- إنضم
- 28 جوان 2011
- المشاركات
- 6,052
- نقاط التفاعل
- 6,367
- النقاط
- 351
السلام عليكم ورحمة الله وبركاته
رمضانكم مبارك وتقبل الله منا ومنكم
شفت الاعضاء يشاركو قلت هيا نكتب
الصغر وهبالو كي كونا نروحو للمدرسة نجرو ما بقاش الحال ما كوناش نعرفو شحال في الساعة
بكري كي نبقى نلعب وشادني الحماس هههه مع البوبيات تاعي ننسى الوقت غير ماما تعيط ههههه ياو ما بقاش الحال تلقيني كي المهبول والغلعة وش نقلك :d
مرة رحت بلا محفظة خلاص هههههههه المهم فيا نكون موجودة هههه غير لحقهالي خويا
ومرة رحت حافية شافني واحد ميكانسيان كنت نمشي عليه قالي ويني السندالة رجعت ياخي على التبهدايل
ومرة ما نسيتش السندالة لالا رحت بسندالة تاع الشكولة تاع بكري ههههههههههههه غير كي قريب نوصل نسمع في خفش خفش هههههه ونرجع للدار :sport01:
وماننساش في السنة اولى دخلت وفرحانة وادواي وما نعرف وكانت انيسة هاكا نسموها تقوللنا كل يوم راح غدا تجو
كان هادا نهار الخميس قرينا عادي
من غدا من داك نضت نجري نشرب في حليبي ونلبس في قشي تشوف فيا ماما قاتلي وش بيكي قلتلها نقرى قاتلي اليوم جمعة ما تقروش وشوفي خاوتك الكل هنا
قتلها لالا ما قلتناش انيسة ماتجوش ونبكي خلوني نروح راح عليا الحال بسيف لفهمت غير كيما حكمني خويا الكبير وقالي روحي نحي المحفظة ونروحو نشوفو المدرسة هههههههه
وهادي سنة ثانية زعما وليت نعرف الساعة
وكنت نكمل على 10 ونرجع للدار نغسل لماعن -من صغري نعاني مع الكوزينة-
ماكاموش بحذانا جيران عندهم ولاد صغر غير انا في الحومة صغيرة مالا نروح لجارتنا كبيرة نشوف وش تستحق كل يوم نشريلها الخبز المسوس وتلعب معايا البوبيات والا العجين
هداك النهار جا ولد بنتها وكنت نروح معاها ساعات هاك النهار نقرى لعشية اعطتني كاسكروط وقاتلي ارجعي للدار
رجعت زعما نشوف في الساعة اها ولى الوقت رحت لماما نلقاها تهدر في التلفون قلتلها نروح للمدرسة حقرتي لا قاتلي ايه و الا لا بقيت ندور حداها ونشوف في الساعة تزيد تمشي ونحسس عليها دارتلي بعدي بايديها قلت هاك هو الوقت
لبست حوايجي ورحت للمدرسة نلقى الباب مسكر وانا اول وحدة الحمد لله يا ربي اول مرة نشد الصف انا الاولى ههههه هادا وش كنت نخمم
بقيت شويا جو بنات اوخرين
وانا كيما هكاك وامي لابسة الحجاب وكرتني للدار هههههههههههه
وهاكا الميكانسان حاير ديما نقولو صاحبي بويسك كي نرجع من المدرسة وتصرالي حاجة هو اول واحد نقول على كل حال هو صاحب خويا
نرجعو وصلنا للدار كلاتني ماما ههههههههههههه قولتلها لوكان قلتيلي مزال الحال برك ما كنتش عارفة وهو الوقت مزال ساعة كاملة عرفت غير الدقايق هههه:d
وكي عاودت رحت تلاقيت مع الميكانسيان قالي وش بيكي ايا حكيتلو ضحك عليا قالي الخطرة الجاية ارواحي سقسيني انا :-r
ان شاء الله كنت خفيفة عليكم
ممكن نزيد نحكيلكم على جارتي اللي نقلها ماما ربي يرحمها
كانت معكم هدولة
ممكن نزيد نحكيلكم على جارتي اللي نقلها ماما ربي يرحمها
كانت معكم هدولة
