انشاء جدول اسبوعي للاكل عبقري....

الحالة
مغلق ولا يسمح بالمزيد من الردود.

شهيناز بنت بلادها

:: عضو مُتميز ::
إنضم
11 جوان 2011
المشاركات
621
نقاط التفاعل
791
النقاط
31
العمر
27
محل الإقامة
ارض الوطن
الجنس
أنثى
بسم الله الرحمان الرحيم

اخواتي عندي فكرة اظنها عبقرية لتحضير جدول اسبوعي للاكل ولكنها تحتاج الى تطوير
الفكرة هي كما اسميها "اثنين في واحد" واقصد بها تحضير وجبةمعينة مثلا للغداء اوالعشاء لا يهم الترتيب
تتحول باضافة صغيرة ومميزةالى وجبةاخرى مختلفة عن الاولى


مثلا1....طاجين الزيتون عموما يكون ابيض يتحول في الوجبة الموالية الى مرق احمرللارز( الاضافة هي الطماطم التوابل و طبعا الارز يطهى في ماء وملح وكركم اي اصفرو يقدم كما الكسكس

مثال2...الكسكس بالمرق نزودو من المرق اللذي يكون هو الوجبةالموالية الاضافة هي السلطة والحميس

مثال3...المحاجب تكون في وجبة وتكثرو من العجينة لتكون الوجبة المواليةشاورما تلف في الرقاق الذي نصنعه من عجينة المحاجب طبعا الرقاق او الفطير يحضر مع المحاجب ويلف في منديل ثم يحفظ في اكياس بلاستيكية لحين الاستعمال وهكذا


ارجو من الاخوات اضافة افكارجديدة والتفاعل مع الموضوع حتى نطورجدول مناسب ومريح للجميع تحياتي الحارة
 
رد: انشاء جدول اسبوعي للاكل عبقري....

فكرة ممتازة
مرق الكسكس يترحى ونضيفلو التشيشة الثوم التوابل والقسبر ويتحول إلى حريرة طيبة
 
رد: انشاء جدول اسبوعي للاكل عبقري....

العدس الي يبقى نرحوه و نزيدولو ماء ساخن كي يغلي نضيفلو فيرميسال و يرجع شوربة لذيذة
 
رد: انشاء جدول اسبوعي للاكل عبقري....

بطاطا مقليه كي تبقى نعمل صوص حمرا بالثوم و نحطها فيها ونكسر عليها البيض و المعنوي ممممممم تجي روعة
 
رد: انشاء جدول اسبوعي للاكل عبقري....

بطاطا مغلية كي تبقى اما نعاود نقليها فالزيت ونديرلها البيض او نسختها فالماء و نرحيها و نطيب لحم مرحي ونديرلها غراتان طبقة بطبقة ممممممم يجي هايل
 
رد: انشاء جدول اسبوعي للاكل عبقري....

يعطيك الصحة اختي

بطاطا مشرشمة كان فضلت من الغداء نقصها ونزيد عليها طماطم وبصل وبيض وزيتون وتصبح
سلاطة .
 
رد: انشاء جدول اسبوعي للاكل عبقري....

الارز كي يبقى نزيدلو بطاطا مقلية وشوية فيونداشي متبل بالثوم والمعدنوس وملح وفلفل اسود ونلوح عليه بيشامال ونحمر في الفور يجي روعة روعة
يعطيك الصحة عالموضوع اختي وافكاركم روعة لبنات
 
فكرةرائعة بارك الله فيك ......................... الدجاج البائت يفتت ويضاف عليه بيشاميل وجبن وينعمل صبيعات نفوتوهم فالفرينة ثم بيض ثم خبز مرحي ويقلى واحلى كروكات والله
 
السلام عليكم....
بداية أعتذر على تأخر في المشاركة
مع الثناء على الفكرة الرائعة



الأرز زى يبقى نحطلوو الجبن مع معدنية ملح وفلفل اسود نشكل أصابع وبرامجهم فالشابلوغ نقليهم يجوو رووعة
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top