المعاندة وين وصلت ارواحو حتى نتوما معاهم

[ليليا مرام]

رد: المعاندة وين وصلت ارواحو حتى نتوما معاهم

السلام عليكم ورحمة الله وبركاته

عسلامتك مالا وسامحينا ما زرناكش ما سمعتش برك لوكان جبت بوكي ورد وجيتك اختك ما تمشيش بقفة الياووغث وال Jus نوغمالمون بوكي رود يكفي هات ما تكونش عندك منو حساسية برك :p ... صح كاينة منها هذي الصوايب هذو عادو يندارو كي شغل ثأر جاتني نروحلها ما جاتش ما نروحش واش جابت في يدها كي جات نديلها كيما جابتلي ماشي هي ما خسرتش وانا نروح نعمر القفة فمها يعرف ياكل وفمي نو ههههه راسك يحبس والجنازات اما ما يروحوش بحكاية نخلف كيما هي ما جاتنيش ولا يروحو يهجمو على دار الجنازة حتى يكرهو أهل الميت حياتهم يتمناو الموت حتى هوما ما يجو يفوتو 3 أيام العزاء يكرهو وفي بلادنا لعزا راه 40 يوم تاع لمهابل 40 يوم والمايدة قاعدة والناس قايمين قاعدين حواليها يا ربي وألطف وطولنا في عمرنا لا ياكلو الناس دارنا كي نموت !! ربي يهدي من خلق هذا ما نقول ومغسي عالموضوع يعطيك الصحة .

السلام عليكم الحبيبة اهلا وسهلا نورت الموضوع
اييه انت معذورة لانو خيرك سابق وديما طلي عليا يا حسراه وكيفاه الورد يديرلي الحساسية نونونو انا العباد هوما يديرولي الحكة الورد يا سعدي تامني والله نحب الورد وديما نقولهم جيبولي الورد لما تجو طلو عليا خلينا من اكتيفيا ينحي النفخ وليت نشوفو نشوف بهية راشدي والنفخ ينفخ جنابهم
اييه هي بالذات اول ما طلي ترمي عينيها ديركت للساشي ويفوت لادوان للكوزينة اذا عمرتيه تشوفي كيفاه يقومو بيك واذا لالا التشناف فالوجه خص المحاوزة برك اييه ولينا نفهمو رواحنا سيا اختي قالك زيارة المريض زور وخفف الناس تجي يجيبو المغرب انا لما نكون مريضة ما نحملش الحس يجو ويجيبو ولادهم حتى يأذن العشا وراهم قاعدين نوض انا نقوم بيهم معانها راني بريت ميغسي ووالو قاعدين اه يا ربي تقول لوما الواحد يحشم يقولهم لما نموت تجيكم كارت فيزيت ههه
اما الجنازات وليت نتخلع راكي عارفة رحنا جنازة عمري ولا شفت كيما هي
اول ما دخلنا على 12 قلت واقيل غلطنا فالباب حاطين طوابل داخل لاكور والنسا ياكلو آو هذو راحين يجيو العروسة بعدو جابو الميت شفت افلام الكلاسيك ليتايور نوار ويبكو كالافلام الدمعة تهبط وهي لاحقتها او وين رانا وشوي الميت راح حطو القاطو يا حوجي ياانا وين رانا هذا ميت والا عريس واقيل فرحو كي مات راني مخلوعة لامودا نتاع الجنازة هذي وقعدو يلمو النسا فالقاطو ومرت الميت ياخا طبسي نتاع قاطو طايحة تاكل فيه ووووووووووواع لوانا عندي ما نندب ونصادي واااااع
راني نشوف فالعجب كيما قلت 40 يوم وهوما ياكلو ويقعدو حتى يستناوك اذا رحت للجنة او جهنم ههه
شعبنا عظيم شفت ومرحبا بيك جيبي الحرايق المهم انت وردتنا تنوريني