عاونونو ربي يزوجكم بليز ورثت الدراهم وراني حاصل

[Skor m@k]

بسم الله الرحمن الرحيم
السلام عليكم

واش راكم خاوتي اليوم راني فرحان بزاف بزاف
بصح راني حاصل مالقيتش واش ندير بيهم

اصبرو اصبرو علبالي مافهمتونيش
كيما تعرفو .... واش تعرفو بصح جامي قلت لكاش واحد
المهم ضرك تولو تعرفو
انا الحمد لله كنت قيس الحال مصروف النهار لي عندي برك حتى جاء الحلم
جدي خلا الدراهم كيمات ربي يرحمو وليوم
راني فرحان قسمنا ههههه

فهمتوني ياك قسمنا الدراهم وصحولي 1 مليار وحدي
ماتنخلعوش وقولو الله يبارك
اي اي اي ماتعاينونيش علبالي كاين بزاف لي يعاين هنا
سورتو الخفافيش تاع اللمة خخخخ

بصح عندي مشكلة واش ندير بيهم مالقيتش
خممت وخممت قلت نتزوح بيهم كامل ندير عرس بوتفليقة ونعرضو
نجيب الشاب زقوقو هذا معروف بزاف ياك تعرفوه ديجا قالي خلصني 100 مليون سافيك
بقاولي 900 مليون

قلت لعروسة يعني لي راح نخطبها يعني لي نتزوجها فهمتوني ياك
نمدلها 200 مليون ديركت باش تسكت ودبر راسها بالعرس تاعها ياك يكفوها ولا قليل
المهم بقاولي 700 مليون العرس تاعي يسقام 400 مليون لازم الدوبل تاع لعرس تاع لعروسة تاعي
الماكلا من كل نوع ديجا راني نخمم نديرو فالشيراطون ولا الاوراسي خير المهم دبرو عليا انتم

بقاولي 300 مليون واش ندير بيهم
نخلي 150 مليون باش نجوز شهر العسل والسكر
علبالي بلي غرتو خخخخ
ايه ايه نديها لميامي تحوس وجزر الكاراييب ممبعد كي نولي نديها لحمام غرغور تكسل عضامها شويا
ياك 150 يكفوني ولا قليل اواه يكفوني معليش نزير روحي ماناكلش بزاف

بقاولي 150 مليون واش ندير بيهم
حقا قريب نسيتوني شحال سامطين نتوما ماتفكرونيش كامل
ونسيبتي قريب نسيتها لازم نديها مع راجلها للحج ديجا يما راهي رايحا هي تانيت
والحج كيما تعرفو لازملها لوتال قريب باش ماتتعبش
يسقام 50 مليون للواحد سافيك نسيبتي مع نسيبي يسقامو 100 مليون

بقاتلي 50 مليون واش ندير بيهم
حقا نحي 2 ملاين كريدي في الحانوت ههههه عندي عام ما خلصتوش هههه
بقاولي 48 مليون حصلت واش ندير بيهم
آه خلاص نشري حوايج ليا بوحد 8 ملاين
يبقاو 40 اوووووف حصلة يا محاينك
خلاص خلاص فالعرس نوزعهم على الناس يجو وحد 400 واحد سافيك يصح 1000 دج للواحد وهكذا نتهنا منهم
وبلا ما ننسا راكم معروضين تولموند خخخخ


حبسو حبسو
سطوووووووبب STOP يا جدكم


هكذا ونجيبها وتهربلي في شهر العسل في ميامي ماشي راحلي المليار في باطل

عاودو عاودو لحساب معايا خلاص مانتزوجش بطلت سيبو سيبو بغيتو ترموني على راسي
غيورين اخ اخ اخ

نعاودو من الزيرو
مليار واش ندير بيه
ولا نقوللكم حاجا ايا نتوما قولولي لو ورثتو مليار واش ديرو بيه
اعطوني رايكم كل واحد يقول واشش يقدر يدير بيه ممبعد نخمم واش ندير
وبلاك كاش وحدة مدتلي راي شباب تنفحلي نجي نخطبها
ولا كاش واحد رايو ميلح نمدلو صوميل تكفيه واش يدر بالدراهم ههههه
المهم عبرو ماتخلونيش حاصل ههههه
اياو اتهلاو يا محاينكم خخخخ
سلام​

 

[Hakan]

رد: عاونونو ربي يزوجكم بليز ورثت الدراهم وراني حاصل

انا تجيني مليا اول حاجة نديرها
نهرب من دزاير نساافر
الزواج راهو ديمودي ضرك سقسي عبدو يقلك ههه
ربي يهدينا وخلااص ​

 

[Salah eddin]

رد: عاونونو ربي يزوجكم بليز ورثت الدراهم وراني حاصل

ههه
ندير بيهم مشروع كبيرررررررررر

و
نخدم gاع الشبيبة تاع الدشرة تاعي

هههههه
​

 

[Skor m@k]

رد: عاونونو ربي يزوجكم بليز ورثت الدراهم وراني حاصل

انا تجيني مليا اول حاجة نديرها
نهرب من دزاير نساافر
الزواج راهو ديمودي ضرك سقسي عبدو يقلك ههه
ربي يهدينا وخلااص ​

السلام عليكم
واش يا خويا حكيم شفت عبدو واش دار فينا ههههه
مي ماعليش نشوفو الاعضاء واش يقولونا ولا يدبرو علينا شويا ههههه
انا لو نروح من الدزاير ما يكفونيش ههههه
يعطيك الصحة خووو
​

 

[AmiR@RoRo]

رد: عاونونو ربي يزوجكم بليز ورثت الدراهم وراني حاصل

هههههههههههههههههههههههههههههههههههه
والله يا مالك لهاد الدرجة يدك متقوبة ومتعرفش تخبي دراهم ههه
شوف نعطيك وحد الحل مكانش كيفو
كي عاد تالفتلك وش دير بيهم كامل
اختك هنا ما تخممش هاتلي 600 نخبيهملك مكانش مشكل
و300 الباقية مدها لماما تخبيهالك كونك هاني
وتبقالك 100 اقضي بيها الكريدي وجماعتو
وهكا نهنيك شوي منو ههههه
المهم فكرة الزواج وشهر العسل خليك منها برك راه يعود يصرالك كما شي ناس بعيد الشر هههه
ايا سلام عليكم وعلابالي هدا احسن قرار ديرو نصيحة برك

 

[Skor m@k]

رد: عاونونو ربي يزوجكم بليز ورثت الدراهم وراني حاصل

ههه
ندير بيهم مشروع كبيرررررررررر

و
نخدم gاع الشبيبة تاع الدشرة تاعي

هههههه
​

السلام عليكم
ههههه انت صوميل تغيضني نمدهالك على جال الفكرة هذي تاعك
واش من مشروع في الجزائر مشروع
كاين غير مشروع تاع زواج هذا مكان هههه​

 

[Salah eddin]

رد: عاونونو ربي يزوجكم بليز ورثت الدراهم وراني حاصل

السلام عليكم
ههههه انت صوميل تغيضني نمدهالك على جال الفكرة هذي تاعك
واش من مشروع في الجزائر مشروع
كاين غير مشروع تاع زواج هذا مكان هههه​

لالا

والله كاين
نفتح سيبيرات و لا gروبمو تاع حليب

هههه
ولا نولي كيما ربراب

هههههههه
​

 

[زهرة اللمة]

رد: عاونونو ربي يزوجكم بليز ورثت الدراهم وراني حاصل

هههههههههههههههههه

لو كاان نورث ملياار يا سعدي يا فرحي

اول حاجة اكييد ندي والدياا للحج

و منبعد نفوتهاا تحواااس​

 

[زهرة اللمة]

رد: عاونونو ربي يزوجكم بليز ورثت الدراهم وراني حاصل

فكرتني بوحد السيد

ورث مليار

راح للداار خبر مرتو من الفرحة ماتت

قالهم الخير كي يجي يجي ضربة وحدة




من الخلعة نسيت ما قلتش حتى سلااااام


شكرااا اخي موضووع شبااب الاحلى فيه الملياار

ربي يرزقنا​

 

[ضيوف وسـنغادر]

رد: عاونونو ربي يزوجكم بليز ورثت الدراهم وراني حاصل

السلام عليكم
مليآر؟
بدون تفكيرنروح لليآبآن~ نكمل فقرآيتي ونعيش تم ~
لكن لاكون اكثر وآقعية~
- نروح عند نآسي في بلآد الغربة اللي نسيت وجوههم نسية
-ندير حجة لوالدي وكل اللي عزآز علي
-نبني مسجـــد نخليه صدقة جارية على عمري وعلى عظآم والديآ
- نصدق درآهم للنآس اللي رآهي عايشة الميزيرية
-ندير مشآريع كبيرة في بلدتي ونطور نآسها بالتوعية
~ وتبقى مجرد كلمآت على ورق~
المآل لآ يصنع كل شي~
فالقنآعة كنزٌ لا يفنى
والجنةُ مآ كآن مفتآحهآ الثروة
^^
موضوع بآهي بزآف
شكرًآ جزيلآ​

 

[Skor m@k]

رد: عاونونو ربي يزوجكم بليز ورثت الدراهم وراني حاصل

هههههههههههههههههههههههههههههههههههه
والله يا مالك لهاد الدرجة يدك متقوبة ومتعرفش تخبي دراهم ههه
شوف نعطيك وحد الحل مكانش كيفو
كي عاد تالفتلك وش دير بيهم كامل
اختك هنا ما تخممش هاتلي 600 نخبيهملك مكانش مشكل
و300 الباقية مدها لماما تخبيهالك كونك هاني
وتبقالك 100 اقضي بيها الكريدي وجماعتو
وهكا نهنيك شوي منو ههههه
المهم فكرة الزواج وشهر العسل خليك منها برك راه يعود يصرالك كما شي ناس بعيد الشر هههه
ايا سلام عليكم وعلابالي هدا احسن قرار ديرو نصيحة برك

السلام عليكم
واش يا ختي أميرة بهدلتيني علبالك
انا ديما نقول بنات اللمة شاطرات ههههه
ضرك هذا تخمام ايا قوليلي ان جدي كل يوم كان يهبلني نشريلو الشمة هههه
ممبعد كي ورثت عليه نخبيهم مجياش لازم نفرح بيهم يا محاينك
غير عاودي التخمام يا ختي خممي علاه تخليني حاصل هكذا هههههه
شووووكرا على تخمامك ختي ميرا

 

["viola"]

رد: عاونونو ربي يزوجكم بليز ورثت الدراهم وراني حاصل

سلاام عليكم


معااك اكراام راني من وهران جايا... علااامة :p:p هههه

ضركا انا نفسرلك العلووم خيرمن تروحلك ملياار باطل فالمطار ..

اشريهم كاميو روينة و ندبرلك انا الصواشي نعمروهم ونصدرو للخارج ..آفار ي محاينك :d:d كي شغل كرنفال في دشرة خخخ

انا كون نورث مليار نموت قبل منحسبهم :p:p معندااك نشري سكنة و كيوكيو و نروح للعمرة و لي تفضل نشريها xbox 360 :-r:-r

كان معكم مصطفى الااغا من قناة ام بي سي خخخ



​

 

[Skor m@k]

رد: عاونونو ربي يزوجكم بليز ورثت الدراهم وراني حاصل

لالا

والله كاين
نفتح سيبيرات و لا gروبمو تاع حليب

هههه
ولا نولي كيما ربراب

هههههههه
​

خويا الصالح يرحم والديك ماتزيدش تخمم هههههه
انت بغيت تعبني مع السوبيرات
خلاص بطلت نتبرع بيهم يا خويا ههههه
​

 

[Skor m@k]

رد: عاونونو ربي يزوجكم بليز ورثت الدراهم وراني حاصل

هههههههههههههههههه

لو كاان نورث ملياار يا سعدي يا فرحي

اول حاجة اكييد ندي والدياا للحج

و منبعد نفوتهاا تحواااس​

فكرتني بوحد السيد

ورث مليار

راح للداار خبر مرتو من الفرحة ماتت

قالهم الخير كي يجي يجي ضربة وحدة​

السلام عليكم
اواه تخمامكانت كي الصالح ههههه
عيان صوميل ما نمدهالكش ههههه
واش ياك قلتلك والديا راهم رايحين للحج واش نزيدلهم انا حتى هوما ورثو يا محاينك خخخخخ
اسمحولي رايكم عيان هاهاهاهاه
يعطيك الصحة ختي
واا نقولك حاجا نروحو لمدريد نشوفو الريال يا محاينك هههه​

 

[Salah eddin]

رد: عاونونو ربي يزوجكم بليز ورثت الدراهم وراني حاصل

خويا الصالح يرحم والديك ماتزيدش تخمم هههههه
انت بغيت تعبني مع السوبيرات
خلاص بطلت نتبرع بيهم يا خويا ههههه

​

التبرع ثاني راي
:d
​

 

[زهرة اللمة]

رد: عاونونو ربي يزوجكم بليز ورثت الدراهم وراني حاصل

السلام عليكم
اواه تخمامكانت كي الصالح ههههه
عيان صوميل ما نمدهالكش ههههه
واش ياك قلتلك والديا راهم رايحين للحج واش نزيدلهم انا حتى هوما ورثو يا محاينك خخخخخ
اسمحولي رايكم عيان هاهاهاهاه
يعطيك الصحة ختي
واا نقولك حاجا نروحو لمدريد نشوفو الريال يا محاينك هههه​

هههههههههههههههههههههه

ما فهمتنيش نبعثته بدراهمهم و نحوس بدراهمي

و نزيد نشري فيلا حدا البيت الابيض و وحدة حدا برج ايفل

 

[Skor m@k]

رد: عاونونو ربي يزوجكم بليز ورثت الدراهم وراني حاصل

السلام عليكم
مليآر؟
بدون تفكيرنروح لليآبآن~ نكمل فقرآيتي ونعيش تم ~
لكن لاكون اكثر وآقعية~
- نروح عند نآسي في بلآد الغربة اللي نسيت وجوههم نسية
-ندير حجة لوالدي وكل اللي عزآز علي
-نبني مسجـــد نخليه صدقة جارية على عمري وعلى عظآم والديآ
- نصدق درآهم للنآس اللي رآهي عايشة الميزيرية
-ندير مشآريع كبيرة في بلدتي ونطور نآسها بالتوعية
~ وتبقى مجرد كلمآت على ورق~
المآل لآ يصنع كل شي~
فالقنآعة كنزٌ لا يفنى
والجنةُ مآ كآن مفتآحهآ الثروة
^^
موضوع بآهي بزآف
شكرًآ جزيلآ​

السلام عليكم
اسمحيلي يا ختي انا قلتلك مليار برك واش تقدري ديري بيه
ماشي الف مليار ههههه
تروحي اليابان وتتبرعي وتدي للحج وووو
وتبني جامع ههههه
علبالك تحطي الاساس برك تاع جامع مايكفوش مليار ههههه
علبالك مليار مافيه والو
تدي 10 عيباد للحج راحت 500 مليون هههه
اواه عاودي حسباتك ختي ههههه
عندك الحق القناعة كنز لا يفنى
شكرا سماكوميسان ​

 

[Skor m@k]

رد: عاونونو ربي يزوجكم بليز ورثت الدراهم وراني حاصل

سلاام عليكم


معااك اكراام راني من وهران جايا... علااامة :p:p هههه

ضركا انا نفسرلك العلووم خيرمن تروحلك ملياار باطل فالمطار ..

اشريهم كاميو روينة و ندبرلك انا الصواشي نعمروهم ونصدرو للخارج ..آفار ي محاينك :d:d كي شغل كرنفال في دشرة خخخ

انا كون نورث مليار نموت قبل منحسبهم :p:p معندااك نشري سكنة و كيوكيو و نروح للعمرة و لي تفضل نشريها xbox 360 :-r:-r

كان معكم مصطفى الااغا من قناة ام بي سي خخخ



​

السلام عليكم
ههههه علاه تفكريني فيها يا جدك هههه

صح افار نشري هربيلا ونلايمو الصواشي
هايليك الآفار الشابة هذا تخمام عجب هههه
تانيت معجبتينيش فالكيوكيو علاه المزريا هذي وبولو ب200 ملييون علاش لالا هههه

تانيت xbox كنت نخمم فيه خخخخ
خلاص لعشيا اسنايني نحسب الدراهم نمدلك صوميل منهم كيما وعدتك ههههه
سلملم كيما تقولي هههه​

 

["viola"]

رد: عاونونو ربي يزوجكم بليز ورثت الدراهم وراني حاصل

السلام عليكم
ههههه علاه تفكريني فيها يا جدك هههه

صح افار نشري هربيلا ونلايمو الصواشي
هايليك الآفار الشابة هذا تخمام عجب هههه
تانيت معجبتينيش فالكيوكيو علاه المزريا هذي وبولو ب200 ملييون علاش لالا هههه

تانيت xbox كنت نخمم فيه خخخخ
خلاص لعشيا اسنايني نحسب الدراهم نمدلك صوميل منهم كيما وعدتك ههههه
سلملم كيما تقولي هههه​

ههههه لالا كيوكيو خاطر وين تروح تgاري ..و ثان انا جاية صغيرة الحجم مالا كيوكيو هي لافار :d

شوالا صوميل ؟؟ مشي قلت تجي تخطب خخخخ:p:p:p

معليش اني نستاناك ..صوميل خير من مكاش :p:p​

 

[Skor m@k]

رد: عاونونو ربي يزوجكم بليز ورثت الدراهم وراني حاصل

ههههه لالا كيوكيو خاطر وين تروح تgاري ..و ثان انا جاية صغيرة الحجم مالا كيوكيو هي لافار :d

شوالا صوميل ؟؟ مشي قلت تجي تخطب خخخخ:p:p:p

معليش اني نستاناك ..صوميل خير من مكاش :p:p​

هههههه صح تخرج عليك لكيوكيو خير ههههه
اش اش اش يعودو يغيرو يا محاينك هههه
قال يا ودي صوميل ممبعد ساهل ههههه
هاه خلاص سمعو فضحتينا هاهاهاه
تستعرفي وليت نخرج الاقتباس تاعك شباب ههههه​