طفولتك أيها العضو/ة اللماوي تحت عدساتنا(العدد الخامس) أم ياسمين

[السلطانة]

رد: طفولتك أيها العضو/ة اللماوي تحت عدساتنا(العدد الخامس) أم ياسمين

• *سلام عليكم
  *شكرا على اجابتك المميزة و قد عدت من جديد ههه :love01:
• اهلا وسهلا
  
• نورتِ
  * ام ياسمين متى بدأت الصيام اول مرة ?
• مرة منين كنت نقرى في الابتدائي قررت نصوم صمت نص نهار وكي لحقت ال 12 جريت كليت الزلابية والشربة تاع الفطور تاع البارح ههه
  *ام ياسمين كي كانوا يجعوا عندكم الضياف كنتي تلبسي احذيتهم و تمشي بيها و لا لا ?
• ايه كنت نديرها ههههههههه نموت على القباقيب تاع النسا والصبابط طالو نلبس ونخاف يفيقو بيا
  *كنتي تحبي تلبسي حوايج ماماك و لا لا ?
• نعم كنت نلبسهم ونموت على قشها ومازلت لدرك
  *واش كنتي ديري وانت طفلة صغيرة في ايامات رمضان
• نتفرج ولا نخرج نلعب
  * ممكن وصف لطفولتك في 3 كلمات ?
• طفولة رائعة
  * ما هي اجمل هدية في طفولتك ?
• دميتي لي سميتها على دمية سالي ايميلي
  
• كانت هدية من أمي
  اسفة اذا طولت و كثرت :$
  تحية لك :regards01:

​

لا بالعكس راقتني اسئلتك
نورتِ اختي وفي انتظار عودتك

 

[السلطانة]

رد: طفولتك أيها العضو/ة اللماوي تحت عدساتنا(العدد الخامس) أم ياسمين

ماشاء الله شكون اللي هنا ختي ام الاميرة ياسمين اهلا بيك :
زعم راني هنا ههه
اهلا بيك اخي حكيم
نسقسيك اسئلة خفيفة :
اتفضل
واش هو الميكي اللي تحبيه ومازالك لضرك تتفرجيه ؟
الآنسة سالي ومازلت كي نلقاها نتفرجها
واش من عام فطماتك الوالدة ؟
في عمر العام
كيفاش كان شعورك نهار طاحتلك اول سنة ههه ؟
شعور بالسعادة ههههه والغبطة والسرور
ايا بزاايد كيما يقولو الباتنية ربي يهنيك ختي ..​

ربي يحفظك خويا

 

[السلطانة]

رد: طفولتك أيها العضو/ة اللماوي تحت عدساتنا(العدد الخامس) أم ياسمين

هل ام ياسمين كانت تهرب في القيلولة باش تلعب بالpوpية مع صحاباتها
.................................
وقت القيلولة مكنتش نخرج
كي كانت ماما تخليني عند جداتي كنت نهرب انا وبنت خالتي نطلعو فوق السطح تاع دار جدي كانت مغطياتو دالية تاع العنب
نطلعو بوبياتنا ونبقاو نلعبو تم مرات تفيق بينا جدة تهبطنا نرقدو ومرات متفيقش نشبعو لعب ونهبطو قبل ماتنوض
راهم ناعسين سانطلق باسئلتي هع هع هع

هههه ماشي غير راهم ناعسين راهم في سبات نورتِ

 

[السلطانة]

رد: طفولتك أيها العضو/ة اللماوي تحت عدساتنا(العدد الخامس) أم ياسمين

ام ياسمين اسكو انتي تاني كان عندك ماعين صغار و تتخيلي روحك طيبي
و الماكلة هي حشيش مقطع **

نعم اكيد
كانو عندي مواعين شراهملي بابا
وتاني جدة تمدلي مواعين قديمة انا وبنت خالتي كنا نموتو عليهم
ابريق وقدرة وملاعق وكسكاس
نطلعو للسطح ونقطعو لحشيش تاع الدالية ونطيبوه
وكي نكملو نفرغوه في طباسة ونديرو روحنا ناكلو

 

[فيتامين سي]

رد: طفولتك أيها العضو/ة اللماوي تحت عدساتنا(العدد الخامس) أم ياسمين

ههههههههههههههههههههههههههههههههههههه كنتي طيبي
و انا نقول علاش شطورة في الطبخ اه داك الحشيش شحال بنين
نرجع لاسئلتي اكيد
يوم العيد كما كل الأطفال نشرو الحلوى و الألعاب
حكيلي اداماماك كانت تخبيلك دراهمك ولا كنتي تشري بيهم الحلوى و لا انتي تخبيهم وحدك

 

[فيتامين سي]

رد: طفولتك أيها العضو/ة اللماوي تحت عدساتنا(العدد الخامس) أم ياسمين

حكيلي لعبتك المفضلة في المدرسة او الغنية لي كل يوم تغنوها
راكي عاد حافضتها ....ادا حافضتها غنيهالنا

 

[أم الأولاد]

رد: طفولتك أيها العضو/ة اللماوي تحت عدساتنا(العدد الخامس) أم ياسمين

اه بهدلتونا اه وين راهي الاسئلة

اختي قوليلي هل كنتي من الجيل لي ميقراش الاثنين والخميس لعشية ؟

وهل كنتي تحبي تتفرجي طاطا ليندة ووقتاه كانت تفوت الحصة تاعها ؟

سميرة زيتوني واش تعنيلك ؟؟

بماه يفكرك كوميك سينان ياسينان ؟


ماروكو الصغيرة هل كنتي تحبينها ؟


مايا في دنيا الاحلام هل شاهدتي هذا الكرتون ؟

 

[السلطانة]

رد: طفولتك أيها العضو/ة اللماوي تحت عدساتنا(العدد الخامس) أم ياسمين

ههههههههههههههههههههههههههههههههههههه كنتي طيبي
و انا نقول علاش شطورة في الطبخ اه داك الحشيش شحال بنين
نرجع لاسئلتي اكيد
يوم العيد كما كل الأطفال نشرو الحلوى و الألعاب
حكيلي اداماماك كانت تخبيلك دراهمك ولا كنتي تشري بيهم الحلوى و لا انتي تخبيهم وحدك

هههه مزية كون راني خرجت برا كاسي :d
فكرتيني في نهار العيد هههه
كانت ماما تشريلي صاك
كان الصاك عندي مهم بزاف خطراكش نخبي فيه الدراهم ومرة ماشراتليش الصاك تغششت وفوتت العيد نبكي ههههههه
خطراكش قاتلي هزي الصاك تاعك تاع العيد لي فات وانا حبيت صحاباتي يشوفو الصاك الجديد وميزوخوش عليا ههه
كنت نخبي الدراهم ونمدهم لماما بصح نسيت واش كنت ندير بيهم ههههههههههههه
خلاص تفكرت نشريهم نواظر ولا االعاب هههه

 

[السلطانة]

رد: طفولتك أيها العضو/ة اللماوي تحت عدساتنا(العدد الخامس) أم ياسمين

حكيلي لعبتك المفضلة في المدرسة او الغنية لي كل يوم تغنوها
راكي عاد حافضتها ....ادا حافضتها غنيهالنا

الدمية طبعا
وفي المدرسة كنا نعملو حلقة ونغنيو دق الجرس اسمعوه اسمعوه صوته جميل صوته جميل تيك تاك تاك :bravo01:

واغاني بزاف راحو من راسي درك

 

[dalal dodo]

رد: طفولتك أيها العضو/ة اللماوي تحت عدساتنا(العدد الخامس) أم ياسمين

اهلا بلجميع
ختيتو كنتي تحقري ولا يحقروك
وشحال من بطة تدي في اليوم

 

[السلطانة]

رد: طفولتك أيها العضو/ة اللماوي تحت عدساتنا(العدد الخامس) أم ياسمين

اه بهدلتونا اه وين راهي الاسئلة
يحبو يقرعجو برك :bravo01:

اختي قوليلي هل كنتي من الجيل لي ميقراش الاثنين والخميس لعشية ؟
نعم انا الجيل هاذا بالذات
كنا منقراوش الاثنين والخميس لعشية وزيد الجمعة :yahoo01:

وهل كنتي تحبي تتفرجي طاطا ليندة ووقتاه كانت تفوت الحصة تاعها ؟
طاطا ليندا كنت نموت عليها لي شعرها صفر ههه
كانت تفوت بالاثنين لعشية هاذاك هو نخرج من لقراية نتغدى شوي وتبدى الحصة تاع الاطفال

سميرة زيتوني واش تعنيلك ؟؟

هاذيك الحصة تاع الالعاب ولامعرف واش تاع الابطال نشفالها شوي ههه من البطل من البطل

بماه يفكرك كوميك سينان ياسينان ؟

يفكرني بالغابة ويفكرني بفرفور وكركور وشرشور هههههههههههههههههههههههههههه
الثعالب هاذو كانو يضحكو صح
وخالتي مسمية ولادها في 3 باساميهم ههههههههههههههههههههه درك كبرو ومازلنا نجبدوهالهم مرات خخخخخخخخخخخخ
ماروكو الصغيرة هل كنتي تحبينها ؟

طبعا اكيد ههههههههه ماروكو والنشعة تاعها نموت عليها
مايا في دنيا الاحلام هل شاهدتي هذا الكرتون ؟
الطفلة لي هملت في الحلم تاع ماماها هههههههههههههههه مولات الصباط لحمر والريبون الحمرا ومعاها داك الشكل
لي شغل نجمة وعندها جنحين يطير واسمو سكر هههههههههههههههه وشيشا الشريرة ومعرف واش
او عندي ذاكرة نتفكر الكوميكات منسيتهمش

صحيتي

 

[السلطانة]

رد: طفولتك أيها العضو/ة اللماوي تحت عدساتنا(العدد الخامس) أم ياسمين

اهلا بلجميع
ختيتو كنتي تحقري ولا يحقروك
وشحال من بطة تدي في اليوم

اهلا اختي
مرات نحقر ومرات نتحقر هههه
حسب واش نعمل مرات ندي طريحة صباح وعشية ومرات مرة وحدة ومرات نكون عاقلة منديش :d
نورتي اختي

 

[شاعرة الأمل]

رد: طفولتك أيها العضو/ة اللماوي تحت عدساتنا(العدد الخامس) أم ياسمين

يا شكون لي راهي هنا وانا لا خبر :yahoo01:
مرحبا بيك حنونة ورايحة نهبلك شوية
هل كنت مجتهدة في الابتدائب ومواظبة على الدراسة
هل كانت معلماتك ومعلموك يحبوك
كنت عاقلة ولا قبيحة
لعبة كانت عزيزة عليك
طبطبتي في البيبان وهربتي ولا جامي درتيها
غنية كنتي تظلي نهار طول ونتي تغني فيها
وبزاف عليك
سلام ​

 

[تـريـــاق المحـبـة]

رد: طفولتك أيها العضو/ة اللماوي تحت عدساتنا(العدد الخامس) أم ياسمين

السلام عليكم ام ياسمين عودة حميدة اولا مبارك البنوتة تتربى في عزكم ودلالكم ..
اسئلتي لكي هي :
1- هل كنت طفلة فضولية ؟
2- هل كنت تحبين تعلم الأشغال المنزلية والمشاركة فيها ؟
3- هناك بعض الأطفال نماميمين مع الاهل بمعنى اذا كرهت الام او الوالدين او الجيران شخصا ما وتحدثوا عنه بصفات السيئة امامه تنتقل له هذه الصفة هل كنت نمامة في صغرك ؟
3- هل كنت جاسوسة على الجيران تنقلين اخبارهم ؟
4- كيف كنت في المدرسة اكنت تلميذة مجتهدة ومثابرة تشارك في المدرسة .. ام كنت خجولة ام منطوية لا تحب الدخول في الجو المدرسي ؟
واخيرا 5- ماهو كرتونك المفضل ايام الطفولة ؟
6-هل شاركت في النشاطات المدرسية في صغرك كالمسرحيات والاناشيد وغيرها ؟اذكري لنا بعضها ان وجد ؟
وشكرا لك ♥♥ في امان الله ♥♥​

 

[السلطانة]

رد: طفولتك أيها العضو/ة اللماوي تحت عدساتنا(العدد الخامس) أم ياسمين

يا شكون لي راهي هنا وانا لا خبر :yahoo01:
اهلا وسهلا بالمشاعر والاحاسيس :yahoo01:
مرحبا بيك حنونة ورايحة نهبلك شوية
النور نورك عزيزتي
هبلي كيما حبيتي:thumb_up02:
هل كنت مجتهدة في الابتدائب ومواظبة على الدراسة
نعم :$
هل كانت معلماتك ومعلموك يحبوك
نعم الحمد لله
كنت عاقلة ولا قبيحة
عاقلة ومرات نقباح
لعبة كانت عزيزة عليك
دميتي ايميلي
طبطبتي في البيبان وهربتي ولا جامي درتيها
درتها حتان كرهت هههه
غنية كنتي تظلي نهار طول ونتي تغني فيها
عمي منصور النجار هههه
وبزاف عليك
سلام ​

في انتظار عودتك :graduation::graduation:

 

[السلطانة]

رد: طفولتك أيها العضو/ة اللماوي تحت عدساتنا(العدد الخامس) أم ياسمين

السلام عليكم ام ياسمين عودة حميدة اولا مبارك البنوتة تتربى في عزكم ودلالكم ..
اهلا وسهلا الله يبارك فيك امين يارب
اسئلتي لكي هي :
1- هل كنت طفلة فضولية ؟
نعم وكثيرا :d
2- هل كنت تحبين تعلم الأشغال المنزلية والمشاركة فيها ؟
نعم كنت نحب الماعن هههههههههه
3- هناك بعض الأطفال نماميمين مع الاهل بمعنى اذا كرهت الام او الوالدين او الجيران شخصا ما وتحدثوا عنه بصفات السيئة امامه تنتقل له هذه الصفة هل كنت نمامة في صغرك ؟
لا مكنتش :sport02:
3- هل كنت جاسوسة على الجيران تنقلين اخبارهم ؟
لالا جدة ويما كانو يبردوني بالطريحات كون ندير هاذ المناكر
4- كيف كنت في المدرسة اكنت تلميذة مجتهدة ومثابرة تشارك في المدرسة .. ام كنت خجولة ام منطوية لا تحب الدخول في الجو المدرسي ؟
كنت نقرى ونحشم شوي وطايرة مشاغبة شوي
واخيرا 5- ماهو كرتونك المفضل ايام الطفولة ؟
الانسة سالي
6-هل شاركت في النشاطات المدرسية في صغرك كالمسرحيات والاناشيد وغيرها ؟اذكري لنا بعضها ان وجد ؟
نعم الاناشيد والمناظرات الثقافية والندوات المدرسية
وشكرا لك ♥♥ في امان الله ♥♥​

سررت باسئلتك الممتعة عزيزتي

 

[أم الأولاد]

رد: طفولتك أيها العضو/ة اللماوي تحت عدساتنا(العدد الخامس) أم ياسمين

الوحش اللي كانو يخوفوك بيه في طفولتك ؟
موقف ازعجك في الطفولة لم تنسيه ؟
هدية من والدك لن تنسيها ؟

 

[السلطانة]

رد: طفولتك أيها العضو/ة اللماوي تحت عدساتنا(العدد الخامس) أم ياسمين

الوحش اللي كانو يخوفوك بيه في طفولتك ؟
الغوغل ووحش الخزانة حمار القايلة ههههههه
موقف ازعجك في الطفولة لم تنسيه ؟
نهار سرقتلي بنت جيرانا بوبيتي وقالت لباباها بلي انا لي سرقتهالها وجا باباها بخصني ونحالي البوبية حتان جبتلو بابا ورجعتلي بوبيتي
هدية من والدك لن تنسيها ؟

باربي ههه

الف شكر اختي

 

[أم الأولاد]

رد: طفولتك أيها العضو/ة اللماوي تحت عدساتنا(العدد الخامس) أم ياسمين

الف شكر للجميع مع ان التفاعل كان قليل

شكرا للاخت ام ياسمين تتحصل على الشهادة الشرفية

انتظرونا مع العدد السادس والاخير