رمضان رحبة العنب والتبزنيس .. مهبول ومهبولة .. ج1

[قرصان الساحل]

[FONT=&quot]
[/FONT]
[FONT=&quot]ايتها الوجوه المكشرة
[/FONT]​

​

شوفو فيا مليح متعرفونيش ولا انتوما برك صايمين ..​

​

حسنا هل تعلم انه في بلدك ثمن عشرة دلاعات يساوي صالار دو باز تاع المواطن .. علما ان ثمن الدلاعة الواحدة 1500 دج .. حملة شاركنا كل يوم بمعلومة

​

​

ايا بما ان حكينا على الدلاع نرجع بيكم لحكاية القرصان في زمن غابر تاع كان يا مكان ..


​

السي القرصان وصاحبو قررو يدخلو سوق الخضر والفواكه وينافسو اعرق الخضارين نفتح قوس (باه تكون خضار لازمك تلبس تريكو البارصا علخاطر لي كولار تاعو ما يشدوش الوسخ دعم معلوماتك ديما ديما)​

[FONT=&quot]
[/FONT]
بامكاناتهم المحدودة كاش ما يجيب ربي مصروفة .. ايا التخطيط قبل رمضان بعشر ايام قالك ياخويا سوق العنبة راه حاكم تبيع 10 صنادق واربح فيلا وسيارة من ورا رمضان ايا شرينا ميزان الكترونيك وسودينا واحد البارات تاع حديد باه نديرو تحتهم العنبة هادي باه تذبلش من الشمس ايه وبلا ما ننسى وسيلة التنقل عبارة عن برويطة من نوع شريطة (شريطة ياك تعرفوها عندها زوج رود وطبعها ماشي كيما لي فالصورة -_-)

​

​

ايه وكلش كريدي تعرفو عقلية مركي على عمك زحزح حتى يربح وادا ما ربحش ماركي في الحيط​

ايا سيدي قالك وسوق العنبة تاع الجملة هدا يفتح على الواحد تاع الليل ايا هزينا شريطة تاعنا ومشينا زيط زيط زيط حتى لحقنا السوق نلقاو الخضارة تاع الصح البرشلونيون الحلالف قوة كبيرة كامل ب لي كاميونات تاوعم حنا خبينا شريطتنا وضربنا فيها شاش من فوق هاكم تعرفو الميليو باه تبان قديم كيفهم المهم ودخلنا السوق كي الرجالة سه سه بدينا نقلبو في السلعة ونشوفو في الاسعار ايا لحقنا لواحد بدينا نقولو ليه يا ودي اضرب لتحت وهو كان مداير كناش ويكتب ومش مديها فينا خلاص حتى انا قتلو اسمع يا البقسيس ها ريغل روحك باه ندو عليك كل يوم ايا قالي هادي سومة والهدرة ديك لي تعيي يا البقسيس انعل الشيطان في طولك في عرضك ههه
[FONT=&quot]
[/FONT]​

[FONT=&quot]
[/FONT]
وصحابي في بالو نعرفو وانا سمعت كلمة بقسيس قلتها وخلاص ايا والبقسيس موش يحلب خلاص​

وحنا بلا بلا بلا بلا وفجأة رضا علينا البقسيس قالنا وش تحتاجو قلنالو ريغل خلينا ندو عليك صنادق ايا البقسيس طيح لينا 5 دج في الكيلو بدينا نبكيو يا زيد طيح زيد قالنا والله اخر كلمة ما تباعتش بسومة قل منها​

ايا ومبعد قالنا شحال حابين تدو قلنالو 12 صندوق ادا ريغلتنا وهنا البقسيس ولا حمار في راسو من صباح محبسين ليا عجلة التنمية على جال 12 صندوق ايا طيرو عليا​

[FONT=&quot]
[/FONT]
ومبعدا قالنا ايه برك وين هي كاميونة تاعكم

قالو صاحبي اي ليك اوكي روحو شارجيو 12 بلا متخير هزو على جناح ايا وفجأة البقسيس يسمع في زيط زيط زيط هاي ليك الكاميونة هبببببببببببببببببل هاكم ادو وبالسومة لي تحبوعلى وجه ربي ما تزيدوش تجوني بعت كوامة وما مرضونيش كيفكم​

[FONT=&quot]
[/FONT]
ايا رورحنا والسعادة قاتلتنا ديناها بسعر مناسب جدا وجينا داخلين الحارة بزيط زيط وناس اهم ليك الخضارة الجدد والضحك علينا مداير طريق اخخخ تبا​

[FONT=&quot]
[/FONT]
في العدد القادم نتكلم كيفاه دخلنا السوق ودمتم سالمين وصح فطوركم
​

[FONT=&quot]
[/FONT]
[FONT=&quot]وفي نهاية هذا العدد ما يفوتنيش باه نشكر اخت عزيزة وغالية ابت الا ان تشاركني الموضوع بصور الانيمي الموجودة هنا اللي نظن الصور احسن من الموضوع في حدا ذاتو فشكرا لكي ودمتي وفية اختي الغالية ربي يحفظك ويهنيك
[/FONT]​

 

[hadil2044]

رد: رمضان رحبة العنب والتبزنيس .. مهبول ومهبولة .. ج1

يعطيك والله الصحة كيما يقول الفتوري
عجبوني فطوات الانمي واش هادا من القراصنة دورتها شناوة ههههه

راني نتخيل فيك كيما الفاهم كومرس هههههههه
مع البرويطة تجي سوا سوا
نستنو الجزء الثاني نشوفو وش درت فيها

خويا الافريقي - ومانيش كحلوشة -
​

 

[قرصان الساحل]

رد: رمضان رحبة العنب والتبزنيس .. مهبول ومهبولة .. ج1

يعطيك والله الصحة كيما يقول الفتوري
الله يسلمك ختي شكون هذا الفتوري لم اسمع به قطعا
عجبوني فطوات الانمي واش هادا من القراصنة دورتها شناوة ههههه
وي الفطوات راهم جايين سوا سوا مع السيجي تاع البرويطة برك هداك وش كاين ههه
ايه مام انا عجبوني بزاف الفطوات
راني نتخيل فيك كيما الفاهم كومرس هههههههه
مع البرويطة تجي سوا سوا
هههه اي والله هاديك الكومرس وكذا هاكي عارفة لازم العمامة والجيلي في 100 جيب تاع الصرف
نستنو الجزء الثاني نشوفو وش درت فيها

خويا الافريقي - ومانيش كحلوشة -
دومتي متابعة اختي كيفاه دخلنا السوق واحداث كثيرة
​

مشكورة ختي هديل اول واحد يشاركنا حكاية التبزنيس هادي .. نشوفك في العدد التاني ان شاء الله
صح فطورك
تحياتي
​

 

["viola"]

رد: رمضان رحبة العنب والتبزنيس .. مهبول ومهبولة .. ج1

السلاام عليكم


ههههههههههههه تبا من السفينة و جاك سبارو لسوق الخضارة ههههه

و تاع تريكو البارصا هاذي معلومة قيمة لك جزيل الشكر عليها :d:d

سيد بقسيس قرقشتوه هههههههههههههه

و الشريطا رجل المباراة خخخخ

في انتظار التتمة

صحيت​

 

[قرصان الساحل]

رد: رمضان رحبة العنب والتبزنيس .. مهبول ومهبولة .. ج1

السلاام عليكم وعليكم السلام اهلا بيك ختي فيولا


ههههههههههههه تبا من السفينة و جاك سبارو لسوق الخضارة ههههه
هههه بوليفالو حبيبنا توت ابسيون ما خلا حتى حاجة فيها البأس ومدارش بيها
و تاع تريكو البارصا هاذي معلومة قيمة لك جزيل الشكر عليها :d:d
نعم عاشت المعلومات القيمة ومادا بيكم انتوما تاني تدعمونا مرة على مرة نثقفو شوية
سيد بقسيس قرقشتوه هههههههههههههه
ههه يا ودي هبل مسكين سيرتو كي وصلت وين شاف الكاميونا تاعنا بلي برويطة ولا يقولنا روحو عني ادو باطل هههه
و الشريطا رجل المباراة خخخخ
ايه الشريطا زيط زيط بلا ما يشوفونا من بعيط غير يسمعو هادي زيط يقلك اهم جاو الخضارة الجدد هه
في انتظار التتمة
بحول الله كوني متابعة
صحيت​

مشكورة ختي فيولا لي جيتي معانا للرحبة وشفتي الاجواء كيفاه نتمنى عجباتك ... خاصة السيد بقسيس
وصحا فطورك ختي
​

 

[GI Joe]

رد: رمضان رحبة العنب والتبزنيس .. مهبول ومهبولة .. ج1

klani guelbi na3ref la rbahtou chwia wala bzef

 

[الحلم الوردي]

رد: رمضان رحبة العنب والتبزنيس .. مهبول ومهبولة .. ج1

السلام عليك
الله يبارك خويا
راك جايبها حتى في رحلة العنبة
بون هديا تريكو نتاع البرصا يحكم الوسخ معلومة جديدة
حاجة باينة سوق الجملة راك رايح تلقاه حاجة كبيرة خلاص
فكرتني واحد من لافامي مام هو حاب يبدى غير بلعقل
ايا كي راح للسوق مالقاش كامل روحو
قالنا من الشوك ولى داير روحو حاب غير يشوف
ايه وتوما كملتو على السيد كامل
وسيغتو الشريطا نتاعكم ما عندي مانقول
ههههه
كل الشكر لاختك على صور الانمي
خاصة نتاع القرضصان روووعة
ربي يحفظها
رانا نستناو في الجزء التاني
بالتوفيق لك
صحا فطورك
​

 

[قرصان الساحل]

رد: رمضان رحبة العنب والتبزنيس .. مهبول ومهبولة .. ج1

klani guelbi na3ref la rbahtou chwia wala bzef

ايه ختي المرة الجاية ان شاء الله راح تعرفي شحال ربحنا خليك في المتابعة ديما
تحياتي اختي وصح فطوورك


​

 

[قرصان الساحل]

رد: رمضان رحبة العنب والتبزنيس .. مهبول ومهبولة .. ج1

السلام عليك
وعليكم السلام مرحبا بيك اختي ملاك
الله يبارك خويا
يبارك في عمرك ختي
راك جايبها حتى في رحلة العنبة
بون هديا تريكو نتاع البرصا يحكم الوسخ معلومة جديدة
ايه ههه التريكو تاع الملكي ابيض اللي تجي فيه تبان
مي البارصا هاكي شايفة لي كولار لي فيه يرفدو الوسخ عادي
حاجة باينة سوق الجملة راك رايح تلقاه حاجة كبيرة خلاص
فكرتني واحد من لافامي مام هو حاب يبدى غير بلعقل
ايا كي راح للسوق مالقاش كامل روحو
قالنا من الشوك ولى داير روحو حاب غير يشوف
هههههه تسمى بطل خلاص ما حبش يشري
وي وين يكون صراع الاقوياء مش ساهل الحال
هوما خبرة كبيرة وصعاب ويحقرو واحد جديد
واكيد من بعد يلعب روحو جا حواس برك هه جاي باه يشوف
ايه وتوما كملتو على السيد كامل
وسيغتو الشريطا نتاعكم ما عندي مانقول
ههههه
هههه ايه السيد هذاك كي شاف الشريطا ما فهم والو من لول حاطنا تجار كبار
ومبعدا حصل ليه بلوكاج خصو الاقفال التالية ِCtrl + Alt + supp
وتعمل ليه انهاء المهام ويا ربي
كل الشكر لاختك على صور الانمي
خاصة نتاع القرضصان روووعة
ربي يحفظها
ايه ان شاء الله ربي يحفظها
قامت بعمل جميل ما شاء الله
رانا نستناو في الجزء التاني
بالتوفيق لك
ايه خليك في المتابعة ختي
صحا فطورك
الله يسلمك
​

ايه يا ملاك ختي هاكي شفتي السوق كيفاه مداير هه هادي هي .. يعطيك الصحة اختي
نشوفك في الجزء الجاي ان شاء الله
صح فطورك
​

 

[ليليا مرام]

رد: رمضان رحبة العنب والتبزنيس .. مهبول ومهبولة .. ج1

السلام عليكم
اييه القرصان رجع خضار وانا اليوم نسمع العنبا العنبا ما كنتش عارفاتك انت لو خرجت مي ما نشريش تمودلي
بدلت الميتي يا راجل واش داك من تليكوم للمارشي حاوزوك واقيل ههههههههههههه
وقولنا من وين عرفت السيد واسمو بقسيس ياو حاجة ما تفوتك ه

راني نستنى كي وليتو تعيطو وتببيعو يا ريت شفتك ههه

 

[AmiR@RoRo]

رد: رمضان رحبة العنب والتبزنيس .. مهبول ومهبولة .. ج1

هههههه كل مرة بخرجة مستر جاك
ملا صح القراصنة اختارو حياة القرصنة بعدما جربوا كلشي وفشلو والدليل معانا هههه
عفسة مليحة السيد شفيتوه بالزيط زيط تاعكم هاديك ههه والله يا سي بقسيس مسكين وخدتوه
ان شا الله برك كانت العنبة مليحة ماشي فرشة :p
رانا نستناو فالبقية داخبل المارشي :d
صحا فطورك

 

[hadil2044]

رد: رمضان رحبة العنب والتبزنيس .. مهبول ومهبولة .. ج1

القرصان ما عرفش الفتوري
ماشفتش نسيبتي لعزيزة كون هكاك راك عرفتو
​

 

[قرصان الساحل]

رد: رمضان رحبة العنب والتبزنيس .. مهبول ومهبولة .. ج1

السلام عليكم وعليكم السلام مرحبا بيك مريومة ختي
اييه القرصان رجع خضار وانا اليوم نسمع العنبا العنبا ما كنتش عارفاتك انت لو خرجت مي ما نشريش تمودلي
ايه ها العنبا العنبا سلعة موسكا يا بابا او ليك جديد ادي فرح لولاد هههه
بدلت الميتي يا راجل واش داك من تليكوم للمارشي حاوزوك واقيل ههههههههههههه
يا هادي اي حكاية قديمة عندها 10 سنين كيفاه يحاوزوني من التيليكوم وشكون لي يمشي ليكم الريزو تاع دزاير
وقولنا من وين عرفت السيد واسمو بقسيس ياو حاجة ما تفوتك ه
هو اسم اخترعتو من راسي باه نلفت انتباهو فقط لا اعرف اسمه قطعا

راني نستنى كي وليتو تعيطو وتببيعو يا ريت شفتك ههه
ههههههه انتظرينا في الجزء الجاي راح تشوفي كيفاه كنت نبيع

ايه يا زهرة الزئبق حتى سوق الخضر والفواكه وما تركناهش هادي هي من كل روض زهرة كيما يقولو يعطيك الصحة نتلاقاو في الجزء القادم
صح فطوووووووورك
​

 

[قرصان الساحل]

رد: رمضان رحبة العنب والتبزنيس .. مهبول ومهبولة .. ج1

هههههه كل مرة بخرجة مستر جاك ايه غير الجديد مع المغامرات تاع مستر جاك حاطتني زورو ههه
ملا صح القراصنة اختارو حياة القرصنة بعدما جربوا كلشي وفشلو والدليل معانا هههه
اي والله واخيرا وصلتي للنقطة هادي صح جربو كلش ومبعدا دوروها باعو حياتهم للبحر والحوت هادي هي من حياة الفشل لحياة البحر سي صا
عفسة مليحة السيد شفيتوه بالزيط زيط تاعكم هاديك ههه والله يا سي بقسيس مسكين وخدتوه
ايه لعبنالو على العصب الحسي تاعو هادي هي التجارة صديقتي التجارة شطارة -_-
ان شا الله برك كانت العنبة مليحة ماشي فرشة :p
اييييييه سلعة المخيرة وشبيك ها القرصان يخدم غير السلعة اللوز وش بيك هذا
رانا نستناو فالبقية داخبل المارشي :d ايه كي ندخلو للسوق ارواحي تشوفي
صحا فطورك الله يسلمك

زورو اك شاركتنا بداية السوق ننتظرك تشوف كيفاه كان السوق تاعنا .. الى ذلكم الحين
تحياتي .. صح فطوووووورك
​

 

[قرصان الساحل]

رد: رمضان رحبة العنب والتبزنيس .. مهبول ومهبولة .. ج1

القرصان ما عرفش الفتوري
ماشفتش نسيبتي لعزيزة كون هكاك راك عرفتو
​

اه اوكي صار هذا تاع نسيبتك العزيزة اواه القرصان خاطيه التلفزيون وبرامجو بصفة عامة المهم متشرفين يا السي الفتوري هه
صح فطورك ختي
​