كيف_تهتمين_بأناقتك_و_نظافتك_دائما_و_أبدا
كشروداتي حبوباتي مكاش واحدة فينا متحبش تكون في كامل أنوثتها.
أعداء المرأة هما العرق...الشعر الزائد...الرائحة ال(ك)ريهة..الاظافر المتسخة...الشعر الاحرش.
علا هادي حبيت نمدلكم نصائحي المتواضعة لإهتمام ب نظافتك الشخصية ...
اهم حاجة لازم تتخلصي من الشعر الزائد سواء ف الرجلين ولا ف اليدين ولا ف المناطق الحساسة
لازم ديما تنقي ر(و)حك مليح مليح ..
ماشي حتا تتزوجي باه تبداي تنقي نتي راكي مرا و لمرا لازملها النقا...فهمتي
ديما اغسلي و استنجاي بغسول المنطقة الحساسة و ديريلها منشفة خاصة بيها باه ما توليش كحلة ...
نولو دوكا للعرق ما تخليش الناس يهربوا منك ولا يعيفوك ب سبب العرق ديما اشري ستيك ب رائحة زكية و عطور ب رائحة خفيفة ماشي غامقة كي المسك لازم خفيفة و ان(ث)وية كل يوم كي تلحقي للدار اذا ما قدرتيش دوشي اغسلي على الاقل دواخلك و فحفحي روحك ....
اهتمي ب نظافة ملابسك دائما و اغسلي الملابس الداخلية تفاديا للامراض الخبيثة لا سمح الله ..
شعرك ديما امشطيه و شديه ب المساسك ولا ب الشوشوات ماشي تنوضي تجمعيه تخليه م الدوش للدوش باه تمشطيه ها راكي كبيرة عيب ....
نوصيك الدوش تاعك مع الاخر ديما يكون عندك جال دوش ب رائحة الأليوفيرا ولا ب رائحة جوز الهند ولا الفانيلا كاين بزاف اذواق تخليك كي الوردة ....
جربي الوصفات لي تنقي الوجه و ديري عناية كل سمانة ولا كل يوم لوجهك و ديري لي ماسك و اتعلمي ما تتفنينيش ....
حافظي علا صلاتك....ما ترقديش و ما دوشيش يين العصر و المغرب ....
ما تاكليش و ترقدي ...
ما ترقديش بزاف ف النها(ر) لأنو لي ينوض بكري وجهو ديما منور ماشاء الله ....
أتحركي....أخدمي شغل ....ماتقوليش منعرفش ...أتعلمي......تفسدلك اليوم تنجحلك غدوا ....
لأنو أكبر فشل هو عدم المحاولة ...
نولو دوكا #للأناقة ......علابالي محلبات رانا ف 2016 يا طفلة خطيك م الشرابق و العلالق .....اذا درتي مناڤش خيري يا ديري خاتم معاهم يا سلسلة خفيفة ....خطيكم م السلاسل الخشان تاع كليوباترا تاع الفراعنة ههههههه
إذا درتي خاتم ما ديريش ڤورمات
و على الاكثر خاتمين هادي يدك ماشي بيجوتري
شعرك ما تعمريهش مساسك هدا راسك ماشي سلة .......اللبسة على الاكثر 3 الوان ماشي تولي قوس قزح ....
مثلا الحجوبي دير جبة ب لون زاهي و خمار ب لون موحد و صباط ب نفس لون الخمار و الصاك يجمع بين لون الخمار و لون الحجاب .....
مثلا الخيماريست جامي في حياتك تلبسي ليكات و تزيديلها فاست صغيرة اخلايا تولي طبقات
البسي ليكات طويلة ب لون واحد و خمار و صباط كيف كيف و الصاك يكون يخرج عليهم
بعدوا علا الألوان تاع بكري كا البرتقالي و الأخضر الفاقع و الأحمز الغجري و البني الغامق ....هادوا ينقصو من أنوثتك .....
مثلا السيفيليزي كوني عادية خطيك م الشرابق المقطعين و السراول المرسومين ما تقوليش هيب هوب ههههههه هيب هوب تاع ماليه هنا يديروك اضحوكة ألبسي حاجة عادية ماشي تلبسي سروال مزير تحكميه ب السبتة تدخلي البودي تخرجي كي الفزاعة ......السبتة حاولو ما تبينوهاس كامل بسك ديمودي .....
يا فتاة كوني أنيقة متواضعة تحبك العين و يفرح بك القلب و العقل
أحبي الألوان الفاتحة و الأنثوية أحبي كل شيئ يميزك عن الرجال .....خلونا م لاريني و النايك يرحم والديكم.....الأنوثة في خطر زيدولها لاريني ...
خصصي ل نفسك عطرا جميلا أنيقا ....
#الأظافر++++ لي ظفارتيها شابين تربيهم و تنقيهم و ديرلهم فيرني شباب ب لون جميل اللهم بارك
و لي ظفارتيها معمرين وسخ و يتكسرو و يجرحو البنادم من الأفضل تنحيهم خير ما تبهدل و يعيفوها الناس ....
#الماكياج
حاولي ديرو خداع المومنين لي يخرج علا بشرتكم
والله كاين شي بنات الفوندوتان يبان في وجهم شغل زدمت في شكارة فرينة و مبعد شمخوها
عيب و الله عيب اشري فوندوتان غالي خير ما تخلطي 4 انواع في وجهك كل صباح
الإيلاينر ....اذا تعرفي ديريه سي نو مكلاه تقعدي تخربشي في عينيك
ركزو علا هادي اذا درتي لون غامق في عينيك فمك يكون فاتح و لا العكس خلونا من عوايد حديدوان اوكي ....
و علا لي ترسم حواجبها و تخليهم يخلعو يا ختي الشريرة لي لعبت مع سندريلا تكفينا علاه تزيدي تخلعينا نتي ....
اهاااه دوكا نجو للي ترسم الخانة ب ستيلو اخاه اخاه يا ختي و الله غير تبان و الله غير مفضوحة سورتو كي يذوبها شمس هههههههه عيب اه
#الشعر و الصبيغة
ياو ديري لي تخرج علا وجهك ماشي لي خرجت علا جارتك خدوج شي بنات وجها حاجة و شعرها حاجة خلاف تحسيها سرقت وجه كاش واحدة ....
و هادوك لي يصبغوه صفر كي بيدونة تاع élio و بيدون تاع فوندوتان يا خي جنس يا خي تولي بلوندة ب السيف ما تهبلينيش دوكا
.....
نصيحة الأخيرة واضبي علا النظافة و الأناقة ماشي حتا تتزوجي.حتا ونتي عازبة هكا باه توالفي و تكوني ديما ملكة مكاش مرا ماشي شابة كاين مرا تعرفلها و مرا طالقة روحها متنساوش تدعيولي حبكم
منقووول للفائدة
كشروداتي حبوباتي مكاش واحدة فينا متحبش تكون في كامل أنوثتها.
أعداء المرأة هما العرق...الشعر الزائد...الرائحة ال(ك)ريهة..الاظافر المتسخة...الشعر الاحرش.
علا هادي حبيت نمدلكم نصائحي المتواضعة لإهتمام ب نظافتك الشخصية ...
اهم حاجة لازم تتخلصي من الشعر الزائد سواء ف الرجلين ولا ف اليدين ولا ف المناطق الحساسة
لازم ديما تنقي ر(و)حك مليح مليح ..
ماشي حتا تتزوجي باه تبداي تنقي نتي راكي مرا و لمرا لازملها النقا...فهمتي
ديما اغسلي و استنجاي بغسول المنطقة الحساسة و ديريلها منشفة خاصة بيها باه ما توليش كحلة ...
نولو دوكا للعرق ما تخليش الناس يهربوا منك ولا يعيفوك ب سبب العرق ديما اشري ستيك ب رائحة زكية و عطور ب رائحة خفيفة ماشي غامقة كي المسك لازم خفيفة و ان(ث)وية كل يوم كي تلحقي للدار اذا ما قدرتيش دوشي اغسلي على الاقل دواخلك و فحفحي روحك ....
اهتمي ب نظافة ملابسك دائما و اغسلي الملابس الداخلية تفاديا للامراض الخبيثة لا سمح الله ..
شعرك ديما امشطيه و شديه ب المساسك ولا ب الشوشوات ماشي تنوضي تجمعيه تخليه م الدوش للدوش باه تمشطيه ها راكي كبيرة عيب ....
نوصيك الدوش تاعك مع الاخر ديما يكون عندك جال دوش ب رائحة الأليوفيرا ولا ب رائحة جوز الهند ولا الفانيلا كاين بزاف اذواق تخليك كي الوردة ....
جربي الوصفات لي تنقي الوجه و ديري عناية كل سمانة ولا كل يوم لوجهك و ديري لي ماسك و اتعلمي ما تتفنينيش ....
حافظي علا صلاتك....ما ترقديش و ما دوشيش يين العصر و المغرب ....
ما تاكليش و ترقدي ...
ما ترقديش بزاف ف النها(ر) لأنو لي ينوض بكري وجهو ديما منور ماشاء الله ....
أتحركي....أخدمي شغل ....ماتقوليش منعرفش ...أتعلمي......تفسدلك اليوم تنجحلك غدوا ....
لأنو أكبر فشل هو عدم المحاولة ...
نولو دوكا #للأناقة ......علابالي محلبات رانا ف 2016 يا طفلة خطيك م الشرابق و العلالق .....اذا درتي مناڤش خيري يا ديري خاتم معاهم يا سلسلة خفيفة ....خطيكم م السلاسل الخشان تاع كليوباترا تاع الفراعنة ههههههه
إذا درتي خاتم ما ديريش ڤورمات
و على الاكثر خاتمين هادي يدك ماشي بيجوتري
شعرك ما تعمريهش مساسك هدا راسك ماشي سلة .......اللبسة على الاكثر 3 الوان ماشي تولي قوس قزح ....
مثلا الحجوبي دير جبة ب لون زاهي و خمار ب لون موحد و صباط ب نفس لون الخمار و الصاك يجمع بين لون الخمار و لون الحجاب .....
مثلا الخيماريست جامي في حياتك تلبسي ليكات و تزيديلها فاست صغيرة اخلايا تولي طبقات
البسي ليكات طويلة ب لون واحد و خمار و صباط كيف كيف و الصاك يكون يخرج عليهم
بعدوا علا الألوان تاع بكري كا البرتقالي و الأخضر الفاقع و الأحمز الغجري و البني الغامق ....هادوا ينقصو من أنوثتك .....
مثلا السيفيليزي كوني عادية خطيك م الشرابق المقطعين و السراول المرسومين ما تقوليش هيب هوب ههههههه هيب هوب تاع ماليه هنا يديروك اضحوكة ألبسي حاجة عادية ماشي تلبسي سروال مزير تحكميه ب السبتة تدخلي البودي تخرجي كي الفزاعة ......السبتة حاولو ما تبينوهاس كامل بسك ديمودي .....
يا فتاة كوني أنيقة متواضعة تحبك العين و يفرح بك القلب و العقل
أحبي الألوان الفاتحة و الأنثوية أحبي كل شيئ يميزك عن الرجال .....خلونا م لاريني و النايك يرحم والديكم.....الأنوثة في خطر زيدولها لاريني ...
خصصي ل نفسك عطرا جميلا أنيقا ....
#الأظافر++++ لي ظفارتيها شابين تربيهم و تنقيهم و ديرلهم فيرني شباب ب لون جميل اللهم بارك
و لي ظفارتيها معمرين وسخ و يتكسرو و يجرحو البنادم من الأفضل تنحيهم خير ما تبهدل و يعيفوها الناس ....
#الماكياج
حاولي ديرو خداع المومنين لي يخرج علا بشرتكم
والله كاين شي بنات الفوندوتان يبان في وجهم شغل زدمت في شكارة فرينة و مبعد شمخوها
عيب و الله عيب اشري فوندوتان غالي خير ما تخلطي 4 انواع في وجهك كل صباح
الإيلاينر ....اذا تعرفي ديريه سي نو مكلاه تقعدي تخربشي في عينيك
ركزو علا هادي اذا درتي لون غامق في عينيك فمك يكون فاتح و لا العكس خلونا من عوايد حديدوان اوكي ....
و علا لي ترسم حواجبها و تخليهم يخلعو يا ختي الشريرة لي لعبت مع سندريلا تكفينا علاه تزيدي تخلعينا نتي ....
اهاااه دوكا نجو للي ترسم الخانة ب ستيلو اخاه اخاه يا ختي و الله غير تبان و الله غير مفضوحة سورتو كي يذوبها شمس هههههههه عيب اه
#الشعر و الصبيغة
ياو ديري لي تخرج علا وجهك ماشي لي خرجت علا جارتك خدوج شي بنات وجها حاجة و شعرها حاجة خلاف تحسيها سرقت وجه كاش واحدة ....
و هادوك لي يصبغوه صفر كي بيدونة تاع élio و بيدون تاع فوندوتان يا خي جنس يا خي تولي بلوندة ب السيف ما تهبلينيش دوكا
نصيحة الأخيرة واضبي علا النظافة و الأناقة ماشي حتا تتزوجي.حتا ونتي عازبة هكا باه توالفي و تكوني ديما ملكة مكاش مرا ماشي شابة كاين مرا تعرفلها و مرا طالقة روحها متنساوش تدعيولي حبكم
منقووول للفائدة
