انصحوني .كيف اتصرف

[جيهان جوجو]

السلام عليكم يا اهل اللمة واش الاحوال نشالله بخير
بغيت نحكيلكم على واحد الشيء يصرا معايا وخلاني منصليش صلاة الفجر وصلاة قيام الليل
وهو انو نسمع حوايج يخوفو يخليني نجري للغطا ومنفتحش عينيا للصباح
مرة في واحد الليالي اللي فاتو من هاذ الشهر نضت نصلي في الفجر مع الوقت مع الرابعة والنصف تقريبا انا غيقلت الله اكبر في السجادة بعد شويا نلقى عقرب ضخمة الشكل و سوداء اللون انا من الخوف جمدت في بلاصتي حاجة مدرتها بعدها فجاة اختفت من بلاصتها ملقيت حتى حاجة
عاود اقطعت الصلاة واستتغفرت وعاود بديت الصلاة من جديد وفي نصف الصلاة نسمع في الماعن تاع الكوزينة يطيحو ويتكسرو حسيت الكوزينة كامل طاحت وتكسرت جاتني واحد الخلعة كملت الصلاة ورحت نجري لبلاصتي وتغطيت حتى باش طلع الضوء
في الصباح نشت مخلوعة ماما ومقلتلهاش مع العلم مش تخيل ولا هكذا متاكدة
لان ثاني النهار اللي وراها نضت نصلي الفجر و انا نصلي الباب تاع الشارع يطبطب كان واحد راح يطبطيب باش يدخل الكوزينة الماعن يطيحو الميكرو شعلي وحدو وحدو بغيت نموت في هذيك الليلة
بعدها قلت خلاص نقول لماما قاتلي ماما ممكن راكي غيتتخليلي وقاتلي انا مسمعتش الباب والماعين
معرفتش علاش والمشكل انا الوحيدة اللي صرا معايا هكذا في الدار
حتى وليت نخاف منقدرش نصلي صلاة الفجر في وقتها وقيام الليل نضبط البورطابل على ساعة تاع ما بين 2.5 و 3 المشكل نفيق نعاود نبطل نخاف والغرفة اللي كنت نرقد فيها وحدي بطلتها وليت نرقد مع خوتي لخرين والصالة منخدلهاش الا في الصباح الليل نخاف لان ثاني عقلتها في البكرة نضت نصلي بعد الصلاة قلت نجيب الكراريس تاع الحفيظة يخرج فيا قط اسود يخوف لقط فيا ييو واحد الخلعة قبضتني رحت نجري لماما
انا صح ايماني مش ضعيف الشكل غينجي نصلي في الفجر ولا قيام الليل يصرو هذوك الحوايج
زدت 3 ايام قاتلي عمتي ارواحي اقعدي عندي احفظي انت وبنتي تقرا كيفي انا رحت عندهم ضبطت البورطابل على 3 وصليت عادي صلاة قيام الليل فرحت توحشتو كاني نصلي فيه اول مرة قعدت حتى صلاة الفجر وانا نقرا سورة البقرة حتى لقدت 5.30 حسيت بالراحة عندهم واحد الشعور روعة نوض نصلي وانا رايحة مش مخلوعة في دارنا .. .البارح في دارنا قلت خلاص الليلة باذن الله نوض نصلي حسيت حيا متخلينش نوض منعرف
هذوك الايامات قبل ميصرو هاذ الحوايج كنت عادي نصلي الفجر وقيام الليل ونقرا قران بصح دركا تغير كلشي وليت نشوف كوابيس تخوف وزجة الاب تاعي تبغي تقتلني وتتحول على شكل حيوان يا تخوف ياسر
حسيت راني ارتحت دركا شوية غيكتيلكم وفرغت قلبي هنا
القران الحمدلله نقرا منفوتش عليه ودركا راني دايرة سورة البقرة
كيفاش ندير واش تنصحوني لازم نتخلص من هاذ الحوايج اللي قطعوني عن الصلاة الفجر وقيام الليل
شكررا ليكم
في امان الله



​

 

[السلطانة]

رد: انصحوني .كيف اتصرف

وعليكم السلام اهلا حبيبتي والله حكايتك تحير
شوفي جربي قولي لباباك ولا اي واحد يرقيلكم الماء ورشيه ترا في كامل ارجاء المنزل
وزيد افتحي القرآن في النهار وخليه يمشي في الدار وشوفي ترا
ربي يريح بالك ان شاء الله

 

[جيهان جوجو]

رد: انصحوني .كيف اتصرف

وعليكم السلام اهلا حبيبتي والله حكايتك تحير
شوفي جربي قولي لباباك ولا اي واحد يرقيلكم الماء ورشيه ترا في كامل ارجاء المنزل
وزيد افتحي القرآن في النهار وخليه يمشي في الدار وشوفي ترا
ربي يريح بالك ان شاء الله

مرحبا حبيبتي ام ياسمين انا ثاني حسيتها غريبة شوية
اه قلتله مزال مابش الراقي كل ما يجي يجيبه لام تجي حاجة تلهيه كل مرة راه يسافر
ايه راني ندير في القران حتى في الكمبيوتر
امين يارب العالمين
شكرا ليك حبيبتي وعلى نصائحك القيمة والمفيدة
بارك الله فيك
في امان الله

 

[الزهرة الحمراء]

رد: انصحوني .كيف اتصرف

السلام عليكم اختي
اولا ربي يريح بالك
ثانيا حاولي تشوفي رقية اختي وداومي على قراءة القرآن حتى وتحسي روحك مثلا ماكيش قادرة ولا أقراي وزيد ديري القرآن فالدار وفالشومبرا تاعك وكي تجي ترقد خلي القرآن تاني يمشي وحتى كي تجي تقومي للصلاة اول حاجة ديريها مشي القرآن فالشومبرا تاعك وروحي توضاي وأرواحي صلي
وان شاء الله مايكون غير الخير
ولكن أول حاجة لازم عليك ديريها هي الرقية

 

[جيهان جوجو]

رد: انصحوني .كيف اتصرف

السلام عليكم اختي
اولا ربي يريح بالك
ثانيا حاولي تشوفي رقية اختي وداومي على قراءة القرآن حتى وتحسي روحك مثلا ماكيش قادرة ولا أقراي وزيد ديري القرآن فالدار وفالشومبرا تاعك وكي تجي ترقد خلي القرآن تاني يمشي وحتى كي تجي تقومي للصلاة اول حاجة ديريها مشي القرآن فالشومبرا تاعك وروحي توضاي وأرواحي صلي
وان شاء الله مايكون غير الخير
ولكن أول حاجة لازم عليك ديريها هي الرقية

وعليكم السلام ورحمة الله وبركاته
امين يارب العالمين وربي يسعدك ويفرحك اختي
صح اختي اول حاجة لازم رقية
ايه القران مفيدجدا راني مدوامة عليه الحمدلله
صح راني رايحة ندير واش قلتي اختي ونشالله نرجع كيبكري
نشالله
ربي يحفظك اختي على نصائحك المفيدة شكرا ليك
وربي يوفقك و ينجحك امين يارب العالمين
بارك الله فيك
في امان الله

 

[أم منيــــــر]

رد: انصحوني .كيف اتصرف

راسي شوك من حكايتك
ادا راكي متاكدة من هاد الشي لازم تخبري والديك و تشوفو راق يجي يرقي الدار
و كما قالت ام ياسمين طلقي القرآن يقرا في الدار باش طردي الشياطين
الله يفرج عليك

 

[جيهان جوجو]

رد: انصحوني .كيف اتصرف

راسي شوك من حكايتك
ادا راكي متاكدة من هاد الشي لازم تخبري والديك و تشوفو راق يجي يرقي الدار
و كما قالت ام ياسمين طلقي القرآن يقرا في الدار باش طردي الشياطين
الله يفرج عليك

متاكدة نعم
ايه لازم راقي صح
ايه القران دائما شاعل في الدار هو الصح
امين يارب العالمين
شكرا ليك اختي على نصائحك المفيدة
بارك الله فيك
في امان الله
​

 

[Hakan]

رد: انصحوني .كيف اتصرف

يعني صراحة راني حشمان نرد على موضوعك واللي يحكي على صلاة الفجر وماشي غير صلاة الفجر قيام الليل الله يبرك خيتو واشاء الله عليك .المهم حكايتك فكرتني باختي الصغيرة جاتني وحد النهار تحكيلي قاتلي نضت نصلي الفجر ايا قاتلي توضيت قاتلي انا كملت الوضوء ونشووف في طفل صغير يدخل للغرفة نتاعها هي والبنات قاتلي انا كنت نضن فيه خونا الصغير رحيم ايا هي مع دخلت زاد شافتو راح تخبى في سريرها ومن بعد قاتلي زعفت وعدت نقول رحيم واش نوضك في الفجر ومن بعد قاتلي رفعت الغطا ومكاين والو هههه
مي تبقى قصة مرعبة
يااختي واش نقلك انا نضن الدار نتاعكم فيها كاش سحوور وحاجة كيما هااك المهم جربي كل يوم تشعلي سورة البقرة وربي يفتح عليك هذا مكان بالتوفيق ..​

 

[جيهان جوجو]

رد: انصحوني .كيف اتصرف

يعني صراحة راني حشمان نرد على موضوعك واللي يحكي على صلاة الفجر وماشي غير صلاة الفجر قيام الليل الله يبرك خيتو واشاء الله عليك .المهم حكايتك فكرتني باختي الصغيرة جاتني وحد النهار تحكيلي قاتلي نضت نصلي الفجر ايا قاتلي توضيت قاتلي انا كملت الوضوء ونشووف في طفل صغير يدخل للغرفة نتاعها هي والبنات قاتلي انا كنت نضن فيه خونا الصغير رحيم ايا هي مع دخلت زاد شافتو راح تخبى في سريرها ومن بعد قاتلي زعفت وعدت نقول رحيم واش نوضك في الفجر ومن بعد قاتلي رفعت الغطا ومكاين والو هههه
مي تبقى قصة مرعبة
يااختي واش نقلك انا نضن الدار نتاعكم فيها كاش سحوور وحاجة كيما هااك المهم جربي كل يوم تشعلي سورة البقرة وربي يفتح عليك هذا مكان بالتوفيق ..​

يبارك فيك اخي حكيم شكرا
اوه حكايتها تخوف والمشكل تحت سريريها خوفتني والله ههههههه صح تببقى مرعبة جدا
اه ص عندك الحق وانا متاكدة من ذاك الشيء
ايه راني دايرتها في الدار الحمدلله
امين يارب العالمين
شكرا اخي وربي يحفظك ويوفقك وينجحك في دراستك امين يارب العالمين
بارك الله فيك
في امان الله

 

[Djaouida]

رد: انصحوني .كيف اتصرف

سلام عليكم
جوجو حبيبة انا ننصحك ترقو دار تاعكم هي كاين هاد حوايج ديفوا تصرالي كيما هاك
مي نتي كثري من قران والرقية وديري سورة بقرة ديما هي مليحة بزاف وخلي ايمانك
بربي كبير
مشاء الله عليك ختيتو تصلي وتقومي الليل الله يبارك حبيبة ربي يفرحك وينجحك ويثبتك
علي طريق مستقيم ان شاء الله
تحياتي​

 

[جيهان جوجو]

رد: انصحوني .كيف اتصرف

سلام عليكم
جوجو حبيبة انا ننصحك ترقو دار تاعكم هي كاين هاد حوايج ديفوا تصرالي كيما هاك
مي نتي كثري من قران والرقية وديري سورة بقرة ديما هي مليحة بزاف وخلي ايمانك
بربي كبير
مشاء الله عليك ختيتو تصلي وتقومي الليل الله يبارك حبيبة ربي يفرحك وينجحك ويثبتك
علي طريق مستقيم ان شاء الله
تحياتي​

وعليكم السلام
صح عندك الحق لازم رقية
واكيد راح يكون ايماني بربي كبير
يبارك فيك حبيبتي لعقوبة ليك
امين يارب العالمين ولك بالمثل غاليتي
شكرا لك غاليتي على نصائحك المفيدة
بارك الله فيك
في امان الله

 

[فيتامين سي]

رد: انصحوني .كيف اتصرف

رقو الدار هدا سحر ولا حسد المهم حاجة هكدا
كما في دارنا اختي كانت تشوف افعى عندها زوج ريسان و كل ما تدخل تلقاها حتى بابا رقى دار
و خوبا شاف قط اسود يدور وين يخدم لازم ترقي دار و داومي على صلاة او ديري كيفي نبيت سورة البقرة منجمش ننعس بلا بيها كان قيا عين من باك الاول كنت نغمض عيني نشوف حجات غرببة و نسمع تواغ في دار و هدرة درك كل يوم ننعس بيها و داومي على رقية و قران بانتلي حاجةفي دار و استغفار تاني

 

[فيتامين سي]

رد: انصحوني .كيف اتصرف

غيرتيني تقومي الليل الله يبارك
عقبالي
ربي يحفظك حنونة
وااااع انا الفجر نوضو مي يجيني واحد العجز و نعاس و كترية منسمع بورطابل كي يصوني منسمع والو ربي يهدينا

 

[جيهان جوجو]

رد: انصحوني .كيف اتصرف

رقو الدار هدا سحر ولا حسد المهم حاجة هكدا
كما في دارنا اختي كانت تشوف افعى عندها زوج ريسان و كل ما تدخل تلقاها حتى بابا رقى دار
و خوبا شاف قط اسود يدور وين يخدم لازم ترقي دار و داومي على صلاة او ديري كيفي نبيت سورة البقرة منجمش ننعس بلا بيها كان قيا عين من باك الاول كنت نغمض عيني نشوف حجات غرببة و نسمع تواغ في دار و هدرة درك كل يوم ننعس بيها و داومي على رقية و قران بانتلي حاجةفي دار و استغفار تاني

اه اكيد كاينة حاجة واتاكدت منها
يا هذي تخوف تاع افعى بزوج ريسان اكيد سحر الحمد لله اللي رقيتو
الحمدلله مدوامة على الصلاة وهي كلشي ايه نولي نخلي القران في الليل لان مكنتش نخليه في الليل نجرب حظي اذا يروحو
اي والاستغفار الحمدلله مداومين عليه
ربي يحفظك اختي على نصائحك المفيدة
بارك الله فيك
في امان الله

 

[زهرة اللمة]

رد: انصحوني .كيف اتصرف

ربي يفرج عليك و يريح باالك

و الله تحيرت ننصحك شوفي كاش راقي شرعي

و ان شااء الله خير

 

[جيهان جوجو]

رد: انصحوني .كيف اتصرف

غيرتيني تقومي الليل الله يبارك
عقبالي
ربي يحفظك حنونة
وااااع انا الفجر نوضو مي يجيني واحد العجز و نعاس و كترية منسمع بورطابل كي يصوني منسمع والو ربي يهدينا

يبارك فيك حبيبتي
عقبالك
امين يارب العالمين .ا دركا راني حاسة بشعور سي لان مولتش نصليها
يا راكي عارفة علاواش
هذاك الشيطان برك تشجعي حبيبتي ونوضي وانا اليوم باذن الله نحاول نصلي ومنخافش
امين يارب العالمين
شكرا
في امان الله

 

[جيهان جوجو]

رد: انصحوني .كيف اتصرف

ربي يفرج عليك و يريح باالك

و الله تحيرت ننصحك شوفي كاش راقي شرعي

و ان شااء الله خير

امين يارب العالمين
ايه صصح لازم راقي
ان شاءالله

شكرا ليك حبيبتي
بارك الله فيك
في امان الله

 

[ishak09_alg]

رد: انصحوني .كيف اتصرف

كنصيحة حافظي على اذكار الصباح والمساء...وشغلي البقرة اثناء نومك وارقي نفسك بنفسك احسن....لكن لكي مني تحية تقدير واحترام لاخلاقك و ما وتفعلينه من عبادات وصلاة وقيام....انا دائما لما اسمع من يقولون ان بنت الفاميلا قليلات حتى يمكن القول معدومات اتذكر هذا الكلام ان امة محمد بها الخير حتى يرث الله الارض ومن فيها.....يا اختي انت كنز وقليلات من هن مثلك ....من تصلي الفجر في وقتها من تصلي قيام الليل وتهتم بالقران....بارك الله فيما تقومين به وجعله سبب في دخولك الجنة...فنحن نحتاج لك ولامثالك في هذا الزمن ...و اعدو الله ان يشفيك ويحميك من كل مكروه....لكن الاهم ان لا تحبط هذه الامور عزيمتك فثقي بالله واصبري على ما انت فيه

 

[جيهان جوجو]

رد: انصحوني .كيف اتصرف

كنصيحة حافظي على اذكار الصباح والمساء...وشغلي البقرة اثناء نومك وارقي نفسك بنفسك احسن....لكن لكي مني تحية تقدير واحترام لاخلاقك و ما وتفعلينه من عبادات وصلاة وقيام....انا دائما لما اسمع من يقولون ان بنت الفاميلا قليلات حتى يمكن القول معدومات اتذكر هذا الكلام ان امة محمد بها الخير حتى يرث الله الارض ومن فيها.....يا اختي انت كنز وقليلات من هن مثلك ....من تصلي الفجر في وقتها من تصلي قيام الليل وتهتم بالقران....بارك الله فيما تقومين به وجعله سبب في دخولك الجنة...فنحن نحتاج لك ولامثالك في هذا الزمن ...و اعدو الله ان يشفيك ويحميك من كل مكروه....لكن الاهم ان لا تحبط هذه الامور عزيمتك فثقي بالله واصبري على ما انت فيه

نعم يب المحافظة على الاذكار
نعم فسورة البقرة مفيدة جدا فوائدها لا تعد ولا تحصى
نعم لقد قمت بذلك والحمدلله على النعمة حصل ما كنت اريده
شكرا لك اخي الكريم على كلامك الطيب
وبارك الله فيك اخي
اسال الله ان يثبتنا ويهديناعلى طريقه المستقيم
امين يارب العالمين
نعم معك حق و ثقتي بالله كبيرة جدا
جزاك الله خيرا اخي الكريم
اسال الله ان يرزقك ويانا الفردوس االاعلى امين يارب العالمين
بالتوفيق لك
في امان الله

 

[ليليا مرام]

رد: انصحوني .كيف اتصرف

السلام عليكم
اختي شوفي انت اول شي لازملك ترقي هذي محاولة باه يبعدوك على الصلاة لانو اللي تشوفي فيهم من الجن وهذا جن مسخر يمنعك من الصلاة انا نقولك ارقي واحكي مع باباك حتى يرقيلكم فالما وديروه فالدار او جيبو الراقي للدار انت ما لازمش تسكتي لازم تحكيلهم
وانا من مدة سمعت المفتي قال احسن سورة لطرد الجن سورة البقرة اسمعيها فالليل بزاف وحطيها لو تقدري وانت تصلي ماراح يصرا والو ان شاء الله
استغفري ربي والله يبعد عليك كل شر ان شاء الله