سباب عذابنا الميgرية في دوارنا -_- ...

["viola"]

رد: سباب عذابنا الميgرية في دوارنا -_- ...

اختي فيولا معليش نتعرف -_- ... قالولي الgروب تاع البيراطاج راهم جايين لعندي ههه من بكري نستنى فيهم خاصيني شوي خدامة
يعطيك الصحة ختي المتمرمدة ضحكا .. ديما ردودك في اعالي اعلى قمة بجبال الهمالايا
تحياتي
​

هههههههه والو :tongue02:

بالنسبة لقبعة هو بطل فيلم ميقرية في دوارنا :d يجيب معاه بنتو سوندغين للدوار و يبداو قااع يسقموا في رواحهم باش يتزوجوا بيها خخخخ لي يدير الريحة يدير و لي يغسل سنانوا يغسل هههه المهم وش نقووولك الطايح اكثر مالنايض و النايض فاتيgي -_-

شوفوا فيلم بزااف هايل هههه​

 

[باتنية و نص]

رد: سباب عذابنا الميgرية في دوارنا -_- ...

هههههههه والو :tongue02:

بالنسبة لقبعة هو بطل فيلم ميقرية في دوارنا :d يجيب معاه بنتو سوندغين للدوار و يبداو قااع يسقموا في رواحهم باش يتزوجوا بيها خخخخ لي يدير الريحة يدير و لي يغسل سنانوا يغسل هههه المهم وش نقووولك الطايح اكثر مالنايض و النايض فاتيgي -_-

شوفوا فيلم بزااف هايل هههه​

Viola
اللي مشافش هاذ الفيلم راحلو نص عمرو
الحوووسين وخالو باكليش..مع لاكسون تع لقبايل
فووور
جمال زيرق كي قاعد يشعر لساندرين
نذهب انا وانت للتوريفاليي اقول لك ميرد ههه
واللي دار لكريدي
واللي سرق الكبش قد نونو خو سندرين
فينالمو سندرين المصفارة خدعتهم وراحت للافرونس.
هاني درتلهم résumé للفيلم
مكلاه تشكريني ^^

 

[tistissa dj-tissou]

رد: سباب عذابنا الميgرية في دوارنا -_- ...

يعطيك الصحة ختي تيريزا على حكاية الميgرية لي في دواركم قوليلي برك زوجت ولا مزال ههههه اني نسقسي برك -_-
ربي يهنيك اختي
تحياتي
​

ههههههههههههه نموت بالضحك على تريزا مانعرف منين جبيتيها
هه ياخويا المخلوقة مازلها سيليبايرة :bravo01:
تاع فرنسا مايزوجوش بيهم وكي تجي لبلاد قالك يحبوهم غي على جال الكوارط :-h
عاى بيها راهم بالجملة
​

 

[Malika Tlm]

رد: سباب عذابنا الميgرية في دوارنا -_- ...

ا

لسلام عليكم
هلا هلا بالبائس الافريقي ديالنا واش احوال افريقيا ههه
يعطيك الصحة خاي والله الزماقرة الجيعانين قولي انا عليهم نعطيك خبارهم باسكو عندي مقربين عايشين تماك
تعرف قاتلهم الجوع والميزيريا ففرنسا وتلقاهم يخدموا واش جاهم ويضلوا يدوروا ويلموا كل حاجة يلقاوها محطوطة
ايا نهار يجيو للبلاداماما اجي تشوفهم كامل الخردا نتاع فرنسا لابسينها وهديك كلمة كلمة فرونسي يقولوها ومشهورين
(ايبا بوف ) ههههههههههههههههههههههههههههههههههههههه
ايا وكي يحطوا علي كانش خصرة ولا فاكية يطيحوا عليها كي الجراد ياستار تحسب عمرهم وكلاوههههه
ولي تقتلني كي تلقاهم برا تحسب باهم فروسوا تلقاهم يشكرو ففرنسا وماليها ويطيحوا ببلادنا هادو قوم هادو
تعرفوا اليوم بعدا كنت فالميناء نعرض لوحدة حبيبتي جات من فرنسا يلاخويا التبهديييييييل
كلشي لامينوا وجايبينو لواطا نتعهم حابين يطرطقو واحد حتي المانقا جايبها ايوا هدي حاله
واسم نقولك ياخاي انا تامن نكرهم كره باسكو مخلوعين جيعانين مشحاحين وووووو
ربي يخلي بلادنا ويسترها ويديمنا مجموعين فيها يارب
تحياتي لك ايها البائس ههه
سلام​

 

[قرصان الساحل]

رد: سباب عذابنا الميgرية في دوارنا -_- ...

ههههههه والله يا خويا هشام راك فشلتني بالضحك وش ازرور هادي التالية فشلتي واحد مرمدتني واحد قتلتني وهاد لخرا
كلشي حكيتو كاين تع صح وكل كلمة قلتها عندك فيها مليار حق ههه
ماشي كان جات مليار دراهم خير ايه كل واحد زهرو وين انا جاتني في الحق -_-
عفايس قدم ويعييو -_- يعيو على اكشن يا دوري هادي اخر ما وصلني من تكنولوجيا ههه
وزيد يا هما يلعبوها شبعانين وعندهم دراهم وهما كي يجو ماشين من لبلاد كلشي يحولوه معاهم والله نعرفوهم حتى الحمص والعدس واللوبيا معشوقة الجماهير
اخخخ علاه تفكري فيا معشوقة الجماهير ايه من حقهم يدوها يديرو للزمان عقوبة جاية غير ايامات البرد ويدوهم هههه ونزيدك حاجه يدو حتى البوجغللو نورالمو هكا تقوله ويدوه معاهم وحي تاني هههه ايا ارواح هنا وافهم كيفاش يخممو العباد هادو ههه وي مام حنا نقولو ليه بوجغللو كاين لي يجي مدور وكاين لي يجي طويل بكري كي كنت صغير كنت نلعب بيهم المدور نديرو غنم والطويل نديرو معزات اخخخخخ يامات صغر فكرتيني بيهم
ما لقيت وش نزيد راكم دكرتو كلشي اكتفي بالضحك من بعيد هههه هههه قربي واضحكي علاه مبعدة ولا حشامة وقتلتني بالقدر اه
يعطيك الصحة موضوع في وقتو ويحكي واش عايشين الله يسمك ختي
مرسي عليك جاك لا مرسي على شكرا سي زورو راك خويا -_-

يعطيك الصحة زورو مزية جيت من قبيل نفتش على الرد تاعك كنت موجد ليك عقوبة مزية اكتيفيت وجيت ههههه
ربي يهنيك اختي
تحياتي
​

 

[قرصان الساحل]

رد: سباب عذابنا الميgرية في دوارنا -_- ...

خويا راك ضحكتني هههههه الله يـــــحلي ايامك وضرك نديرك تبريـــحة شابة تبقى خالدة في التاريخ وايامك ان شاء الله وي وين هي التبريحة تاعي انا قلشتكم كامل وانا مكاش لي شاف ليا -_- براح ناس شكون يبرح عليه .. مثل دوك وين اخترعتو اخخخ
المهم كل حاجة هدرتها كاينة بصح كاين ناس والله الحمد لله متواضعين حتى وعايشين برا والتطور والحالة بصح كي يجو للدزاير يمشو بعقلية جزائرية ماشي العقلية تع لهيه وكاين لي مخلوعين تقول صح اصلهم من اوربا ههههه زعما ولادهم يجو يباغليو en français تحب تقولو حاجة بالعربية مايفهمكش وكاين وحد الصنف هههههه داير روحو مايفهمش العربية بصح هو يفهم يعني يقولك لالا منفهمش ولوكان تهدر عليه يجاوب ويقولك علاش تهدر عليا لا ياسيدي الحكم حنا قولنا ادا تفهم ماقلناش ادا تهدر هههههه
لالا كاين لي ما شاء الله وهادي نورمالمو بلا مزية انت كي تروح ليه علاه تتبدل ولا يتبدلو الجينات تاعك اي انجلينا جولي حياتها كامل في المريكان وتروح للموزمبيق وتلقايها تضحك ومتواضعة معاهم نورمال غير حنا عندنا واحد الهوس منعرف منين جبناه ... ايه عندك حق جماعة لي ما يفهموش العربية زعما انا قلنا زعما ناس تفوخ بحاجة تصلح معلاباليش كاش طيارة ولا صاروح احنا مزالنا نقراو زوج كلمات نولو منعرفوش الناس يخي حالة ولو ان اللغة وضعت اساسا للتواصل بين افراد المجتمع يعني لو انت تهدر لغة وانا لغة مش راح نفهمو بعضانا من الافضل نتكلمو اشارات ههه نظن فهمتي وش حبيت نقول
شكرا على الموضوع بلا مزية ختي الشكر ليك على تواجدك بموضوعي
وهدي تبريحة خاصة لناس تبسة يعني الموضوع تع التبراح راحلي الصوت بصح قلت منخليهاش في قلببي راهي موهبة
ايا ماركي عندك
هادي 2 صوميل في خاطر ناس الحمامات لي عليهم القلوب رشات
سلملي على ناس الكويف ناس الشان والهمة والنيف
روحلي للونزة لي فيها دكريات جامي جامي تتنسى
وبلا ماننسى ضربلي دارة ل
صفصاف الوسرة لي غيابها كي غياب اللبن على الكسرة
هههههههه ايا بزاف عليك ومتنساش تسفق
هههه والله يعطيك الصحة راكي جبتيها فووووور ديجا اني جبدت ورقة وبديت نتعلم منك
خسرتيها في حاجة وحدة نسيتي ناس الشريعة دوك يزعفو علينا شوفي ليهم تبريحة قبل ما يهجمو علينا
ايه اني نصفق حتى يديا راح ليهم الصوت -_-
راكي فوووووور ندورها عراس زمان الصيف وخلاص ههه
دبر راسك ردلي على المواضيع راني جمعتهم في زوج ههههههههه
هههه يعطيك الصحة حتى انت مدايرة سياسة تقشف رد واحد لزوج مواضيع اخخخ
ومتنساش تديرلي تبريحة عليا يعني حياة انثى هه
والله اسمك صعيب نديرو عليها تبريحة مي ايا وقالي هادي حييلي فيها حياة انثى وقلها هادي ليك وحدك انت وناس الدوز حتى توصل بن عزوز اخخخ بن عزوز وين جات قلتها برك

ختي حياة انثى ردك هايل وجمع زوج مواضيعك في اطار سياسة الدولة اكم عارفين مي قوليلي الخط لي تكتبي بيه تاني فيه تقشف في بالي ههه
مشكورة ختي ربي يهنيك
تحياتي
​

 

[قرصان الساحل]

رد: سباب عذابنا الميgرية في دوارنا -_- ...

حي عليك ... متجيش هي اليوم لانو الشعب راه مشتت بين الميGريات ... تستناهم يفضيو شوية الحالة و يروحو لي بزاف و تجي هي باش الاهتمام يكون ليها وحدها ... شفت التخمام كيفاش ؟؟؟ ههههه
و اكييييييد ادا جات نعيط لخاي يجي يحضر اسم هي جيب لوطو الله الله مشي غير لي كان هههه

اه وييي تسمى هي تخلي حتى تفراز الحالة باه تجي تبقى فيها وحدها واحد ما يتالبها ياااه تخمام هدا مين يجيبو فيه نروح نجيب معايا شوية
اه صحا كي ولات في اللوطو الله الله اني بطلت ديجا السوق تاع الطونبيلات راه يشوي كيو كيو ماشية ب 100 مليون
بطلت ما نجيش -_-
ههه يعطيك الصحة ختي فاطمة الزهراء
​

 

[قرصان الساحل]

رد: سباب عذابنا الميgرية في دوارنا -_- ...

هههههههه والو :tongue02:
استناي دوك نولي ندير الشمة لي عمري درتها في جال والو هادي انا ما قلتش جاي نخطب قلت نعرف برك عليها شاب معرف كي يسموه قالو نجيبها ميgريا ولا نديك انتيا اخخخخ عندو حق

بالنسبة لقبعة هو بطل فيلم ميقرية في دوارنا :d يجيب معاه بنتو سوندغين للدوار و يبداو قااع يسقموا في رواحهم باش يتزوجوا بيها خخخخ لي يدير الريحة يدير و لي يغسل سنانوا يغسل هههه المهم وش نقووولك الطايح اكثر مالنايض و النايض فاتيgي -_- ههههههه اه وي دوك وين فهمت تسمى هادي حكاية سباب عذابنا الميغرية في دورانا يا منين شفتك دفعت قاع كوارطي اخخخ ..

شوفوا فيلم بزااف هايل ههه اوكي ان شاء الله نشوفو سيرتو ادا الميفرية شابة بزاف هههه​

صحيتي فيولا صار النايض فاتيgي ايه الشاب الجزايري قلبو عاشق للميغريات وش راح يديرو ههه
​

 

[قرصان الساحل]

رد: سباب عذابنا الميgرية في دوارنا -_- ...

Viola
اللي مشافش هاذ الفيلم راحلو نص عمرو
راحت نص عمري ولا كيفاه جامي تروح نص عمري على فيلم جزايري -_-
الحوووسين وخالو باكليش..مع لاكسون تع لقبايل
فووور
جمال زيرق كي قاعد يشعر لساندرين
نذهب انا وانت للتوريفاليي اقول لك ميرد ههه
ههه وي جمال زيرق فور بزاف مع لاكسون تاع القبايل
واللي دار لكريدي
واللي سرق الكبش قد نونو خو سندرين
فينالمو سندرين المصفارة خدعتهم وراحت للافرونس.
هاني درتلهم résumé للفيلم
مكلاه تشكريني ^^

وين هي فيولا مكلاه نتفرج الفيلم اني فهمت كلش حتى حكاية الكبش المسروق وفي لافان سندرين الميقرية راحت لافرونس والسي جمال كمل يشعر للمعزات ههه
يعطيك الصحة ختي باتنية نحيتي عليا ازمة نتيليشارجي ونزيد نجيب زوج سوايع وانا نتفرج هههه
​

 

[قرصان الساحل]

رد: سباب عذابنا الميgرية في دوارنا -_- ...

ههههههههههههه نموت بالضحك على تريزا مانعرف منين جبيتيها
هه ياخويا المخلوقة مازلها سيليبايرة :bravo01:
تاع فرنسا مايزوجوش بيهم وكي تجي لبلاد قالك يحبوهم غي على جال الكوارط :-h
عاى بيها راهم بالجملة
​

تيريزا والله لجات وحدها اسمك هداك معرفتش نقراه ايا وليت اختصرتها في تريزا خفيف ظريف
اووو مزالها سليبايرة يمالا هكا نقدرو نديرو لافار ونروحو وخلوكم وحدكم في بلاد البأس هادي
ههه اووو ولاو جملة تاني وش هذا وانا عييت نلقى
صحيتي اختي تيريزا
​

 

[قرصان الساحل]

رد: سباب عذابنا الميgرية في دوارنا -_- ...

ا

لسلام عليكم
وعليكم السلام مرحبا بيك ختي مليكة
هلا هلا بالبائس الافريقي ديالنا واش احوال افريقيا ههه
لافغيرك اي كوم دابتيد لا شالوغ اي صا ماغش اي تو فا بيا -_- ايميغري زعما قلبت الكاسكيطا
يعطيك الصحة خاي والله الزماقرة الجيعانين قولي انا عليهم نعطيك خبارهم باسكو عندي مقربين عايشين تماك
الله يسلمك ختي اووو انت تاني عندك معاهم حكايات وي تفضلي تفضلي
تعرف قاتلهم الجوع والميزيريا ففرنسا وتلقاهم يخدموا واش جاهم ويضلوا يدوروا ويلموا كل حاجة يلقاوها محطوطة
ايا نهار يجيو للبلاداماما اجي تشوفهم كامل الخردا نتاع فرنسا لابسينها وهديك كلمة كلمة فرونسي يقولوها ومشهورين
(ايبا بوف ) ههههههههههههههههههههههههههههههههههههههه
هههه ايبا بوف هادي كي شغل مش عاجبو الحال ما حبش يرضى علينا ولا كيفاه
ايا وكي يحطوا علي كانش خصرة ولا فاكية يطيحوا عليها كي الجراد ياستار تحسب عمرهم وكلاوههههه
تعرفي علاه علخاطر احنا الخضرا عندنا ديما فراش تسمى جديدة من البحيرة للسوق
اما هوما لهيه تلقاي عندهم الفراش بسومة غالية والكونجلي بسومة طايحة ايا يجو ميتين على الفراش لي ناكلوها حنا كل يوم
نزيدك حاجة هوما تانيك الخضرا لهيه يبيعو السلعة المليحة صباح وكي يلحق وقت العصر تفضل هاديك الركاي يولو يطيحو في السومة
ايا يروحو حبابنا لي زي ميقغي يلقطوها بسومة طايحة اخخخ
ولي تقتلني كي تلقاهم برا تحسب باهم فروسوا تلقاهم يشكرو ففرنسا وماليها ويطيحوا ببلادنا هادو قوم هادو
ايه وفي الصح بلادي وان جارت عليا عزيزة واهلها وان جارو عليا كرام
ما لازمش ننكرو خير البلاد مهما يكون
تعرفوا اليوم بعدا كنت فالميناء نعرض لوحدة حبيبتي جات من فرنسا يلاخويا التبهديييييييل
كلشي لامينوا وجايبينو لواطا نتعهم حابين يطرطقو واحد حتي المانقا جايبها ايوا هدي حاله
ايه حتى المانقا يخي بكري كانت فيهم الفايدة كانو يدخلو لينا اللواطة بسومة طايحة
دوك نحاوها ما بقى فيهم حتى فايدة -_-
واسم نقولك ياخاي انا تامن نكرهم كره باسكو مخلوعين جيعانين مشحاحين وووووو
هههه ايه والله لعندك الحق
ربي يخلي بلادنا ويسترها ويديمنا مجموعين فيها يارب
امين يا رب
تحياتي لك ايها البائس ههه
والبائس يبادلك التحية
سلام​

يعطيك الصحة ختي مليكة تفاعلك مميز وجميل مع الموضوع مي ما قلتيش لينا واش جابو ليك ملهيه كي جاو اخخخخ قرعاج الله غالب نحب نعرف كلش
دمتي بخير

​

 

[أميرة تقرت]

رد: سباب عذابنا الميgرية في دوارنا -_- ...

احنا في بير التوتة عندنا الزماGرة ف الصيف بزاف (يعني كيما الناموس)
يخدمو واحد لعفايس .......
يسكنو فوقنا دايرين حالة مانحكيلكش على الفوضى
يحركو ف الحوايج 24H
بناتهم يدخلو غير مع صباح كيما لولاد
نهار كامل العياط
واحد لفرونسي يهدرو بيها تعيي
و مازال بزاف ليل ليل مانيش حابة نمنشر الغاشي​

 

[قرصان الساحل]

رد: سباب عذابنا الميgرية في دوارنا -_- ...

احنا في بير التوتة عندنا الزماGرة ف الصيف بزاف (يعني كيما الناموس)
الناموس لازمو مبيدات للقضاء عليه وهادو كيفاه اخخخ
يخدمو واحد لعفايس .......
يسكنو فوقنا دايرين حالة مانحكيلكش على الفوضى
يحركو ف الحوايج 24H
ايه ما لقاوش الديكور تاعم ولا مجاهمش النعاس عندكم
بلاك سخون الحال علاه ما جابوش الكليما معاهم
بناتهم يدخلو غير مع صباح كيما لولاد
اووو حابة تحرميهم من حقهم في السهر ؟؟ -_-
نهار كامل العياط
واحد لفرونسي يهدرو بيها تعيي
و مازال بزاف ليل ليل مانيش حابة نمنشر الغاشي
التمنشير حق شرعي 24/24 ساعة ههه ولا عندك في الليل ما يجوزش
​

ختي اميرة تحكي وتباني مقلقة منهم من قلبك ههه معليش استحملوهم اهم ضياف شهر ولا شو كاين ويروحو اخخخ
يعطيك الصحة ختي
تصبحي بخير
​

 

[لاريمان]

رد: سباب عذابنا الميgرية في دوارنا -_- ...

السلام عليكم
الحمد لله ماعندناش وين نسكنو زماgرة
وانما اقاربي الحمد لله متربيين مليح ومتواضعين
شكرا على الموضوع طرحته بطريقة مميزة
يعطيك الصحة

 

[آمِيْرَتُه]

رد: سباب عذابنا الميgرية في دوارنا -_- ...

السلام عليك
هذو العفسات نلقوها عند لي عايشين في فرنسا بزاف منعرف علاه كيما يقولك خالي من اللحظة يصنعو الرايب و انت افهم خخخ
فكرتني بوحد العبدة راهي جات من لهيه باغية تاكلنا بعفايسها لي يضحكو واع واع

 

[قرصان الساحل]

رد: سباب عذابنا الميgرية في دوارنا -_- ...

السلام عليكم
الحمد لله ماعندناش وين نسكنو زماgرة
وانما اقاربي الحمد لله متربيين مليح ومتواضعين
شكرا على الموضوع طرحته بطريقة مميزة
يعطيك الصحة

وعليكم السلام مرحبا بيك ختي لاريمان
ايه هاد الظواهر مام ما يكونش ليك اقارب لكن ملاحظة بشدة ايامنا هادو
معروف ان جاليتنا في فرنسا تفوق 6 ملايين ادا ما خنتنيش الذاكرة
يعني في ايام الكونجي هادو تقلبي حجرة تصيبيهم -_-
الله يسلمك ختي .. مشكورة على ردك الجميل
تحياتي
​

 

[قرصان الساحل]

رد: سباب عذابنا الميgرية في دوارنا -_- ...

السلام عليك
هذو العفسات نلقوها عند لي عايشين في فرنسا بزاف منعرف علاه كيما يقولك خالي من اللحظة يصنعو الرايب و انت افهم خخخ
فكرتني بوحد العبدة راهي جات من لهيه باغية تاكلنا بعفايسها لي يضحكو واع واع

وعليكم السلام مرحبا ختي
من اللحظة يصنعو رايب وانت افهم .. اني نخمم ...
اللحظة لازم تخلطها باه تولي رايب
ومن نستنج انهم يخلطو يخلطو حتى يطيحو في واش يحبو اخخخ هدا وين وصلتني فهامتي
واع واع اخر ما قالت مراسلتنا في حربها مع الديناصورات ههه
يعطيك الصحة ختي
​

 

[Malika Tlm]

رد: سباب عذابنا الميgرية في دوارنا -_- ...

يعطيك الصحة ختي مليكة تفاعلك مميز وجميل مع الموضوع مي ما قلتيش لينا واش جابو ليك ملهيه كي جاو اخخخخ قرعاج الله غالب نحب نعرف كلش
دمتي بخير

​

مساء الفل والياسمين
واش جابولي هههههههههههههههههههههه مزال مبان والو
معلاباليش يلا جابولي ولا لا ههه
كانش حاجة راني نخبرك
تحياتي سلم علي ناس افريقيا ​

 

[فيتامين سي]

رد: سباب عذابنا الميgرية في دوارنا -_- ...

جيت نشد بلاصة
لي عودة

 

[ليليا مرام]

رد: سباب عذابنا الميgرية في دوارنا -_- ...

السلام عليكم خويا هشام اهلا وسهلا ا
واش راح نعلق ونقول راك ما خليت فيهم والو وكل شي صح راك عايش معاهم واقيل هههه
الصراحة اعذرني خويا نفسيتي تاعبة مش قادرة لا نعلق ولا نحكي بالذراع ما نشارك
ولقيتك تبارك الله وصفتهم احسن وصف
انا برك نزيد حاجة ليهم رانا عايشين خير منكم والله اللي راح وشافكم راهم خبايركم كامل جاو هنا ماكان لاه تجو تزوخو علينا انا وليتو تغيشضوني شاقيين قاع العام كل شي بالحساب وزيد الغربة من فوق الله يحسن عونكم
شكرا