي لي كنت تحب و مازلت حتى اليوم ؟
امم الميكيات اللي نعاود نتفرجهم لضرك بوكيمون
آخر مرة عاودت الشبح
هذوما فقط
- واش هو اول رسوم شفتوا و اثر فيك ؟
اممم والله ماني عااقل مي نضن ريمي هي اللي قاستني بكاتني
مسكينة
- شخصيتك كي كنت صغيرون ؟

كنت طفل مدلل باتم معنى الكلمة عااقل ما نديرش مشااكل
محبوب من قبل الجميع والحمد لله على فضله
هذاو يكفو

ايا ابقاو على خير​

ربي يجازيك ختي ويهنيك بالتوفيق ليك

 

[Hakan]

رد: طفولتك أيها العضو/ة اللماوي تحت عدساتنا(العدد الثاني حكيم ستوري)

السلام عليكم

وعليكم السلام
راني نشوف ماشاء الله الاعضاء راهم متهليين فيك
الحمد لله راهم يديرو في الواجب
أول سؤال نطرحو "لي عودة ان شاء الله " :d

خخخ ان شااء الله
غير نضحك هههه، والله هاد الاخوة سؤال ماخلاوهولنا نطرحوه
خليولنا شوي معاكم ههه
هيا نطرحو عليك شوي اسئلة
ماهي اكثر حاجة درتها في صغرك ومازالو للآن يعايروك بيها :d
ممم مكانش حااجة يعايروني بيها مي منين كنت صغير كنت شويا مدور الشكل
عمي المهبول كان يقلي : حبزلم على واحد الممثل مصري وقيلا
هل مازلت تحتفظ بأحد ألعابك للآن وناوي تقدمها لولادك ان شاء الله؟
جاامي احتفظت بحااجة كل شيء للاحتراق والمهملات ما نخليش ذكريات
كي كنت صغير كانو يلقبوك ويسميوك بإسم غير اسمك؟؟ ولا حكيم من الصغر حتى الكبر؟
لا حكيم من صغري الا عمي يحب يتمسخر بيا
ونتا طفل صغير واش كانو أجمل واروع احلامك؟؟

اممم كانت احلامي طفولية لا تتعدى واش نشوفو في الرسوم المتحركة ساعة نحب نكون لاعب كرة قدم
ساعة نكون بطل اسطوري
ساعة نحب نكون دااعية مي كنت نحلم نكون طبيب والحمد لله حققنا هذا الحلم
نكتفي بهاد القدر ونطرح السؤال المحبوب " لي عودة بإذن الله" هههه
تحياتي

​

ربي يهنيك اختي انتظر عودتك